開心的weekend

24 Mar … 放左工, 去左我好想行下的灣仔街市 (因為好耐無行過啦!) 之後就去左公公的公司等佢落場再去太古城meet 金姑婆婆, 姐姐 & 貪婪一家一齊去行下街街. 好耐無同金姑婆婆去到咁遠啦! 需然行下又要坐下, 但已算唔錯啦! 去左玩遊戲, high 左個tea之後, 公公又要番工啦! 而我地繼續進攻吉之島. 掃完貨已經七點幾啦, 之後call 的的番屋企. 因為大家都無食晚飯, 所以最尾都整左宵夜食.
25 Mar … 晨早六點幾, 比細B的哭聲嘈醒左. 見B媽成晚都無覺好訓, 咁唯有幫佢手餵奶啦! 終於三安奶… 由六點幾食到八點幾都仲係食淨小小… 真係辛苦晒你啦~細B. 掃埋風攪好晒都成九點鐘啦, 真係頂唔順要再訓過. 一訓就訓到成一點鐘. 之後就同公公出街拍拖, 好耐無啦! 行街收穫都幾豐富, 人人都有禮物. 婆婆 – 周先生虎虎金牌仔 ; 貪婪B媽 – DHC潤唇膏 ; B爸 – T-shirt ; 大B、細B – 錢箱, 貼紙 ; 姐姐 – 圍裙而我同公公 – 密封器, T-shirt, 背心, 衫仔, 短褲仔… >0<
總算過左個好開心的週末 ^0^
26 Mar …
早 ~ 又番工, 好悶呀!
午 ~ 約左個保險經紀食晏

我的手機鈴聲… 大細心

大細心

歌手：方力申 作曲：雷頌德填詞：林夕 編曲：雷頌德

若是問志願 我想你開心 你愛那一個 自然換到傷感才叫我無限細心 唯求使你 曾陪我 可快樂至今
是自大志願 制止你心酸 要對你心軟 給你打算 憐愛你 從未覺得倦 上天恩賜我 怎可怨
事物會消逝 愛侶會失勢我有的一切 自問也許值得你快慰 做情人一世
令你開心不顧甚麼 明白愛你不可出錯 如令你有一點不妥 誠懇去認錯會叫我更加好過 為你傷心不算甚麼 曾預算過犧性更多 如若計較得失因果 不是我在懷裡有你 哪曾活錯
並沒大志願 我只要相戀 要愛到很遠 不再幽怨呈獻我 償盡你心願 用坦率對你 不兜轉

* * * * * * * * * *

你聽到嗎? -_-

* * * * * * * * * *

又分手?

21 Mar … 晚 ~~ 你與亞宇的約會, 又一對情侶分手了…
22 Mar …
早 ~~ 多謝你為我預備的早餐! 但經過上次一事, 心情仍然不大好, 好像控制不了自己! 不要緊, 明天星期五啦! 只想好好地渡過這個週末. 原本今日又有新人番工, 但又再一次比人放飛機了! 唔通出面真係咁好境?
晚 ~~ 晚飯後同貪婪B豬媽, 百厭卓琳豬一齊去影相. 好彩今日都幾合作無喊無摟計, 但笑容就十分牽強啦! 之後再去百佳掃貨, 柴米油盬醬醋茶 + 尿片(好扺買因為有盒禮品送潻)! 貪婪B豬媽仲話明天再去掃貨 -_- 師奶真係師奶!!
23 Mar … 星期五啦! 太好了! Happy Friday!

講大話

19 Mar …一早下着密麻麻細雨的星期一
早 ~~ 同平日一樣去到碼頭旁邊巴士總站搭車番工, 同平日一樣望o下海望o下天望o下地望o下人放狗望下D船埋頭. 見到有個呀叔背住個背囊預備係船上跳落船, 其實佢跳o個下都幾型嫁. 但之後忽然聽到佢大叫”幣啦!” 我個袋跌左落海呀! >_< 排緊隊搭巴士的人個個都望住佢, 好緊張呀! 好彩最尾係船上面的人比左個鈎佢釣番個袋上黎, 但見佢釣得好辛苦因為個袋己濕透了… too bad! 不過總算不幸之中的大幸了 ~_~
晚 ~~ 晚飯後同BB出去接公公收工, 沿途BB都好聽話. 但落車後行到嘉年華附近可能太嘈的關係 BB成日就話驚驚, 之後仲喊起來. -_- 真無奈, 唯有遠離好嘈吵的嘉年華啦! 但BB並沒有因而停止喊, 而且仲相反越喊越勁潻, 一路喊一路嘔囉. 雖然無人幫手但好彩有帶紙巾, 一個人都可以攪得掂咋! 最後唯有抱住BB搭的士番屋企啦, 廢事佢又再嘔再驚驚啦! 好彩番到屋企佢已經無事, 仲識得同婆婆媽媽姐姐講佢嘔潻, 真係吹佢唔漲! 呢個B真係好醒!

