旺角行

好耐無出現了, 因為好想記下所以再次出現...

20 Mar 10 (Sat)
見烏龜婆婆呢幾日都悶悶不樂, 好想同佢出去散吓心! 所以決定朝早同佢飲茶, 晏畫出去旺角走走順便食埋晚飯! 哈哈... 我就真係樂在其中, 唔知佢有點諗呢?

年初一

祝各位開開心心, 身體健康, 心想事成, 萬事如意, 虎年行大運!

Happy 2010

Goodbye 2009... ... ...

Happy 2010!!!!!!!!!!

Wish all of you happy happy happy :)

下了決定

23 Nov (Mon)
終於係呢日的下晝下左決定, 成個人一身輕晒! 多謝你的支持...

點算好

接受? 強忍? 面對現實? 頂硬上? 等待? 走? 多謝您的支持, 不過我... 可能好快支持唔住. I will try my best!

出發

罪與罰

歌手: 廿四味, 鄭秀文

誰懲罰過你 想想從頭到尾
誰迫你認罪 炮轟你
衪這麼愛你 但你覺得衪討厭你
因此給你那罪惡感 拖垮起重機
衪只想教你 磨練更謙卑一個你
多反省你對人對己 易犯禁忌
我無得救 我嘅路係咪走到盡頭
只靠毒品讓我有一剎自由 望住塊鏡見到自己越嚟越瘦
係呢個社會我只感到越退越後
望天打卦 感覺可怕 可唔可以將我軀體立刻火化
現實社會 我再無能力招架 我放棄自己 神會寬恕我嗎
人生為乜 生存好迷失 為金錢卑躬屈膝 為名利改變本質
再唔記得自己有乜原則 見一日 過一日 直至我嘅末日
我繼續沉溺 漫無目的 負面嘅思想永遠腦裡充斥
係抑鬱 定壓抑我唔識 呢張紙可能會係我最後嘅筆跡
誰懲罰過你 怎麼垂頭喪氣 誰迫你認錯擔起苦行石碑
誰原諒過你 可否牢牢銘記 從寬恕入面見真理
我地係呢一齣戲嘅主角 想演好呢個角色需要時刻保持醒覺
擘大眼打醒十二分精神 提防小人 喺 你背後用暗箭將你擊暈
戲如人生 盡力做好本份 但可能故事結局太過逼真
而真相更殘忍係要被大眾公開評分 無奈你要成為人群中嘅最劣等
光與影呢秒鐘無法形成對等 黑與白嘅關係再次引起紛爭
灰色地帶衍生一連串質問 你會失去所有似戰爭
自由太多會令世人失去平衡
唯有全能嘅神 能夠給你指引
我祈求 上帝向你伸出援手 能夠帶你走出呢一個十字路口
其實你 原諒了他等於救己 個個犯罪誰會沒罪 誰壞到要死
而你 何事要下半旗
你要贖罪 陪你贖罪 何只~你
誰懲罰過你 怎麼垂頭喪氣
誰迫你認錯 擔起苦行石碑
誰原諒過你可否牢牢銘記
從寬恕入面 見真理誰懲罰過你
(衪這麼愛你 但你覺得衪討厭你 怎麼垂頭喪氣 因此給你那罪惡感 誰迫你自責天天刁難自己 拖垮起重機誰原諒過你 衪只想教你 磨練更謙卑一個你 可否牢牢銘記 多反省你 能寬恕實在有福氣 對人對己 易犯禁忌)

... .... ... ... 我無樹! 只係覺得首歌的旋律同歌詞好正, 想同大家分享吓吧!

難為了

失蹤左一段日子, 大家好耐無見, 大家幾好嗎?
近排公司發生左好多事, 大大小小, 不過無論大大小小都係唔開心的事 -_- 算吧!
只好每日拖住疲累的身軀失落的心情回家... 行屍走肉...
幸好的係... 我仲好瞓得! 一撻落張床唔洗一陣就可以同周公子相見...
不過... 難為了您... 擔心, 難為了...成為箭靶, 難為了...成為申訴對象, 難為了...成為出氣袋
但願... 但願...明天會... 會... 中... 六合彩吧!

不過大家唔洗擔心, 以上純粹呻吓吧! 我會無樹的, 期待着假期的來臨...

兩日一夜之旅

28 Aug (Fri)
今日茵姐放假忙足一日... 一早返左工無耐收到烏龜婆婆電話, 佢話嫦娥公公唔舒服. 攪到今日心掛掛食唔安坐唔樂咁. 收工後再收到電話, 嫦娥公公係廁所暈到叫我call救護車. call左車我就即刻搭的士去醫院啦同豆豉媽咪會合, 點知等極都無車, 唯有行遠啲去的士站啦. 有無攪錯呀! 成廿幾三十個人等車 -_- 就係咁等左成廿幾三十分鐘先上到車, 好彩去到醫院見佢無大礙, 留院觀察一下吧!

29 Aug (Sat)
今日 Head Head 放假, 不過對我嚟講絕對無影響... 因為今日又要同老闆開星期六例會 -_- 開完會攪埋啲手尾, 今日做左最勤力員工, 做左最遲走的一個 >.<

30 Aug (Sun) 兩日一夜之旅
11:00am 豪華船位, 好正!! 包埋報紙野食同飲品仲可以優先落船.
12:30pm 落船去左漁人碼頭行左陣, 去左巴比倫 casino 行左個圈玩左陣
3:00pm 去酒店 check in, 今次個package係商務客房, 有廳又有間房! 好正呀!!
3:45pm har左陣就坐巴士去氹仔官也街食豬扒包
5:00pm 熱死人啦! 買左啲手信坐巴士返酒店先!
6:00pm 返左酒店之後瞓左陣先同公公坐車去食酒店buffet
8:30pm 星期日再加上有中國旅行團的關係攪到勁多人食buffet
9:45pm 食飽同公公去賭場參觀下玩下
12:00am 坐的士返酒店覺覺豬

31 Aug (Mon)
9:45am 食package包埋的早餐
10:30am 返上房瞓下har下
12:00pm 坐車去左氹仔威尼斯賭場
3:30pm 坐車去大三巴附近食野行街
7:00pm 因為一路行時又食又飲好飽了, 所以係附近食多小小野做晚餐
8:45pm 返酒店攞行李走人了
9:00pm 去碼頭, 不過忽然間落起大雨
9:30pm 一心諗住坐早一班船回港, 不過船壞左 >.< 所有人都要改搭下一班
10:00pm 開船啦! 繼續豪華船位! 包報紙野食同飲品又可以優先落船.
11:00pm 落船後先回娘家放下手信再回家做懶瞓豬了

1 Sep (Tue) Holiday Mood
笑唔出, 無心機, 只好低下頭默默工作. 食晏前仲比老闆吹我交份 minutes -_-

2 Sep (Wed)
尋日最終都未攪好份功課, 不過終於係食晏前整理好可以鬆一口氣了! send 左出去之後成個人都輕鬆晒!

3 Sep (Thu) 紀念日
公公今日放假, 接左我收工之後去左食板前. 之後行街街 shop shopping 簡簡單單, 開開心心...

4 Sep (Fri)
今日 Head Head 放假, 原本諗住 free D. 不過呀妹同事臨時又請假 -_- 同茵姐忙足一日 >.< 真係好唔容易先過左呢一日.
今晚回家食飽飯之後去左接公公收工, 之後同左 PP伉儷去左食韓燒. 月巴~~

5 Sep (Sat)
原本諗住同公公一早起身去食早餐, 不過無乜心機加上又眼瞓. 就做隻大懶豬吧, 瞓到成點鐘先起身, 之後同左一家大細去左葵芳行街街食飯飯. 今日有收獲啦! 米老鼠衫衫同涼鞋仔 hee... 送左一家大細上車後就去左等公公收工.

6 Sep (Sun)
同公公 & Paul 婆食左個早午餐後, 就 join 左一家大細去左旺角陪佢地出電話. 出完電話之際收到烏龜婆婆電話, 通知我地有漒水事件發生. 其實都係相差一條街吧, 真係好彩好彩. 之後發生谷氣事件, 不提也吧! 谷完氣去左玩遊戲 relax 一下先, 之後就去左食小肥羊.

7 Sep (Mon)
今日事頭婆請飲茶, 第一次去呢間酒店飲茶. 環境唔錯 hee...

牙醫

24 Aug (Mon)
尋日游完水的關係, 今日周身骨痛, 累... 放左工在車途中先知豆豉媽咪帶左兩隻豬去睇醫生, 時間啱啱好可以夾啱時間同一輪車回家. 妍妍豬好唔舒服呀, 回家食飽飯就由大蛇同豆豉帶左佢去醫院睇醫生. 而我就帶左大豬琳回家洗衫衫, 等公公回家食左埋宵夜先接豬仔回家.

25 Aug (Tue)
繼續返工等放工的生活... 苦... 悶...

26 Aug (Wed)
今日公公去整牙, 早上返左公司攪好晒啲野後同左我去食午餐! 好耐無啦, 超開心! ^_^Head Head 今日上左廠 free~~ 今日又可以準時收工! 收左工趕住去佐敦搵將近痛到暈的公公, join埋一齊後最終都要上左牙醫到見多次醫生. 之後唯有取消晒所有行程, 回家了吧! 食左個麥當當, 玩左陣 Happy Farm & Restaurant 好早就瞓着了...

27 Aug (Thu)
都係繼續返工等放工的生活... 苦... 悶... 只好安慰自己 plan 定行程期待星期日的來臨...

BBQ @ 赤柱

22 Aug (Sat)

終於捱到短週末 ^0^ 一早起身開機洗衫梳洗好同公公去左大快活食我的最愛早餐, 之後去左街市買定明天 BBQ 食材, 途中遇到唔舒服喊到豬頭的卓妍豬, 所以帶左佢返去屋企掛衫衫. 不過佢好摟計, 只好一路氹住佢一路掛衫衫 >.< 之後回娘家等公公返來high tea食三上, 等埋豆豉媽咪收工就帶左兩隻豬去太古城食飯同埋買返學鞋鞋. Then 去左接公公收工, 同左 PP伉儷去左元祿食宵夜. so full...

23 Aug (Sun)
瞓醒梳洗完同左公公& Paul 婆去左尼斯食午餐, 之後回娘家接埋琳琳豬再回公公的公司 join 埋PP伉儷就出發去赤柱 Angel 屋企集合去游水+BBQ. 游水時玩得好開心呢, 多謝各位的協助同照顧, 等埋夢文伉儷嚟仲係沙灘度食蛋糕. 之後大家梳洗好就回 Angel 家燒烤場 BBQ, 美味豪華的食物 so nice! 燒到十一點幾人地都熄燈先走人... so tired but so happy!

過左個開心的weekend ^_^

谷氣兩星期

成兩個星期無打blog啦! 上個星期簡直係痴左線, 因為 Head Head 放假的關係要跟埋老細啲野, 仲有好多麻煩人麻煩事...

壞...
~ 因為一件小事, 比個賤男小事化大. 攪到我比太太煩左成個禮拜 >.<
~ 公司上發生左無數谷氣事件, 攪到日日都頭痛 (好辛苦呀!)
~ 公司連 Yahoo Blog 都要 block 埋, 係咪痴線咖!! (mamimama 我地唯有係屋企先見面啦! wowo...)
~ 老闆臨時叫開會, 又要 take minutes
~ 老 pat pat 係度玩野, 好在最後答到佢 (吹我唔脹 :p)
~ 已經夠忙咖啦, 仲要安排埋新同事返工
~ A同事請假, 之後又到B同事, 跟住再由C同事接力 -_- (我!! 只好盡力...死橕)
~ 知道P先生的辭職消息 (唔打緊啦, 天下無散之筵席! 最緊要佢同寶寶開心吧!)
~ 同公公炒飯 (無奈...)
~ 仲有... 好多好多...唔想再講....


好...
~ 同卓琳豬簡簡單單慶祝左生日
~ 廿年無見的細姨一家返左嚟香港玩+探親
~ 小鮑B滿月 (希望健健康康, 快高長大)
~ Paul 婆生日, 第一次食盆菜 (味道普普通通, 無乜驚喜)
~ 父仔生日 (因為要同 Paul 婆慶祝而缺席父仔的壽宴, 祝他身體健康!)

總括嚟講好似壞多過好! 只好...只好期待weekend 的來臨 >_<

琳琳豬 Birthday ^_^

4 Aug (Tue)
收左工去旺角join埋公公, 先去左海哲介紹個 Pepper Lunch 先! 食左推介最平嗰個餐, 味道真係唔錯. 不過可能我地落左太多汁啦, 咸左小小. 之後去左行街玩遊戲, 知道將會打風後去攞埋個手提電話機殼就回家了.

5 Aug (Wed)
個颱風走了~~
今日下晝要陪媽媽去覆診, 所以係早上要盡量清晒手頭上工作. 收工買左個飯盒就趕回家換件衫回娘家接埋烏龜婆婆去醫院照超聲波, 照左十分鐘吧! 不過等左成個鐘先有得照呢 >.< 送左烏龜返屋企, 同左公公去個tea先. 今日小鮑B滿月, 去左好彩食飯!

6 Aug (Thu)
今早呀妹同事唔舒服請半晝病假, 希望佢無樹啦! 呀妹同事下晝買左啲糕點回公司, Head Head 請飲珍珠奶茶 so full~~

7 Aug (Fri)
今早同公公去麥當當食完早餐後就同左媽媽去醫院覆診, 十一點的booking最終等到點幾兩點先有得見醫生 >.< 見完個醫生, 照埋 X-ray 攞埋藥送埋烏龜返去後就趕返公司了. 因為 Head Head 下星期放大假, 要攪好晒手頭上的工作比佢.

8 Aug (Sat)
一早起身公公個肚仔唔舒服所以同左佢去睇急症, 一等又等左三個鐘了. 之後佢就趕返工, 而我就回家har等埋一家大細收工返齊嚟再出發去黃埔遊. 我地去左玩遊戲換禮物, 晚餐食 KFC, 再去行吉之島買左野食比公公打邊爐回家再開餐. 無肚腩先奇

9 Aug (Sun)
公公今日要返工, 一早起身打左陣機再去瞓過. 一瞓又點幾鐘了, 公公去左買外賣食. 食飽同公公去買餸回娘家 har左陣佢就走了.

10 Aug (Mon)
Happy Birthday to 卓琳. 一收工趕回家攞禮物再去攞蛋糕慶祝豬仔生日. 希望佢地鍾意我送比佢地的衫衫同毛巾啦! 希望豬仔聽教聽話, 身體健康!!

minutes again

31 Jul (Fri)
放左工約左海哲食飯行街街. 去左金百利試左間漢堡扒專門店, 味道普普通通吧! 不過服務就真係一個字~差!! 算了吧, 未必會有下次 >.<
食飽去左行街街, 我地去左睇電器同傢俬. 好開心你買到件傢俬, 行完各自各走. 我去左等埋公公收工.

1 Aug (Sat)
9:00am : 返到公司先記得今日要開會, 個心即緊張起嚟! 唯有一個鐘頭內趕住做手頭上啲野... (想一個鐘頭一個完成, 係一個不可能的任務吧! )
10:00am-12:00pm : 第一次同大老闆開會 take minutes, 總括嚟講都好順利. 係坐足兩個鐘唔准郁 pat pat 腰骨都痛埋吧!
12:00pm-2:30pm : 開完會出到嚟繼續趕住做手頭上啲野, 一攪就攪到兩點半先走人. 餓～～
2:30pm : 同左公公去食sushi, 之後就一齊回家午睡. 晚飯回左娘家食, 不過無乜 mood.　因為擔心緊係 minutes 呀! 所以食飽飯就自己一個人回家閉關 draft 篇 minutes. 寫就寫好左, 留返回公司先再打再改吧!

2 Aug (Sun)
同公公瞓到兩點先起身, 食左個車仔麵後就出發去九龍灣 join PP伉儷去玩遊戲同食飯食糖水.
回程時等左好耐車呀, 激死人啦!
因為尋晚太夠瞓? 唔知攪乜凌晨三點幾都未瞓得着 -_-


3 Aug (Mon)
呀妹同事放假, 同茵姐都超忙! 佢忙住影辦, 我忙住篇 minutes 同個 leave report >.<
放工前終於攪掂左篇 minutes啦! 鬆左一口氣 >0<

4 Aug (Tue)
茵姐繼續忙, 佢繼續忙住影辦. 我繼續攪個 leave report...
是日公公放半日假, 出街食飯行街街 yeah!!

Dream

30 Jul (Thu)
星期四啦, 加油呀! <--[同自己打打氣吧!! :p]
唔知點解呢兩晚都連續發夢. 前晚發夢比人偷野嚇醒左 >.< 尋日發夢見到舅父同我係度講笑 ^0^ 我竟然笑左出聲, 攪到公公仲問我做咩樹. 勁攪笑!!

長洲游遊

24 Jul (Fri)
自我隔離中, 整天呆在家上網打機+睇電視+食飯+瞓覺+上網打機+睇電視+食飯+瞓覺. 打機打上癮 restaurant pet pet farm farm ~~

25 Jul (Sat)
同公公食過早餐後返左娘家, 諗住帶兩隻豬仔落去買旗仔點知落到樓啲人走晒 -_- 同豬仔買左小小零食後就回家har足全日. 是晚又炒飯 >.<

26 Jul (Sun)
一早收到豬仔電話, 叫我地起身預備出發去長洲游水. 買野食上船食, 食飽玩左陣話咁快就落船了. 明明出門時好好天咖, 落船時勁大雨. 好彩係碼頭等左陣就停左雨, 之後按原有計劃步往沙灘. 今次妍妍豬終於都唔怕沙啦, 大家都有落水玩得好盡興! 玩完去左買手卷魚蛋食, 然後去搵地方 BBQ. 之後大家就出發去買野食預備BBQ. 次次入去長洲都係食海鮮, 今次都係第一次去 BBQ吧, 大家食得好開心, 最後搭左十點半船盡興回家.

27 Jul (Mon)
今早收到茵姐托人幫我買的馬仔書啦! Yeah!

28 Jul (Tue) Head Head 上左廠 Yeah!! 收工去左搵公公再去買埋沙翁返屋企食. 可惜嫦娥公公話唔好食喎 >.<

29 Jul (Wed)
快啲到weekend啦! 沉... 悶... -_-

隔離中...

17 Jul (Fri)
今日茵姐放假, 時間過得快...

18 Jul (Sat)
叫左姐姐帶BB嚟接我收工, 行左陣join埋公公去左食壽司! 食飽飽回程時成個天都黑晒, 颱風嚟啦! 唯有趕搭的士回家 >.<

19 Jul (Sun)
打風呀! 點解要星期日先嚟打風咖? 仲要一打打到成九號... -_-
瞓醒個風走左了, 煮左個麵食就 join 左一家大細去玩遊戲, 再買埋餸回家由五星級大廚為我們預備豐富晚餐.

20 Jul (Mon)
收到媽媽明天出院的消息, 原本諗住請明天下半晝假接佢. 不過... 算了吧唔想再提了! 明天照常返工吧!　

21 Jul (Tue)
今日 head head 上左廠, 下晝老闆唔係公司, so free ...
辛苦了豆豉媽咪同公公了, 今午媽媽出左院回家了! 今晚同左公公二人世界去左食任食牛肉火鍋!

22 Jul (Wed)
知道左哥哥中左蕉... 真係在你遙遠的附近

23 Jul (Thu)
起身後同左 Paul婆婆 & 公公去左驗, 48小時後先有結果... 就放吓假休息吓吧!

放鬆啲

15 Jul (Wed)
yesterday ~ 多得您陪我上左探烏龜婆婆幫我手同佢梳洗 ^3^
am ~ 工作太激氣了 >.<
pm ~ 食完晏幫公司整野去左入境處一行, 出去透透氣好好多吧! -0-
黃昏 ~ 因為唔想太夜去到, 所以今日準時收工趕上去. 好彩都好快有車, 不過都用左35-40分鐘先去到. 臨走前用盡方法去氹得烏龜婆婆一笑! 前方是絕路, 希望在轉角. 烏龜婆婆~加油吧! ^_^
night ~ 公公今日下晝去左包腳, 今晚早收工. 終於同我去左荷蘭食糖水了 :p

16 Jul (Thu)
Relax... 要令自己放鬆啲... 食晏時塞住耳筒聽歌... 換埋對拖鞋... 慢慢食個飯盒... 坐到har晒... 上網睇blog打blog 感覺良好, 哈哈! ^0^

飲茶, 飲茶, 飲茶再飲茶

9 Jul (Thu)
今日 Head Head 放假, lunch同左同事們去左飲茶. 好飽呢!

10 Jul (Fri)
lunch ~ 今日 lunch太太叫左我同 Head Head 去飲茶, 又飲茶?
dinner ~ Tom仔生日, 今晚一放工book左六點鐘去食韓燒. 九十分鐘時間, 大家食得好開心, 好好味呀! 之後去左接公公收工 but he need OT ... -_- so tired...

11 Jul (Sat)
同公公食左早餐回家har, 之後同埋一家大細&魚腩伯伯一齊去左豆豉媽咪度飲茶. 又飲茶? >.< 原本諗住飲完茶去搵公公, 可惜落大雨, 最終回家等公公返嚟午睡. 是日豆豉媽咪去探烏龜婆婆, 唔識買餸煮飯的我同姐姐帶住兩隻豬去街市. 哈哈! 12 Jul (Sun) noon ~ 今日同公公&Paul 婆去左豆豉媽咪度飲茶. 又飲茶? 連續四日都去飲茶, 有啲厭了. 飲完茶去左中環行左一陣. 之後返去接埋卓琳上左去醫院探烏龜婆婆見醫生. 醫生想媽媽轉去療養院去做吓物理治療, 不過媽媽真的好想出院... 佢好down 好 sad 好想回家. 我... 我係100%完全明白佢的心情, 不過真係為左佢好... 公公已不停出言安慰, 不過佢真係唔想... 好彩有位媽媽口中的好姑娘出手幫手安慰埋一份, 最終都作出決定了. 比多個機會自己吧! night ~ 探完烏龜婆婆, 之後去左香港仔食南記再去玩遊戲. 好開心呀! 贏左好多票呀! 13 Jul (Mon) 黑面神整日出末, 大家小心!!

今日lunch 食南記, 好好味!

14 Jul (Tue)
烏龜婆婆已於今早轉了院, 希望佢積極啲去做物理治療身體會好啲啦! bless her ... 加油呀!!

5800

4 Jul (Sat)
雖然今日 Head Head 放假, 不過今日都幾忙所以時間好快過. 收左工之後去左等公公收工, 之後接埋卓琳豬去 high tea 順便買餸回家. har左陣就同心急的嫦娥公公去探媽媽, 探完再同心急的公公趕回家食飯. -_-
今晚出左去 CWB 等公公收工 join 左PP伉儷 & 文夢伉儷食宵夜. ^_^


5 Jul (Sun)
一早起身洗衫, 同時online玩打機. 直到洗完衫再瞓過 Ha ha... 瞓醒同公公去食個車仔麵後就去左哥哥度剪染髮. 整好晒就再出發去 MK join PP伉儷行街睇電話食飯, 食飽就決定去買&賣電話. 多謝公公 Nokia 5800 I'm lovin it! ^_^


6 Jul (Mon)
今日一早返到公司收到呀妹同事的禮物, 好驚喜呀! 多謝晒! 我已將呢份禮物轉送比公公, 希望會為佢帶嚟好運啦! 中午後 Call台姐姐返左嚟公司, 佢仲送左啲貓貓文具比我, 真有心! 多謝晒 ^.^


7 Jul (Tue)
星期二啦, 加油! 今日繼續默默工作同埋教茵姐接手 admin 的工作.
收工後去探媽媽, 回程時打去美食廊叫外賣. 落好order講埋地址後, 個哥哥仔竟然問我公公係咪係屋企, 我都無表露自己身份佢竟然知道係我. 勁攪笑, 因為嗰個哥哥仔係公公的朋友仔嚟. 應該係之前我地去過嗰度食野, 而佢之前送過一次外賣嚟認得我住係邊吧!

8 Jul (Wed)
星期三了... 明天 Head Head 放假... 等緊 weekend 的來臨... 等... ...

訪問

3 Jul (Fri)
尋日下午公公被訪問呀, 遲吓會上電視? 就係因為生得夠高的原因先有今次的機會? 哈哈 ^0^ 期待中...
今日公司的氣氛好左小小, 大家都面對左現實吧!

七一

30 Jun (Tue)
放工前... 要發生的終於發生了, 希望大家各自各精彩, 過着開開心心的生活...
收工後知道公公明天可以放下半日, 開心!


1 Jul (Wed)
一早同公公去左好耐無去的朱記食早餐, 假期的關係吧! 人頭湧湧, 不過食物好似差左啲吧!
今日姐姐放假去攪野, 回娘家har左陣同BB玩左陣豆豉媽媽約埋 Aunt Fat Fat 去左食晏. 食飽回家繼續 har 等公公返嚟high tea, 再回家 har har har 夠鐘上醫院探烏龜婆婆. 不過出門前卓琳豬摟計係都話跟我地去, 不過最終都無同佢去. 探完媽媽之際, 收到卓琳豬哭訴電話... 心軟的我... 終於返左去接埋佢去同PP伉儷一齊去食飯. 是日去左旺角食泰國菜, 都幾好味呀! 回程時買左三個西瓜仔 ^.^

2 Jul (Thu)
Head Head 叫左我地今早八點半返去開會, 會議氣氛可其差. 攪到成日的氣氛都唔好, 今日有新同事返工加上工作的調配 ~ 超忙. 希望大家工作開開心心啦! 工作壓力大? 每日中午開始都頭痛到爆, 今日食左兩粒止痛藥都頂唔順, 唔通食"純"左?

煮飯仔

26 Jun (Fri)
今晚去左接公公收工, 回程時有啲頭暈所以一返到屋企就做左豬了. 不過半夜起左身後瞓唔着所以玩左陣 Pet Pet, Restaurant 同 Happy Farm 先再瞓.


27 Jun (Sat)
am ~ 原本諗住一早起身同公公食早餐, 點知按熄左個鬧鐘 >.< 瞓多左陣, 送左公公出門口就繼續沉迷係 Pet Pet, Restaurant 同 Happy Farm的世界.
pm ~ 回家接左一家大細去食三上, 食飽回家har. 等到公公返嚟去左大快活 high tea, 之後上左去探媽媽
night ~ 回家食飽飯就做左仔覺覺豬了! 直到深夜公公回來... -_- 同我炒飯
炒完瞓唔着, 繼續我的online 世界吧! 順便整啲歌比在醫院悶爆的媽媽聽吓先! 一攪就天光了, 係時候瞓覺了 >o< ...zzzZZZ


28 Jun (Sun) 煮飯仔
起身叫左外賣食, 之後就係屋企 har同 online. 下午公公出去買餸煮飯, 順便煮埋比媽媽食. 時間剛剛好, 煮好出發去探媽媽, 佢食的時候仲熱的! 探完媽媽便同公公回家預備晚餐, 好好味! 我仲可以帶埋飯明天食! 食飽約左一家大細去行超市買雪糕食, 回家後繼續Pet Pet, Restaurant 同 Happy Farm的世界...

