Project 主題曲

搵左幾首歌再大家一齊揀, 好快大家就決定左啦! 你地估唔估到呀?

Tips :
1) 男歌星
2) 國語歌
3) 歌名三個字
4) 2001年舊歌

中秋 Week

個blog無update幾日lor 因為又忙又放下假又病下又懶…

22 Sep 黃金甜品之旅

同公公媽媽, 公公&卓琳豬去飲茶後, 就同公公去做Project資料搜集. 之後約左CHPF同B媽卓琳去左黃金海岸食飯. 食到好飽咖啦, 但估唔到再去食埋糖水. 真係好豐富好滿足呀! 多謝晒! 最可惜天氣唔好落住雨, 如果唔係可以行下黃金海岸就好lor!

25 Sep 中秋節 Chinese Mid-Autumn Festival

可以放早真開心, 之後約左公公high tea再去佢公司攞 Salmon. 好重呀, 唯有搭的士啦, 但多人又無車, 最後好辛苦先上到車, 但又勁塞車喎… 黑仔食過做節飯並沒有往年咁去行公園, 亦沒有跟B媽卓琳出去. 只覺有點睡意, 好快就失去知覺睡下去了…

26 Sep The day following Chinese Mid-Autumn Festival

同公公食過早餐後番左屋企, 卓琳豬剛好瞓醒大叫”姨媽媽”! 由於烏龜婆婆同Yuli組姐出左去飲茶, B媽B老豆熟睡中, 唯有同卓琳豬梳洗啦! 擦牙, 沖涼, 換衫, 剪手甲腳甲… 之後再同B媽, 細細個, 賴尿同Yuli姐姐再搵埋詠童去搵公公食壽司. 食飽過後同左佢地去香港公園玩. 好開心呀, 又可以睇魚魚, 又可以睇龜龜, 又可以玩水. 玩到卓琳豬唔願走潻呀! ^0^

27 Sep Sick Leave一早起身見個肚仔唔舒服, 諗住頂硬上沖埋涼洗埋頭番工啦! 點之沖完仲痛得勁左, 唯有打番公司請日假. 再濕住個頭瞓番啦! 早之一早打番公司請假就算啦! -_- 好彩有公公請假陪我 Thanks! :p

大Project

九月初接左個大 Project做, 之前做左D資料搜摘. 上個星期六正正式式開始做啦, 不過可能大家的心理未能及時適應, 所以好緊張有D不知所措. 大家都出現同一病症 "Project侯群症" ...或者真係要慢慢去適應一下啦!

萬事起頭難

一開始已有爭拗, 什麼辦?

懇請您站在我立場多一些可以嗎? 唔理邊個講, 總之唔 make sense 的意見我係唔會聽的, 更希望您會為我出面反駁! 多謝你的合作!!

十劃一撇

六年前

十劃都未有一撇

六年後

總算十劃有一撇啦!

不過萬事起頭難, 唔知幾時先有齊十劃呢?

休休閒閒的星期天

9 Sep 唔洗多講咁早先瞓一定黃朝八晏先起身啦! 瞓醒都已經兩點啦, 之後同公公&公公媽去飲茶, 再去接埋賴尿去公公屋企har左一陣. 大家休休閒閒, 行行企企, 咁啱賴尿又無摟計又肯叫人. 太好了! 之後約埋嫦娥, 烏龜&豆豉去食飯飯, 飯後又休休閒閒回家睇電視就覺覺豬啦!

10 Sep 工作天都係咁啦! 番工等食晏, 食完晏又等收工. 收左工相約左傻姐姐同賴尿去買奶粉尿片, 之後賴尿摟計所以自己一個人帶佢去夾夾. 好好彩夾到一個小狗橡筋公仔, 夾完抱住佢番屋企的短短路程中已瞓着左, 大家可以有餐安樂茶飯食下 (真可喜可賀) ^_^

又一個開心的short week weekend

7 Sep 豆豉+大蛇同賴尿出左街街, 放工番到屋企食飽飯飯之後再加上有小小唔舒服, 所以好快就進入左睡眠狀態. 原本諗住去接公公收工的計劃都取消左, 瞓醒公公同賴尿都番緊嚟啦! 哈哈! 就係因為咁, 成四點都仲未瞓得着囉!

8 Sep 瞓醒同公公食個趕早餐(因為瞓晏左) 之後公公幫公司買野再打的番工, 而我就搭左呢程順風車去bank. 跟住去左公公的公司har下, 打下機等佢收工. 再約埋賴尿一家去夾夾同食翁記, 之後豆豉預備花同四姨婆食飯慶祝生日!食飽飯公公已番到西環接埋我, 再去參加佢公司同事的生日派對. 今次有好多人呀, 所以攪左兩圍食飯. 飯前飯後大家各自娛樂, 打機的打機, 閒談的閒談, 賭的賭, 玩雀的玩雀, 大家樂而忘返 玩到五點鐘先一齊走人. …zzzZZZ

完美主意者的Standard

上星期係公司被處女座的完美主意者無理的黑面對話令我火中燒, 佢竟然話我改完個Excel File 之後要乜乜物物喎… Crazy!!

相隔一日後又再被呢位完美主意者話我將啲唔重要的文件印左落白紙到浪費喎! 不過我同同事們都覺得呢啲文件都重要, 我只覺有人吹毛求疵吧!

不過一切都已過去, 算了吧!

紀念日之旅

紀念日… 又係一年一度的紀念日大日字啦! 好開心, 今年我地選擇左係澳門同豆豉&大蛇一齊慶祝渡過. 今個旅程真係好開心, 住番上次住嗰間酒店, 去的地方都同上次差唔多. 不過今次一行四人, 人多左可以食多啲款式的美食, 影合照時又方便左.

今個旅程, 其實我地都係一路行一路問人有咩好食. 好好彩每一餐都唔係好貴而且又好好味!

<<食>>

晚 : "星際" ~ Dinner Buffet 上次已食過一次, 今次啲水準都keep得住唔錯!! (講到好似個食家咁!)

宵 : 係酒店附近買左豬手, 九肚魚, 魚蛋 etc… 唔錯!

早 : 酒店早餐 ~ package包埋, 算係咁啦! 最好味之選 … 太陽蛋 -_-

午 : "詠藜園" ~ 午市套餐 好好味好低食!! 擔擔麵, 小籠包, 粉皮, 春卷etc… 好味!!

Tea : 豬扒包, 炸雞件　^_^ 好食!

晚 : "新益美食" ~ 一個字 “正”!! 雖然地點係黑沙灣唔係旅遊區交通唔係好方便, 雖然店舖內無豪華的裝修, 坐位又唔算太舒適… 但真係實而不華, 食物真係好好味, 好有特式! 我地叫左個豬骨煲, 牛爽, 黃牛肉, 肥牛, 走地雞. 起初都以為唔夠食, 但最終竟然食唔晒! (side晒啲野食!)

<<玩>>

遊賭場 ... 星際, 永利, 葡京, 皇家金堡, 金龍, 威尼斯… 可惜總括嚟講大家都無斬獲.

<<攝>>

機本上去到邊影到邊. 酒店房, 賭場門口, 大三巴, 不過最靚的景就當然係漁人碼頭啦！成個旅程影左唔小相呢!

<<驚喜>>

多謝最愛公公, 多謝我的好妹妹為我安排的一切一切. 雖然你們之前唔小心走漏風聲, 但真係好感激你們的安排, 多謝你們的心意同埋禮物！ I love both of you!