週記

成個星期無打blog 啦! 以下已是上星期的回憶了... .. .

25 Jul
放左工後約左 PF & CH 同B豬&B媽係CWB食飯. 飯後有人學揸車, 我地一於吊住佢尾! 睇嚟你的駕駛技術都已經唔錯啦, 聖士提反灣都無問題! 相信考試可以一take pass! 加油呀!

26 Jul
放左工後約左Fanny & 妹妹去唱K. 回想起差不多十年前, 每星期放工後總有幾日都會同Fanny出街食飯唱K咖! 十年前啦! 真係時光飛逝啦!

27 Jul
公公下午請左假陪佢媽媽睇醫生, 之後就陪埋我去睇 body check 報告! 晚飯拍住拖去打邊爐 so happy!

28 Jul
下午放左工後等埋公公, 再約埋B媽同細B & Yuli一齊行太古城. 原本只諗住買禮物比夢夢&買個書包比童童only, 但最終收穫都幾豐富. 首先同公公一齊整左隻蜜蠟手 (今次係我第一次整吧, 感覺好得意!), 跟住去左遮仔到買左個袋比Dream. 之後又去左Starrywood 買左條幾窄身的牛仔褲. All iteam <$200 – 3 pcs> 真係好低呀! 所以我地一人買左一件 ^_^ Finally, 買埋個書包之後就走啦! B媽, 細B & Yuli 歸家, 我就再去公公的公司等佢地收工一齊出去食飯慶祝 "春&夢之生日會". So happy!

29 Jul
瞓到中午先起身, 叫左外賣食飽後. 就接埋大細B同B媽一齊去以為會有好多野換的TST冒險 (係大蛇爸爸話有好多野換咖!) 唔多野換不特至, 人又多, 地方又細.... 唉... 之後去左麥當當 hight tea 公公又要趕番工, 我地就歸家 order Pizza! 咁就過左個快樂weekend 啦!

期待着短週的來臨...

我的低能之旅

今日仲係好唔舒服, 最終決定早走一粒鐘十二點去左灣仔睇醫生. 不過等.等..等...等到點半先睇完.

之後就照原定計劃去左書展去買馬仔本書"我的低能之道"同埋佢個簽名會, 不過 ... 白行一趟... 簽名會因為人太多提早左, 仲提早腰斬埋... 至於本書係會場已經賣段左啦, 好好彩仲比我搵到本漏網之魚同埋買到電話繩咋! o係... 一句講晒超失望. 其實今次係我第一次去行書展, 有個唔係好開心的經歷... -_- 都算得上係我的低能之旅啦! too bad

臨莊 ~ 小肥牛

19 Jul
午... 請左半日假陪公公去覆診+自己去做檢查 (我地無咩事, 大家不用擔心)
晚... 唔知食乜好, 上次小肥牛都唔錯, 今日再臨莊約埋"豆豉媽咪"+"大蛇爸爸"同"摟計卓琳"去食. 去到灣仔店, 佢問我地有無book到! 因為係臨時決定再加上真係唔知佢間野咁full所以book到. 最後佢check北角分店有位, 佢話包我地一程的士去嗰度喎, 咁都唔錯喎. 北角分店比起灣仔分店好坐好多, 之後我地食到飽飽先番屋企! So Full!! 好開心 ^0^

震奮的消息

17 Jul
早… Head Head 神神秘秘走埋我個位同我講左個令我好開心好震奮的消息, lunch 後就由我出左個email通知公司所有人. 當大家睇到個貓貓後, 全世界都精神晒! 呢個咁震奮的消息咪就係公司將會實施長短週呀! 雖然比唔起五天工作週咁好, 但大家都已經好開心啦! Yeah!!!