29 Jun (Mon)
放工前 Head Head 叫晒我地入房, 大事將會發生? ...或許是明天吧!
今晚諗住suprise接公公收工, 可惜比人發現左 :p 之後去左麥當當食埋宵夜先返屋企 ^.^

30 Jun (Tue)
大家都在等待事件的發生, 感覺很奇怪 ~.~

發火...cup 線

26 Jun (Fri)
公司某部門大搬位忙左成朝. 就係因為呢次大搬位, 一早收到同事電話要叫 amah 清潔一下先, 打比個 amah 叫佢去攪啦, 點知受到不禮貌的對待. 我真係忍唔住發火同佢講叫佢檢討吓收歛吓佢所講的說話, 講完繼續火到爆忍唔住好大力 cup佢線. 攪到坐係我隔離的 Head Head 都問我發生咩樹 >.< 無謂為啲無聊人激氣, 但求問心無愧便可以了. 期待 weekend 的來臨 ^_^

拍賣

25 Jun (Thu)
只想默默工作... 期待weekend來臨 ^.^
早幾日係Yahoo拍賣買左啲野, 尋晚收到了. 拍賣買到正野好開心, 好鍾意呢種感覺.

Sick Leave

22 Jun (Mon)
越做越谷氣, 好彩公公接我收工. 今晚約左一家大細去食小肥羊.

23 Jun (Tue) Sick Leave
同公公一齊請左假係屋企休息, 我地無咩樹, 大家請放心. 睇完醫生, 探埋媽媽今晚同公公&Paul 婆係屋企食飯. 就係咁休休閒閒過左一日了.

24 Jun (Wed)
放完假一返到嚟成檯都係工作, 做邊樣先都會比人吹 >.<

父親節

19 Jun (Fri)
心情同尋日差唔多 ~ 差!

20 Jun (Sat)
收左工自己一條友由灣仔行到去 CWB, 得出的結果係... 溶左 >.< 等埋公公收工去左花園食 late lunch! 天氣實在太熱啦, 條街好似蒸籠咁, 食飽又未夠鐘去探媽媽所以同左公公回家午睡吧! 瞓醒先join埋豆豉媽媽一齊上醫院.
是晚卓琳豬帶埋佢自己隻小狗到我家睡, 瞓之前又幫我掛衫掛襪, 食完麵麵做宵夜, 擦埋牙就瞓了. 好乖好可愛的小豬.

21 Jun (Sun) 父親節
尋晚我同卓琳豬都好好瞓, 因為公公掛住睇電視攪到五點先瞓. 我同卓琳豬可以瞓晒成張床, 今次公公瞓最入面豬仔係中間我係最開面. 到八點幾比公公嘈醒, 因為太迫佢瞓唔到! 哈哈! 瞓到中午十二點豬仔先起身, 之後同佢睇左陣電視沖埋個涼叫醒公公再join埋一家大細去食大家樂午餐.
食飽同公公帶左豬仔去旺角印 T-shirt, 行左一陣就回家了. 放低眼瞓豬仔就同公公去探公公的外公, 之後再join埋一家大細去買外賣 Pizza & KFC 做今晚的晚餐慶祝父親節. Happy Father's Day!

身心疲倦

18 Jun (Thu)
~ 收工後感到身心疲倦, 精神常上出現支持唔住的感覺. 所以今日偷懶唔探媽媽了, 唯有姐姐代勞 :p
~ 真的!! 多謝你的支持, 好感動 >3<

公公技工

17 Jun (Wed)
公公今日放假, 下午做技工幫哥哥整冷氣, 再回家洗風扇. 之後係醫院 join埋我一齊去探媽媽. 探完再 join埋嫦娥同一家大細去食晚膳同行左陣超市, 之後公公收到電話公司爆水喉 -_- 又要回公司繼續做水喉技工吧! 是夜 Pet Pet & Restaurant again ^0^

大耳窿 Bday

15 Jun (Mon)
今晚去完醫院探媽媽後去左食大家族同澳洲表哥係上環食飯, 食飽收到公公電話早收工. 我同一家大細等埋公公一齊返搭車返屋企. 唔通我真係患左渴睡症? 返到去唔夠一陣就上床瞓着左啦!

16 Jun (Tue) 大耳窿 Birthday
Happy Birthday to Fanny! 不過要等佢考完試先可以慶祝, 生日快樂!! ^0^
今日呀妹同事請病假, 公司又多突發事攪 >.< 好彩都可以準時收工.

墨魚之旅

13 Jun (Sat) 墨魚之旅
am ~ 一早起身同公公食左早餐, 回娘家再陪一家大細去左食午飯再行超市, 不過幫唔到寶寶換百佳珍寶珠袋 >.<
pm ~ 自己一個去左旺角陪寶寶排隊, 等公公同P先生收工嚟換鞋. 之後去左意大利蕃茄食飯, 食得唔係好飽, 再去食魷魚鬚同臭豆腐 full... P先生帶左我地去印 T-Shirt, 不過太多人又唔夠時間的關係睇左陣就走了.
night ~ 諗住早啲去搭車入去西貢行吓先, 點知條人龍有成百幾人排隊. 起碼要十輛車先輪到我地,等左兩三輛車, 排我地後面嗰兩個太太提意一齊搭的士. 就係咁四個人上的士去西貢了. 去到行左陣
坐左陣等齊人就上船出發去, 大家食飽飽就開始釣墨魚. 公公好快就釣到了, 我都釣到條好大條咖!! 不過係中段時落大雨呀, 好彩都好快停左雨. 大家繼續再釣, 最後大家共釣左幾斤收穫再煮成一味 "一家團聚"一齊食. 好味呀! 食飽就回程了, 好玩好玩 ^0^ 搞屎棍 ~ 多謝你

14 Jun (Sun)
一早同公公一家大細去左同澳洲表哥飲茶, 之後就同公公出發去 Ice 家姐屋企整野. 其實我都無咩幫手, 只係不停 online 玩 Pet Pet & Restaurant. 整好晒 join 埋 Paul 婆一齊出去食飯就回程了.

笑話一則

11 Jun (Thu)
am ~ 遲左起身加上有啲塞車, 今日遲到十六分鐘 >.<
pm ~ 今日食完lunch, 同左亞海煲左陣電話粥 ^_^
<笑話一則>
話說今日公公打電話去我娘家, 姐姐接聽電話...
公: 喂喂, 豆豉媽咪呢?
姐: 佢 "pok chan" 呀!
公: 吓? 佢卜親?
姐: 係 "pok chan"
公: 吓? 有無流血呀? 佢而家係邊呀?
姐: 佢去左 "ma lai e yuen"
公: 去左醫院咁嚴重?
姐: 佢 "pok chan" 去左 "ma lai e yuen"
當公公打番比我時, 笑死我吧! 其實姐姐係想講 "覆診 Fuk chan" 不過佢係都發唔到個 F 音吧! Ha ah ha ha ^0^

night ~ 繼尋日父仔後, 今日又有來自澳洲高危人士~表哥偉嚟探媽媽. 大家真係有心啦! 今晚終於可以玩到 Pet Pet 啦! 不過 Restaurant 仲係玩唔到喎 -_-

12 Jun (Fri)
星期五啦! 今日下晝茵姐請半日假, 希望時間可以快啲過啦! 今天天氣麻麻, 天黑有雷雨 >_< 繼續求晴...

求~晴

9 Jun (Tue)
今日準時收工, 因為公公請左下半晝假同我一齊去探烏龜婆婆! 做完手術的烏龜婆婆面色不錯, 只不過佢傷口好痛吧! 堅強啲加油呀! 希望快啲好番啦! 好有心的 CH & 怕我星期六會放飛機想收左銀両先的 PF 嚟左探病! (講笑吧 ^0^) 多謝你們 ^_^ 我們亦老實不客氣地坐順風車. 之後同左公公商議左一大輪後先決定去食美食廊again! 不過今天水準下降 >.< 有啲失望. 食飽去左超市行左個圈就回家了. 玩唔到 Pet Pet 呀, 公公部腦又唔知攪咩hang左上唔到網! 最終大家都係早啲瞓吧!

10 Jun (Wed)

今早遲左起身, 趕頭趕命先趕到係下一個站上到巴士. 上到車時已經一身大汗了! 今天好好天, 陽光普照, 晴 ~~ keep going

手術中

9 Jun (Tue)
今日一早同豆豉媽咪送左卓琳豬返學後去左醫院見醫生了解病情同手術情況. 由於烏龜婆婆身體差, 手術會有一定風險, 希望佢堅強啲快啲好番啦! 手術完仲要小心個傷口, 因為好容易會發炎, 一發炎就大穫了 Bless her ...
之後同埋細細個食早餐再join埋公公一齊搭車返工, 時間啱啱好! 收左工會同公公去探佢, 大家不用擔心! 多謝大家的慰問, 有心啦! Don't worry, I'm fine! ^_^

芒果雪花冰

5 Jun (Fri)
是夜同公公去左食甜品做宵夜! 芒果雪花冰, 又幾好味喎! 不過要成三十幾蚊唔係太低食吧!

6 Jun (Sat)
今日貪婪一家嚟左接我收工, 佢地行左一陣灣仔再去金鐘食個雞蛋仔之後等埋公公一齊去左食 sushi. 之後返左屋企hea左一陣就同左姐姐去探烏龜婆婆, 知道佢星期二做手術希望佢快啲好番啦!
是晚卓琳豬又嚟同我地迫迫迫瞓覺覺豬. 睇左一陣電視食埋個杯麵做宵夜擦埋牙齒就好聽話地覺左豬了. 可愛的小豬 ^0^

7 Jun (Sun)
九點幾鐘比大小豬迫醒左, 好在去完廁所瞓得返. 大家瞓到十二點鐘先醒, 一起身卓琳豬竟然同我講想去釣魚魚. 其實今日都無plan過去邊, 呢個提意又唔錯, 好啦預備工具出發啦! join埋豆豉媽咪同細細個去街市食早午餐就出發去海旁釣魚. 今天唔算好晒天氣都ok, 開始時大家都無咩成績, 好彩之後終於有魚上釣啦! 不過條條都係BB嚟, 今次又係我釣左五六條吧, 其中一條大條啲都見得吓人, 而公公就... 之後仲有人釣左幾隻蟹, 賴尿蝦同魚魚比左我地呢! 多謝晒!
之後回家梳洗後同左公公去探烏龜婆婆, 今晚同左一家大細同嫦娥公公去左美食廊食晚飯, 又低又好味! Yeah! 去埋超市掃左啲貨就同公公早早回家打機玩 Pet Pet, Restaurant City & Farm! 都係第一次玩吧, 唔係好知做緊啲咩!

8 Jun (Mon)
今早收到 Head Head 電話請日病假, 知道公司缸魚全軍覆沒 >,< 加上今早有新同事返工, 所以忙左一個早上吧! 原來有一條漏網之魚途左一劫!
今日下晝老細開會要 take minutes, 有啲壓力潻. 為自己打氣!! 加油!! 努力!! 盡我能力去聽去寫!!!
期待 weekend 墨魚之旅的來臨... 希望好天氣加上風平浪靜吧!

六四

4 Jun (Thu)
今日茵姐唔舒服請假, 公司都係咁啦! 麻煩人繼續比麻煩人, 喜歡玩野的人繼續玩野, 每日都在習慣中, 適應中... 總算無咩特別, 忙左啲時間都快過啲! 收左工 join左公公去Park'n Shop 行左陣先返去. 返到去食飽就瞓, 等公公返嚟玩左陣Pet Pet 同 Restaurant City 又再瞓... 工作的壓力真係令人感覺疲累...

5 Jun (Fri)
星期五啦, 等得你好苦. 今日的心情同天色一樣 ~ 不錯. keep going!

動植物公園遊

29 May (Fri) 追劇
今日巾幗梟雄兩個鐘大結局! 追... .. .

30 May (Sat) 動植物公園遊
今日同左貪婪一家去左動植物公園, 好開心第一次同BB去呢個公園! 玩吓吹波波, 影左相, 好開心. ^0^

31 May (Sun) 長洲遊
見今日咁好天, 再同左一家大細去長洲. 豆豉媽咪帶左BB泳衣去游水, 卓琳豬就同左公公&大蛇出去玩水水, 細細個驚沙又驚水, 同豆豉媽咪只好負責影吓相輪住陪佢吧! 之後去左食海鮮, 行多一陣再買左小小野食上船食. ^_^

1 Jun (Mon)
沒心機... .. .

2 Jun (Tue)
繼續沒心機... .. .
食完晏收到豆豉媽咪電話, 烏龜婆婆整親隻手. call左跌打師傅包手手 -_-
今晚最終同豆豉媽咪送左佢入醫院, 一等就等左三個鐘... 骨裂左, 需要包今晚石膏稍後再做手術 -_-

3 Jun (Wed)
好天左幾日今日又再落雨 down... 繼續繼續沒心機... .. .
只希望烏龜婆婆身體健健康康!

糉節

26 May (Tue)
雖然茵姐今日放假, 好彩都清晒手頭上的工作可以準時收工. 因為約好公公抽左小小時間去 Adidas & Reebok 開倉! 見大家都肚餓食碗南記先, 之後就出發. 搵左一陣先搵到部 lift, 不過已經有人係度排隊. 上到去佢地個寫字樓, wah! 真係好大, 不過已經人去樓空. 左轉右轉先見到條人龍, 指示寫住要等一個鐘 ... 囧 ... 特登嚟到真係唔想走, 不過公公要趕返工嚟, 最後決定我一條友呆守佢走先. 好彩等左十幾分鐘後終於可以入去了. 不過真令人失望, 一心諗住只睇鞋不過勁小款又唔靚, 最尾揀左兩件衛衣比自己同豆豉媽咪 ^.^

27 May (Wed)
am ~ 一早起身個天都無咁灰, 雖然落住小小微雨但都有陽光. 心情都好啲啲 ^0^ 再加上明天糉節放假, 太好了!
pm ~ 不過好境不常... 工作上越做越激氣 >.< 只好強忍...
night ~ 今晚一家大細嚟左, 因為大蛇同公公睇波! 大家食過宵夜後, 我同豆豉媽咪同豬仔瞓先! 等到佢地睇完波留下大豬後佢地一家回家了!

28 May (Thu) 糉節假期
太迫啦! 瞓係中間做夾心人 -_- 其實都瞓夠了, 所以一早起身玩 pet pet 同埋 restaurant city! 等到
佢地瞓醒去左隔離街食早午餐, 之後回家join埋一家大細去左香港仔玩遊戲. 原本今日諗住去動植物公園咖, 可惜成日都落雨. 希望 weekend 會好天啦!
今晚公公外婆生日宴, 同公公 & Paul 婆一同出席. 好開心公公外公都有出席. 希望兩位老人家身體健康, 開開心心! 今晚食到好飽, 因為除左啲餸大碟低食外仲有電視送飯《巾幗梟雄》好緊張呀! 四奶奶柴九, 加油呀! 聽晚大結局呀 ^0^

小月巴羊

23 May (Sat)

想清埋手頭上的工作, 所以攪到兩點鐘先收工. 之後去join埋公公兩條友仔去左食sushi儲印花續會. Then 一齊回左娘家 har. 是夜出左去接公公收工, 之後同左PP伉儷去元祿食宵夜.

24 May (Sun)

一早比電話嘈醒左, 個天又落好大雨, 雨聲好大, 又唔知攪咩鬼樓上裝修? 幾粒幾粒的碎石不停打落部冷氣機頂 -_- 點瞓呀? 去完個廁所成個人醒晒, 起身玩吓pet pet吧! 之後同埋玲玲家姐&Paul 婆去左飲茶, 飲飽食飽就回娘家join埋一家大細去左荃灣行街. 是日晚餐: 任食小肥羊 (公公, 大蛇, 豆豉 vs 姨媽媽 三比一, 無計!) 今天的收穫: 一條頸巾 & 一條褲 ^_^ 收穫不錯吧!

25 May (Mon) 今天心情指數 : *

原本諗住準時收工, 點知執好晒袋都比call台叫住 -_- 今日沒心情, 攪埋佢啲麻煩野即閃. 今晚公公早左小小收工, 食個麵先回家玩 pet pet. 玩左一陣就做左豬了 zzzZZZ....

26 May (Tue) 今天心情指數 : *

今日茵姐放假, 希望時間快啲過啦!

傾... 聽...

22 May (Fri)
尋日終於可以準時收工了, 哈哈! 夜晚食飽就瞓了, 真係唔月巴先奇! 瞓醒又係時候輪到豬仔瞓覺覺豬了, 同豆豉媽咪氹左兩隻豬仔瞓見靜靜地我地係度傾吓計. 雖然差不多都會日日見面, 但係真係好小時間會咁靜靜地傾計. ^_^ 我share 左我公司的近況比佢聽, 佢又share佢啲事比我聽... 講吓講吓就已經好夜了, 今晚好忙的公公都收工了. 回家再陪佢食小小宵夜 (~.~月巴) 睇埋電視就覺覺豬了.
今天星期五, 一早天晴! 心情都好啲!! 不過好似話會落雨, 都係帶定把遮安全啲!

今日心情拍數: ******

黃色暴雨

20 May (Wed)
我的準時收工夢幻滅左啦! 因為下晝有好多麻煩野攪, 所以一早已經估計到唔可以準時收工咖啦! wowowoo... 回家落車時開始落雨, 越行越大雨, 回到家後仲狂風大雨！好彩好彩...
是夜豆豉媽咪帶左大豬去朋友飯局, 留下細豬係屋企. 平時細豬有家姐一齊係屋企時成日搶家姐玩具, 又成日喊. 不過今晚得佢一個時佢又幾聽話口喎, 好多時都係自己一個人玩仲無摟計潻!
今晚玩左一陣 pet pet 就瞓了．

21 May (Thu)
今早黃色暴雨警告, 好彩出門口時雨粉粉吧！是日黑面神又出現, 請自我控制一吓自己吧！低能！！　>.<

Bye ~ 機機

16 May (Sat)
一早起身同公公去食早餐, 之後回家har, 午餐豆豉媽媽煮麵食. 各有不同喜好, 嫦娥同烏龜食蝦子麵, 豆豉同姐姐食辣麵, 我同BB食公仔麵 so full! 食飽又係時候午睡了, 等公公返嚟同去大快活 high tea! 食飽回家玩吓寶寶的曲髮夾, 不過唔成功 >.< 激死! Then, 回娘家時已經食唔落飯了! 是夜貪婪一家回香港仔燒野食, 沒有BB在家最好係可以安靜 online! 玩左陣就出左去 CWB join 寶寶行左陣再去接公公&P先生. 收到豆豉媽咪電話, 卓妍豬跌親去左醫院 checking -_-
今晚約左呀宇同機機去唱K, 豆豉媽咪攪好晒join埋一齊去. 玩到五點機機先生又miss左班船, 唯有等公公陪佢坐海旁我返去瞓先啦!

17 May (Sun) 愉景灣之旅
起身已經點幾兩點了, 今日同公公決定將個衣櫃搬一搬位. 房仔細細不過我啲野絕對唔小咖, 搬吓攪吓呢樣攪吓嗰樣就已經五點幾了. 今晚約左機機同埋佢爸爸媽媽食飯, 去之前竟然有去見相方家長的感覺, 好緊張勁攪笑! 一去到機機就係碼頭接我地船, 之後去左食韓國燒烤, 大家有傾有講食飽之後就去左佢屋企坐吓參觀吓. Then 同機機&公公三個人去左碼頭附近的酒吧坐吓飲吓玩吓桌球&傾吓計, 一貫作風原本諗住坐十點鐘船走, 最尾都要坐十一點半船先走. 難得好友聚頭明天又無辛無所謂啦!

18 May (Mon) 無辛假之機場之旅
今日係最後一日無薪假了, 唔知六月份會再有咩新安排呢?
今日同公公原本諗住去愉景灣比個surprise機機, 不過最後因為懶瞓而取消左. 瞓醒已經成點鐘了, 公公今日仲要整埋間房啲手尾 (因為有人整完個衣櫃又整壞左條電話線) 攪好晒都成三點鐘. 之後佢要返公司攪啲野, 我就回家接埋一家大細去左金鐘join埋公公去葵芳行街. 其實最主要係同BB玩魚魚, 卓琳豬講左成個星期了. 之後我地就諗住去送機機, 所以一家大細就去左機場. 我地食sushi, 等到機機嚟就同佢影吓相傾吓計之後佢就入閘了. 希望佢出年會再返嚟啦, 希望佢快啲好事近啦!

19 May (Tue)
又要面對現實, 手頭上的工作好似樣樣都好急. 好彩係食晏前清左啲, 好飽就再嚟過!
放工去左搵公公幫 CHPF攞野, 不過公公今日超忙所以攞完即閃. 回到家食飽飯又係時候去睡一睡, 瞓醒一覺 CHPF先上嚟! 是夜公公收夜, 不過今日太倦了, 明天先 pet pet 吧!

20 May (Wed)
今日呀妹同事放假, Head Head 上左廠. 不過今日都幾忙, 比心機快啲做晒啲野去準時收工.

交換禮物

14 May (Thu)
呀妹&茵姐同事都 share 左人地啲工作幾日了, 每次佢地將啲 data 入完機 Head Head 都會再 double check 之後先會再交返比佢地. 今日 Head Head 比埋我對埋一份, 難就係唔難, 不過真係需要啲時間去做. 大家加油啦! 但願...明天會更好咖啦! 就係因為對野, 所以OT左一陣. 之後去左搵公公, 不過... 對話中各有不同方向, 各有意見, 各執一詞. 不過大家都忍住度氣又未至於去到炒飯的地步. 大家的境界高左吧, 哈哈!
是夜公公約左呀宇同機機, 好兄弟難得聚頭就玩埋呢幾日吧! 今晚玩 pet pet 同茵姐不停交換禮物 ^0^ 佢話想玩埋 Restaurant City... 而家玩 pet pet 已經唔願瞓, 如果再係咁玩仲洗瞓? 諗諗先... :p

15 May (Fri)
一早返到公司對門壞左攪左一陣, 加上今日茵姐同事放假忙左啲. 今朝時間過得真快, 希望keep住都係咁就好了. 一切順利, 一切順利... .... .. .

今日心情拍數 : ******* <-- 不錯吧! 以十分為滿分! 期待 weekend 的來臨 ^0^

頭痛

13 May (Wed)
尋日收工收到公公個五寶飯, 超開心! 可惜夜晚後炒飯 >,< 所以今晚無出去join機機 :p
呢個幾星期每到下午時分就開始頭痛, 又唔想成日食止痛藥唯有死忍! 可能工作壓力大吧, 好彩瞓醒就無事, 好彩我仲好瞓得, 好彩我仲食得! 期待放假去relax吓啦!
今日呀妹同事都頂唔順要請假了, 希望佢無咩樹啦! 大家都要加油呀! 奸爸爹!! ^0^

今日心情指數: *** <--( 星期三的心情必定比星期一好! 希望越嚟越好! 加油!!)

Happy Bday 公公

5 May (Tue)
今日有兩個男人接收工 hee... 一個就梗係公公啦! 另一個係亞機呀, 之後未夠鐘食飯, 所以去左酒吧har左陣. 再join埋一家大細同埋呀宇去左小肥牛打邊爐. 食飽由大蛇送兩隻豬仔返屋企, 我地一行五人join埋鋒鋒去唱K! 玩得太開心吧! 豆豉媽咪竟然貓左, 哈哈!

6 May (Wed) Surprise 之旅
公公今日生日, 起身梳洗完出發今日的Surprise 之旅! 多得兩位導遊小姐帶住被害妄想症少婦同生日公去左深圳按摩同擦餐飽. 玩到天都黑人地要落閘放狗先走!

7 May (Thu)
又要面對現實了, 太殘酷啦! 好彩聽日又無辛 ~.~

8May (Fri)
今日一早起身陪烏龜婆婆去覆診, 回家時已經中午十二點幾了. 食左午餐後就同埋兩隻小豬午睡, 公公回來都再join埋我地一齊午睡. 倦~~

9 May (Sat)
心情低落地返工 -> check email 知道改放返三日無薪假, 原因係要 share procurement dept. 的工作 >.< 因為想清晒自己手頭上的工作, 所以留係公司到兩點幾先走. 之後join埋公公約埋豆豉媽咪同卓琳豬去三上食野. 10 May (Sun) Happy Mothers Day 有人今日要返工, 有人教左鬧鐘不過無教響機, 有人返工遲到... am ~ 起身join埋豆豉媽咪去左買點心同炒粉麵飯回娘家食慶祝今日媽媽節, 之後留左係屋企har. pm ~ 等公公返嚟去左買禮物比烏龜婆婆. 再同埋一家大細, 嫦娥公公同 PF去左街市 high tea (不過呢餐應該係某人的早餐嚟吧!) 之後送左公公走就同一家大細去左玩遊戲同叫外賣 Pizza & KFC 回家做晚餐.
night ~ 等公公收工, 去左超市買公司零食. 之後趕回家追我的星星同學會同 Pet Pet 時間. ^0^

11 May (Mon)
心情低落... 原因可能係因為原本今日係放無薪(辛)假的. 原本應該係屋企har 緊, 不過... 世事難料...
面對現實吧!
今日一家大細嚟接我收工, 之後去左買小小野食就回家了. 是晚公公又出去陪亞機, 自己回家 pet pet先!

12 May (Tue)
今日茵姐放假會忙啲, 希望時間快啲過啦!

My first ~ Brunch

1 May (Fri) 勞動節
尋晚公公同左同事去左唱K, 而卓琳豬嚟左我度過夜! 放假了, 今日起身梳洗完同公公帶埋豬仔去食麥當當! 今日同左一家大細去太古城行街街, 晚餐原本諗住係太古城食日本野, 不過碰到六姨婆, 所以改晒schedule去左 CWB 食野. 食飽join埋公公一齊返屋企!


2 May (Sat) 佛誕
是日無街去在家休息, 晏晝等公公回來 high tea. 夜晚出左去接公公收工, 途中收到飛機電話, join埋佢一齊去公公公司等佢收工一齊去食宵夜~打冷 大家一路食一路傾, 又係時候想吓當年, 真開心!!


3 May (Sun) Brunch @ Fusion 5th Floor
因為寶寶的關係我地又可以打尖去Fusion 5th Floor (http://www.fusion5thfloor.com)食 Brunch 慶祝公公的生日! 好正! 推介! 款式多又好味! 我地由十二點幾食到兩點幾先走人, 食飽好眼瞓. 同PP伉儷行左一陣H&M中環一帶, 同公公就返左公司. 佢整理文件, 而我... zzzZZZ瞓左成個鐘! 之後回家同Paul 婆煮飯一家慶祝公公的生日! 夜晚, 公公同飛機出左去. 倦~~ 我做懶瞓豬先啦!


