放假啦!! ^0^

26 Nov (Mon) 公公 on Annual Leave

因為數月前預計今日會攪project啲野, 但最後改左期. 不過因為我己無幾多大假所以取消左今日請假. 好開心呀! 公公接我收工, 之後諗住去CWB shopping咖, 但當行到去一間韓燒門口時我提意食個early dinner! 於是嚟左個”Early精彩繽紛二人世界開心sweet sweet韓燒Dinner” Yeah!!

27 Nov (Tue) 放大假月

今個月公司勁多人放假, 今日到o靚妹同事放假啦! 不過唔洗妒忌, 因為就快到我…呵呵

28 Nov (Wed) 收禮物

多謝非洲可儀咁有我心, 買左份 “囍&花花 cutter” 比我. Thanks!

29 Nov (Thu) 日劇

終於係多日以來的Lunch Time煲完套日劇 "14歲媽媽媽" 啦!

原本今晚約左班舊同學出嚟食飯, 但比人放飛機呀! -_- 唯由改期啦!

30 Nov (Fri) Happy Friday with Jo Jo

星期五啦! Yeah! 今晚約左海哲食我的最愛... heee...

聽日短週, 星期一,二又請左大假攪Project!! 連續放四日, Yeah Yeah Yeah!!!

Project in progress again

19 Nov (Mon) 沉悶的星期一
抱住明天可以放假的心情番工, 人都輕鬆好多!

20 Nov (Tue) Causal Leave without Paid
一早連早餐都無食就媽媽去醫院覆診, 去到醫院又行嚟行去攪野, 又要排隊抽血…可能企左成朝又無食野的關係, 攪到頭暈. 極度頂唔順之下即刻搵左個位坐, 飲左啖野先好啲吧! 老媽啲血管又勁幼喎, 開頭嗰兩個姑娘抽左三四針都抽唔到, 最後要第三個姑娘先攪掂… 難為了老媽成手針孔. 睇完晒醫生仲同老媽去左搵係第二間醫院覆診的公公呢! 老媽仲攪笑到講大話騙埋我老爸, 呵呵!

21 & 22 Nov (Wed & Thu) Bored-_-
悶死人啦!!

23 Nov (Fri) 傻瓜生日
晚飯後接埋豆豉我媽咪收工, 再去買左個生日蛋糕同傻瓜Yuli 慶祝明天的生日, 或者...今次係我地同佢最後一次慶祝吧!

24 Nov (Sat) Two people world sushi day
放左工自己一個人去左灣仔街市行, 成條街都好有聖誕氣氛呀! 之後去左搵公公去食我的至愛 ~ 壽司. 好耐無試過係星期六下晝同公公二人世界去食sushi啦, 感覺已有點陌生...之後買外賣比小佩食再回家午睡了一陣. 夜晚接左卓琳豬去公公屋企覺覺豬, 今次又無咁摟計喎, 食完支milk milk 就瞓左啦!

25 Nov (Sun) Project in progress again
都算係一個期待以久的日子, 我們的計劃又跨進一步啦! 今日約左海哲, CHPF & 一家大細去左豬豬公司攪Project 啲野. 感覺良好, 一切都好順利, 我地由三點鐘玩到八點幾先走人! 辛苦了大家陪左我成日, 同埋多謝大家比左咁多中肯的意見比我. Thanks!! 之後坐車車去左黃埔食公公的至愛 ~ 打邊爐, 直到十二點幾番屋企覺豬...

Wendy's Opening

16 Nov (Fri)
等埋公公收工後去左Wendy's 幫手, 攪到成凌晨兩點幾先番屋企!

17 Nov (Sat) Short Week
一早起身同左公公去食車仔麵做早餐後公公番工, 而我就去左大陸銀行close左個 account. 呢個account 係我之前做嗰間cheap cheap 公司出糧用吧, 佢地寄左封信嚟話我兩年都無郁過喎. 真係不經不覺離開嗰間cheap cheap 公司咁耐啦, 真係時光飛逝... .. .之後代左豆豉我媽咪落去看舖先, 因為佢要帶卓琳去參觀睇學校呀! 仲做左份勞作仔潻呀!豆豉我媽咪今日正式開工啦! Then join埋收半晝的公公去三上high tea -> 午睡 -> 去左靚舅母屋企接卓琳 -> 等埋豆豉我媽咪食晚飯 -> 做懶瞓豬 …zzzZZZ

18 Nov (Sun) 勁低能
8:00am 以為自己遲起身番工, 趕住去廁所梳洗. 好彩公公一言驚醒夢中人 "今日係星期日喎" -_- 都算係勁低能的一次 … 好彩之後瞓得番 :p
12:00noon 一瞓就瞓到咁晏啦, 多謝公公為我預備豐富的午餐! 之後同公公接左卓琳豬去探豆豉我媽咪 -> 左公園玩 -> 送公公番工 -> 等公公收工 -> 等.. 等.. 等..