＊＊＊　＊＊＊　＊＊＊
好失望你竟然講大話, 張開大大的眼睛面對住我講一個咁漂亮又完美的大話. 我真係唔敢去相信, 如果唔係我咁好彩有個咁好的機會比我去發現, 我相信呢一世我真係唔會知道. 或者應該咁講…今日你真係好黑仔吧! 一次的不忠, 真係百次都不容. 你的解釋係呢個係善意的大話, 當然我係唔會接納呢個理由啦! 總之講大話係唔岩, 比機會你再去解釋時你仲大聲夾惡同我講就更加錯. 我唔係同你講過一齊要坦白嗎? 你忘記左?
＊＊＊　＊＊＊　＊＊＊

20 Mar …
午 ~~ 公公放假去做物理治療 … 攞左個電話去整 … 幫我買左個電話殼 … 約左係CWB等
晚 ~~ 同爛賭婆婆, 貪婪B豬一家一齊去左Pizza Hut, 之後當然係去左玩遊戲啦! 大家一心諗住去夾夾嫁! 但今日無收穫呀! >_<
… … … 同你對住個海, 原本想同你傾下計, 但真係無mood. 不過吹左一陣海風之後都好左D啦!

你鐘意我D乜?

16 Mar … 放工後去左大姨婆到接BB去田灣, 因為今晚會係成成屋企同佢屋企人慶祝細B滿月. 但食食下野卓琳豬嘔呀! 佢開始唔舒服啦!

17 Mar … 今日公司整冷氣番晏, 起身陪公公去打針溝姑娘溝呀姐, 再去大家樂食早餐溝收銀姐姐, 同清潔姐姐. 公公把口真係好利害嫁! 無論去到邊, 只要你係三至八十歲的女士佢都可以好岩傾逗人笑嫁! 公公成日問我: “你鐘意我D乜?” 我答: “我鐘意你高囉!” 唔通同你講鐘意你同個個女仔都咁好傾咩!

18 Mar … 一早比BB嘈醒, 唯有同佢玩啦! 但成日就好肚痛, 越玩越痛唯有食左兩粒止痛藥先頂得住. 之後爛賭婆婆同貪婪B豬媽帶埋細B去左打牌, 而我同公公&卓琳豬就在家午睡. 晚上公公陪佢媽媽食飯, 而我們就去左大家樂食飯. 又一day啦!

Blog 消失

12 Mar … 星期一無乜心機, 番工等收工…
13 Mar … 晚 ~~ BB係屋企行路唔小心撞親隻眼呀! 心痛死媽咪啦!
14 Mar … 今日公司原本有新人番工但又臨時放飛機 … 已經係一個月內的第二單啦! BB 尋晚撞親隻眼, 放工番去見佢隻眼又紅又腫. 整左隻雞蛋佢又唔比人”look”, o係… …越黎越百厭啦!
15 Mar … 早 ~~ 今天爸爸回鄉探親, 一早起身同公公送他到碼頭搭船. 之後我們在TST吃過早餐後就番工囉! 晚 ~~ 約左好耐無見的Jo & Fanny食飯聚聚, 估唔到仲收到利是呢! 多謝李爸爸李媽媽同埋之前已經比左利是我的黃爸爸黃媽媽! 多謝你們送給BB的禮物!! 呢餐晚飯食到好飽呀, 大家有講有笑, 不經不覺食左兩個幾鐘. ^0^ 之後大家都好飽係PP行左一陣就各自歸家了…

P: 發覺你的部落消失了... 你最近好嗎?

細B滿月宴

10 Mar
早 ~~ 原本已經教左鬧鐘早起身諗住買早餐同B媽一齊食嫁, 但係又唔知醒所以… 不過好彩趕得切班車無遲到咋! :p
午 ~~ 放工後約左B媽同公公去”三上”食晏, 佢地的服務都係有待改進. -_-
晚 ~~ 原本諗住去接公公收工食宵夜, 趕住出門口去到巴士站自己又發緊白日夢咁, 以為要等18P就一直係度等等等…等左好耐都無車, 見到其他車一駕再接一駕, 已經知道不妙跟住打比公公, 哈哈…白等啦. 等錯車, 真係唔知做乜咁大檬! 之後唯有改去食宵夜o個度等啦, 好似好耐無同拍拖食宵夜啦, 仲食到好飽. 食完我地仲慢慢行路番屋企呢!!
11 Mar 訓醒已經係黃朝八晏啦! 之後同埋BB去左公公屋企, 公公打掃屋企而BB就午睡. 夜晚去左好彩食細B滿月宴, 一家人食飯真開心.