4 May (Mon)
一早又比黑面神激親, 攪到成日都無好日子過, 心情跌至谷底. 放工前開始頭痛, 晚飯後痛死左. 好彩豆豉媽咪比左粒止痛藥我, 瞓左陣終於都好啲! 等埋公公接我, 陪佢食個麵睇吓電視就瞓了!


5 May (Tue) Bday 前夕
公公聽日生日! Happy Birthday! All the best!! ^o^

奧惱 >.<

呢排公司實在太多問題啦, 勁無mood! 壓力大自己又好似係度轉緊牛角尖 >.<

21 Apr (Tue) 無辛後繼續辛過 >.< 今日輪到茵姐同事無辛, 忙完自己野再忙佢啲野吧!

22 Apr (Wed)
今日茵姐同事無辛完, 今日又輪到呀妹同事無辛, 忙完自己野再忙佢啲野吧!

23 Apr (Thu)
今日呀妹同事繼續無辛! 唧唧復唧唧, 木蘭當戶織... 一個一個接住無辛...

24 Apr (Fri) 無薪中
今日又到我無辛了, 同公公食過早餐又再同烏龜婆婆魚腩伯伯大姨婆佢地去左飲茶, 接埋卓琳豬放學回家 har har har... Dinner @ home 之後出左去接公公收工, 今日悶爆... but free ~~

25 Apr (Sat)
一心諗住尋日放左假今日一定會好晏先走得, 點知今日都可以準時收工喎!
放左工去左公公的公司等P小姐收工, 之後join埋PP伉儷一齊去左食 tea @ KFC 好好味呀! 之後送埋公公同P先生出去做到會後, 就同左P小姐去左深水埗旺角銅鑼灣行街街. 行到天都黑join埋公公P先生去左打邊爐! ^_^

26 Apr (Sun) 換季
同公公瞓醒就開始大行動 ~ 換季! 一攪就攪左幾個鐘, 梳洗好就接埋烏龜同嫦娥出去食飯 @ Spaghetti House! 好好味! 其實都真係好小一家大細出去食西餐, 感覺不錯! 希望兩位老人家鍾意啦!

27 Apr (Mon)
捱埋今日又放無辛了! 一早起身諗住聽天開始放兩日無薪假會開開心心啦! Head Head今朝出左去辦事下晝先返公司, 不過又有麻煩事發生. 等Head Head 返嚟一齊處理吧! 煩~~

28 Apr (Tue)
食完早餐返左屋企玩pet pet, 晏晝帶左BB去公園玩. 之後同左一家大細去左旺角行左陣再join埋CHPF 去左唱K慶祝CH生日! 生日快樂, 希望你們開開心心! 禮物已選購並放在豬仔家, 有時間上嚟攞啦! ^0^

29 Apr (Wed)
今日瞓晏左無同公公去食早餐, 回娘家煮個麵食之後同豆豉媽咪去攪攪塊面. 哈哈, 比人話我塊面嚴重缺水真係要保保佢先得了! 晏晝等公公返嚟high tea, 再同BB去左公園玩左陣又帶左佢地玩小狗又探Twins BB. 是夜 dinner @ home, BB 返左香港仔, 我就係屋企努力 pet pet! 今晚公公收早, 太好了! 不過要你擔心完又失望... sorry! then 繼續 pet pet

30 Apr (Thu)
返到公司都係咁啦! 清晒堆積左的工作, 時間都過得快! 不過由於比黑面神黑住, 所以攪到好忟吧!
是日公開左身份, 盼望一切會更好吧! worry~~

復活節假

呢排成日放假放到心都散晒, 係時候打吓blog啦!

11 Apr (Sat) 復活節假期中...
公公今早要返工瞓晏左無食早餐走了, 今日媽媽生日一家大細去左飲茶食午飯. 今晚一家人齊去左德記食飯, 飯後同左公公去探外公同外婆. 之後回娘家同媽媽切蛋糕打左一陣麻雀仔, 媽媽身體差左好多, 但願佢身體健康!!

12 Apr (Sun) 復活節假期中...
同公公去食車仔麵做早午餐, 之後join埋一家大細去荃灣行街街. 今日都有啲收穫, 太好了! 是夜去左食sushi ^_^

13 Apr (Mon) 復活節假期中...
同公公食早餐後佢返工我回娘家, 再出去同烏龜婆婆去飲茶. 之後同豆豉媽媽帶左卓琳豬去左旺角行街街. 行行吓落大雨, 不過都有收穫!! 哈哈!! 之後同左豬仔去左睇龜龜同金魚 -> dinner @ home -> sleep

14 Apr (Tue)
今日仲有好多同事放假, Head Head 又放埋, 不過今日勁無mood無心機! >.< 好辛苦地終於等到放工了!

15 Apr (Wed)
今日心情不自覺地好左好多! 太好了! Lunch 約左同事們去飲茶, 下晝要幫公司去入境處整野. 今日有同事resign, 係呢個時勢走人真係好勇敢吧! 是日豆豉媽咪出街留下豬仔

16 Apr (Thu)
今日一早公司又炒人了! 又做劊子手了!

17 Apr (Fri)
今日Head Head 同我商量左件事, 其實佢已經有決定咖啦! 時勢迫人, 遲早的問題吧!

18 Apr (Sat)
Breakfast @ 大快活 -> 晏晝同左一家大細去左搵公公食sushi (又食sushi係因為卓琳豬話肚餓想食三文魚吧! 唔關我事咖!豬仔真係一個人可以食四五碟三文魚壽司咖!) -> Great 行左陣 -> dinner @ home -> 去左接公公收工 -> 二人世界去左食打邊爐 -> 抱住個肚返屋企瞓覺唔肥就假啦!

19 Apr (Sun)
公公今晚要返工, 起身去左翁記食野之後去左探外公. 公公就要趕返工啦, 而我回家接埋一家大細去左九龍灣行街. 今日帶左BB去左兩間冒險玩遊戲, 是夜同豆豉媽咪帶埋兩隻豬仔去左食飯@和民. 好似好耐無試過呢個組合正正經經坐係度食晚飯, 一人睇住一隻豬都ok! 呢餐飯食得好開心, 大家最尾仲食埋雪糕甜品潻! (因為公公尋日話過會請卓琳豬食咖! 我幫你攪掂左啦! 今餐多謝晒!)

20 Apr (Mon) 無辛+無薪假中...
今日卓琳豬學校有活動返晏晝, 所以第一次同公公帶左佢返學! 送左佢返學同埋豆豉媽咪卓妍豬同公公去左隔離街食午餐! 之後去左十八樓探 Twins -> 回家洗晒啲冬天衫預備換季 -> 一家大細嚟左 -> 再去探 Twins -> 今晚同公公Paul 婆去左太古城行左陣 -> dinner @ Spaghetti House -> Apita -> bus+bus -> 娘家飲湯 -> 回家打blog

呢個四月勁行街, 多左出街食飯, 勁買野, 放無薪假仲洗多左錢 :p 不過好開心 ^0^ 千金散盡還復來? 哈哈!!

Celebrate with thanks!

9 Apr (Thu)

假期前的返工日子都開心啲! 今日同事們請食飯, 多謝各位! 食飽飯仲收到佢地送的禮物LANCOME Lip Gloss & GODIVA 古古力! 多謝! 最 surprise 仲有 Head Head 嗰份吧! 今日 Head Head 早走趕飛機, 我地就可以準時走去今晚飯局~金象泰國餐廳! 公公接埋我地收工一齊去呢! 6:30pm buffet開始, 大家已經第一時間去攞野食! 不出大家之前所料, 七點鐘大家已經有啲飽了開始要慢慢食了! 等埋啲雪條八點幾就走人了! 味道款式一般吧, 未必會有下一次! 之後同左公公行多一陣幫哥哥買埋魚魚就娘家, 因為同事們買左蛋糕不過實在太飽攞左返去一齊切一齊食! 好開心CHPF都一齊出現, 多謝你們的禮物! I lovin it! 不過我隻手實在太瘦了, 可能小兩粒珠珠會好啲! :p

10 Apr (Fri)

今日二人世界公公同我慶祝, 一早去左隔離街食早午餐先, 之後去左旺角行街街shopping. 可惜無收穫, 不過唔緊要啦! 因為玩遊戲時羸左好多票票呢 ^_^ 之後公公神神秘秘話要返港島區食飯, 去到原來係 Fusion 5th Floor 夢夢係度返工咖! 仲神神秘秘 book 左四位, 原來仲有 PP伉儷, 大家開開心心有傾有飲有講好飽地離開, 多謝夢夢個古古力牌, 好靚呀! 多謝PP伉儷份禮物呀! 之後大家商議再去唱K, 我地四個行先, 之後等埋夢夢同文文&馬士一齊嚟! 終於唱到四點幾先走人, 唱左六個鐘! 痛快吧!

生日週

7 Apr (Tue) 生日週
好彩啲樣板係放工前攪掂晒, 大家都唔洗OT! 之後約左海哲食飯飯, 大家有傾有講時間好快過左去了! 多謝份生日禮物, 好實用 (今日已經用左了)! Thanks! 多謝餐生日飯! 豬肉漢堡好好味! 朱古力芝士忌廉咖哩豬肉飯都好好味! ^0^ 之後仲join埋公公一齊坐車, 再走左去食紅白! 無肚腩先奇!

8 Apr (Wed) 剪髮日
今日放工約左寶寶一齊去剪+電頭髮! 大家講左好耐咖啦, 我地做晒資料搜集搵左啲相出嚟比髮型師參考嚟剪. 希望真係可以做到個效果啦! 寶寶仲話會陪我一齊電髮, 希望剪左啲衰氣一切會好啲啦!
今日一早比人招左入房傾左兩句, 閒談吧! Job Duty 可能會有啲轉變, 希望我會做好呢份工!

公主病

3 Apr (Fri)
繼續埋頭苦幹工作, 仲諗住今日好多同事上左廠茵姐嗰邊無咩攪, 點知又成大疊單勁失望. 不過諗住開始消滅疊單之際, 個sales同我講有野要改比返成疊單佢先，仲話今日未必會整好喎! 太好了! 可以留返比茵姐攪!

4 Apr (Sat)
同左公公去金鐘食早餐, 之後行左陣就回家打掃洗衫衫等公公返嚟再去high tea! Tea 完回家har 左陣, 公公返工我在娘家食飯. 是日一家大細返左去田灣, 食飽係張床har左陣就出去搵公公. 今晚慶祝馬士生日一齊出去食飯, 不過今次好多人都唔閒, 唔緊要啦! 都係一齊娛樂吓玩吓食吓再玩吓. 終於玩到成三點幾四點先走人!

5 Apr (Sun) 公主病
一早同公公去左太古城睇戲 ~ 禮儀師の奏鳴曲, 好睇! 估唔到套片有成兩個幾鐘, 好感人. 我就梗係有喊啦! 不過我 feel 到有人同我一齊喊喎, 係唔係呀? 睇完超肚餓同公公去左食個lunch先! 之後行左陣就坐車走了. 因為公公今晚要出去傾野, 我就自己一個返娘家食飯. 食飽同左一家大細去左香港仔行呀! 不過無收穫, 之後回娘家等埋公公返. 今日成日都公主病發作, 難為了你啦! 過左今日無事咖啦! :p

6 Apr (Mon)
今日超無mood! help～
多謝各方的支持, 多謝大家的關心同問候. 每次唔開心, 我將msn個topic轉左, 都會有好多人問候呀! 大家有心了!!

7 Apr (Tue) 火燙
話說上星期OT到成九點幾終於pack好晒啲樣板, 收工時都好興奮好有成功感可以整好晒等待第日朝寄出. 點知第二日個sales話要hold起都算啦! 等到今日仲未寄出, 仲要比我知道全部要再打開過加 label!! 激死人啦! 白費心機!! 天呀!! 好火!! 唔知佢地晏晝整唔整得晒呢? 今晚約左海哲食飯, 我幫唔到佢地喎!

累

1 Apr (Wed)
一早要去勞資審裁處, 仲要早過平時出門口! 要搭西隧小巴過海, 好彩見到熙熙父又可以打尖了! 去到仲好早吧, 等埋Head Head 同埋同事9:15 入去庭聽審. 小女子第一次去呢啲地方, 見識了不小! 不過就係咁坐係庭內坐到十二點都仲未輪到我地單case -_- 已經勁眼瞓勁肚餓坐到pat pat 都痛埋終於到我地單case了! 不過講唔夠五分鐘就... 下午再繼續 >.< 真係超肚餓啦, 水都無飲過一滴. 就係咁去左附近的茶餐廳食個晏先, 原先Head Head 仲叫我下晝去繼續聽審, 不過同事話佢自己一個都ok, 所以食飽就出 Head Head 返公司. 不過時間已經係兩點幾了, 返到去見到茵姐張檯成大疊單都知大穫啦! 整得嚟已經係五點幾了, 今日又要OT吧! 疲累...
是夜同公公大穫炒飯, 無奈 ...

2 Apr (Thu)
架上眼鏡返工, 我都真係唔想的! 不過無計啦, 隻眼唔見得人! 今日的工作量已經比尋日好好多了! 諗住可以準時收工之際, 呀妹同事因為要backup 樣板部同事而要OT! 真係做唔到見死不救, 所以自投羅網去左幫手! 大家一路做一路傾, 都ok時間好快過! 夠鐘叫埋dinner食先, 拿拿聲食飽再開工. 攪好晒時已經九點幾了, 今日又超累了! 不過都去左等埋公公收工一齊返屋企.

bUSy

27 Mar (Fri) No Pay Leave
終於等到放假了, 今日公公只係請左上半日吧! 起身同埋 Paul 婆去左飲茶, 之後就回家同一家大細出發去街街, 而公公就咁返左工啦! 今日天氣麻麻, 落雨! 不過我地去左葵芳行商場吧, 不見天日無問題! 晚飯約左 PF一齊去食 "潮樓", 之後就各自回家了! 送左一家大細回家後, 再出左去接公公! 公公唔開心呀, 唔緊要啦! 好的壞的意見都要聽, 自己再去分析過濾吧!

28 Mar (Sat) Busy
放左一日假今日勁忙要清返尋日的工作, 加上茵姐下星期放假去泰國交底工作. 今日勁忙不過過得好充實吧, 不知不覺已夠鐘放工! 不過見公公又未收得工而我又未做好啲野, 留係公司清埋啲野先! 攪到兩點半勁肚餓的我join埋公公去左三上食野! 市度差見佢地一減再減真係好低食, 豆豉媽咪氹左兩隻豬仔瞓之後都join埋我地一齊食! 食飽三個人各行各路, 買餸的買餸, 洗衫的洗衫, 裝修的裝修. 裝修出現了問題所以遲左走, 攞埋個唊借比寶寶之後打的趕回公司. 我回娘家食飯再去左行超市! 今晚約左 PP伉儷同 Dream 伉儷去食宵夜, 今日子龍兄同馬士都有興趣一齊食, 一行八人就去左新星打邊爐! 特價真係好低食, 每人都係七十大元吧! ^_^

29 Mar (Sun)
起身同公公去左格離街食早午餐, 之後公公要去整裝修手尾. 我回家預備同豬仔出去行吓, 攪掂大家join埋去左玩遊戲, shopping買餸煮飯! 買左條褲不過太緊啦, 送左比豆豉媽咪. 同公公係娘家食飽飯har左陣, 去左荷蘭食糖水. 回家各自覺online打機睇電視就覺覺豬了!

30 Mar (Mon)
茵姐放假去旅行 so jealous! 今日 Head Head 心情勁靚, 佢好我都好吧! 無奈! 食晏前去左警局幫公司攪文件報失, 仲以為要攪好耐. 點知唔夠五分鐘就走得, 勁快! 個police又比我預期中nice! 今日keep住忙, 時間又好快過去了! 放工join左公公一陣, 又比個壞消息我 >.< 黑人憎!

31 Mar (Tue)
今日個mood竟然比尋日差! 可能係個壞消息影響吧! -_-

有驚無險

26 Mar (Thu)
終於捱過左了! 一早返到公司就趕頭趕命去攪客人的簽証, 安排司機, 預備開會... 到十點三開始開會了. 其實都無人知我會同老細一齊入去開會, 入到去時都會覺得大家有一雙奇怪的目光. 同工廠開視像會議, 好彩廠方只有一個人係講普通話而佢又唔洗講好多野, 如果唔係都唔知點算好! 由於呢個會係講公司啲product, 太多專業名詞, 成份, 生產過程... 真係有啲聽唔明 -.- 我已盡量紀錄佢地所講的main point, I try my best already! But I know 完美主意者一定唔會滿意唔會放過我的! 開完會已經十二點了, 諗住安安定定修整吓自己寫左啲咩啦, 點知又有其他野攪 -_- 客人要改酒店, 攪得嚟又到食晏了! 食左先算吧, 勁肚餓! 但酒店要親自去交 deposit 先 >.< 食完晏又要趕出去又再趕返嚟預備下一個會. 兩點半開會again! 呢個會好啲, 起碼知道佢地講緊乜, take minutes 都詳盡啲! 開完會又收到通知個客又要改schedule -_- 夠啦! 玩夠未!! 激死!! 第三個會開始啦, 老細自己入左去開了, 等我趕入去時見佢已經開始左, 不過得佢同一個 sales 吧! 問佢要我參與嗎? 哈哈, 佢話唔洗我去開! 太好了, 出嚟做咩啲野去先. 不過好景不常, 收到 Head Head 電話又話有稿要出. 整好呢啲野時大家已經放工了! 你地走先吧! 我現在先開始修整吓自己寫左嗰兩份野! 就係咁攪到七點幾先走人, 之後仲要去酒店交埋條尾數. 之後帶住擔心又開心的心情回家! 開心係因為聽日請左日無薪假可以休息下, 擔心係擔心今日整錯野做漏野又擔心明天又唔知收到 Head Head 電話問我乜問我物... 過左今日終於都可以鬆一口氣!

好感動今日收到好多人的支持, 今早係mobile msn 打左句 "好大壓力" 做 topic, 之後就收到各方好友問我咩樹, 叫我加油等... 不過今日無時間覆大家! 多謝大家關心, I'm fine! 我無事啦! ^_^

壓力

25 Mar (Wed)
終於又成功投得物品, 今早公公去攞. 佢話幾好唔錯喎 ^_^ 太好了.
今日呀妹同事放假, 直到呢一刻都無咩特別事發生. 希望可以維持到放工吧!
明天 Head Head 放假, 明天嗰幾個會佢叫我幫佢 take minutes! 吓? (>.<) 我唔識咖喎! 仲要係幾個會議唔係一個喎! 有啲壓力潻 -_- try my best?

承諾

21 Mar 09 (Sat) 承諾一 之 Babysitter
今日豆豉媽咪去做姊妹, 一早應承佢今日照顧豬仔. 起身同公公去食麥當當早餐, 食飽諗住問吓BB同烏龜食唔食早餐啦! 點知烏龜話想飲茶, 好啦! 就陪佢去飲茶啦, 碰啱靚姨婆同鮑B一齊去吧! 好耐無同佢地一齊飲茶了, 魚腩伯伯都有嚟! 兩個BB坐係我身旁總算聽話. 飲包食包就同姐姐帶左兩隻豬出去行街買龜龜, 買左兩隻一人一袋拎返去. 途中要趕上車叫佢地行快啲, 不過卓琳唔肯跑 -_- 佢話怕龜龜暈喎勁攪笑. 之後去左join埋公公食炸雞 high tea後回家. 妍妍豬午睡, 不過卓琳豬知道佢一睡我就走所以佢點都唔肯瞓. 咁就帶佢去公公屋企玩 Twins BB啦! 卓琳豬一個人時真係好聽話, 佢好小心同BB一齊玩, 而公公就放左半日假繼續上去家姐屋企攪裝修. 之後我同卓琳豬上上落落, 最後大家一齊係屋企食飯. 豬仔知道食飽飯就可以入房玩, 所以完全無含飯好快就食晒成碗飯. 之後送返屋企做埋啲功課, 回程時到細豬摟計. 好啦, 帶你同姐姐一去惠康行吓啦! 之後大家各自歸家預備明天開心之旅. ^0^

22 Mar 09 (Sun) 承諾二 之 士多啤梨園之旅
哈哈! 終於去得成啦, 一拖再拖今日終於可以出發啦! 一早約好貪婪一家四口去大快活食早餐, 食完call的士去目的地~錦田鄉村區樂部
去到我地自己入左去行吓先, 等埋公公啲同事仔嚟埋一齊就入去摘士多啤梨啦! 好開心呀, 等左好耐啦! 可惜已經踏入季尾, 所以啲士多啤梨好細粒又唔係好紅. 不過同埋公公 & BB一齊去真係好開心, 有益身心的活動嚟吧! 可能天氣熱加上尋晚又比蚊叮卓妍豬今日好摟計呀! 玩左魚仔, 摘士多啤梨, 打羽毛球, 放風箏, BBQ... 玩到六點幾再去左食 B仔涼粉, 之後大家都倦了各自歸家了! 開心的一天! 下次有機會一定要再去過

23 Mar 09 (Mon)
今日 Head Head & call台同事放假, 不過今日好忙, 加上呀妹同事唔舒服早走! 得我同茵姐同事頂佢地吧! 最終因為要等埋老細啲print out 攪到成六點先走吧!
今晚又有人聽唔到我電話啦, 激死人啦! 再加上有兩兄弟扯貓尾 >.< 小小炒飯, 不過最終算數啦!

24 Mar 09 (Tue)
返工出門口時天勁黑勁大雨, 個個返到公司都濕晒! 不過無耐就停左雨 -_- 無奈

...待續

15 Mar (Sun)
去過澳門幾次都認得啲路, 同公公坐巴士周圍去. 大三巴影相行街買手信, 賭場決戰, 橫街小巷係咁食不停口! 今晚食黃枝記, 食飽返酒店har左陣再去漁人碼頭買公仔bb. 盡興而回!


16 Mar (Mon)
一早就比個傻人打嚟嘈醒 >.< 係張床look多陣就同公公起身係酒店食早餐! 食飽返上酒店房再瞓過! 一瞓就已經成十二點幾了, 正! 攪埋 check out 就自己坐車去左遊遊觀光塔. 無乜野睇無上到個塔, 只係同公公去左食野同埋玩左陣老虎機! 之後就搭車走了! 返去大三巴附近行街街, 之後去整錶(隻錶尋日開始無電), 飲 Starbucks 行吓行吓就夠鐘去食buffet dinner 啦! 今之去新葡京食, 好正呀! 比起之前去開的星際大好多, 多好多野食! 推介 :p 食飽去左決戰, 可惜敗北! 唔緊要啦, 開心就可以了. 之後返酒店攞埋行李就提早去搭船了! 開心的旅程! ^_^

17 Mar (Tue)
烏龜婆婆今早覆診, 不過因為糖尿低又要入院了! -_- 希望烏龜婆婆身體健康啦!
又唔知佢想點, 今日 Head Head 叫左我地幾個一齊食lunch. 攪咩呀? 以為佢會有野講, 點知又無喎!下晝同左 Head Head 去左勞資審裁處攪公司啲野, 慶幸公司車來來回回吧!
夜晚等埋公公收工, 上左去家姐屋企幫手攪搬屋! 明天早上要搬走, 但係啲野好似未pack過咁! 人多好辦事, 今晚總算有啲成績吧!


18 Mar (Wed)
是日烏龜婆婆出院! 太好了, 因為日日收工上去探佢都咪話唔辛苦呀!
放左工返屋企食飯帶左呀妍豬去我屋企攞野. 不過是日家姐搬屋, twins bb瞓左係我地間房, 所以攞完野就走了! 公公今日做外賣, 自己一個上陣網睡魔已經急call. 好早就瞓吧!


19 Mar (Thu)
比黑面神攪到我勁興! 正一係 x+yz*&%... 激銀死!! 可唔可以攞番啲基本禮貌出嚟對人呀! 家陣你出糧比我咖? 痴銀線! 真係好興呀!
收左工同公公meet左一陣, 不過都唔夠時間比我呻吧! 今晚宵夜再呻過!
食飽晚飯, 帶左兩隻豬去左惠康行吓. 之後就等公公返嚟食宵夜, 今晚去左宜記食! 太好了, 呢度有一人一鍋啱晒公公! 今次我就食公仔麵! 下次食糖水先! 一路食一路呻, 呻到食飽大家都繼續呻! 可惜, 公公的壞消息... woowo...

20 Mar (Fri)
星期五都會不自覺地個人都開心啲! 加上公公 confirm 單野取消左, 收到呢個好消息, 太好了!
Have a happy weekend!!

一週年

14 Mar (Sat)
放左工去左搵公公, 不過佢要同P先生一齊出去睇外賣場地. 所以約左寶寶去CWB 行街街先, 見2%搬遷大減價入左去睇! 真你勁減, 好多野都係一折兩折! 係入面行左半個鐘吧, 同寶寶都掃到貨勁開心, 因為我買左條一折牛仔褲呀! $40蚊咋! 哈哈! 我地都未埋單比錢, 佢地已經睇完場地去到搵我地了! 之後去左花園食左個 high tea就各散東西了, 我要返屋企食晚飯先! 食飽又再 join 番寶寶再行過, 行到咁上吓就去接佢地收工. 等左陣之後一行四人再出發去左元祿食宵夜, 飽~~
返到屋企, 好開心呀! 上床瞓之前收到公公為我預備的神秘禮物! 終於馬騮仔媽媽有伴啦! 新成員馬騮仔爸爸! 好驚喜好鍾意呀! I lovin it! >3<

15 Mar (Sun)
一早起身攪吓呢樣, 攪吓嗰樣, 仲要回娘家攞個拖得的旅行袋, 終於趕的士去碼頭啱啱好夠時間上船 ~0~ (鬆一口氣) 落船按照計劃去左漁人碼頭攞左個免費小食先, 再加多小小野食填飽肚行左一陣. 都係按 schedule 去左睇吓有無馬騮仔BB賣, 點知唔見有人開舖 -_- 行多陣再係門口等左一陣都係未開 >.< 唯有返酒店先再算吧! 去到酒店間房又未得, 激死! 寄存行李後就出發去玩吧! 待續...

免費上門服務

13 Mar (Fri)
尋日成個下晝就係咁改個comparison, 做到差唔多五點先知有啲野計漏左 >o< "" 太亂啦, 去廁所洗個面即刻返埋位再計過! 好彩仲未同老細做 presentation, 一額汗 -_-''' 好彩攪到六點幾就完成了! 卓琳豬打比我話比我知豬仔包佢... 死左呀! 咁啱我公司啲魚仔又係同一命運, 現在只餘下兩條吧! 希望佢地健健康康啦! 如果唔係下次 Tom仔同事會唔比我地養咖啦! 自從佢比左魚仔比我地之後, 佢日日都會嚟做家訪啦! 佢真係好鬼擔心啲魚仔咖!
回到家食飽飯har左陣, 繼續冷戰 (-.-) 就同一家大細去左屋企玩狗狗! 之後有人打嚟問我有無幫襯, 我問番佢有無上門服務, 佢話無問題! 太好了, 於事就上埋嚟幫我整靚靚指甲! 今次係紫色+金粉&黑色+銀色花! 好靚呀, 我鍾意! 咁好的免費服務又大家又可以閒談一會, 一杯暖水就可以換嚟一雙靚甲! 哈哈! 都算係今日最開心的件事吧! <-- 我驚無下次先咁講吧! 哈哈! 之後仲約埋明天一齊食早餐!

今早就同埋PF&卓琳豬+豆豉媽咪去大快活食早餐, 食完卓琳豬仲送埋我地上車呢! ^_^ 今日呀妹同事放假, 公司一切正常. 期限weekend假期的來臨...

真係咁差?

12 Mar (Thu)
放工食左個愛心速遞我的至愛三寶飯+甜蛋先回家! 哈哈, 好味! 返到屋企卓琳豬摟眼瞓無食飯瞓左, 不過仲有細豬係度繼續含! -_- 食飽飯我就同烏龜婆婆開火, 大穫炒飯!! >.< 好!! 你消極就由得你去消極, 你要逃避就由得你去逃避, 你繼續呼呼渴渴就唔得, 本小姐頂唔住了! 激死! 之後成晚一句野都唔同佢講, 怒! 今晚繼續做望夫石, 苦!
心情唔多好, 做左幾日 group medical comparison, 日日做完都比人彈返轉頭改完再改. 今日繼續吧! 自問: 我真係做得咁差嗎? 自答: 係! 喺完美主意者眼光下真係未做到最好! 算了吧, 食完晏繼續去改過吧!