忙碌的Lunch Time

工作得實在太苦躁啦, 所以我已好好利用個Lunch Time Break調節一下.

~ 寫吓Blog

~ 睇吓人地個Blog (由於lunch時間唔夠用的關係, 有時係夜晚番到屋企先睇番. 我真係差唔多日日追嚟睇咖, 所以希望你地會多啲去update下啦!)

~ 睇吓小說 (今日啱啱好睇完 "張小嫻 ~ 荷包里的單人床" 之後接住落的應該係 "張小嫻 ~別離是為了重聚")

~ 煲吓日劇 (開始左兩日吧, 進度比較慢, 剛剛睇完第二集, 今日開始第三集啦! ^_^)

Seminar

9 Nov (Fri)
終於都到星期五啦, 真係開心! 今日中午同Head Head 去左個casual lunch seminar, 食完個lunch box 勁眼瞓, 個會場又勁焗. 攪到我又眼瞓又頭痛去聽, 勁辛苦! 好彩個seminar 唔係好長, 而且又好準時完結咋! (:P)

10 Nov (Sat)
morning ~ 好有心一早起身搭車番工前幫左CHPF入錶 = 大細不拘一個無串錯字彩色拉鏈袋袋?? ^0^
afternoon ~ 放工後去左接公公番去Wendy's Shop幫手整野.
night ~ 今日約左班好耐好耐無見的Wallem舊同事, 去Liwine 的青衣村屋屋企燒野食! 出門口前同豆豉我媽咪講開, 其實今次gathering有其他小朋友去, 所以最後決定帶埋卓琳同傻瓜姐姐一齊去. 卓琳係去的過程中全程瞓左覺, 去到剛好瞓醒. 當Emily 個囡囡一見到卓琳就已經好主動咁拖住左, 之後兩個成晚都好投契咁一齊玩. 我地大約玩到十點幾之後就走先啦!

{後記: 可能玩得太投入的關係, 當我地走左之後我先發現唔見左個三文魚壽司鎖匙扣呀! (件壽司係上次番新會探親時買的, 唔係用左好耐吧!) 好心痛呀! 卓琳豬仲要係回程時問左好幾次我件壽司的下落 woow…. 件壽司應該樂而忘返, 仲留係青衣吧! wowo…}

11 Nov (Sun)
am & pm ~ 瞓醒同公公& Paul 婆食過早午餐後去左粉嶺登高, 之後再同公公去攪Project 啲野! 第一: 又要再去攪Project Photo 啦, 今次已經係第五次去呢間Shop 啦! 第二: 之後要再去同公公re-fitting. 不錯呀! ^_^ night ~ 攪好晒都成五點幾六點, then 同公公食個early dinner at 吉野家again! 牛肉火鍋真係好好味! 可以試吓將啲飯飯放埋落個鍋到煮嚟食, 真係好好味咖!! (:p) 之後就同公公番屋企玩BB!

12 Nov (Mon)
In office ~ 悶死人的星期一.... ... .. . 公司無乜人, 出trip的出trip, 請假的請假, 上廠的上廠, 放假的放假. 真係靜到連烏蠅飛過都聽到 ~~~~ 悶死左 -_-
Home ~ 卓琳豬去左惡死姨婆屋企, 放左工去接佢番屋企食飯飯, 飯後沖埋白白豬就兩大兩細, 係豆豉我媽咪休息左兩年幾都未正式番過工之前去左冒險冒險! 都未同大家講, 豆豉我媽咪將會由今個星期六開始正式再投入工作啦! 佢會係Wendy's Shop 到做話事人! 其實係boutique Sales吧! 即係要做埋sales客, 打雜, 清潔等等啦… 大家請多多支持!!

Today Topic : 我的卓琳豬 & 卓妍豬

不經不覺, 兩位豬豬已經大個左好多啦!　卓妍豬已經識坐學行車, 而且控制自如. 瞓係張床時已可360度大轉身！　而卓琳豬仲勁, 乜都識得講, 佢已識得分別好多野啦！

卡通：　如我最鍾意的Marie, 其他仲有史迪(姪)仔, Winnie the Pooh, 多啦A夢, Hello Kitty, Melody, Keroro, Mickey Mouse & Cinnamoroll 等等…