三人行

14 Jul

午… 原來尋日係黑色星期五, 唔怪知得咁黑仔啦! Head Head塊面黑過炭屎 -_-星期六收工後去左搵公公, 之後同埋Penny couple & Dream couple 去左 CWB据扒. 男的坐在一邊, 女的坐在另一邊, 攪到好似相睇咁 ~ 勁攪笑. 食飽後大家各行各路. 之後好景不常啦, 同公公嚟個招牌菜~面左左黑面炒飯! 勁呀! 為免繼續如此, 大家只好散隊走人! 真無癮 >_<

晚… 約左飛機去左飲野. 雖然成年幾無見面, 但佢個身形同個樣都無咩變. 勁!!

15 Jul

午… 同公公食完車仔麵後, 番左上樓去接埋卓琳豬去旺角 ”夾夾”, 之後去大家樂high tea. 之後諗住去釣蝦啦! 由於卓琳豬瞓左, 同公公兩份抱佢. 點知大家行到身水身汗, 去到釣蝦場門口時先見到佢執左笠! Too bad!!! 辛辛苦苦白行一趟!　係極度掃興之下去左附近麥當當cool down 左一陣後, 就同卓琳豬去左公公屋企食飯.　今日真係出左好多汗呀, 抱左卓琳豬大半日隻手同隻腳都勁酸軟+周身骨痛, 不過好耐無同卓琳豬三人行啦！　辛苦都值得，好開心呀！ ^_^

咬死你!

唔公平呀! 咬死你!

對號入坐

信任指數 : 0

失望指數 : 100

請對號入坐 ...

"只許州官放火，不准百姓點燈"

尋日睇報紙見到呢句好應景的句字, 正好係我尋日係公司的感受. (下刪數百字, 因為成個故事太長篇幅啦!) 呢句應景的句字根本等同於 "只許Head Head 出錯，不准自己做錯". 真激氣!!!!!!!! 總之一句講晒, 唔公平呀!!!!!!! 其實我一早知呢個世界唔係所有野都公平的, 只係想係呢度同大家申下吧!申完啦! 舒服晒!

尋晚放工後同公公一家去左打邊爐, 慶祝有幾位家庭成員生日. 間野係合和中心附近, 叫做小肥牛. 都值得推介嫁, 不過可能我地一行10人所以等位等得耐左啲囉! 原本book左8:45 最後9:30後先有得入坐. 價錢唔算太貴 (因為已經係宵夜時段的關係吧!) 雖然食物款式唔算太多, 因為主要食牛為主! 牛肉刺生, 安格斯肥牛, 炸腐皮, 炸魚皮都好正! 10個人又食又啤酒又氣水都係一千零幾十蚊吧! 都算好低啦! 多謝公公哥哥女朋友, 因為今餐佢請! Thank you!

後記 ... 係食飯前同公公去左灣仔一帶行. 正當行完英皇中心地庫離開之際, 發現地面好多人好大煙又有消防員, 原來上面有餐廳火警呀! 嚇死! 好在有驚無險咋! 之後同公公去左合和中心搭子彈lift! 好正好靚 (不過我唔記得影番張相呀!) 跟住又無聊想去番以前間公司嗰層睇下, 可惜過晒office hour鎖左lift lor! 或者... ...下次先啦! 勁無聊! 哈哈 v(^0^)v

My ringtone

變

『“變幻莫測”後會否“變本加厲”呢?』
『忽然想玩火, 但怕野出禍!』

可能諗得太多,諗傻左! 忽然有感而發,莫名其妙

勝利!!

NDS-ing

平平淡淡的回歸假期

七、一
沒有參加遊行
沒有出外欣賞煙花
沒有去馬場搶紀念品
沒有參加任何回歸節目
只有呆在家 … 上網

七、二
午 同公公午飯後去CWB攞鞋 (此乃較早前訂了之粉紅拖鞋 ^0^) e
晚 公公要番工 (>_<) 之後約埋一家人去左CWB食晚飯, 真係好難得!

NDS-ing

媽媽也NDS-ing ~ Cooking Mama