烏龜回家了

11 Mar (Wed)
尋日收工係醫院join埋豆豉媽媽一齊接烏龜婆婆出院, 她真的可以出院了! 攪好晒手續送埋佢返屋企又再落街買外賣晚餐! 美食廊都幾好味呀! 晚餐時間~基本上晚晚都係喊打喊殺出晒衣架BB先肯食晒啲飯去, 究竟幾時先唔含飯呀? -0- 食飽同BB玩住等公公收工, 之後買埋宵夜回家食! (又話減肥, 又話做 gym, 不過宵夜繼續食? >.<) 食飽一齊食豬了! 唔肥先怪 :p

唔知星期日的行程會唔會按 schedule 進行呢? 期待...

出院?

10 Mar (Tue)
尋日收工勁唔舒服, 不過都要頂硬上去探烏龜婆婆! 留左一陣攪掂晒未夠鐘就走了, 好彩走的時候即刻有車唔洗等. 回家食飽飯即刻做豬先, 真係好唔舒服! 好彩瞓醒好好多了, 不過公公仲未收工自己回家先! 是晚小小炒飯, 嘈完一齊去瞓吧!
今早收到豆豉媽咪電話, 話烏龜可以出院. 不過食晏前再收到佢個電話, 去到接佢又話未走得 -_- 未出得姑娘就咪打嚟啦! 家陣玩呀! 要再睇吓佢的情況今晚先再決定去向, 這就是政府醫院吧!

豬仔表演

6 Mar (Fri)
終於星期五啦! 好似個個星期五的blog都有打呢句, 哈哈!
講番尋日吧! 放工大家準時走, 開開心心一行幾人去唱 Buffet K! 去到大家都係聽歌先, 因為個個都肚餓, 好似餓鬼出去攞野食先. 到咁上吓先開始唱! 輪到 Tom仔 solo 時, 我地仲顛到將預先整好的紙牌拎出嚟扮fans, 大叫大嗌勁攪笑! 不過... 就係 Tom 仔 solo完後收到豆豉媽咪電話, 佢話烏龜婆婆好唔舒服要送佢入院, 就係咁即刻飛的趕番屋企再同豆豉媽咪再飛的送佢入院. 大家不用擔心, 媽媽無咩大礙.

7 Mar (Sat)
一早就要起身! 仲要早過返工起身, 因為我約左豆豉媽咪睇卓琳豬表演呀! 平時係屋企同豬仔練習時都會怕怕羞羞, 仲要叫佢企係台上面望住百幾人表演. 一開始時係由高班個人表演, 一個字~勁! 其實所有表演都會以普通話去演, 嗰啲高班同學仔背得晒成個故仔外, 啲發音又準! 真係勁驚喜, 啲低B班小朋友又可愛. 到豬仔表演時佢好驚吧, 一開始靜左數秒, 老師再叫佢個名開始佢先開口. 不過佢太驚吧, 豆豉媽咪喺咁係台下提水做晒動作終於完成! Yeah!!! 到成班表演時佢表現就好好多了! 睇完表演坐埋車回校換衫就去左三上食lunch! Then, 回家午睡做懶瞓豬了! 是日辛苦豆豉媽咪探媽媽了!

8 Mar (Sun)
今日士多啤梨園之旅因媽媽入院而取消了! 豬仔一定以為我騙她吧! wowoow...
起身同公公去食格離街, 原本諗住去攞bit左物品, 不過出現左問題取消! -_- 之後join埋一家大細同病未清的PF去左旺角行街玩遊戲! 贏左好多公仔, 啲公仔攞左入深山未呀? 之後同公公去左探媽媽, 豆豉一家回家預備晚餐. 探完回娘家食飽飯後就同公公回家打掃又一 day...

9 Mar (Mon)
一早起身個心又大力跳跳供, 跳到個人都煩埋. 好辛苦呀, 攪乜鬼成日唔舒服咖! >,<''

Free

5 Mar (Thu)
Head Head 上左廠, more freedom!! 今晚約左同事們去唱K, 第一次同佢地唱K! 唔知好唔好玩呢?
尋日返到屋企好似一切如常, 就一切如常吧! 食飽飯同左一家大細落街行順便晒吓相! 之後返屋企同BB玩吓野, online bit吓野, facebook 睇吓相, 同豆豉媽咪睇番柏芝訪問. 明! 家家有本難念的經, 一家人你知我愛你們便夠了! 就係咁又一night了! ^_^
食晏時同公公成功競投物品, 希望係work咖啦! 多謝P先生的意見及協助! 等消息中...

Bless Her

4 Mar (Wed)
公公接收工, 放工後可以即刻同佢呻公司啲激氣野真係好好多! 總好過等佢收工時先呻, 太夜了!
尋日豆豉我媽咪出左街, 放工後就返左屋企陪豬仔們! 豬仔們整晚都好聽話, 直到差唔多瞓覺時比卓妍豬"meet"左我隻左眼一下攪到損左呀! 真係痛死我! 好彩今日隻眼紅左一小撻無咩樹吧!

公司士氣差, 攪到成個人無乜心機! 今早仲收到豆豉我媽咪的哭訴電話... 我又失控於公司姊妹面前... (真羞家) 簡單的道理, 寧教人打仔, 莫教人分妻, 我真係唔識去安慰人的. 拖~絕對唔係辦法, 忍~又可能已經到極限, 分~係解決辦法嗎? 大家唔洗擔心我! 到呢一刻為止我 ok, 因為仲有人可以企係我背後支持我聽我呻, 係公司仲有一兩個知己, 係屋企仲有兩隻豬, 係網絡世界仲有呢個blog可以大吐苦水. 最擔心的最擔心的 My little sister! Bless Her!!!

Yes Card

3 Mar (Tue)
勁無mood! 返工返得咁唔開心都唔知為乜! $$$ (>.<) $$$

尋日收工搵完公公, 之後join埋肺癆病人PF一齊坐車返西環! 大家都同病相連, 不過佢好似嚴重過我好多! 大家都睇完談醫生! 哈哈! 返到屋企食飽飯, 的起心肝執好個櫃比媽媽擺野! 搵番N年前好多回憶, 百幾二百張Yes Card, 玩具手飾, 相片... 搵番好多童年回憶. 好多野都掉左啦, 不過啲Yes Card真係唔捨得掉呀! 上網賣左佢? 今日去Yahoo拍賣睇過啦! 好似有價無市喎! 有無人有興趣呀? 黎明, 周慧敏, 陳曉東 ... ...

病左的weekend

27 Feb (Fri)
星期五先嚟病, 激死! 食完晏即刻瞓一陣, 因為有小小野趕緊, 所以唯有頂硬上直到放工.
返屋企食飽飯真係頂唔順啦! 早啲返左去瞓覺覺豬吧!

28 Feb (Sat)
一早起身, 醒左時個喉嚨痛到講唔到野! 都係睇睇醫生吧! 一早去左掛號醫生又未到, 買個早餐回娘家同媽媽一齊食, 食飽再去等醫生返! 睇完都要十點, 趕返公司吧! 係呢啲非常時期都係唔好請咁多假為妙! 返到去忙左陣就放工了! Head Head 問我地有點... 點講呀! 算啦, 答佢無問題吧!
之後去左join一家大細去食sushi, 太激氣加上病左無乜胃口 -_- 食飽帶左細細個去公公家玩, 大豬就跟左豆豉媽咪去街街. 點知妯豬見到公公個覺豬樣時又失控啦! 唯有叫姐姐接走佢啦! 太唔舒服啦, 瞓覺瞓覺. 之後公公番工我繼續瞓覺. 原本諗住去飲不過最後都取消左, 所以食左個愛心廚飯仔! 好味!

1 Mar (Sun)
呢幾日唔舒服所以係度瞓瞓瞓, 瞓醒之後接埋卓琳豬去左冰冰屋企整野! 豬仔幾聽話, 之後諗住送佢返屋企, 但佢係都要跟住我地. 好啦, 一齊返公公家同玲玲家姐慶祝生日啦! 食飽飯同豬仔入房瞓係度睇電視, 大家不知不覺又瞓左. 公公唯有叫姐姐接佢走, 而我繼續覺豬豬. 病魔你快啲走啦!

2 Mar (Mon)
繼續 wing wing 地返工, 病魔係都跟住我! 我同茵姐&呀妹同事真頂唔順啲冷言冷語啦! 日日都要睇面色做人, 真係好難頂. 所以都係同左 Head Head 講事實的全部, 就睇吓佢會有咩方法解決吧!

金融海嘯對策(二)(三)

26 Feb (Thu)
早兩日飲左苦瓜湯, 食左兩日喉糖, 尋晚又買左龜苓膏食, 不過今早起身仍然喉嚨痛同流鼻水... 點算好? 睇唔睇醫生好呢?
今日Head Head 上廠, 可以自由啲吧! 佢唔係度真係小左啲無型的壓力!
尋日放工前 Head Head 出左貓貓 "Subject: 金融海嘯對策(二) & (三)"! (二) 咪係我地部門都要放埋無薪假囉, 至於 (三) 就係 cut左公司的福利, 原本生日的同事會有大利是一封. 不過由四月開始要 cut了, 公司要慳得一蚊得一蚊! 總好過炒人或者減人工呀!

今日公公要早返公司預備下晝個豬肉展大project, 一早就同我一齊出門口食早餐! 好耐無試過吧, 今日我地又撞到舊同學方包面, 好耐無見啦! 不過因為趕時間, 大家只係 Hi & Bye 吧!

金融海嘯對策(一)

25 Feb (Wed)
尋日食完晏 Head Head 叫左我入房傾公司的金融海嘯對策, 今次真係煮到埋嚟啦! 我地都要放無薪假, 呢個都係最好的解決方法吧! 好彩只係每月兩日吧, 對我嚟講影響不算太大. 不過由於大家的工作性則唔同, 其他人的日數就有所不同. 呵! 比我見識到某人的真面目, 反轉豬肚就係屎! 你估老屎忽就大晒呀! 我知佢薪高影響大, 但係都唔洗咁呀! 呢個世界無左佢會唔會轉我就唔知, 不過公司無左佢我寫包單一定無問題! 係公司我係咪凡眾憎我真係唔知, 不過我相信佢一定差過我! 算啦! 呢個世界就係咁咖啦, 唔公平的事十常八九咖啦, 老pat pat食屎啦!
放工前見有啲唔舒服食左藥先收工, 好彩返到屋企之後無咩樹吧! 公公今日接收工, 之後陪左佢去街市買野. 多謝你的愛心飯盒, 我攞左返去同一家大細分享了! 可惜... 你的壞習慣... 冷戰了一晚!

今早喉嚨痛流鼻水, 返到公司食粒藥先! 冷戰完心情唔多好, 好彩有啲野攪今早時間過得快. 今日係公司行經第二層樓, 同事講笑見到我都怕! 因為衰野都係我地淫視部出手, 佢話怕左我攞大信封比佢喎, 怕左我出金融海嘯對策(二) (三)! 現在大家都人心惶惶, 我都係坐定定係個位度比大家安心啲吧! 哈哈! ^_^

海王星之旅 (Part II)

22 Feb (Sun)
落左船就行去第二個目的地 ~ 打保齡, 見唔係好多人唔洗book場, 所以去左埋飽個肚仔先再join埋子龍 & friend一齊去 'look'齡! 我負責影相, 寶寶負責打機, 其他人開始打波, 一打就打左兩個鐘. 之後大家行去第三個目的地 ~ 加太賀! 十年前去過兩次吧, 久違了! 夢夢當然係由頭帶到落尾, 不過今之叫刺身, 沙津太多了. 未真係可以好好品嚐其他特色美食! 下次吧! 食飽大家就各自各歸家早啲休息吧! 累...
臨回家前返左娘家收一家大細係迪迪尼啲手信! 多謝晒!

23 Feb (Mon)
都係返工放工又一day, 好彩今日心情都ok!

24 Feb (Tue)
今日Head Head 出左個貓貓, "Subject:金融海嘯對策(一)" 內容係船務部要輛住嚟放無薪假一個月 ... 唉... 總好過炒人或者減人工吧! 唔知幾時會出金融海嘯對策(二) ... (三)... (四)呢? 唔知幾時燒到埋身呢? anyway 煮到埋嚟咪食囉! 聽天由命吧! ^_^

海王星之旅 (Part I)

21 Feb (Sat)
過左一個精彩的weekend! 約左PP伉儷同夢夢一pair三對人一齊上船玩! 咁大個女都係第一次上賭船吧! 同公公瞓到黃朝八晏先起身, 叫埋外賣同Paul婆一齊食飽, 煲多一陣碟先出發! 由於har耐左, 加上再回家着多件衫攞眼鏡, 所以唯有打的去中環再坐船去TST趕去. 去到TST問下啲人詳細資料價錢先! $250一個人成交, 跟住由於小女子係第一次上船的關係, 加上有啲唔舒服, 又怕暈船浪 (雖則又食定暈浪藥), 又怕乜又怕物的關係, 雖則有公公係度, 但係你見到其他人的戰鬥格的相貌就... 唯有帶着戰戰兢兢的心情上接駁船出去了! 上左大船, 仲比我感覺到佢左搖右擺 >.< 跟住第一個行程係去食晚飯先! 千其唔好比期望佢, 但求有啲野食得飽肚就算吧! 之後去左等分房, 原本諗住一pair一房, 不過比人坤左只有六人房, 最後比我地講到$150位成交! 放底行李, 大家玩左陣啤牌uno後就出發去玩了! 我地同PP伉儷敗北了, 好彩夢夢一pair成功左! yeah!! 玩完行左一陣就再去食宵夜, 食飽玩多左一陣就回房了! 由於有啲唔舒服, 第一個入睡的人就係我, 佢地就玩啤牌玩到天光~~

22 Feb (Sun) 當我比人嘈醒時原來係凌晨六點幾, 大家先開始瞓! -_- zzz 我瞓到十點幾起身梳洗後, 大家仲做緊豬, >.< 之後可能太肚餓的關係我胃痛, 即刻食粒止痛藥, 食埋夢夢啲零食頂住先, 之後睇住電視等佢地起身. 大家起身之後第一件事又係玩啤牌, 夢夢真係好利害, 食得瞓得玩得真係係眾人之冠! 大家輪住梳洗, 玩啤牌等接駁船返去. 由於時間的關係, 打唔切...待續...

送船

20 Feb (Fri)
尋晚宵夜公公預備左鮑魚+公仔麵! 好味呀! 真係好味, 之不過見到你的飲品...有啲唔高興吧! 食飽又煲住碟瞓着左! (咁樣攪法都唔知幾時先睇完套碟! 咁樣食法我個肚腩都唔知點先可以消失!)
星期五啦! 終於星期五啦! 太好了! 太令人震奮啦!
今日爸爸回鄉, 一早同公公去送佢船. 送左佢入閘之後, 同公公去左麥當當食個早餐, 之後迫地鐵返工. 係途中過緊馬路時竟然比我撞到 Eva, 真係估唔到世界真細小, 約埋都無咁啱! ^0^ 攪到嚟唔切反應, 勁攪笑!
今日茵姐請假, 手頭上又有野攪, 加上backup佢啲野. 相信下晝會好快過吧! 加油!
一家大細係迪迪玩埋今日, 今晚返嚟啦! 雖然無份去, 不過期待他們影的相一齊分享!
近排日日努力打 blog, 繼續 keep going! 因為要我打格夜blog 或者係週紀blog 其實係好辛苦的事, 因為小女子比較善忘加上打中文又唔係快又唔準. 不過仍然希望繼續 keep going 日日打! (除左星期六、日行街放假日外, 呵呵!)

PS: 期待公公四寶飯的出現, 究竟係邊四寶呀? ... (?_?)

三寶飯

19 Feb (Thu)
講番尋日收工, 公公嚟左搵我! 佢仲suprise整左個好好味我的最愛三寶飯比我食呀! 超好味超開心! ^0^ 多謝!

今早請左個半鐘假晏啲返去銀行攪啲野! 去到銀行其實都無咩人, 不過啲人手腳真係好慢, 填完一張form又要填另一張form, 簽左成十幾個名再等佢將資料入機又要等佢另入去比高層check -_- 見到佢用嗰兩隻食指係個keyboard係咁篤係咁篤, 真係忟到你呢 (>_<)
仲忟的就係有張form填你咩公司名, 咩職業咩人工咩職位都算啦, 仲要填嗜好, 興趣 -0- 真係痴線!! 頂佢唔順終於除左填職業以外, 成張form空空白白比番佢! 你估家陣我去銀行見工呀! 吹極佢都係慢吞吞, 終於成個鐘之後先可以離開銀行趕返工! -_- 激死!!
返到公司又多麻煩野攪! 平日悶到死, 今日 Head Head 上左廠啲麻煩野就嚟啦! 次次都係咁, 有啲野都係命中注定吧!

今日一家大細同埋契媽媽一家去左迪迪尼玩仲過埋夜呀! 希望佢地玩得開心啲, 等BB佢地有個美好童年回憶啦!

三位小魚魚成員

17 Feb (Tue)
今日呀好同事放假, 好彩都無特別野發生. 平平淡淡悶悶不樂好不容易地度過左. 今日Tom仔同事買左水草比我地佈置小魚缸, 藍色氧氣珠加一棵小小水草配兩條小魚好似小左啲, 明天又會再加新成員! 今日 Head Head 奇奇怪怪請食tea, 唔知攪咩鬼呢?
放左工去左搵幫Ice家姐手搬屋的公公, 一齊幫手順順利利終於攪到成十點鐘先去食飯. 怪只可以怪咁近城隍廟 >.< 所以最終佢地決定去左小肥牛打邊爐! -_- 係成十點鐘先開始... 又係打邊爐, 救命呀~~

18 Feb (Wed) 加多三位小魚魚成員
今日Tom仔同事帶多左幾條魚比我地, 每人五條繼續魚樂無窮! 不過有一條小魚魚怪怪的, 成日捐落去氧氣珠底, 希望佢無咩樹吧!

小魚魚

16 Feb (Mon)
是日公司多左兩位新成員, 小魚魚是也! 希望佢地健健康康成長啦, 做到悶悶地可以魚樂無窮一下!
今日又唔係親戚嚟, 唔知攪乜勁無mood鬧情緒, 心情欠佳. 可能真係悶到傻左, 發晒顛痴左線, 失控~~ 公公中晒蕉啦! 勁無辜吧!
是日大蛇放假帶左兩隻豬返田灣, 食飽飯自己知自己事! 即刻大覺瞓避免再有無辜的受害者牽連.
瞓飽時一家大細已經出現了, 不過心情好好多! 回家洗衫煲碟等公公收工. oh! 打邊爐做宵夜 -_-

情人節

13 Feb (Fri)
收左工食飽飯, 帶左兩隻豬仔去陪我買情人節禮物. 買左小小心型糖返公司派, 由於公公唔鍾意食甜野, 所以買左心型粟米脆脆比佢, 再去買左豆豉媽咪鍾意的鬆弛熊公仔比佢. 攪掂晒就出去接公公收工! 今日第一次見夢夢好好男性朋友文文, so nice!
等埋公公收工返到屋企樓下花店買左一支黃百合, 預備明天送比呀妹同事. 多謝公公陪我一齊預備!

14 Feb (Sat)
Suprise! Suprise 收到由豆豉媽咪代公公送貨的一束花! 好靚呀! 好驚喜好開心多謝! 不過真係唔好再送花比呢個好怕抱住成束花遊街的我! 多謝合作! 原本諗住收工去行吓街先再等公公收工high tea, 不過多得呢束花! 唯有帶"它"去左公公公司一齊等收工. 之後同左PP伉儷一齊去左食~狀元, 之後同公公去埋灣仔街市買龜龜比BB佢做生日禮物後就各自走! 龜龜一隻男一隻女, 一隻叫豬仔包另一隻叫雞尾包! cute but I ... I ... afraid!!
今晚食飽飯又出發去接公公收工, 見到大家都為伴侶預備的禮物真係好開心! 第二次見文文, 佢送左束金沙花比夢夢, 而PP伉儷互相為大家預備朱古力. so sweet!

15 Feb (Sun) Happy BD to 細細個
細細個大一歲, 希望她健健康康, 聽教聽話 (因為呢隻豬仔真係好百厭呢!)
今日一早同左公公, Paul 婆去北角搵 Ice 家姐飲茶. 之後就去左家姐屋企幫佢預備搬屋作出準備, 一攪已經六點了, 之後一齊去左食早早晚餐就各自走. 我同公公去左 CWB行, 順便探吓豆豉媽咪再週圍行下再係 SOGO買左小小sushi同幾件蛋糕仔回家同細細個慶祝. 希望佢大一歲會聽話啲啦!
Finally 回家煲左一陣碟就瞓覺覺豬了!

16 Feb (Mon)
悶~~ 光陰飛逝

三人行

12 Feb (Thu)
放工返屋企食飽飯後就出發! 打算帶兩隻豬仔去接豆豉我媽咪收工, 由出發至去到目的地我都無同兩隻豬仔講去邊比啲驚喜佢地. 好似, 真係好似第一次一個人帶住兩隻豬仔出街去咁遠! 不過其實兩隻豬仔都買我怕, 所以我都控制得住. 係全個車程都好聽話, 當去到豆豉媽咪舖頭外, 當兩隻豬仔見到豆豉媽咪時, 當豆豉媽咪見到兩隻豬仔時... 佢地都不知幾開心! 仲好似幾日不見咁, 尤其係卓琳豬, 呢幾日佢口邊就成日講住好掛住媽咪, 成日就話要打比媽咪. 真係服左佢! 不過有個咁樣的女都幾窩心的!!

送上遲來的祝福

回憶3週記

哈哈! 話咁快就過左個新年, 連放左九日假啦! 開心的時間真係過得特別快! 回憶吓先...

22 Jan (Thu) 期待假期的來臨...
今日公公請左半日假係屋企整新電視, 太好了!

23 Jan (Fri)
是晚卓琳豬嚟瞓, 同佢玩左一陣小狗, 打左一陣機食, 一齊入利是食埋milk milk 之後就瞓左了. 豬仔真可愛!

24 Jan (Sat)
一早同公公+豬仔去左食大快活早餐! 之後 ... 失憶~~
今晚公公的公司食團年飯, 又可以食好味素鵝了! 食飽大家各自玩啤牌同麻雀, 玩到成四點先走人!


25 Jan (Sun) 年三十晚
同公公返左娘家食團年飯, 之後回家再攪埋啲利是. 之後去左行年宵, 凌晨十二點先出去join埋PP伉儷一齊去行年宵! 去到都仲打晒蛇餅, 半個鐘度終於迫左入去啦! 今年真係每一行都去迫吓, 買左小小無謂嘢, 食左燒賣加埋件勁貴的臭豆腐. 之後買埋桃花 ($150 低) 四點幾最終打的回家!!


26 Jan (Mon) 初一
起身一家食左啲糕食後, 同公公就出發去拜年! 舅母家->大姨婆家-> 格嚟街high tea -> 娘家 -> 伯伯家 -> 公公的外婆家 之後就趕返去夫家食飯! 新年晚餐~打邊爐 -_- 最緊要一家人開開心心齊齊正正! 是夜 Twins BB第一次到訪呢! 佢地仲瞓左我地張床, 哈哈!


27 Jan (Tue) 初二
今晚公公要返工, 夜晚係娘家食飽飯後上左伯伯屋企玩魚蝦蟹!

28 Jan (Wed)
一早同公公去睇戲, 之後去左香港仔再去左探公公的外公! 希望佢同外婆都身體健康! 係香港仔食埋晚飯後同公公一齊再上去伯伯屋企玩魚蝦蟹!


29 Jan (Thu) 初四
豆豉我媽咪去覆診, 下晝公公回來同Paul 婆一齊high tea. 之後...失憶了

30 Jan (Fri) 初五
烏龜婆婆去覆診, 一早同公公食個麥當當早餐先! 之後回家, 豆豉要陪烏龜去飲茶. 卓琳豬話唔想去, 哈! 咁就帶左佢去多次麥當當食早餐again! 之後join埋烏龜同Da姐之後就去醫院覆診. 去到左等又等, 終於攪到成四點先可以走人. Then, join埋同老爹拜完年的公公同埋豆豉+大姨婆+鮑b等...去左大家樂high tea!


31 Jan (Sat)
約左Rachel 一齊去 CWB 食晏, 不過由於我地有大有細攪到遲左! 食飽就去左拜訪Rachel家, 真係打攪晒! 兩隻豬仔就係佢張床度玩到唔願走, 之後同左豆豉我媽咪&BB去左太古城行街食飯.


1 Feb (Sun)
話咁快就過完年完左個一月了. 聽日就要返工啦! 今日無plan, 所以同公公瞓到三點先起身! 係屋企煮左個麵食har吓, 晚餐就同公公去娘家食. 之後就去享受埋最後一日新年假去夜遊電車河! 最終我地去左CWB義順食糖水, 之後買埋件cake比Paul 婆後就搭巴士回家. 今晚要早啲休息啦! 明天上班了 wowoo... -_-

2 Feb (Mon) Annual Dinner
又話咁快放完假第一日返工, 是夜Annual Dinner! 我的職責當然係歡樂小姐啦, 行行企企都係得個吉, 又唔中獎. 不過自己部門好多同事都中左, 好嘢排住隊等人請食野!


3 Feb (Tue)
是日午餐有呀妹同事請食飯, 多謝晒!
今晚公公去唱K, 自己大覺瞓先! 不過最終比人嘈醒, 唔夠瞓呀!! >.<

4 Feb (Wed)
攪到成日都勁眼瞓, 晏晝頭獎同事請飲茶, 食飽飯後仲眼瞓多幾成. zzzZZZ救命 ("~")
公公今日早左收工諗住去哥哥度食開年飯. 不過佢地已經食飽開緊局了, 所以同公公去左津津食過宵夜後就返屋企. 太好了, 終於可以瞓! 渴睡~~


5 Feb (Thu)
是夜約左舊同學食飯+派利是! ^_^ 韓國菜, 雖則價錢ok, 不過招呼同食物就... 可能唔係好啱我口味吧! 今日下晝公公放假, 回家食他的至愛~打邊爐, 之後仲有雀局真高興!
我食飽回家時已經有點倦意, 不過唔知攪咩鬼look嚟look去都瞓唔着! >.< 成四點鐘仲眼光光, help~~


6 Feb (Fri)
七點幾鬧鐘響, 不過真係好似無瞓過咁. 唯有打返去話晏啲返比多小小時間自己啦!
今日lunch 又有着落, 另一得獎同事請食晏, 多謝晒!

7 Feb (Sat)
帶左琳琳豬去 CWB join 公公+子龍兄同PP伉儷去食tea. 豬仔勁怕醜全程唔講嘢! -_- 食飽同公公行左一陣就回家了!
是夜同公公一齊煲碟, 太感人了! 喊到停唔到, 比人話我痴線! :p

8 Feb (Sun)
瞓醒 (我隻眼腫過豬頭) join埋一家大細去左三上食午餐, 之後放下豬媽同小煩豬卓妍後, 同公公帶埋卓琳去釣魚!
今日成績唔錯, 我有三條! 其中兩條又係雞泡魚! 我真係雞泡皇嚟咖, 哈哈! 公公仲勁, 佢釣左兩條魚, 一隻鞋, 兩件垃圾, 哈哈! 今次你win左啦! ^0^
是夜同嫦娥公公慶祝生日, 一齊出去食晚飯! 食飽仲買埋個蛋糕回家, 好好味的拿破崙~~
原本諗住去玩遊戲, 不過時間的關係返左屋企睇電視煲吓碟吧! 公公今晚超早瞓左, 個個仲以為佢有事, 哈哈!