食物：　粥, 麵, 飯, 湯, 菜, 魚, 雞翼, 冬茹, 可樂, 糖, 同埋佢最怕的藥藥 等等…

人物：　好耐好耐之前已識得分別, 咖吓仲有特別稱呼潻

伯伯 － 魚腩伯伯

公公 － 嫦娥官官

婆婆 － 烏龜婆婆

媽媽 － 豆豉我媽咪

爸爸 － 大蛇爸爸

我 － 姨媽媽 or 黑面姨媽媽

我的最愛公公 － 象象

慧姨媽 － 細姨媽

卓妍妹妹 － 細細個

大姨婆 －　sell day姨婆

七姨婆 － 惡死姨婆

Cherry － 雲吞Cherry

可儀 － 非洲可儀

舅母 － 靚舅母

象媽 － Paul 婆

鮑慧慈表妹　－　鮑B or 慧慈 (卓琳姐姐仲好鍾意成日唱: 鮑B有隻羊, 鮑B有隻象, 鮑B有隻馬騮仔, 好似你咁樣!) 勁攪笑 ^0^

Maggie － Aunt Fat Fat

豬豬 － 契媽

志 － 契爺

Yuli 姐姐 － 傻瓜姐姐

Winnie 姐姐 － 豬姐等等…

電腦： 我將屋企部電腦入面啲相做左Screen Saver, 卓琳豬已好純熟地按keyboard 睇下一張相

遊戲機： 最愛的玩意 NDS ~ 玩得叻過烏龜婆婆了, 可以話暸如指掌! 孖寶賽車, 孖寶mini game, 煮飯, 囡囡都無問題!

口頭蟬(1)："兩個三個", "兩次三次", "兩份三份". 你問親佢有幾多數量時, 佢一定會咁樣答你

Sample 1:

卓琳: 我要食milk milk!!

傻瓜姐姐: 你要食幾多安呀?

卓琳: 兩安三安

Sample 2:

黑面: 請你食糖糖呀, 你要幾多粒呀?

卓琳: 兩粒三粒

黑面: 兩粒定係三粒呀?

卓琳: 兩粒三粒

黑面: -_-

口頭蟬(2)：

經過豆豉我媽咪的塗毒後, 最鍾意同傻瓜組姐講 “唔出糧, 炒魷魚, 返印尼”

其實兩位大小姐唔摟計時真係好可愛氹死人的！但係摟計的時候就真係煩到你嘔電！

Project Checking

5 Nov (Mon)
公公今日放半晝, 接埋我收工後去左做Project Checking. 之後再出發去還Project Photo, 相議過後去左'和記'食飯飯撐檯腳! 今日收到兩個消息, 雖然未令到我跌至谷底, 但已令我成日悶悶不樂!

6 Nov (Tue)
無端端比我記起 Project Photo 有贈品送, 差啲唔記得左啦! 尋日我地又醒唔起, 所以今個星期日又要山長水遠去攪多次啦! 好耐都無同公公正式大炒過飯啦, 今晚因為佢的公事攪到唔開心, 我又唔識點去安慰, 傾傾下仲話不投機, 意見不合, 反面收埸.

7 Nov (Wed)
冷靜過後大家都雨過天清! Thank God! 期待着weekend的來臨...

Project Photo

2 Nov (Fri)
因為我個人諗野比較灰, 所以之前已打定個輸數的關係. 尋日當我見到Project Photo之後真係好開心好滿意! 都可以算係意外收穫! ^_^ 而且仲無over我地budget潻! *0*

3 Nov (Sat) Short Week
尋晚收到輝哥電話, 知道佢會今日到香港一天. 所以下午一家大細出左去CWB 搵佢啦, 點知佢原來同朋友係旺角, 所以相約埋公公後一齊去左旺角join 輝哥到Pizza Hut high tea. 之後因為時間的關係大家各自走, 真係來去匆匆.

4 Nov (Sun)
終於無野趕住一早去做而可以瞓到黃朝八晏先起身啦! 瞓醒都成點半鐘, 同公公叫完外賣後就出發去參觀展覽, 行完都六點幾啦! 之後去左卡拉OK換禮品 ~ 亞笨與亞占, so cute! 再出發去食吉野家牛肉火鍋啦! 真係好好味又好抵食, 有興趣者真係不防去試下.

Project 進行得如火如荼, 開頭攪Project 時有啲手忙腳亂, 又唔知應該點做, 又唔知點先做得好. 不過眼見現在已經開始有啲眉目, 一個一個階段的前進, 個心都安樂啲! 希望能夠做出好成績比大家睇啦! 開始好享受攪呢個Project的樂趣啦! 真係幾過癮幾開心咖!

Happy Halloween

正! 同往年一樣出左去蘭桂芳襯熱鬧, 今次一行五人 (雲吞, 非洲, 豆豉我媽咪, 卓琳豬同埋我)
比起往年好似人小左, 所以好快已經可以排隊行到上去. 今年係細膽卓琳豬第一次出去玩吧! 今日佢的可愛打扮係南瓜帽+南瓜披肩, 沿途只係講驚驚要人抱. 上到去時, 佢的可愛打扮吸引左好多人幫佢影相相呀, 真係好似名星咁閃光燈係數十秒內閃過不停! 氣氛勁正, 佢仲怕怕羞羞舉起V字手勢影相呢! 之後一齊去左接公公收工再歸家. 可能興奮過度, 卓琳豬凌晨時分大哭左一場呀! 真係一次難忘的經歷!