八婆消息

7 Mar 晚 一家人再同爸爸出去食飯慶祝牛一. Happy Birthday to Ba Ba!
8 Mar 婦女界大日子, 三八婦女節!
早 ~~ 公公的亞姨係美國番左黎呀! 仲買左兩條牛仔褲比佢呢! 好野! 公公有新褲着啦!
午 ~~ 今日我八到一個八婆消息, 就係某女同事同某男同事拍拖呀! 都算郎才女貌吧!

某同事 : 佢地好似唔係好夾喎!
我 : 可能大家都係諗住玩玩下呢? 又或者佢地想用自己改變對方呢?
某同事 : 唔好傻啦! 現實係只可以改變自己去接受對方, 利用自己改變對方甘本係無可能的事.
我 : -_- … (好似領悟到一點道理…)

晚~~亞豬, Aunt Fat Fat & Joby黎左我屋企睇細B呀! 我仲可以逗埋佢地利是潻呀!

9 Mar 呢幾日天氣凍唔願起身, 日日遲左出門口 (好彩無遲到咋!) 每朝早就只好趕去追巴士, 真係無奈…

爸爸~生日快樂

3 Mar 原本計劃放工後番屋企再同B豬一家四口去行街街, 但大家食完個午餐後都覺得好倦, 所以最終都係更改為更好的節目~訓覺 -_- …zzz ZZZ 之後就十分無聊… so bored

4 Mar 公公番黎的大日子呀! 太好了! 成日又再一次係屋企無無聊聊, online 打下機! 晚飯就約左惡死姨婆同大姨媽一齊出去食飯, 飯後自己一個去左機場接公公. 好開心呀! 公公自己無乜點買野, 但估唔到佢會買咁多Marie 野比我, 更估唔到會收到份名貴手袋潻! ^0^ 但公公今次的旅程都幾辛苦, 佢有D唔舒服呀!

5 Mar 又要番工啦! 真係唔願起身, 但最終都係頂硬上啦! 今日receptionist 請病假, 又要頂佢啦! 而公公都仲係唔舒服去左醫院睇急症, 不過之後都要番工.

6 Mar Receptionist 又請病假, 又要再頂佢啦! 今次唔好比我見到佢剪左頭髮 呀! 上次佢又係請左兩日病假之後, 第二日竟然剪左頭髮! 仲要同我講成個故仔解釋係放工後去剪髮跟住唔舒服請病假… 乜乜物物 … (下删數百字) ……爸爸聽日生日呀, 因為聽日公公話放唔到假喎!!! -_- 所以今晚會放假一齊出去食飯慶祝! 飯後仲同左呀媽一齊去玩遊戲呢! 好開心呀, 因為我地一行個五個大人(唔包括兩個BB)個個都夾到公仔番屋企呀! Yeah!! 見到媽媽玩到好興奮, 勁攪笑!!

7 Mar 今日的的辦公桌上多左一位新成員! 佢係早排由 Pink Pink 送的Marie鐵罐草莓, 今日開封溉水, 希望佢健健康康;快高長大啦!

小別勝新婚?

28 Feb 公公今日出發去日本工幹啦! 可能平時我地日日都會見的關係, 有幾日無得見面真係有D唔捨得潻! 只好自我安慰小別勝新婚啦! -_- … … 不過今日我都請左假陪B媽三母女. 除左午餐去左大家樂食飯之外, 成日就係屋企無無聊聊, online 打下機囉! 夜晚同B媽三母女一齊訓, 真係無覺好訓… so tired
1 Mar 可能唔夠訓的關係, 番左工無幾耐就開始頭痛. 食完晏之後仲衰, 勁頭痛加勁想嘔. 之後食左粒止痛藥終於可以頂到放工. 今晚B媽B老豆同細B番左自己屋企訓, 留下卓琳豬今晚陪我訓啦! 哈哈!
2 Mar 尋晚卓琳豬都算幾聽話, 一覺訓到大天光, 總算有覺好訓! 今晚鮑B擺滿月呀! 唔知佢大個左幾多呢? 番工番到好悶呀! 好彩今日係星期五咋!