9 Feb (Mon) 元宵夜
今日公公接收工, 收到份美味禮物~甜蝦海膽!! 好好味呀! 多謝!
食飽飯帶左兩個BB去遊公園睇花燈
等公公收工, 買左小小植物送比佢. 希望佢鍾意啦! 去左食個麵回家睇左一陣間碟就睡到天光了!

10 Feb (Tue)
今日豆豉我媽咪去左做part-time, 希望一切順利!
今日係公司比老太串 >.< 好氣頂!
公公接收工, 佢仲送左份禮物比我! 多謝! 好鍾意呀! 不過有小小問題, 要拎去換. 期待中~~

11 Feb (Wed)
office : 悶, 今日又屈左IT同事請食晏! 多謝!!
娘home : 累... 越悶越累, 不過返到屋企仲有兩隻豬仔係唔會放過我的!
夫home : 倦... 睇左一陣碟就瞓着左了 zzzZZZ...

12 Feb (Thu)
呢篇blog打左好多日咖啦! 終於可以係今日完成!

悶鬥悶

20 Jan (Tue)
平平淡淡悶悶的又過左一天了.
今日貪婪一家帶埋姐姐約左契媽一家去BBQ! 收左工買野食同兩長老一齊食. 食飽睇陣報紙同烏龜食埋雪糕即刻走去瞓, 肥仔死!

21 Jan (Wed)
同事們上左廠, 呀妹同事放假, 烏蠅飛過都聽到!
卓琳豬放假啦, 朝早收到佢電話同我講好悶! (咁啱呀, 我都係喎!大家悶鬥悶!)
無無聊聊大家講左十幾分鐘電話 (好耐無啦!返左學之後小左打電話比我了!) 呢隻豬仔自從返左學之後記性好勁呀! 同佢講過啲咩, 帶佢去過邊度佢都好記得咖, 豬仔真係越嚟越可愛!
今晚約左 CHPF 同豆豉我媽咪慶祝生日 ^0^

Note to PF

期待着新春假期

11 Jan (Sun)
今日原本同公公約好左 Paul 婆一齊去行街, 不過Paul 婆今日唔舒服取消左! 亦由於天氣太凍的關係寧願留係被窩入面, 瞓到夠大家起身叫左外賣食飽之後就係咁係自由活動. 我就返左去張暖床har, 最終大家har到四點幾先陪Paul 婆去睇醫生. 之後再同公公出左去行一陣, 玩遊戲, 順便去買埋外賣晚餐回家同Paul 婆一齊食.

12 Jan (Mon)
今日茵姐同事放假, 所以忙左啲. 不過啲時間好快過, 太好了.

13 Jan (Tue)
今日公司好多野攪, 時間又好快過.
今日豆豉我媽咪帶左卓琳豬接我收工呀! 因為我地諗住去行吓灣仔街市辦年貨, 預備新衫比BB. 可惜心大心細最終只買左小小揮春吧! 等今個weekensd再行街街shopping! 食左小小sushi就回家了!

14 Jan (Wed)
沉沉悶悶過一天

15 Jan (Thu)
茵姐唔舒服請左病假, 多左啲野做時間過得快啲!

16 Jan (Fri)
茵姐仲係唔舒服請多日病假, 希望佢身體健康啦!
今日收到公司出的貓貓, 再一次警告連usb手指都唔好插入公司部腦度!
返工 = 坐監, 食lunch = 放飯, 返工 = 放監 (>_<)

17 Jan (Sat)
收左工去公公度print野, 之後去左翁記食麵麵. 之後回家har左一陣, 知道哥哥有時間, 去左修一修頭髮. 可以靚靚地過年吧!

18 Jan (Sun) 荃灣遊
一早被哥哥嘈醒, 順便起身洗衫不過之後又再瞓過. 出得門口時已經差唔多兩點了! 之後約左一家大細去左荃灣行街街, 一路行一路食又一齊去左玩野. 哈哈, 好開心! 我仲買左件衫同個水樽仔, 放便我呢啲唔鍾意飲水的人帶支小小小水出街吧! 無聊~~ ^0^
今日重頭戲之晚餐~小肥羊任食buffet! 總括嚟講都好好, 低食, 服務不差, 上食物又快! 大家都好滿足先走, 之後買埋宵夜比烏龜食就走人了!

19 Jan (Mon)
一早六點幾起身, 同公公爭廁所! 大家都肚痀! 好彩去完之後大家都無咩樹!
今日lunch 同左同事們出去食美味天王, 大家有傾有講 ^_^! 之後仲去左買零食辦年貨. ~~月巴~~
今日一家大細返左去父家食飯, 我放工回家食飽飯後, 大左呀 Da 姐去公公家打打掃掃.
公公今日約左亞宇食飯, 我去自己去搵周先生啦!

2009

1 Jan (Thu)
新的一年啦! 尋晚去左公公的公司, 同埋PP伉儷一齊落左樓下倒數睇煙花! Happy New Year! 之後同左PP伉儷, 夢夢, 靜兒一pair同子龍等去左打邊爐, 一打就打到四點幾先走 crazy >.< 所以一早公公返左工之後瞓到黃朝八晏先起身, 再join公公食三上. 市度差的關係吧, 佢地真係做到海嘯價. 價錢真係比之前平左好多. 平平淡淡過左第一日...

2 Jan (Fri)
公公今日唔舒服請左一日病假, 今晚同左Paul 婆, 公公同埋出門口時唔記得帶鎖匙的Paul 婆媽媽一齊食飯. 飯後同公公送佢返屋企, 之後我地又去side 錢玩遊戲. 今日運氣麻麻, 成功普普通通吧!

3 Jan (Sat)
放左工自己一個去左大街市行街街, 買左好多賀年飾物呀! 之後join埋公公一齊返去三上搵埋一家大細去食野. 今日終於拆棚啦, 食飽同公公帶埋卓琳返去執屋.

4 Jan (Sun)
係屋企叫外賣食左個早午餐之後, 同左一家大細+PF去左太古城行街街. PF 又唔一齊食飯, 仲帶走左卓琳豬! 我地行多左一陣就去食晚飯~小肥牛, 好好味! 推介炸腐皮!!

5 Jan (Mon)
又係星期一, 勁無mood!
今日豆豉我媽咪要入院檢查, 預備明天做手術. 不過今晚可以請假回家, 放左工去左接佢再兩條友去左三上食埋飯先返屋企. 偷得浮生...都係一陣吧!

6 Jan (Tue)
今早豆豉我媽咪就做手術了, 下晝收到佢電話話無事. 太好了!
收左工之後同大蛇去左接佢出院, 之後CHPF接我地一齊去食飯. 食飽回家接埋兩隻豬仔去食糖水! 月巴~~

7 Jan (Wed)
今日黑面神一早出現, 攪到勁無mood.
好彩公公今日請左半日假, 太好了! 放左工後去左旺角行街街, 好開心公公係試左十幾二十條褲之後終於可以買到新褲過年! 仲買左新衫潻! 之後食埋個元祿後就回家了!

8 Jan (Thu)
返工放工... 悶死人...

9 Jan (Fri)
今晚要同亞妹同事留係公司睇人洗地毯要, 之後再約埋茵姐同其他人一齊去打邊爐. 好開心公公收早啲join埋一齊, 由於無得book位加上天氣凍, 所以好多人呀!我地等左好耐, 最終都係改左去火鍋城. 大家有有傾有講食到十二點幾先走人!

10 Jan (Sat)
天氣太凍的關係真係唔多願起身, 所以今日無同公公出去食早餐呀! 瞓醒係屋企har左陣食左個杯麵之後就出去接公公收工, 因為公公今日放半日假返屋企做節還神! 首先我地去左北角食番三年幾無食過的好好味炒麵再加七喜, 之後join埋Ice家姐去買家具幫佢運埋返屋企. 之後我地一行三人去左行電視機開倉, cross開倉, 不過大家都係零收穫 -_- 再搭車去左探Twins BB後就回家做節! 食飽又回娘家飲湯, 之後又出去慶祝Ono San 的生日! 好飽呀! 大家食前麻雀耍樂, 食飽後又再玩過! 今次唔出充都輸錢, 今天運氣麻麻, 不過玩得好開心! 打到成四點先走人~~

Bye Bye 2008

好耐無打blog啦! 因為前排實在太忙啦, 過左一個忙碌的十二月! 公司、屋企都發生左好多事, 等我盡量記起再紀錄底2008年12份的事吧! 完成2008年最後一篇blog...

公司

忙 ~ 一個字忙! 因為係呀妹同事左個幾星期病假, 加上call台同茵姐同事又放吓大假, 一個人做幾個人的事. 真係過得好充實, 不過真係幾攞命! 好彩好好快就過左去.

炒 ~ 另外公司又炒人, 又再一次係炒老pat pat! 又係同Head Head 好friend做十幾年的同事, 大家知道左之後都好突然! 真係估唔到! 海嘯的威力真係勁! 希望佢可以快啲搵到份好工啦, 年尾流流比人炒真係好慘咖!

屈 ~ 又唔老闆佢地又有咩鬼主意, 繼上年新年前扣大家大假幾日, 今年又再一次係咁. 不過今次係接住初四之後放都好啲!

馮老先生 ~ 係23號放左工後, 全公司分左兩批人出發去左大酒店同馮老先生致最後敬意.

屋企

老媽 ~ 媽媽身體真係越嚟越差, 十二月中時佢又因為又痀又嘔入左醫院. 因為腸胃入左菌加上又轉左藥, 只想佢意志堅強啲. 身體健康就好了! 多謝各位的問候, 多謝PF的探訪. 感激!

維修 ~ @娘家 屋企好多野都日久失修, 之前有晚同公公講開娘家個廁所水箱壞壞地, 之後佢第二日係我不知情的情況下真係去左娘家整番好. 真係好surprise, thanks!

~ @夫家 屋企要搭棚, 仲要係我地間房出去整 -_- 大工程吧! 要將所有野包好, 又要搬開張大床褥, 又要鋪報紙... 係24號一日內整好左個棚, 不過唔知幾時先攪好呢?

聖誕節

總括嚟講成個假期都日日出街...

23 Dec night ~ 同茵姐同呀妹同事去完大酒店之後, 就三條友仔去左公公度食野. 大家有傾有講, 不知不覺見到換左衫收工的公公先知道已經十一點幾! 開心的時間過得特別快. 多謝你送給我們豐富美味的一餐!

24 Dec ~ 一早起身同公公收拾房間所有野! 因今日要搭棚, 公公趕返工, 自己攪好晒就買左碗粥返娘家. 晏晝同左豆豉我媽咪帶埋兩隻豬仔去左CWB join 埋公公去据扒! 之後諗住行下Times 不過當你見到人迫人時仲要帶住兩隻豬仔, 都係早啲返屋企吧!

25 Dec ~ 又出街, 帶左豬仔去左噴水池公園之後去左太古城行街街食埋飯, 之後送豬仔返屋企再約左PP伉儷同子龍兄去食宵夜.

26 Dec ~ 再出街, 又帶左豬仔去中環影聖誕樹. 之後去high tea再去玩遊戲...

27 Dec ~ 同左公公山頂遊, 之後比左一個 surprise dinner 比公公 ^0^!

28 Dec ~ 一早起身去左打羽毛球, 壁球, 兵乓波, 之後join埋一家大細食左個三合一早午餐. 再同公公左食吉野家...

29-30 Dec ~ 返工放工...

31 Dec ~ 2008年最後一日啦, 今日 Head Head 請飲茶又收早! 之後返左屋企執野, 因為師傅今日終於嚟拆野啦! 但係個棚... 出年先拆...

仲有幾個鐘就到2009年啦! 2008年對我最大改變的, 唔洗我講你都知係我終於嫁得出! 由 (Ms.) 變左 (Mrs.) ^0^ 好啦! 我要出去接公公同佢一齊倒數啦! 希望各位都開開心心迎接新的一年, 係呢度祝大家係新的一年身體健康, 人人有工開, 心想事成, All the Best!!

Happy New Year!! 新年快樂!!

孤身作戰

6 Dec (Sat)
一早返到公司收左個壞消息, 公司的創辦人~馮老先生係尋日的下晝因病與世長辭. 大家收到消息時都好驚訝, 希望馮老先生可以好好安息.
收左工自己去左灣仔街市行吓, 之後去金鐘join埋帶住兩隻小豬的豆豉我媽咪一齊去食sushi. 食埋今次都仲欠兩個印花, 不過最後限期係聽日, 唔通聽日再食過? 食飽就同左兩隻豬去左噴水池公園, 不過天氣太凍啦! 為免濕身冷親所以只係行左個圈睇吓龜龜同金魚就走了. 今晚食飽飯後, 摟計卓琳豬比大蛇爸爸用衣架打呀! 希望佢知道呢一下的教訓之後聽話啲啦! 近排兩隻豬仔都百厭左, 食親袋飯一定摟計,有時真係煩死人! 今晚去接公公收工, 之後同埋Dream, Thomas, Niki & PP 伉儷去左食宵夜.

7 Dec (Sun)
十點多起左身開機洗衫, 個人已經醒晒諗住唔再番瞓, 點知公公叫我去番瞓. 是但啦, 諗住瞓唔番咖啦! 點知好快又可以瞓番! 哈哈, 瞓覺真係我強項嚟咖! 一瞓就瞓到成點先起身, 之後去左街市食早餐. Join 埋豆豉, 細細個同PF一齊出發去荃灣行街街. 今日卓琳豬跟左舅母去街街, 小左一個百厭星煩住晒! 大家四周圍行, 行完一個商場再接一個, 之後去左元氣食野! 務求係今日限期前儲埋嗰兩個印花換張coupon, 所以大家只係食左好小野就走! 之後就再去食今晚個晚餐~吉野家, 呢間分店真係好唔掂! 無冷氣谷死人, 個湯底又真你差左啲, 真失敗!
食飽收到烏龜婆婆電招回家, 因為百厭星已經返左屋企! Happy weekend!

8 Dec (Mon)
今個月好多人請假, 今日call台小姐放假, 呀妹同事有事晏返. 成朝就坐係門口har, 啱晒! 下晝都有啲野整, 時間都好快過!

9 Dec (Tue)
個人硬係無乜心機, 可能眼見人人都放假吧! 但知道自己又無得假放 ... so down...放工前比埋份禮物比茵姐先, 預祝佢後日的生日! 跟住我就接手呀妹同事的工作, 因為聽日開始佢會放十幾日病假. 希望佢身體健康!

10 Dec (Wed)
今日keep住有啲野做, 無不勁鬧情緒無咩心機, 今日下晝同左同事+茵姐出去食飯慶祝生日! 放工前又要接手做埋佢啲野, 因為聽日開始會放一日大假. 孤身作戰...
夜晚心情欠佳, 好彩有個仲識關(擔)心我的公公趕回來看看我. 最好彩的係我仲可以瞓得着! (偷笑中^_^)

11 Dec (Thu)
孤身作戰中, 直到目前為止情況尚算受控制. 加油!!

十二月

30 Nov (Sun)
同左豆豉我媽咪同PF一齊去左旺角行街玩遊戲! 卓琳豬好勁呀! 拋彩色中左大獎呀!! 史迪仔公仔歸左 PH所有! 之後 join 埋嫦娥同烏龜去食Pizza, Family Day 真開心! ^_^

1 Dec (Mon)
星期一的心情又點會好得去邊呀, 鬧情緒~~
啲人成日出email 攪風攪雨, 真係唔夠佢地玩! 今次真係搵着我嚟攪!

2 Dec (Tue)
心情繼續差 >_<
今晚去Calvin 的飲宴, 公公接左我收工之後一齊搭船去TST. 行左一陣食左個麵之後就 join 埋玲玲家姐一齊上去. 係酒店擺, 聽講八千幾蚊一圍, 個場地都唔錯! 四四方方, 佈置簡單得嚟又幾靚! 不過招呼就真係麻麻. 聽講因為化妝問題所以遲左成45分鐘先開席, 好彩之前食左碗麵如果唔係已經餓暈左啦! 仲要等埋註冊~~~ 食物都算不過不失啦! 希望他們幸福快樂!

3 Dec (Wed)
繼續捱~~

4 Dec (Thu)
啲麻煩email 工作暫時停左, 心情都自然好左啲!
下晝同事們話我知有人係斜對面的稅務大樓跳樓, 消防員係地面開左吹氣墊! 望過去真係有人坐左係天台呀! 攪左好幾個鐘之後, 聽講佢最終無跳! 太好了!
今晚公公約左呀宇出去, 上左陣網早啲瞓吧!

5 Dec (Fri)
出左門口打比熙熙父問佢係唔係巴士站睇吓有無得打尖啦! 點知佢同我講佢公司裁員呀! Too bad! 希望佢快啲可以搵番份好工啦! Bless him~~

換季

28 Nov (Fri)
原本的大閘蟹宴, 因為豆豉我媽咪話買唔到的關係, 所以改左為食羊腩煲打邊爐! 收左工趕返屋企食飽飯後, 同豆豉我媽咪趕去街市同超市買材料預備. 等埋公公收工後出發去公公屋企食, 可惜卓琳豬已被周公急call瞓左, 所以只有卓妍豬+豆豉&大蛇參加! 之後仲有玲玲家姐同Paul婆的加入, 大家今晚又要抱住個肚瞓啦! ^_^~~月巴~~

29 Nov (Sat)
原本同公公一齊食早餐的, 但因為有人請假佢要趕返工而取消左. 我再瞓多陣梳洗完就陪左烏龜婆婆同 "啲打姐姐"去哥哥度剪頭髮, 之後等放半日假的公公返嚟係三點幾同埋豆豉+卓琳豬食我的三合一的早午下午茶餐. 原本諗住同公公去釣魚, 不過又想將啲衫換季所以最終取消左釣魚, 改為返屋企換季順便執吓間房, 攪一攪又幾個鐘啦! 真係大 project嚟咖! 係屋企食飽返後, 去左沁姐屋企探吓 Twins BB, 好細粒可愛呢! 跟住同公公去左食糖水之後回家收拾埋間房的小小殘局, 之後就自由活動... online 打 blog ... ^_^

沙翁

27 Nov (Thu)
Head Head 今日下晝請假, 大老細晏晝早走, 細老細返左嚟一陣又走左! Happy Time, 一齊食沙翁! 好好味! 今日仲有豆豉我媽咪帶埋兩隻豬仔嚟接我收工, 太開心啦! 放左工去左灣仔街市行吓再買沙翁做飯後甜品先返屋企食飯飯. 今日開始凍啦, 自己一個打住冷震行返屋企! 之後好快就做左懶瞓豬了!

28 Nov (Fri)
Yeah! Happy Friday!! 星期五啦, 等左好耐啦! 同公公決定叫豆豉我媽咪買大閘蟹今晚一齊食宵夜!

單車日

21 Nov (Fri)
星期五公公放半晝, 好嘢! 等埋我收工後去左食飯飯行街街. 商討左一陣, 最終決定食 "狀元"先, 再返去 "三上" 食宵夜放題! 之後去左CWB 行街, 去到CWB街市比啲大閘蟹吸引住, 所以... "三上" 食宵夜放題取消左, 變左行多一陣就返屋企拆蟹食! 可惜... 因為... 唔係太盡慶, 唔緊要啦! 下次再嚟過!!

22 Nov (Sat)
放左工去左搵公公, 大家諗左好耐終於決定食 "翁記" 之後再去老人院探公公的公公. 見到婆婆都係度, 兩個精神都好好, 仲食一齊食薯片潻呀! 之後就回家同公公午睡一陣後, 佢返工我返屋企食飯! 原本同公公宵夜約會取消左, 換嚟的當然係炒飯. >_< 今晚烏龜婆婆肚餓, 去左買腸粉加蛋比佢食. 一肚氣的我就換來一肚氣飽晒! 唔理你, 我搵周公先! :p

23 Nov (Sun) 大尾督單車日
一早起身梳洗後, 同公公買左個包上車食就出發. 今日單車日正式開始! 係大圍等齊人十幾人浩浩蕩蕩去揀車, 之後就開始各自各出發. 開頭大家的相距離都唔係太遠, 去到啲check point 大家會聚埋一齊, 大約去到五分一的路程時, 寶寶炒車呀! 正確啲嚟講係比人炒佢駕車, 佢手腳都損左. 大家急忙為佢包紮傷口, 好彩傷勢唔係好大仲可以忍痛繼續踏. 直至再踏多一段路, 見到義工醫療人員再好好包紮同消毒傷口, 大家又再次出發. 不過呢個時候大家的距離已經相差好遠了, 唔緊要. 因為有公公做我背後的男人睇住我! 終於係六點前去到目的地大尾督, 今次去返前年去過的大草原燒嘢食仲可以係嗰度還埋單車, 勁方便! 大家就開始燒嘢食, 玩飛標, 踼毽, ping pon wah! 好開心, 直到十一點一齊call的士回家! 開心的一天!!　今晚小狗返左嚟呀，唔知佢地會住幾耐呢！

24 Nov (Mon)
好好彩尋晚好夜先嚟! 如果唔係尋日就勁 no mood 啦！
一起身週身痛!　手, 腳, 腰, 大脾, 背脊痛到死... >.< 不過點都要爬起身返工咖啦! 出得去玩就預左咖啦! 哈哈!

25 Nov (Tue)
Call 台小姐放假，輪住出去頂佢！ 今日悶死左 一.一
放左工食埋飯帶左BB去公公家同小狗玩！卓妍豬真係大膽過卓琳豬好多，好可愛呀！

26 Nov (Wed)
繼續 no mood, 繼續燃燒 weekend 的精彩片段, 期待下個 weekend的來臨...

~~月巴~~

19 Nov (Wed)
是日午餐~尋晚無預備飯盒菜所以叫左外賣, 竟然弄撞啱今日有雞脾腸仔飯, so great!
收左工返屋企食埋個晚飯, 急急腳同豆豉我媽咪去買埋小小禮物上去醫院探沁沁家姐. 好好彩可以見到BB哥哥, 好細粒好醜樣 <--(老人家好吻) :p 因為肚餓佢不停係度喊 >_< 之後我地坐埋成哥的順風車回家了!

20 Nov (Thu)
是日午餐~公公的愛心炒麵, 超好味亦係我的最愛!
細細個尋晚又比惡蚊針呀, 慘~ 眼睛係重災區, 手仔係第二重災區, 耳仔亦無可幸免! 下晝豆豉我媽咪帶左佢去睇醫生, 之後仲走左嚟接我收工潻! 我地仲去灣仔買埋雞蛋仔同牛雜食先再返屋企. 哈哈!
今晚公公工作上有啲不如意, 唔緊要啦! 失敗乃係成功的媽媽啫, 加油!
是日宵夜~一人一個丁丁麵, 肚腩增肥中...

21 Nov (Fri)
終於星期五啦, 人都開心啲!
是日午餐~知道今日外賣係食咖哩牛脷飯, 所以唔帶飯lor! 呢間餐廳啲咖哩牛脷飯好好味咖! 今日差唔多食晒成個飯盒呀! ~~月巴~~

Welcome Twins BB

14 Nov (Fri) BBQ Farewell
今早十點幾, 收到豆豉我媽咪電話. 媽媽要入醫院, 其實係佢身體弱加上出水豆抵抗能力差, 需要入院格離佢. 又知道爸爸頭暈又驚佢再次暈到, 所以即刻請左假返屋企睇吓佢先. 好彩佢無咩事, 太好了. 下晝公公仲比左個surprise 我返左嚟! 之後大家一齊去醫院探媽媽, 將啲行李比左姑娘後, 我地只可以去到另一間房以視像鏡頭加個電話見到媽媽同佢傾左一陣吧! 之後按原定的計劃去join番同事們BBQ Farewell Party. 集齊左第一班同事出發去買野, 之後再坐同事川叔車去目的地. 之後大家分批嚟到差不多八點先開始, 時間過得好快燒吓野食, 玩吓遊戲, 到十一點幾先同兩位同事走先! 之後就join埋公公一齊返屋企!

15 Nov (Sat)
一早起身同公公去食早餐, 豆豉一家大細join埋. 之後公公返工, 而我地又要指定動作~去玩彈波波! 卓琳成績真最勁! 之後返左屋企同BB玩, 而豆豉我媽咪就上去醫院探媽媽. 等埋佢返嚟之後一齊出發去搵公公食sushi!! 食飽去左GREAT 行左一陣就要返去預備晚餐了! 食飽晚餐har左一陣, join埋早收小小的公公去食羊腩煲, 食飽飽兩條友就行返屋企覺覺豬! 真係無肚腩先奇呀, 個小肚腩咪係咁嚟咖囉!

16 Nov (Sun)
一早起身打掃吓洗吓衫, 之後約左嫦娥公公同一家大細去飲茶食飯. 之後卓琳豬話要跟埋我地去街. 所以同公公帶左豬仔一齊去左灣仔買床褥比媽媽, 由於太遲先送貨, 加上又要每八級樓梯又加錢, 左加加右加加... 最終同公公決定自己拎返去! 仲要坐小巴, 哈哈! 服唔服!! 抬左返屋企再搭巴士去Ice 家姐屋企幫佢整野, 之後原來Paul 婆都嚟埋. 不過激氣野又發生, 真係好難頂! 真係廢Q事同佢嘈! 今次係第二穫啦, 我會好好計住!! 之後大家出左去太古城分頭行街, 再join返一齊食半價的露比星期二. 直到食晚飯前卓琳豬全程都好聽話無摟計, 不過可能夜佢又倦. 佢摟計叫返屋企, 唯有食飽後即走! 都係開心的一天!

17 Nov (Mon)
一返到公司, 大家的對白係唔想返工, 好眼瞓! 點算!!! -_-
今晚媽媽出院啦! 不過食飽佢又嘔, 佢身體真係差左好多呀! 今晚豆豉我媽咪的朋友群姨姨出街, 放底出世只有一個月的細細佬係度. 好可愛! 相比之下卓妍豬都好大個女啦! 食飽陪左兩隻豬瞓覺直到公公返.

18 Nov (Tue)
凌晨兩點沁沁家姐打嚟話要入醫院啦!
早上六點幾時份收到成哥電話知道BB出左世啦! 恭喜恭喜!

肚痛記

13 Nov (Thu)
慘痛的一晚, 尋晚瞓覺之前已經覺得個肚仔有啲唔舒服. 唔等公公自己一個返去煲住碟瞓先, 點知瞓到兩點幾勁肚痛醒左. 即刻跑左入去廁所, 可惜坐左好耐都無功而回, 但個肚仔仍然非常痛. 公公比左啲整腸丸比我食, 食左好啲可以瞓得番. 不過瞓到六點幾又再痛醒, 攪左好耐終於都成功啦! 個小肚腩仲唔見左潻! 不過之後已經瞓唔返, 唯有起身梳洗返工啦!

尋晚繼續係屋企留餸帶飯, 繼續慳得一蚊得一蚊!

慳得一蚊得一蚊

7 Nov 08 (Fri)
最終尋日公公因為公司太忙而無去到睇鋒叔叔註冊, 佢仲唔小心比啲滾油整傷左仔手 >.<

8 Nov 08 (Sat)
收左工去左搵公公, 之後番左去美食廊食野! 然後再去搵返埋最後一日工的豆豉我媽咪. 之後回家har左一陣就自己一個人帶同埋兩隻豬仔送公公搭車, 再行吓超市就返屋企食飯飯.

9 Nov 08 (Sun) Cool Sunday
由於公公整傷左隻手, 原本的單車之旅將會延期. 今日無任何行程計劃, 所以同公公瞓到兩點幾先起身. 醒左同埋玲玲家姐一齊叫左外賣食, 之後同公公留係屋企打掃一番. 豆豉我媽咪帶左細細個嚟坐左一陣, 之後一齊去左街市買餸食大閘蟹. 是夜嫦娥公公去飲, 佢無份食呀!

10 Nov 08 (Mon)
天氣開始轉涼, 好爽好舒服. 不過又係頭痛的時間, 又係時候攞啲冬天衫出嚟!
今日晏晝出左去灣仔附近啲Bar到食晏farewell 同事! 今晚食飽同豆豉我媽咪帶左兩隻豬仔去超市行吓, 咁啱撞到沁沁姐姐呢!

11 Nov 08 (Tue)
接待員請左病假, 大家又輪住嚟頂.
公公煮左麵比我帶飯, 食飽即瞓. 今個晏晝真係熟睡左, 好好瞓好滿足!
今晚公公公司好忙, 自己一個返左去煲碟先!

12 Nov 08 (Wed)
接待員今日繼續請病假, 大家繼續輪住嚟頂. 尋日係屋企留左飯, 今日餐晏有着落! 慳啲慳啲! 慳得一蚊得一蚊!

沒有慶祝南瓜節

30 Nov 08 (Thu)
返工等收工, 加油!!

31 Nov 08 (Fri) 南瓜節
上年同左CHPF+卓琳豬去夜蘭桂坊, 不過今年由於BB們出水豆所以無任何慶祝節目. 平平淡淡食飽飯去左接公公收工, 之後二人世界去左可可食宵夜. 今晚要早啲瞓, 明早要早起身!

1 Nov 08 (Sat)
公公的公司裝修一早要返去開門加監督. 我就同左媽媽去醫院申請野, 十點幾出發的士來的士去以龜速進行. 終於差唔多十二點先返到屋企, 真係好倦! 只希望烏龜婆婆身體健康. 之後出發去陪公公, 估唔到PP伉儷真係應約一齊番嚟玩大富翁! 最終大輸家係我, 第一次玩大富翁的寶寶贏晒! 大家攪到八點多先走, 我同公公去join埋豆豉我媽咪同卓琳豬去三上食飯. 味道都ok, 值70分啦! 可惜服務態度依然一啲改善都無, 零分!!

2 Nov 08 (Sun) 開心三人世界
終於都可以瞓晏啲啦, 瞓到十二點幾起身洗衫再梳洗. 同公公商量過決定帶卓琳豬一個去街街. 因為Da姐同細細個都出水豆呀, 佢地兩個要留係屋企由豆豉我媽咪照顧. 是日行程 格離街食早午餐 -> 住車去CWB (卓琳豬係車度瞓着左) -> SOGO -> 再坐車去灣仔 -> 海馬店 -> 玩具街 (卓琳豬自己揀左份禮物仔) -> 去冒險玩 -> join埋Paul婆大家樂一人一鍋 -> 再去冒險換禮物 -> 送卓琳豬回家. 收穫豐富的卓琳豬今日真係她聽話! 大個女左好多啦! ^_^
同公公返到屋企, 因一件小事比Paul 婆激死! 入房自己一個谷氣, 好彩多得Ling Ling同哥哥出口相救! 真係無言感激.

3 Nov 08 (Mon) 眼腫腫
是日總台放假, 大家又輪住頂佢. 眼腫腫的我只好默默低頭工作 @_@ 不停比人問攪咩 -_-

4 Nov 08 (Tue)
今日公司又炒一件, 應該係個別事件吧! 明天又有一個新嚟接手.
食飽飯係娘家瞓左一陣先回家. 是夜公公約左宇叔叔同鋒叔叔食宵夜, 我一個人返去又努力整相攪到成兩點幾先去瞓! ~0~

5 Nov 08 (Wed)
今晚同呀花同事歡送會打邊爐, 公公放半日假一齊去食! 都係第一次吧, 多謝你比面出席.

6 Nov 08 (Thu)
又收到消息公司有人走, 仲要事前通知嗰種... 唔知幾時輪到我呢?
是日鋒叔叔註冊, 公公一個出席. 記住影相比我睇呀!

Reschedule Gathering

29 Oct (Wed)
尋日海哲&Fanny之約會最終都取消要改期. 唔怕啦, 有心唔怕遲吧!
尋日下午公公同哥哥去左市政打波, 我收工之後去左豆豉我媽咪度等, 之後就同公公返屋企食飯. 公公係魚佬度買左啲海鮮一家人食, 公公飲飽食醉後早早睡左, 我就上網upload相去facebook. 平平淡淡的一夜... ... zzzZZZ... -0-

忍 >_<

25 Oct (Sat)
收左工去左等公公收工, 之後同埋PP伉儷去左食肯德雞家鄉基. 之後去左同公公去左 Great 幫公司買野, 行完我就自己返去搵豆豉我媽咪啦!
終於收到 Close 的消息啦, 都係一個了斷吧!
食飽飯同BB玩左陣又去接公公收工啦! 今晚約左夢夢同PP伉儷一齊去食宵夜.

26 Oct (Sun)
Happy Birthday to Jo Jo!! 祝你開開心心威威, 身體健康!
一早起身諗住同埋Paul 婆一齊去飲茶, 不過因為無位所以同左公公去格離街食野, 食完之後大家join埋一齊出發去登高拜袓先. 一行五人首先去左粉嶺登高, 再去九龍塘拜袓先, 之後就再去鯉魚門食海鮮. 去到唔知邊間好, 求其是但入左一間食. 唔低食又唔好食 -_- 最後大家返到屋企要煮麵食. 返到屋企睇左你個blog先知你屋企咁大穫, 真係慘! Bless you...

27 Oct (Mon)
今日勁鬧情緒, 勁down! 究竟點好? 忍? 忍? 忍 >_<
食飽飯自己一個人返左屋企整埋啲相先! Upload 左第一二日啲相去 Facebook! 睇番啲相真係好開心!

28 Oct (Tue)
公公今晚放半日回家家庭樂, 而我就約左海哲同Fanny出去補祝生日食飯.

愛心午餐盒

24 Oct (Fri)
終於都算有啲成績啦! 手頭上的野算清得七七八八啦! 都算有個Happy Friday 吧!
呢兩日都出左街街無返屋企食飯 :p 尋日約左Mrs.玉樹食飯預祝佢生日順便比手信! 今日約左Pauline 一齊去睇戲食飯同接收工! ^0^

去完個旅行日日都無乜胃口食晏, 所以公公呢兩日都有為我預備午餐盒.
23 Oct : 出前一丁 + 鮮蝦雲吞
24 Oct : 凍烏冬 + 菜肉雲吞 + 冷麵汁
好好味呀!! 多謝你 kiss...

後群症

假期後群症仍然纏繞住我. 自從假期後日日朝早六點幾起身就瞓唔番, 工作好大壓力吧! 呢幾日已經日日係公司埋頭苦幹做做做, 做到頭都痛埋終於都有啲成績清咁啲野. 不過好似仲沒完沒了咁... ... -_- 唔開心... ... 呢幾日成日諗番上個星期的現在做緊咩玩緊乜, 幾時先可以再放大假去玩呀? 夠啦! 都係面對現實吧! :(

返嚟啦!

我們的七天大阪加東京日本蜜月之旅話咁快就曲終人散啦! 開心的時間真係過得特別快. 一個星期前仲係日本遊山玩水緊, 一個星期後的我又返到嚟呢個殘酷的世界, 又坐左係公司電腦前... (都未嘗係一件壞事吧! 想盡辦法安慰自己去平復嚴重的假期後群症) help... .. .
七天之旅好精彩, 每日的行程都安排得密密麻麻, 日日都早出晚歸! 去到第六日隻腳已經超痛, 仲要瞓得兩個鐘之後凌晨時份去左築地魚市場, 行完之後又要趕番酒店 join埋團友一齊去迪迪尼玩足全日! 真係倦到痴線, 不過真係好開心好滿足地玩足食足影足七日! 正!!

不過一返到嚟知道卓琳豬出水豆的消息, 之後烏龜婆婆又唔係好舒服星期六晚陪左佢睇急症, 足足坐左四個鐘先見到醫生, 好彩唔洗留院唔係又有排攪. 因為太倦, 呢幾日主要都係喺屋企休息hea吓. 等我遲吓整理好晒啲相放係facebook同大家分享吓啦!

送上的小小手信希望大家鍾意啦!

蜜月中...

倒數完啦!

29 Sep (Mon)
一早收到豆豉我媽咪電話, 卓琳豬今日返學喊呀! 其實除左頭幾日之外豬仔已經無喊咖啦, 不過可能係今日有小朋友喊影響左佢吧!

30 Sep (Tue)
聽日放假啦! 哈哈!! 段左片, 唔係好記得發生左咩事潻

1 Oct (Wed) 國慶假
公公要番工, 一早起身食早餐. 點知一家大細同烏龜婆婆話join埋一齊, 可惜我講錯左地方, 唯有我地食飽先再join埋佢地啦! 食飽飽烏龜婆婆去開工, 我地去左玩彈波波嬴左唔小禮物!! 之後回家整裝待發預備一齊出發去搵公公食我的最愛sushi, 去噴水池公園玩.
原本今晚豆豉我媽咪同外家出去睇煙花, 不過最後尾取消左. 所以兩姊妹加兩姊妹一行四人去左冒險玩. 可惜玩彩虹時比個死人經理攪到谷鬼氣, 抄底佢資料投訴佢!!

2 Oct (Thu)
繼續倒數中...
今日好忙, 同豆豉我媽咪兵分兩路. 打電話+打投訴信去投訴!!

3 Oct (Fri)
唔知係咪真係會打風呢? 大家已經預備晒星期一唔洗番工咁!
收到電話知道個團唔成呀! 大家約左放工一齊去公公的公司相討, 相討完最終大家決定改為七日團! 仲好仲開心呀, 可以玩耐啲!! 之後PP伉儷去左睇戲, 而我就留係公公公司等佢收工一齊回家!

4 Oct (Sat)
又話個風好勁, 吹吹吓都唔知去左邊. 睇嚟星期一都係要番工咖啦!
一早同公公去銀行先, 之後又跟公公番公司. 等齊大家放工後再去旅行社攪轉團. 大家講明如果又係上次嗰個呀叔接待我地的話一於叫第二個人招待我地, 點知今次又係另一個呀叔動作速度同上次嗰個差唔多(咁耐咁慢), 後尾出單時發現佢個姓同上次嗰位呀叔一樣. 我地多口問句啦, 點知... 原來上次嗰位呀叔係佢親生兄弟嚟咖 ~_~ 真係 ... 真係好似呀!

5 Oct (Sun)
一早起身去左睇 "保持通話"!! 正!! 劇情緊湊!! 推介ing
睇完戲去左哥哥度染左個靚髮先, 之後豆豉我媽咪帶埋卓琳豬去修埋個髮 too!
今晚公公要番工, 我就回家食飯同BB玩. ^0^

6 Oct (Mon)
Head Head 今日生日, 晏晝一齊出左去飲茶!
收左工趕住番西環, 因為要陪大姨婆去醫院探表姐玲. 之後PF join埋一齊, 大家探完之後約埋豆豉我媽咪同何B表姐一家去左食飯!
今晚公公出街同呀宇一班 friend 慶祝生日! 生日快樂!!

7 Oct (Tue) 重陽節假期
今早豆豉我媽咪要陪大姨婆去醫院探表姐玲again, 所以一早接左細細個嚟我屋企先. 仲以為佢會番瞓啦, 點知同佢玩左兩個幾鐘佢都係唔肯瞓 -_- 好啦, 開支 milk milk 比佢食啦, 終於係我懷抱中瞓着左, 點知一放底佢 >.< 喊都唔收聲, 都係叫番Da 姐接番佢吧! 做咩見到家俊哥哥同玲玲姐姐都唔喊, 反而見到瞓緊覺的象象會喊呢? 激死!! 終於等到細細個走左之後瞓多一陣.
瞓醒已經係中午時份, 梳洗完出去食個late lunch 已經三點啦! 攞埋個公公新黑超, 接埋一家大細出發去灣仔攞之前訂做的禮物比呀宇, 因為今晚約左佢一齊食飯. 點知去到間舖無開, 真係激死!! 唯由再坐車去旺角行街吧啦! 行完玩完之後join埋呀宇一齊食晚餐, 之後我地仲買左蛋糕仔同佢一齊唱左生日歌潻! Happy Birthday to Yu!!

8 Oct (Wed)
真係好開心, 仲有一日咋!! 加油!!
今日茵姐請假, 我又要清晒手頭上的工作先, 好忙好忙開心地忙!!

9 Oct (Thu)
一路打blog一路要記番咁多日的事, 真係好難…
今晚終於執好晒野預備出發啦! 好開心呀!
^｡^ 16號晚返, 到時再見啦! 有咩樹可以send SMS 比我! See u all ...

倒數ing

25 Sep (Thu)
越做越無心機, 越做越很激氣!! 明明係一件雞毛蒜皮的事, 點解可以攪到好似好大件事咁? 傻咖!! 激到我頭都痛埋.
今日公公下午請左假去睇醫生順便包腳, 放工回家繼續都係頭痛用左最好的解救方法去醫~瞓覺是也. 原本公公今晚放假一家人係屋企打邊爐, 可惜真係超頭痛好唔舒服所以公公唔嘈我等我一直瞓到凌晨一點幾先起身. 沖左個杯麵食完又再瞓過.

26 Sep (Fri)
以為係Happy Friday! Head Head 今日上廠, freedom time! 可惜今日仲有啲頭痛 =.= 再加上 ...
Head Head 交帶落今早要去入境處一趟, 點知去到又因為唔齊資料 -_- 唯有返公司先啦! 跟住呀妹同事屋企有事要早走, 一個人頂住. 跟住又再一次因為一件雞毛蒜皮的事又做到好谷氣, 真係好無謂! Head Head 唔係度次次都一定忙啲或者有麻煩野, 點先可以解除呢個魔咒! >_< 下晝又要再去多次入境處, 入境處條友仔不停問我野, 其實我真係唔知頭唔知路, 所以... 番去再補番啲資料啦! 激死人啦!

27 Sep (Sat)
一早pass番啲野比小黑面Head Head, 知道唔成功申請加上佢話唔明入境處想點, 拋左個波比我打電話去問 >.< 好彩入境處條友仔放左假, 第二個人就詳細解釋直到我明為止. 又可以拋番個波比Head Head 啦!
放左工去左等公公收工, 之後同埋PP伉儷去和民食野再去交團費, 期待着日本之旅~~ 不過接待我地嗰位呀叔動作勁慢又出左單, 我地足足攪左成個鐘先走. 之後同公公趕番西環包腳再趕番工, 我回家食飯飯.
今夜三生係太湖設宴, 例牌各有各玩之後開餐再玩! 小小的小小, 雀局的雀局! 我就一定參加初級組雀局啦, 大家玩到四點幾, 我輸左廿幾蚊, 公公win左小小! ^_^

28 Sep (Sun)
瞓醒已經成點鐘, 攪好晒去街市食個早午餐, 再同公公去配個太陽眼鏡之後join埋一家大細加傻瓜Yuli 去左永安買唊唊! 行完已經五點啦, 又要回家煮飯食. 食飽係屋企har吓, 同公公去左食糖水就回家自由活動. 平平凡凡開開心心的一天.

倒數中... 十三天

黑格比來去匆匆

22 Sep (Mon)
好難捱的一天, 今日Head Head 唔知咩樹黑黑地係又話唔係又話. 好唔容易先捱到收工.

23 Sep (Tue) 八號黑格比...
打風啦! 可惜唔係好啱時間, 四點公佈六點前會掛八號, 開緊會的Head Head 先叫我出貓貓話四點半先開始走得 -_- 好過無啦, 終於係五點前走左! 好彩公公過左嚟接我吧, 真係勁大風, 行都行得好吃力! 同公公番公司攪埋啲野, 大約於六點走一齊番屋企食飯! 飲飽食醉之後就回家自由活動, 因為今日好倦又有啲頭痛, 所以好快就瞓左覺啦! 原來公公今日唔係好舒服, 佢仲自己一個人係八號風球之下去左睇急症. 直到佢番嚟屋企我先知, 真係唔好意思啦! 希望你身體健康, 希望你可以改吓你啲壞習慣. 好好愛錫自己身體, 可以嗎?

24 Sep (Wed)
都估到今日一定要番工咖啦! 大家都要面對現實吧!
Head Head keep 住黑面, 大家繼續唔理佢自己做自己野算! 仲有18日, 期待着...

新名字 之 Mr. & Mrs. 玉樹

19 Sep (Fri)
終於星期五啦! 今日係公司主要工作就係搬搬抬抬, 將部電視機搬落去倉, 又將啲紙同墨交比司機上廠. 攪攪吓har吓又收工, 真係好唔容易呀!
有人接收工, 不過佢唔講我唔問. 算數, 等佢慢慢諗吓個故仔點作吧!
谷住氣瞓覺, 比人嘈醒黑住面食宵夜~炒飯+雞亦麵 =_=


20 Sep (Sat)
一早炒住飯... 黑住面... 佢番工... 我去銀行... 食早午餐... 等落場... 係公司一齊食野... 去中環行左陣... 佢向東... 我向西... 今晚貪婪一家回家, 同媽媽係屋企家好月圓 ^0^
公公收工番屋企整天線, 究竟幾時先唔洗睇雪花呀?

21 Sep (Sun)
Paul 婆一早起身洗廚房 (bing bing bomb bomb 無覺好瞓 -0-) 真係唔該晒 ~_~
攪好晒同公公去左食翁記之後就出發去荃灣遊. 都係一個商場接一個商場咁行, 都係四就圍行吓買吓小食咁啦, 無咩大收穫! 之後去左冒險玩左陣就去 join Mr. & Mrs. 玉樹 <--新名字 鍾意嗎? ^0^ 食晚餐. Mr. 玉樹帶左我地去食日本野, 好好味 (:p) 不過Mr. 玉樹有啲唔舒服食左好小野吧, 之後大家就各自回家了. 今晚貪婪一家出左去, 所以烏龜婆婆一個人係屋企吧, 買宵夜比佢食, 一齊睇埋家好月圓大結局先回家online 上網打部落...

:( 明天呀妹同事放大假要 backup 佢, 又有七十幾個 interview 要安排 <-- 痴痴地線, 但願一切順順利利時間可以快啲過啦! 越做越無心機, 都唔知點算好 -_- 希望日本之旅可以快啲嚟啦!

番瞓...

18 Sep (Thu)
尋日爸爸上左大陸呀, 所以大家可以等埋豆豉我媽咪先食飯. 食飽睇埋家好月園自己一個買埋粥粥比Paul 婆就回家先, Paul 婆肚仔唔舒服呀! 因為公公今晚去老細度傾野, 攪到好早先番屋企! -_- (真係需要傾到咁夜嘛?)
今早鬧鐘響左按熄左再番瞓, 再起身已經八點鐘. 急忙梳洗一下再打個電話比AA父叫佢唔洗等我, 因為我都係趕唔切咖啦! 出門口時跑去第二個站諗住搭18P啦, 好彩去到時見到原本5P排隊等緊上客, 太好了趕到! 估唔到可以同番AA父一輛車, 不過要罰企吧! 番到公司 08:59, 太好了無遲到!

中秋節

11 Sep (Thu)
收工約左Jo去行街食飯, 首先去左IT開倉. 行好一陣買左一件衫衫, 一齊買左件一樣的綠色T-shirt, 算係我的新嘗試吧! 之後去左食Italian Tomato, 次次食親都抱住個肚走, 好好味! 勁飽!

12 Sep (Fri)
上網買左隻USB比Penny 今日速郵遞送嚟公司. 點知等到六點先送嚟, 激死!
今晚接公公收工, 因為Pauline 今晚去整蛋糕送比 Penny 一齊食. 我地仲決定食完蛋糕一齊出去食宵夜~韓燒. 同PP伉儷, Dream & 子龍一行六人開開心心食到一點鐘曲終人散回家覺豬!

13 Sep (Sat)
收左工去左等老公等收工回家午睡. 落左車首先左去探豆豉我媽咪先, 原來卓琳豬又係度, 所以帶埋佢一齊回食左小小野之後就一齊午睡啦! 卓琳豬好耐無嚟象象屋企啦, 好彩無摟計, 玩左一陣Paul 婆部NDS之後就瞓左啦! 公公瞓醒就趕番工, 而我同卓琳豬瞓到豆豉我媽咪差唔多收工接埋佢先回家食飯.
今晚臨瞓前同公公決定兩日假期都睇早場. 公公揀左 "地心探險記", 而我就揀左 "媽媽咪呀"

14 Sep (Sun) 中秋節
◢████◣　　　 　　 ◢████◣
◢◤　　　　◥◣　　　　◢◤　　　　◥◣
◤　　　　　　◥◣　　◢◤　　　　　 　█
█ 　　◢█◣　　◥◣◢◤　　 ◢█ 　 █
◣　◢◤　◥◣　　　　　　　◢◣◥◣◢◤
◥█◤　◢◤　　　　　　　　　◥◣
█　●　　　　　　　●　█
█ 〃 　▄　　　〃　 █
◥◣　　　╚╩╝　　　◢◤
◥█▅▃▃　▃▃▅█◤
◢◤　　　◥◣
█中秋節快樂█
◢◤▕　　　▎◥◣
▃◣◢▅▅▅◣◢▃
同公公一早起身去左睇早場 "地心探險記" 之前睇左預告片大綱略知一二, 知道片中會出現史前恐龍、食人花、大牙飛魚等等, 其實有啲怕恐怖所以無咩期望. 不過睇完之後就覺得好正! 值得推介!! 睇完番左去同Paul 婆食午餐, 之後就同公公番左屋企陪嫦娥公公打牌. 今晚做節, 一家人齊晒一齊食晚飯. 食飽同埋一家四口去左公園坐吓玩吓, 不過實在太熱太辛苦啦. 坐左一陣大家就走lor, 回家沖埋個涼大家休休閒閒自由活動之後就覺豬啦!

15 Sep (Mon) 中秋節翌日假期
哈哈! 今日仲係假期, 太好了. 原本今日會去睇 "媽媽咪呀" 早場, 不過Paul 婆又話想睇, 所以最終讓左張飛比佢同朋友一齊睇. 我同公公就瞓晏啲, 之後join埋一家大細去左荃灣行街街. 不過由於有BB係度, 所以進度慢過上次同公公兩個人行! 今行無咩收穫, 不過唔緊要啦! Enjoy Holiday 吧!

16 Sep (Tue) 假期後遺症
勁無心機...

17 Sep (Wed) 假期後遺症~ing
繼續係咁勁無心機...

補祝紀念日

10 Sep (Wed)
今日準時收工, 之後相約公公食一齊去食自助餐補祝紀念日^0^ 去到坐低一陣就開始食啦! 開頭無咩人的時候都 ok, 不過越夜越多人, 檯又貼, 又無卡位坐, 越食越嘈, 氣氛麻麻. 不過食物方面都總算ok, 可惜我食至中途個心又feel都有啲唔舒服亂跳一通. 又加上又頭痛, 終於都迫住公公拿拿聲食埋搭的士番屋企. 一番到去撻左落床睇左一半 "家好月園" 終於都頂唔住瞓着左. 仲諗住可以好好瞓一覺啦, 又唔知撞咩鬼半夜肚痛痛醒左 (唔通係啲生蠔出事 ~_~), 之後即刻跑入廁所舒服晒! 好彩出到嚟又瞓得番咋! 近排身體非常差, 又成日頭暈頭痛, 個心成日又亂跳, 間中仲好想嘔... 唔通... 唔通... 有左 ... ... 怪病?

11 Sep (Thu)

今晚約左 Jo 出嚟食飯, 期待着...

BBQ & Swimming Weekend

4 Sep (Thu)
一早起身約左卓琳豬食大快活早餐, 不過我又開始覺得有啲唔舒服啦! 今日都係請日病假吧! 所以送埋豬仔番學就回家瞓多陣先去睇醫生. 第一次送豬仔番學真開心 (我指我開心吧! 因為豬仔唔捨得媽咪仍然要喊唔多開心!)

5 Sep (Fri)
一早起身番工, 番到公司準時食藥. 不過唔知點解開始好頭痛又想嘔, 可能尋晚冷親吧! 真係頂唔順所以係食晏前啪左粒止痛藥, 拿拿臨哽埋碗通粉即刻午睡一陣先. 瞓醒好似好啲, 不過可能比啲藥影響個心... 心跳得好快又手震又想嘔又勁頭痛, 終於頂唔住四點鐘早走. 好彩公公接我番屋企, 我隻腳軟到差啲行唔到. 都唔知自己患左咩怪病 -_- 番到屋企唔理三七二十一撻落張床瞓, 公公之後番工, 我繼續瞓瞓瞓... zzzZZZ 雖然間中公公, 烏龜同豆豉我媽咪都有打嚟問候我, 但一聽完電話又即刻可以瞓番. 終於無吃晚飯, 一直等都公公兩點幾收工叫醒我食左小小飯之後又再瞓番. 就係咁我就段段續續瞓左十幾個鐘.

6 Sep (Sat)
瞓醒終於覺得好番啲起碼個心無咁跳 (雖然硬係仍住仲有啲頭痛同埋想嘔), 之後回家har 左陣同BB玩吓. 跟住出同姐姐帶左兩隻豬仔去搵公公食我的最愛sushi, 公公知道他的日藉師傅公司執左特登去左望望, 佢有點兒落莫! 之後例牌帶左兩隻豬仔去噴水池公園影吓相玩吓水, 玩左陣就番歸lor! 拿拿臨同兩隻豬仔沖埋涼食埋飯上陣網就去接公公收工食宵夜. 是夜"可可店"是也!

7 Sep (Sun)
開心星期天, 今日相約左公公幾個同事仔一齊去左石澳燒野食同游水. 大家約左係筲箕灣等, 之後食埋個早午餐先再搭車入去. 去到好好的C同事帶埋個囡囡去搵左個唔錯的燒烤爐, 大家就開始燒野食游吓水, so free! 玩到五點鐘夢夢要番工走先啦, 我同公公玩多左一陣就因為屋企提早做節食飯都早走啦! 番到屋企食飽飽, 打掃家務, 洗衫掛衫, 私人時間之後就覺覺豬啦!

8 Sep (Mon)
話咁快又星期一啦! 今日呀妹同事請假, 不過佢的工作唔太急, 可以慢慢做. 今日公司派月餅, 攪吓又食晏, 不過五點鐘 Head Head 先話要登廣告... -_- 激死人啦!! 次次都係咁又要OT 等埋先走得. 是日要去公公的公司攞啲野先番屋企, 所以等埋豆豉我媽咪一齊食飯. 今日卓琳豬番學時無喊啦, 不過當係課堂中有個外籍老師入課室時, 豬仔因為驚所以喊左吧! 希望豬仔快啲適應啦!

9 Sep (Tue)
今日Head Head 同老細上廠, 又可以自由啲啦! 明天同公公食自助餐補祝紀念日... 期待~ing ^0^

急日之旅

29 Aug (Fri)
尋日係卓琳豬第一日番學, 聽豆豉媽咪講開頭佢無喊咖, 不過佢受到其他小朋友的影響最後尾都係喊! 可愛的小豬!! 唔知佢番學短短一個鐘頭係咪就喊足一個鐘呢?
今晚豆豉我媽咪帶左細細個同埋大蛇出去, 我OT完之後又再去頂佢. 留下我同卓琳豬係度, 因為想卓琳今晚可以早啲瞓的關係, 所以今早起身番學之後佢就無瞓過晏覺啦! 所以當佢見到我時已經好倦了, 最尾我都比左佢瞓左20分鐘先一齊番屋企. 番到屋企同佢一齊食埋飯沖埋涼之後以為佢會瞓覺啦, 點知佢的戰鬥力真係好強 (最小都強過我吧!) 成十一點都仲未肯瞓, 仲話要搵媽媽 (平日的卓琳係唔會咁咖, 可能今日佢要適應新環境太大壓力吧!) 加油呀!!

30 Aug (Sat)
仲有一日半, 之後Head Head 就會番嚟我就可以回復原狀. 一心諗住尋日OT趕好晒啲野, 加上知道老細今日meeting schedule full 左, 佢唔會煩到我. 可惜事與願違, 臨時臨急趕左封信比佢, 佢又好快完成左佢個會, 唉... 終於都攪到又要OT收場. 收左工去左灣仔街市行吓買左件衫衫比老公, 做埋佢的形象設計師!! 之後 join 埋PP伉儷去食sushi再趕番屋企飲湯湯, 真係激死人, 越趕越急越無車. 等左20分鐘都無5X, 勁火!!! 今晚去左接公公收工, 之後再去左可可食宵夜, 肥~~

31 Aug (Sun)
一早起身同左一家大細去街市食早餐, 之後佢地join左靚靚舅母去游水, 可惜我... 所以同左公公番屋企午睡吧! 之後去左CWB join 埋Paul 婆, Ice 家姐同沁姐姐夫一齊去左 Ruby Tuesday 食野. 食飽之後再同公公行多一陣就番屋企覺覺豬啦!

1 Sep (Mon)
今日又有三個新人番工, 今日繼續要頂埋Head Head, 加油!!
好彩, 今日兩位老細早走. 可以準時收工啦, 太好了!

2 Sep (Tue) 急日之旅
Head Head 終於番嚟啦! 一早交低番晒啲野先! 終於一身輕晒做番自己!
今日知道公公明天要去日本呀! 太急啦! 其實係咪又帶佢高興先啱? 不過... 我做唔到 -_-
公公下晝去左預備銀兩文件, 夜晚等埋我收工係屋企食埋飯之後就番公司預備出發. See you tomorrow!

3 Sep (Wed) 7th Anniversary
公公飛左啦! 一早打電話比我報左平安, 希望佢同馬仕事事順利, 旅途愉快啦!
遲啲先補番慶祝啦! 唔知公公會買咩比我呢? 今晚又可以見啦, 哈哈!

新崗位

21 Aug (Thu)
食完晏就開始調位工程啦! 一路搬一路做野, 攪到四五點先叫大致上完成, 之後就埋頭苦幹繼續做野, 因為大家都估計明天打風唔洗番, 請左假的同事都醒左取消晒啲假先! 哈哈! 攪埋啲野比Head Head 簽, 終於都可以係六點幾收工啦!

22 Aug (Fri) 九號颱風鸚鵡
大家尋日的估計無錯, 今日真係打風唔洗番工! Yeah! 一連三日假 hahahaha... 就休休閒閒地過吧! 一早起身仲掛緊三號, 唔係呀嘛! 好彩佢講定朝早八點會改掛八號! 咁我又可以再瞓番, 瞓夠起身online 食晏又online又har 掛埋九號潻! 繼續係咁har直到食晚飯. 之後收到卓琳豬不停的來電, 佢困係屋企成日好悶吧! 都係忍唔住冒住勁大風雨的環境之下唔帶遮急步回娘家, 真係幾過引! 回到家大家玩左一陣啤牌見屋企無晒零食, 豆豉同大蛇帶埋Da 姐去左OK逛逛看吓打風的風景. 玩多一陣就同公公回家了, 睇吓電視online吓真係har足全日! 勁!!

23 Aug (Sat)
一連三日假太好了, 可惜公公今日要番工, 唔緊要啦! 一早起身同公公食個早餐先, 食飽之後咁啱見BB佢地去飲茶, 所以被迫之下陪左佢地去. 今日大蛇帶卓琳豬番學校辦手續, 我就等公公番嚟帶埋細細個一齊去high tea 買餸. 公公回家har 左陣又番工了. 貪婪一家今晚回香港仔食飯, 我就留左係度同兩老食飯. 食飽上吓網, 差不多夠鐘先去接公公收工一齊出去食宵夜~打冷!!

24 Aug (Sun)
起左身同左公公去格離街食早午餐, 之後回家接埋一家大細加Da姐去左太古城行街玩吓加買野比卓琳豬預備番學. 佢今個星期四將會試學, 可惜我請唔到假, 唔知隻豬仔會唔會喊呢? 等埋大蛇收工, join埋一齊行左一陣 high 左個tea 之後, 是日晚餐~我最不喜愛的打邊爐是也! 一路食一路睇奧運閉幕, 北京奧運再見了!!

25 Aug (Mon)
今朝六點就起左身瞓唔番, 因為太大壓力吧! 知道星期五放多左一日假, 加上Head Head 今日開始放大假, 呀妹同事唔舒服晏啲番, 又有新人番工, 我又調左位, 又有其他人今日調位.... 瞓得着先奇! 今日真係喺勁大壓力之下忙足成日, 放左之後成個人散晒無厘神氣!
今晚約左公公的大溪地姨姨一齊食飯, 所以一放工同公公join埋佢地一齊去据扒. 大溪地姨姨好nice好健談, 一行八人食飽傾左陣, 之後大家各自去行街. 而我就同公公去左買電話, then 再去左酒店join番姨姨攞手信. 約左係酒店樓下等, 點知比好健談的姨姨捉住左, 我地就係咁攞住袋好重的手信, 企左係條好悶熱的街足足一個鐘先走人. 之後只好第一時間回家好好休息, 因為今日真係不是狀態!

26 Aug (Tue)
今日好好多了, 比起尋日各方面都真係好好多了. 工作量都算ok可以控制自如, 心情好好多, 而且無尋日壓力咁大. 所以... 可以準時收工了.
放左工去左搵豆豉我媽咪, 因為佢要去飲所以幫佢頂住舖先. 不過今日佢係舖頭發現左一隻micky 呀! 梗係嚇死佢啦, 唯有叫其實都好驚的大蛇攪掂佢. 我去到時已經收拾好, 雖然我無豆豉我媽咪咁驚, 不過...其實我都好驚, 唯有自己一個留守頂硬上! ~_~
返屋企食飽之後就去左公公的公司, 因為約左 Pauline & Penny 伉儷傾野, 大家終於都有共識啦! 明天就行事啦! YEAH!!

27 Aug (Wed)
公司上一切總算受控制, 太好了. 究竟Head Head 放假對我嚟講好啲, 定係佢係度對我嚟講會好啲呢? 聽天由命吧, 都唔到我話事!
公公今日接放左工, 之後去左報名. 期待十月與PP伉儷的日本之旅!

28 Aug (Thu)
Head Head 放左假頂左佢幾日, 日日都做左兩位老細的秘書. 開頭真係好緊張, 不過呢兩日真係慣左啦! 成日攞住本簿行入老細房提佢做啲咩幾時開會, 又幫佢整乜整物. 等閒又串你幾句, 得閒又同你講吓笑, 做落都幾過引! (不過短暫就ok, 長遠嚟講就免啦! 真係多謝晒!)

調位啦!

12 Aug (Tue)
Head Head 放埋今日, 繼續free住嚟做野.
因為要等埋個師傅仔整魚缸, 所以等到成六點幾先走. 公公仲嚟接我收工, 因為一齊趕番屋企收嗰部二手雪櫃! 世事真係太奇妙, 點都估唔到會同現在用緊嗰部完全一樣. 希望部機真係work啦! 今晚等埋豆豉我媽咪先一齊回家食飯, 回到家兩隻豬仔瞓左. 不過細細個一起身因為仲唔係好舒服所以仍然好摟計!

13 Aug (Wed)
Head Head 番嚟啦! 一切回復原型, 比心機做野吧!

14 Aug (Thu)
今日放工去左睇報告, 總算吉人天相. 多謝公公的陪伴! 今之同埋 Da da 姐姐一齊去睇醫生, 笑料多的是! 因為佢又唔識聽醫生講, 佢講時醫生又唔明! 哈哈!

15 Aug (Fri) 美食展
同茵姐&呀妹同事一齊去行美食展, 好趕食完個包就準時出發. 好熱呀, 又多人未去到已經一身汗. 去到申請埋個pass 終於係1:15 先入到去, 佢地入左啲麵再一齊去買左啲零食補番公司個小食倉! 1:45 趕住走番公司, 佢地每人拎住一大袋麵, 我就拎住一大袋小食趕番去. 好彩趕到.

16 Aug (Sat)
公公今日休下晝, 等埋佢收工已經三點啦! 好彩整左啲野食比我頂住個肚先, 之後去左CWB high tea 据扒, 再去左攞資料睇行多陣就番去啦. 回家前去左探一探豆豉我媽咪再去哥哥度修修我個開叉頭, 再去買左個蛋糕比Paul 婆之後放回家中再去三上食飯! 食飽去左行超市, 再回家睇兩隻B 豬. 可惜兩隻豬仔都瞓左, 豆豉同烏龜又去開工, 我同公公坐左一陣就歸家了. 上網book 定明天睇早場.

17 Aug (Sun)
一早起身去左淘大睇早場 ~ 內衣少女. 睇影評以為套戲都ok啦! 以為好似 "獨家試愛" 同 " 我的最愛" 都不錯呀! 又估佢好似 " 絕世好Bra" 咁精彩咁好笑! 不過... 成個故事無頭無尾唔完整, 有啲失望吧, 笑位係有, 不過比我想像中小左啲吧! 睇完戲同公公去左玩遊戲, 好開心呀! 我地玩擦擦咭中左一百個代幣呀! 玩左部新機幾好玩, 仲贏左幾千張飛呀! 肚仔餓啦, 去左食車仔麵再去左德福行左一陣食多隻熱狗潻! 之後決定去行灣仔美食展, 嘩! 今日真係超多人超熱 (比起星期五嗰日多幾陪人), 好彩我有pass 不過都要打蛇餅幾經波折先入到去! 去到人迫人, 真係辛苦所以買左好小野吧! 之後又走的時候又要再迫過再打蛇餅 -_- 再去左食sushi就回家啦! 見有小小唔舒服, 食左藥早啲瞓吧!

18 Aug (Mon)
終於都決定今個星期四要調位, 唔開心一定咖啦! 不過無計啦! 只好默默地接受吧啦! 今晚公公同鋒鋒出去, 見吓佢個 fiancee喎! 又唔知幾點先番啦! ^_^ 記住凡事太盡, 緣份定必... (嚇吓你先 :p heee...)

19 Aug (Tue)
今日成朝忙住整個 leave report, 所以好快又一朝啦! 晏晝出左去同同事一齊飲茶, 因為妖精同事今日星期走啦! 而公公, 因為唔舒服請左半日假係屋企休息.

20 Aug (Wed)
今日同左茵姐同呀妹一齊出左去食晏, 食飽行埋個超市, 之後仲去左七仔飲左杯思樂冰!! 原來我公司附近間七仔有得賣, 太好了!

21 Aug (Thu)
今日終於要調位啦! 速速嚟個了段吧! :(

wish ... everyone 身體健康

8 Aug (Fri)
一早要再去醫務所交個舊報告比醫生, 之後就趕番公司... 今日心情極差, 番到公司當Head Head 問我的情況時, 我又失手忍唔住... so down today! 不過weekend啦, 安慰自己無事的! 開開心心地過吧!

9 Aug (Sat)
因為要去銀行整過本戶口簿 (因為比人整壞左), 所以又再一次去金鐘同公公食早餐! 食飽去埋銀行, 去左奇華同優之良品買左啲手信比表姐. 之後join埋一家老嫩團去飲茶再回家同細細個午睡, 等公公番嚟一齊去街市high tea. 夜晚兩隻豬仔早瞓, 可靜靜地online (唔洗比兩隻豬仔不停拍我個keyboard, 又成日話係電腦睇相相)
深夜等公公番嚟再回家各自自由活動, 大家係房每人一部電腦各自上網. 絕對有這麼近那麼遠的感覺. 幾攪笑!

10 Aug (Sun) 卓琳豬生日@送機之旅
今日係卓琳豬正日生日! Happy Birthday! 因為今日要送表姐, 濤濤同妹妹飛機, 所以之前所plan定的行程都取消. 一早起身相約左一家三口加姐姐一齊去食pizza慶祝, 之後小不免必去冒險玩遊戲. 玩完大家就各自各精彩, 細細個同豆豉我媽咪午睡, 公公幫我整張檯同埋個電腦喇叭之後午睡, 至於我同壽星女小卓琳就落左街買野行個圈! 回到家大家整裝待發預備去食個早早晚餐. 兩圍檯大家坐到迫迫地好熱鬧好開心, 不過...何B就... 成晚坐係度喊乜都無食過, 聽講已經由尋晚開始喊, 喊完又嘔, 嘔完瞓醒第二朝再喊過! 可憐的何B...
食飽我地就跟CHPF 車出發去機場, 等佢地辦好晒啲手續就梗係指定動作~影相!! 差唔多九點鐘, 終於都要入閘啦! 等何B同Michelle表姐抱抱完之後佢地就入閘啦! 大家就各自各回家, 而何B就喊住跟左我地去Terminal 2玩遊戲. 玩緊的時間仲ok, 不過玩完係回程巴士途中, 可憐的何B小姐又忍唔住啦! 希望時間可以平復佢的心情啦!

11 Aug (Mon)
Head Head 放兩日假, more freedom but ... no online ... wowow...
下晝收到何B電話知道尋晚表姐一家起機前忽然飛機無晒電發生件故障, 所以遲左起九個字先起機!不過知道佢地三人安全到美國, 太好了! 聽到何B把聲好似平復左好多, 希望佢無事啦!
今晚收工回家, 見到發燒加上眼腫腫眼水鼻涕長流的細細個. 真可憐! 成晚就係摟計, 好彩食左藥可以瞓一覺好的! 我都陪佢瞓一陣先! 不過瞓醒又再摟過, 希望兩隻豬仔可以快啲好番啦! 身體健康, 快高長大!
深夜回家online見到Michelle, 佢一早起左身啦! 因為佢掛住我地所以瞓唔着, 原來大家都需要啲時間去平復一下心情.

12 Aug (Tue)
Head Head 放埋今日, 繼續free住嚟做野.
因為要等埋個師傅仔整魚缸, 所以等到成六點幾先走. 公公仲嚟接我收工, 因為一齊趕番屋企收嗰部二手雪櫃! 世事真係太奇妙, 點都估唔到會同現在用緊嗰部完全一樣. 希望部機真係work啦! 今晚等埋豆豉我媽咪先一齊回家食飯, 回到家兩隻豬仔瞓左. 不過細細個一起身因為仲唔係好舒服所以仍然好摟計! 希望佢快啲好番!
今晚自己回家先, 公公因為公事而唔開心好激氣呀! 希望佢瞓醒覺收左我個超級菇菇會無事開心啲啦! ^_^

北冕我愛你

5 Aug (Tue)
茵姐今日有事請事假, 照舊頂帶佢做野時間又好快過去了...
係公司一係無野做, 一係就勁多野攪! 近排公司又買新printer, DC, mac book 又攪保養, 簽收, 又攪借copier, 仲要攪埋寄危險品... 間間速遞都唔比寄... 希望 speedpost 成功啦!

6 Aug (Wed) "北冕"我愛你
八號颱風!!! Yeah!!! 一早六點幾收到烏龜婆婆的電話, 太好了!! 八號唔洗番工! 興奮得滯瞓唔番 -_- 開機上網一個人都無 ~_~ 都係瞓番吧! 瞓到十點幾起身又上網, 一路online至個個起齊晒煮麵食. 食飽又online又瞓吓har到六點同公公回娘家食飯. 食飽同BB玩左陣就回家又online又再har過, 今日係屋企har足一日. 感覺非常好!! 正!!!

7 Aug (Thu)
原本尋日做的checking因為八號颱風改為今日下午. 一早番到公司check番早兩日寄嗰幾份件危險品, 好開心!! 兩份已經成功派左!! 仲欠一份運送中, 希望明天有好消息啦! 如果唔係就有排煩!! 忙左成朝, 之後食埋個晏join埋公公陪我去checking. (大家放心我無事!!) 之後我又陪番感冒的公公去睇佢的醫生, then together back home have dinner with Paul 婆 & 哥哥, then ...... 睇埋同事三分親大結局 then prepare my 部落 ... ... ...

無心害你

溏心風暴之家好月圓主題曲

作曲︰鄧智偉
填詞︰張美賢
主唱︰關菊英

想一生一起　別想得這樣美
當中少不免　道別離
想歡歡喜喜　但清楚這道理
風光怎麼會沒了期
時日過　誰能成為大器
誰人全無運氣
這次抱你手臂　我怎麼竟顧忌
危難裡　我會陪著你
或是如同做戲
去到最尾會各自飛
在變幻時候跟風駛
在抉擇時候只好勢利
誰想講骨氣　最先必須有一些儲備
在抱著時候知己知彼
在對立時候爭取勝利
無非人生道理
在最壞時候必須卑鄙
在決裂時候彼此妒忌
無非人生道理
原本無心害你

卓琳 Birthday Week

29 Jul (Tue)
都唔知係咩公司, MSN block 左! 家吓痴線到連 Yahoo 都 block埋!

30 Jul (Wed)
Yahoo 又終於開番啦! 不過MSN 就要係公司永別了!

31 Aug (Thu) 心覆
其實係今日下晝要去覆診心臟科. 知道自己番半日, 加上有野忙啲時間真係好快過! 話咁快又食晏, 食飽就出去覆診啦! 去到要坐15分鐘先可量血壓, 都未坐夠15分鐘就已經到我睇醫生啦! 今次Case closed 啦! 無得再請半晝假啦! 不過我知, 身體健康先係最緊要. 之後join埋公公去食 "狀員", 食飽行左一陣去訂埋個蛋糕比卓琳豬就同公公回家煲碟, 今晚一家人出去食飯慶祝表姐儀回來聚聚, 公公一齊去, 太好了!

1 Aug (Fri) My 黑色星期五
一早番嚟收到Head Head話想我調位呢個消息... -_- 好唔開心呀! 將會調左坐茵姐個位, 最開心當然係茵姐啦! 因為佢個位最近Head Head 又近老細, 又要成日聞埋佢地啲煙味, 個位又鬼死咁open... 簡直就同坐監無咩分別. 我諗我真係要好好考慮吓...
今晚回到家瞓落床時, 發現左邊好痛又腫左, 係公公的陪同之下凌晨一點去左瑪麗睇急症! 算今日最好彩的事, 就係去到急症室無咩人可以係45分鐘內睇完. 之後同左公公去食埋個宵夜先番屋企. 黑仔的一天... 人生不如意事真係十常八九...

2 Aug (Sat)
一早起身打個電話比Head Head 通知晏啲返, 因為一早我又再上瑪麗book 時間睇專科. Too bad! 最早都要等12月份... 唉... ...算啦, 唯有一路等政府醫生一路搵公司醫生先! 攪好booking 又要趕番公司開個爛鬼meeting, 講番block website 啲野. 一係就cut 晒所有人啲password 唔好比人網啦! 番工同坐監一樣... 真係低能白痴的一間 old school style company. 因為今日公司又有麻煩野攪, 一攪攪到成兩點先同Head Head 一齊收工, 之後自己去左玩具街買玩具比明天出席卓琳豬的小朋友. Then join埋公公去食個吉野家又見有啲唔舒服就趕快回家入睡. 瞓到七點八點再相約埋豆豉我媽咪再去買禮物就回家食飯+包禮物. 再等公公收工回家online 自由時間, 收到炒飯消息實在係令人好擔心好彩最終你地都安全番左屋企.

3 Aug (Sun) Three birthday girl birthday party!
一早起身打掃過屋企, 之後梳洗好約左貪婪一家去食 "三上" 之後行程係去老人院探公公的公公, 再去攞蛋糕! Then 預備出發去麥當當開卓琳 & Michelle 表姐的生日party! 多謝各位親朋戚友比面出席, 再加上送上豐富的禮物同利是! 係度, 我代卓琳豬同豆豉我媽咪多謝各位!
回家har左一陣送埋兩位好友後, 回家午睡了一陣. 之後同左公公, Ice 家姐同Paul 婆去左灣仔食西餐, 食飽知道卓琳豬係屋企又嘔好可憐的聲線, 回家看看她吧! 好彩都無乜事, 明天睇一睇醫生吧!

4 Aug (Mon)
又係勁無mood 的星期一, 又有麻煩野攪, 又唔係好舒服... .... 好down 救命呀~~~~~

休孖day

26 Jul (Sat) "休孖day"假期
公公終於可以休孖day啦! 原本諗住的澳門之旅因為暑假價格上調得太多, 所以將會無限期壓後出發. 終於都可以瞓到黃朝八晏先起身, 不過之後未能按照原定計劃去享受假期住! 因為... 因為比人坤左去飲茶. 飲唔飽, 再要買野去豆豉我媽咪度食. 食飽先出發去長洲之旅!! 去到周圍行吓之後去左沙灘睇人游水等到日落西山再去食海鮮! 食飽休休閒閒再行吓, 之後就番屋企煲碟! 休閒一的天!

27 Jul (Sun)
今日早啲起身 (其實都中午時份啦!) 同公公去食個車仔出發去之前從未去過的將軍澳行吓. 勁失望, 唔係好多野行又無咩野睇! 行左一陣就去九龍灣再行過! 玩遊戲夾到兩個公仔呀! 玩火車時又中左兩次車車! 好開心, 可惜比公公的一個電話打沈左呢個開心的心情! Too bad! 仲炒住飯食我的最愛 (攪到我都食唔落) 最尾公公仲要再加多個車仔麵滿足地回家! 如果唔係點keep得住佢個肚腩BB呀! 假期過得特別快, 休孖day就咁樣完結啦! ~_~

28 Jul (Mon)
公公今日要早番公司, 所以一早起身陪左我去食早餐! 嘩! 都真係好耐無試過啦! 要好好紀錄底先得啦! 唔知下次係幾時呢? 若干個月後定係若干年後呢? 期盼中...
之從上星期出左貓貓話唔可以再亂上網, 現在只得番個lunch time... 仲要比人係咁block! 呢個又上唔到, 嗰個又上唔到. 真係... -_-

遊書展

24 Jul (Thu) 遊書展
想買馬仔本書, 食晏時相約左Jo今晚放工後一齊去行吓! 哈哈! Jo有手信比我, 所以交左比公公到先, 之後去填埋個肚先開始入去行. 哈哈, 食我的最愛元氣是也! 食飽就開始進發, 好彩今日人唔算多可以好快入到埸. 入到會場都唔算大擠迫, 買左一本馬仔本書同月曆. 可惜馬仔扇派晒lor... 行到九點幾大家走人lor! 多謝晒好友Jo Jo 陪我去行呢一趟!
之後去左接公公收工, 有人叫我守住個秘密. 真係甜!! 甜在一份心意, 一份負出, 一份誠意, 一個驚喜! 絕對唔係錢呢個問題.

25 Jul (Fri)
星期五心情總會好啲, 仲有半日. 開心 weekend就嚟啦! 加油!!

大塞車

24 Jul (Thu) 大塞車 遲大到
今朝平常時間出門口番工, 好彩撞到Pow Pow 表弟可以排前啲有位坐. 不過去到上環一帶已經有小小塞都心知不妙, 無錯. 中環有交通意外, 大擠塞! 就係咁一直咁塞, 終於塞到九點幾先見到個交通警指揮車輛改行其他路線. 最後9:40am先番到公司!

七月快啲過吧!

17 Jul (Thu) 家姐之聚會
玲家姐嚟左香港玩幾日, 今晚一家人出左去旺角約左見面食飯聚聚.
放左工一個人去左旺角行吓先, 之後去左MTR站接家姐同姨甥, 再去酒樓join埋所有人一齊食飯. 食飽飯心急的嫦娥急住番屋企 (真係好無引, 仲同佢嘈左兩句) 唯有抱住細細個同姐姐加兩老番屋企先. 豆豉我媽咪同大蛇加卓琳行吓先番! 上左小巴, 因為太多人所以大家都分開坐, 我抱住細個坐車尾位置, 全程細個心情好好, 大大聲笑 V 嘩鬼叫 (可愛死人啦!) 由於真係過份大聲, 我用隻手按住佢個口, 點知佢仲以為我同佢玩嘩嘩嘩 -_- 係咁捉住我隻手要我繼續不停輕輕拍佢個口係度嘩嘩嘩叫... 成車就係得佢比聲, 全程尷尬黑面抱住可愛嘩嘩叫的卓妍小豬.

18 Jul (Fri) Dinner Gathering
終於星期五啦! 今日CHPF約放工同埋一家大細一齊食飯, 所以放工之後約左 PF 一齊係CWB行左一陣, 之後就去左佐敦join齊所有人去 "粗菜館" 食豬油撈飯. 推介之選!! 下次要帶公公去試吓先. 不過一定要人齊先好去, 如果唔係就要係門口等等等!

19 Jul (Sat)
長週的週末真係過得好慢, 好唔容易先捱到放工. 之後去左揾豆豉我媽咪, 再等埋公公收工去三上食野, 食飽同埋卓琳豬一齊番屋企做懶瞓豬. 起身時已經食晚飯, 而公公番左工啦!
今晚公公出街, 我自己做懶瞓豬先啦! Good Night!

20 Jul (Sun) 機場之旅
好開心呀, 一早已經plan好同公公去機場行一趟! 同埋Paul 婆去左美食廊食埋個晏, 番屋企攞埋部相機, 入埋八達通, 終於攪到兩點先去度巴士站等車. 好彩等左一陣就有車 (太好了, 如果唔係公公就熱溶左) 20分鐘車程, 真係快又方便! 去到Terminal 2 行吓影吓好似大鄉理咁四圍參觀, 買左套票睇4D, 玩遊戲, 扮飛機師, 望飛機... 睇完套4D (大家都有小小暈@_@) 去左 "黃枝記" 食飯, 食飽就去左Terminal 1 行多一陣之後就回巢啦! 今日足足係機場逗留左七至八個鐘, 開心快樂的旅程! 更巧合碰到Penny & Pauline 伉儷!

21 Jul (Mon)
好難收拾心情 ~_~ 今日call台同事請病假, 大家輪住嚟吓坐backup佢!
由今日開始應該唔可以再偷雞啦! 一定會悶死, 救命...
剛過去的 weekend 一家大細同左豬契媽一家入長洲玩, 今日放工番到屋企比兩隻豬仔嚇親, 大豬比不明昆蟲咬右眼右面攪到腫晒, 隻眼得番一條線好似豬頭咁. (心痛ing) 細豬又唔小心跌親攪到個鼻同個額頭損左, 唉... 可能係咁貪婪伉儷又炒飯... 可憐的兩隻小豬.

22 Jul (Tue)
繼續無mood, 都唔知點算... 唯有期待 weekend 的來臨... ... WEEKEND 我等得你好苦呀!!
今日去接公公收工, 同PP伉儷講開可能我地會一齊去旅行! 都真係可以考慮吓喎.

23 Jul (Wed) 等... 等... weekend 等... 等...

迪迪尼煙花

16 Jul (Wed)

話咁快今日係結婚四個月的紀念日, 雖然公公今日放假不過並無安排任何慶祝節目! (留番週年紀念先慶祝吧, 哈哈!) 公公瞓飽之後陪Paul 婆去飲茶行街買餸煮飯, 放工一齊去左豆豉我媽咪度har左陣, 兩個人行左去海旁遠遠遠~~~觀迪迪尼放煙花. 真的, 真的太遠啦, 哈哈! ... ... ... 平淡是福!

Worry my little sister ...soybeans

11 Jul (Fri)
多謝機機, 多謝你份厚禮! 仲記得當晚我同公公係進場前收到你的電話! 諗番起都已經係幾個月前的事了.
今日呀妹同事請事假, 茵姐同事晏晝又唔舒服請左病假得番我一個人孤身作戰吧! 晏晝仲要知道公公要番工呢個壞消息...唉...所有計劃取消! 失望~ing

12 Jul (Sat)
公公今日要番早, 所以同公公去左金鐘食早餐! 真係好耐無啦! 之後自己一個番左屋企上吓網har吓, 今日卓琳豬同靚舅母一家去左迪迪尼! 小左隻豬仔係屋企, 晏晝帶左細細個陪烏龜婆婆同姐姐一齊去剪頭髮. 可愛的細細個一去到見到男人行近就係度喊, 不過過左一陣熟習左環境之後就開始無問題, 行嚟行去. 仲係度叫 "歌哥, 哥哥" 可愛死人啦!
今晚卓琳豬唔係度, 一家三口番左去田灣. 而我同烏龜婆婆同姐姐約左公公去食打冷, 好開心好好味呀! 推介之選 "水瓜烙"!!

13 Jul (Sun)
起身後就同公公出發去左香港仔食晏, 哈哈放題去食我的最愛壽司, 之後仲join埋一家三口去南記食碗麵, 正! (好飽呀!) then 相約左CHPF 去左唱K, 不過公公今晚要番工, 唱左一陣就走lor. ......抱歉我的不詞而別... .... -_-

14 Jul (Mon)
今日又有三個新同事番工, 希望佢地可以做得耐啲啦!
下晝公公再為我去攞戰利品! 今次呢份戰利品會屬於公公所有, 已舊有戰利品就會比豆豉我媽咪! 希望佢會鍾意並會好好善用啦!

15 Jul (Tue) Soybeans Bad News
早 ~ 今日老細個仔嚟左做暑期工, 佢係英文人嚟咖! 一早番嚟都未醒晒就要同佢講英文, 佢又唔係好出聲都唔知佢明唔明我講咩咖? 收到豆豉我媽咪電話, 關於上次個身體測試報告可能有問題. 現在等排期再去抽驗, 希望無事啦!
午 ~ 午飯後收到卓琳豬電話
卓琳豬: 姨媽... ...
黑面 : 咩樹呀?
卓琳豬 : 我想玩落雪呀! (之前同佢玩過一次吧, 用打孔機的紙碎做成落雪效果)
黑面 : 你今日乖唔乖先?
卓琳豬 : 乖!
黑面 : 好啦, 放工拎番嚟比你玩啦!
卓琳豬 : 唔好啦, 怡家拎番嚟啦.
黑面 : 我未夠鐘放工喎!
卓琳豬 : 怡家放工啦!
黑面 : 唔好摟計啦! 放工拎番嚟比你玩啦! 唔講啦, 姨媽要做野啦! Bye Bye!!
卓琳豬 : 姨媽
黑面 : 咩樹
卓琳豬 : 好掛住你呀, 我真係好掛住你呀!
黑面 : (口甜舌滑, 不過真係甜在心頭) 好啦! 唔講啦Bye Bye!!
卓琳豬 : 姨媽~~
黑面 : 咩樹呀?
卓琳豬 : 我真係好掛住你!
黑面 : ^0^ (甜到漏) OK啦, Bye Bye!!

今晚我等埋豆豉我媽咪先食飯, 飯後就同兩隻豬一齊玩落雪. Yeah!!

七月

8 Jul (Tue)
今晚有人發脾四, 鬼叫你自己衰呀! 氹你, 好難啦! 大覺瞓唔鬼理你!

9 Jul (Wed)
今日Head Head 放半日假, 時間真係好快過!
今日放工去左搵豆豉我媽咪, 仲係舖頭買左兩件衫! 盛位二百個大兩! ^_^

10 Jul (Thu) 黃色暴雨警告
一早起身天黑黑, 第一時間開電視睇吓咩情況啦! 黃色暴雨警告… 即係要起身番工啦. 可能唔夠瞓的關係, 番到公司無耐就頭痛, 直到放工都無停過!
今晚等公公收工, 去左食炒飯. 公公今日收到電話, 飛機個細妹番左嚟, 明早約左佢收禮物!

11 Jul (Fri)
多謝機機, 多謝你份厚禮! 仲記得當晚我同公公係進場前收到你的電話! 諗番起都已經係幾個月前的事了.
今日呀妹同事請事假, 茵姐晏晝又唔舒服請左病假得番我一個人孤身作戰吧! 晏晝仲要知道公公要番工呢個壞消息…唉…所有計劃取消! 失望~ing

忙了忘了

完全完完整整忘記了打blog呢回事. 忽然有一日記起... 係喎! 我好耐無update個blog 啦!

大家都知我咁善忘, 真係好難叫我諗番之前的事啦! 不過我好想憶起, 再記錄低... ....

29 Jun (Sun)

同公公&貪婪一家去食個車仔麵做早午餐, 之後就出發去永安行吓. 行完上環後送左貪婪一家上車, 就同公公去探公公的公公! 希望公公的公公快啲好番, 身體健康, 快啲出院啦!　之後同公公番屋企同Paul 婆食飯.

30 Jun (Mon)

加油! 捱埋今日又可以放假啦!（其他事已經記唔起了）

1 Jul (Tue) 好熱好好天的七一假期
同左貪婪一家出發去灣仔街市一路行去銅鑼灣, 之後join埋公公諗住去食我的最愛sushi啦! 去到發現裝修緊, 裝修之後仲會改為 "千兩" -_- 大家又熱又倦, 我仲要抱住細細個! 唔想再行又唔想再等, 近近地去左 "和民" high tea 吧! 我地走的時候又遇着大遊行, 無巴士無小巴就係只有電車"叮叮"! 唯有搭 "叮叮"慢慢地叮回家! 最終我地叮左成個鐘身水身汗回家食晚飯!

2 Jul (Wed)
星期三啦! 今日公公放半日假, 因為公公契媽係美國番嚟香港, 今晚係府上作客! Paul 婆預備左好美味的海鮮餐, 大家都食到好飽了！　食飽最好做咩, 更係大覺瞓啦！　今晚好早就瞓左, 辛苦公公送契媽走啦！

3 Jul (Thu)
今日呀妹同事一番到公司已經唔係好舒服, 最終都頂唔住走左. 今日又特別多突發野發生攪到好鬼忙咁, 時間好快就過左. 今日同左茵姐同事出街食午飯, 之後仲去左行蛋糕用品店!
下晝都仲有野忙, 好快就放工啦!

4 Jul (Fri)
今日呀妹同事請多一日病假, 好好休息一下吧! 今日係公司係咁出通告, 出email攪到頭都大埋! 好似作文一樣! -_-

5 Jul (Sat) OT
哈哈, 終於星期六啦! 雖然要番工, 不過半日好快過啫! (自我安慰中)　事與願違, 捱到十一點幾 Head Head 比左份 Sales 啲單比我入! 終於都輪到我入啦! (之前呀妹同茵姐都試過) 係, 真係唔難做! 不過真係需要啲時間同埋好小心睇清楚先可以入. 入到成點鐘都係入左一半吧! 不過真係唔想拖到星期一先入(因為知道星期一有兩個新人番工一定好忙) 所以最終OT趕埋佢! 終於係兩點三入晒, 仲趕得切同公公去high tea! 今次仲同埋Penny & Pauline 一齊去食我的最愛sushi!　呢個組合都係第一次吧, 大家有傾有講好開心呢！ 食飽各散東西之後同公公兩個去左PP飲coffee! 好開心呀！

夜晚公公早走小小, 我地二人世界去食宵夜, 公公的最愛～打邊爐.

6 Jul (Sun) 放假先嚟落雨
又落雨不過都唔會改變行程, 約左貪婪一家去食尼斯之後就出發去左葵涌廣場行吓. 我的購買意慾真係去到新低點! 一樣野都買唔到, 唔似購物狂豆豉我媽咪咁乜都可以買得落. 佩服佩服!
今個月公公家有4位家庭成員成日, 今日一家人係屋企食晚飯買生日蛋糕慶祝! 祝各位生日快樂, 身體健康, 開開心心!

7 Jul (Mon)

今日心情不錯, 可能因為公公今日會放下半晝. 放左工我地去左翡翠拉麵食個二人世界早早晚餐之後行吓就回家啦！

８ Jul (Tue)

今日心情直線下滑, 無心機...　只有好努力咁記起上星期的事再記錄低...

心涼~ing

"低EQ Head Head" vs 蠻不講理老細"

唔洗講係人都估到勝方永遠係屬於口大啲嗰個! 見佢比人噴到一面屁, 個心終於都涼左啲, 但係怒火仲未完全熄滅!

算啦! 都係唔好咁黑心啦! 好好 enjoy 呢個 weekend 先啦!

今日照舊同公公去食我的至愛早餐, 之後係屋企 har 到公公番嚟, 再同嫦娥公公 & 卓妍 BB 去 high tea. 食完晚飯同左兩隻豬瞓覺覺豬, 瞓醒睇埋套法證先鋒II 大結局公公仲未收工... 上網打吓blog 先!! 今晚有精神, 應該可以同湘琴直樹見面啦! 惡作劇2吻我嚟啦!!

心情同天氣一樣 ... 差

21 Jun (Sat)
好野! 今日公公放半晝!! 放工等埋公公收工, 再去左荔景同公公去攞戰利品. 之後就join埋Ray去Ice家姐屋企裝修, 我都有幫手咖!! 仲攪到手指起左個 "pot" 好痛呢! 攪到成七點先同公公去食花園餐廳, 好倦了! 早啲回家睡覺吧!

22 Jun (Sun)
肚痛真係攪到咩mood 都無晒邊度都唔想去! 原本諗住同公公出去食車仔麵的計畫都要取消! 只好叫美食廊送外賣啦! 食飽係屋企har左一陣, 就同公公出去幫戰利品加多啲裝置! 仲靜靜雞預備埋份禮物比豆豉潻! 今晚同老公番娘家食飯, 食飽出左去行吓街玩吓遊戲, then回家自由活動左一陣就覺覺豬啦!

23 Jun (Mon) 蓮海聚會
大家又好耐無見啦! 今之係補祝大家生日的食飯飲野聚會! 收工後約左Jo行吓等埋Fanny 收工, 一行三人去左CWB食拉麵. 之後就去左Fanny介紹嗰間Bar飲野! 大家有傾有講, 好開心呢!

24 Jun (Tue) Bye ~~ Franco
表哥偉走啦! 收左工接埋細細個一齊去左大姨婆屋企送表哥! 真係好唔捨得呢, 不過最唔捨得就一定係大姨婆啦! 唔緊要, 出年再見啦!
夜晚十點幾掛起左颱風, 唔知明早走左未呢?

25 Jun (Wed) 掛八號
7:00am 鬧鐘響 -> 開電視 -> 八號颱風 -> 打開窗簾望吓街 -> 去廁所 -> 瞓番 -> 瞓吓醒吓 -> 11:15改為三號 -> 公公趕番工 -> 炒飯 -> 我就慢慢出門口 -> 炒飯 -> 無聊番左半日 -> 炒飯 -> 夜晚炒一獲大的

26 Jun (Thu)
瞓醒無事啦! 不過係公司比個死八婆 Head Head 激親, 真係唔想再繼續係咁!! 好多謝茵姐同呀妹同事的支持! 更加感激十分支持我的公公!

27 Jun (Fri)
佢條八婆再係咁, 咪話我玩野呀! 無EQ低能婆!! 向佢開火!! FIRE!! PK 去死啦!!!

Rainy Week

14 Jun (Sat) Rainy Short Week 之 buy 爸爸節禮物
一早起身同公公去食早餐 -> 回家har har. 明天爸爸節啦, 晏晝相約左公公去買禮物! 出門口時卓琳豬要跟住我, 帶埋隻可愛小豬豬去吧! 我地一行三去左食KFC一大筒雞餐, 飽到呢... 食飽 -> 買禮物 -> 回家

15 Jun (Sun) 公公要番工之爸爸節
今日公公全日都要開工唔可以同爸爸一齊慶祝 :( 唔緊要啦!
一早收到豆豉我媽咪電話, 未瞓醒的我聽唔清左佢講咩, 只知要係十幾分鐘限時內出到門口一齊去飲茶吧. 難得放假, 真係好想懶吓床, 所以... 最終都係瞓番. (不過後來先知原來係同表哥偉一齊去, 如果早知呢個原因, 我一定會去吧!) 公公一早要番工, 我自己就懶床到成點先起身, 之後回娘家煮個麵食算數. 原來PF都有去飲茶, 之後仲同豆豉&細細個去左行街. 食完個麵佢地番左嚟又一齊食過麥當當, 好飽好滿足! 跟住等埋大蛇收工仲一齊打牌娛興吓!! PF, 見你未出糧先比你嬴多小咋等你有啲錢袋吓吧!! 下次你無咁好彩啦!
打完牌, 我們一家就出發去食飯啦慶祝爸爸節! 食飽同豆豉&卓琳去左晒相, 玩吓彈波波先!

16 Jun (Mon) 無智慧齒啦!
今日原本諗住請一日病假去拔牙, 不過一早收到茵姐個sms話今日請一日事假. 廢事啲野無人做, 所以最後我改為放下半日only. 因為要幫茵姐做野, 所以成朝都好快過左去了. 下晝放左工, 去左搵豆豉我媽咪一齊係舖頭食野, 之後再join埋公公出發去拔智慧齒! 好驚, 一入去就同牙醫講我好驚, 不過好快, 整個過程都好快可以係10分鐘內完成! 之後同公公去荔景攞野! 今次成功左真係超開心! 回家har到八點幾先去食公公為我預備的愛心冷麵! 好好味呀! 多謝Jo的慰問, 不過由於好痛同唔到你講咁耐電話! 另外收到Rachel 妹好的電話, 希望你可以開心啲啦! Be Happy!

17 Jun (Tue) Sick Leave at home
今日請左一日病假! 同公公食過早餐, 再去酒樓join埋見下表哥偉! Welcome back!
下晝公公為他姐姐整新屋, 我就留係屋企同BB har 午睡休息休息.

18 Jun (Wed)
番到公司見到呀妹同事同茵姐同事都趕緊Sales 啲野! 原來Head Head 尋日叫左佢地幫手做, 不過可能佢見我今日要清番尋日啲野所以佢仲未叫我幫手吧! 今日下晝Head Head 同老細上廠, 我們多一點自由啦!

19 Jun (Thu)
今日到呀妹同事請病假啦! 其實佢都唔舒服左幾日咖啦, 休息吓吧! 今早Head Head 仲你廠未番公司, 繼續 free 住嚟做野!

20 Jun (Fri) Sunny Day
終於都好天啦! 一早起身見到太陽伯伯真係心情都好啲! yeah ^_^
平平淡淡又一天!
見公公接我收工, 咁... 今晚我又去接公公收工先! 仲買左宵夜比佢地食, 不過我地番到屋企一人食多一個杯麵先瞓, so full!

21 Jun (Sat) 好好天的星期六
繼續陽光普照! 今日下晝公公放假去幫 Ice 家姐整新屋, 等我去做啦啦隊先! :p

惡作劇之吻 ~The End~

終於大團完結局啦! 真開心!

直樹, 湘琴 Part II 再見!! ^0^

天黑的黑色星期五

11 Jun (Wed)

係公司悶左八個半鐘, 真係想死. 番屋企食飽飯同兩隻豬仔玩左陣, 真係頂唔順要瞓一陣先! 一瞓醒, 公公已經出現係眼前lor! 太好了! 哈哈, 之後同公公一食番屋企食宵夜 (有好好味的粽, 碎牛粥, 炒麵) 睇埋套深宵劇衝上雲霄仲有精神可以同湘琴直樹見面! 今晚進度唔錯, 我地又完成左一隻碟啦!

12 Jun (Thu)

悶死係公司真係悶到想死, 救命呀! 今日放工一番到去食飽飯, 見兩隻豬仔都瞓晒! 唔好執輸, 加入埋一份先! 雖然中途比電話同BB嘈醒好幾次, 但都可以好快瞓番. 瞓醒公公又再次出現眼前, 之後的節目精彩啦! 又係睇埋套深宵劇再同湘琴直樹見面!

13 Jun (Fri) 好大雨的黑色星期五

個天好黑好大雨的黑色星期五, 同同事們諗住食KFC做午餐. 點知因為落雨關係太多人叫外賣,要好晏先送到! Oh no! 大家講到興致勃勃又要掃興! 跟住又諗住食sushi啦! 不過都係同一命運, 最終大家只有放棄, 食番最快最近送外賣的茶餐廳啦! 下星期一定要食番補數! :(

惡作劇之吻

黑色暴雨警告

6 Jun (Fri)

平平淡淡渡過左個Happy Friday! 夜晚同公公煲碟, 煲到連公公都同我一齊追埋一份!

7 Jun (Sat) 黑色暴雨警告

7:00am 手機響, 娘家來電!

黑面: (驚慌中...因為經驗中, 一早打得嚟比我都唔方係好野!) 做咩樹呀?

烏龜: 現在黑色暴雨, 唔水番工!

黑面: 唔... 知啦! Bye Bye! (偷笑中)
哈哈, 開心到成個人醒晒, 嘈醒埋老公一齊開窗簾睇吓出面街景! 場面何其壯觀, 成條街好似河流咁, 垃圾桶雜物係條馬路黃泥河飄吓飄吓! 真係奇境! 之後通知過同事們唔洗番工住, 就同公公再瞓過.

11:00am 轉番做紅色暴雨啦! 收過Head Head 電話confirm 唔洗番工, 太好了! 不過公公要番工, 之後自己join埋豆豉伯伯靚姨婆佢地一齊飲茶. 原本今日卓琳豬同靚舅母一家去迪士尼咖, 不過太可惜啦! 比一場百幾年唔逢的大雨取消左, 好在靚舅母帶佢去街補數! 而晏晝我就 join 埋公公high個tea再去攞project 啲相就回家食飯做節!

12:30am 同公公一齊返家, 去到 lift口聞到一陣燒焦味. 攪到大家都唔敢搭lift, 都係行樓梯安全啲!1:15am 我煲緊碟公公預備去洗白白豬之際, 突然... 成屋漆黑一片, 整坐大廈無晒電! 大家唯有早啲瞓啦! 好彩今日都唔算太熱, 都可以瞓得着!

8 Jun (Sun)

12:00noon 醒左, 不過仲未有電呀! 繼續係張床度har

1:10pm 一閃, 終於有番電啦! 好開心, 啦啦聲洗衫同沖番個熱水涼先!

2:30pm 同公公去三上食左個早午餐, 之後無乜地方想去. 所以大家選擇左回家煲碟+午睡夜晚同公公約左Paul婆去食意粉屋, 好耐無去過. 味道都不錯喎! 食飽又同公公二人世界行左一陣, 之後回娘家走一轉又再番去煲碟ing

2:30am 仲未捨得去瞓, 可能真係中左煲碟毒啦! 傻傻的湘琴, 酷酷的直樹! 不過最終公公發出最後通牒, 關電視! -_- 如果唔係聽日無早餐食!

9 Jun (Mon) 端午節假

一早起身同公公去食早餐, 之後公公去搭車番工, 而我又再去join埋豆豉同烏龜去飲茶. 食飽回家har左一陣, 大家整裝待發去踏單車.去到大圍無家庭車呀, 唯有再轉車去沙田啦! 好彩去到沙田真係有吧! 不過價錢比想像中貴左啲, 我地仲因為意見不有小炒飯呢! 原本借左兩輛家庭車, 不過其中一輛好似出現左問題. 最後變左一輛家庭車, 兩輛單車. 家庭車踏得實在吃力, 留番比大蛇踏吧! 我就同姐姐一人一輛踏. 雖然短短一個鐘, 但由於我技術麻麻, 加上太多障礙物, 踏完之後已經就身散晒! 之後join 埋CHPF一齊行沙田, 再去食沙田出名的雞粥! 真係幾好味咖喎, 下之帶埋公公一齊去先得! 夜埋番到去, 諗住煲多一陣碟先瞓. 可惜今日太倦啦! 湘琴, 直樹! 我地都係聽日先見啦!

10 Jun (Tue)

雖然今日係星期二, 但係竟然出現Monday Mood! 假期後遺症係咁咖啦! 上個星期已經相約同事今日lunch食元綠 sushi外賣定食, 大家都好興奮! 辣辣冷麵真係好好味呀! 好飽呀!今晚食飽飯自己一個人早返屋企, 因為又要分埋啲相! 終於攪到成點幾兩點先瞓! 任務終於完成. 太好了!

六月啦!

31 May (Sat)
今日一早比哥哥的關門聲嘈醒, 梳洗後等埋唔願起身又黑面的公公出去食早餐! 你黑我又黑, 早餐當然唔洗食啦! 食個炒飯先, 最終不歡而散! 餓住個肚番娘家, 自己煮公仔麵食! (好耐無煮過野食啦!) :p 之後同BB玩, 晏晝公公煮左個愛心炒麵, 買左麥當當+飯盒番嚟同我&BB一齊食! 食飽同BB午睡左一陣.
今晚出去接公公收工, 之後同左Ono San 去左食打冷. 好味道!! 期待已期久的C&K Project Video 終於到手啦! 同公公臨瞓前煲晒隻碟, 時間真係過得好快!

1 Jun (Sun)
星期日必要做的一件大事, 洗衫! 一早起身洗衫再去梳洗, 吸取過尋日的教訓你唔黑我就唔黑. 之後約埋豆豉我媽咪, 大蛇同卓琳豬去左格離街食早午餐. 好豐富呀, 一人一個飯, 卓琳豬食通粉! 好可愛的卓琳豬唔小心倒些小小野, 我地一句都無鬧佢反而令佢好尷尬! 卓琳豬尷尬個樣真係好攪笑咖! 之後番左屋企接埋細細個一齊去左冒險玩. 今晚公公在家設宴, 邀請左烏龜婆婆同嫦娥去品嚐, 所以去完玩之後去左買餸煮飯食. 食飽仲同BB玩印手模, 今日開心家庭日, 不過辛苦了公公啦!

2 Jun (Mon) Head Head on SL
今日Head Head on sick leave, 又要幫佢照顧兩位老細啦! 老細又再一次難為了家嫂啦! 又再一次叫我幫佢地book檯, 人地都話full晒囉又唔信. 硬係要叫我打比Head Head 幫手訂. Finally Result 咪又係一樣, 我頂呀! 攪到我又幫唔到佢地訂檯, 又要煩到Head Head 真係徒勞而無功! 今日又有新同事番工, 之前Head Head 已同我講呢個人好茄呢, 真係! 真係攞你命三千, 帶佢去行公司時仲攪笑, 攞住個sitting plan續個搵續個對!　企係佢格離比人笑到面都黃 -_- 攞你命三千萬次方先啱!!

3 Jun (Tue) Uncle Daddy Birthday
今日 "姨丈Daddy" 擺壽宴, 公公放左下半晝一齊去順便攞埋project 啲相去一齊睇. 好彩仲未落出雨, 收工後去左永安行吓har吓. 出嚟時勁大雨, 好彩過一條馬路就上天橋. 不過成隻鞋都濕左啦, 可憐的公公半身濕晒.

4 Jun (Wed)
今日同茵姐&呀妹同事出去食晏~麥當當! 玉子將軍漢堡好好味呀!
放工去搵豆豉我我媽咪, 佢整左件靚靚 T-shirt 比我呀! 好有心思好得意, 多謝你! 人地出雞我都要出番豉油, 買左條牛仔裙先走人! 食飽飯飯帶左BB去影相, 細細個見到影相哥哥又喊晒口! 攪到我地要係影相舖唱晒歌氹佢收聲.
今晚公公夜番我自己一個番左屋企先, 原本諗住開始煲碟 "惡作劇之吻" 不過開場唔夠十分鐘比睡魔急call! hee... 聽日由頭再開始過吧!

5 Jun (Thu) 加油呀! 頂埋呢兩日就放假啦!近日係Facebook 搵番啲舊中學同學, 好開心大家可以相聚一齊傾計! 原來除左我之外, 仲有幾個中學同學都係一齊同同學仔結左婚! 所以我絕對讚成讀書讀男女校, 開心好玩好多!

影后篇

23 May (Fri)
今日去接公公收工, 知道佢想食 pizza 特登買左個 surprise pizza去佢公司. 不過公公只可以食到一件, 唔係好夠喉潻!

24 May (Sat) 荃灣遊
番左半日工之後又去左公公公司等埋佢收工, 之後去左荃灣行街街. 真係大鄉厘出城一路行一路問人邊度係邊, 點去... ... -_- 今日行程係行左各大小商場, 去左各大冒險, 之後去左食韓燒, 食飽行左一陣買左對CROSS就番屋企啦! 番去之前仲買左兩個龜苓膏同公公一人拍一個, 好熱氣呀!!

25 May (Sun) 長州遊
講左成個星期啦, 終於可以起行啦! 一早同公公 & Paul 婆去左街市食個早餐之後, 回娘家接埋一家大細就開始今日的長州之旅! 買左啲野食上船食, 去到首先就圍行吓, 買吓野食之後去左沙灘同BB們玩沙. 起初兩隻豬都有啲驚, 不過卓琳豬的表現好啲, 好快就肯係沙上面行. 玩到差唔多六點鐘, 一齊去食海鮮啦! 不過卓琳豬因為瞓左覺覺豬miss左呢餐, 我地食飽再行多一陣又買野上船食就回家了! 開心的一天!

26 May (Mon)
一早唔願起身, 仲同公公講緊好唔好賴皮時收到個SMS. 呀妹同事唔舒服請假, 唯有硬住頭皮番工啦! 今日又有新人番工, 其實差唔多個個星期都有新人番工咖啦! 唉... 真係係攞你命三千! 不過今日都算無驚無險好快過左!

27 May (Tue) Sales Coordinator
都唔知Head Head 攪乜鬼, 不停接左啲Sales 工作嚟比我地做. 之前就係入單, 今次仲要幫啲Sales影啲板. 係唔難, 不過真係需要啲時間去做! 影后嚟啦!

28 May (Wed) 影后
繼續同呀妹同事分工合作去做影后, 不過眼見茵姐被重重的 Sales 單包圍, 所以成朝幫佢去影印清左佢. 朝早做完影印后, 晏晝繼續做影相后! 今日公公請左假休息, 接左我收工之後去左CWB食我的最愛 sushi, 食飽又無乜野買所以行左一陣就番屋企啦! 今晚終於同公公 "的" 起心肝攪埋啲project相, 大家應該好快可以有相攞!

29 May (Thu) Shooting Day
繼續影, 不停影, 密密影, 無停手...

30 May (Fri)
呀妹同事說:[終於望到故鄉啦!] 因為我地終於影到七七八八啦, 食埋個晏快手快腳應該可以今日內完工啦! 終於都做完影后, 不過唔知Head Head仲會唔會接啲sales job 嚟做呢? 洗唔洗提吓佢其實我地係Personnel & Admin. Dept. 呢? 不過... 又或者佢都係為世所迫無得選擇吧! 算啦! 煮到埋嚟就硬食啦! 你估我地可以 said No 嗎?