Postpet 熊仔利是封

不知不覺原來成個禮拜無打過部落啦! 大家有無掛住我先? 因為近排公司比較忙, lunch time 又忙住整野*,番到屋企又超倦, 所以先無打到blog blog啫！唔洗咁掛心！　-_- (係咪超無奈呢？哈哈）

(*PS: 知唔知我整乜呀? 其實因為下個星期公公個同事結婚, 佢未來太太係個日本空姐, 佢幾好人嫁!之前公公叫過佢係日本買貓貓D野比我. 而佢又勁鍾意o個隻粉紅色Postpet熊仔, 所以咪諗住整個Postpet熊仔利是封比佢囉, 我用左兩日lunch time時間整好啦! Yeah!)

B Day Dinner ...

尋晚同Fanny & 妹妹食飯為我補祝生日. 又食左一頓豐富的晚餐, 多謝晒! 多謝你們的禮物, 大家有講有笑, 好開心. 大家都係長頭髮, 講開頭髮護理... 真係估唔到Fanny會咁有心得, 我會試下你講的頭髮睡姿同按摩方法嫁啦!

我副鏡呀!

哈哈! 由我御用 model 為我試帶! v..o..v

In my opinion

一個沒有好結局的故事根本唔應該開始 ... 雖然開始了... 但盡快去完結應該係最好的補救方法.
時間越長傷得越傷 ~~

< 以上內容純粹是畢比理秀的個人意見 >

全軍覆沒

頂唔住啦! 真係頂唔住啦! 今次真係成家人個個都病啦! 一個好左又到另一個病. 今次到象象同B老豆啦! 報告隊長: 今次我地全軍覆沒啦! -_-

眼鏡

由上年年尾開始, 已發覺自己視力差左好多. 細細個已經成日話想帶眼鏡, 但視力又鬼咁正常. 現在終於有機會啦! 或者應該講有個藉口可以配對眼鏡帶下啦! 雖然近視唔係好深, 但帶左之後睇野真係清楚好多. 上星期日已經去左驗眼選鏡架, 終於今晚可以去拎啦! 好緊張呀! 不過 ... ... 我唔會成日帶住副眼鏡的, 一心都係諗住唔夠訓或者眼腫腫時帶下, 順便可以遮下醜囉! ^0^

可怕的病菌

首先媽媽咳, 發燒 … 到大B流鼻水, 嘔 … 到我又痾又嘔 … 到大細B又痾又嘔又咳 … 再到B媽心跳又痾又嘔 ~~ 救命呀! 成屋企都係病菌, 成屋企都係病人呀!

豐富的假期

好開心過左個好開心的復活節+生日假期. 假期前後都發生左好多事 ...

-> 媽媽入院, 出院 (好彩佢無乜事)
-> 亞海同我慶祝生日 (多謝你的marie禮物, 多謝你頓餐豐富晚餐)
-> 多謝徐寶兒小姐份生日禮物 (多謝你咁有心)
-> 同媽媽佢攪六十歲大壽宴 (好開心呀!)
-> 同公公去澳門行下玩下食下賭下 (老虎機好好玩)
-> 回家後妹妹買左蛋糕同我&媽媽慶祝生日 (卓琳又可以唱生日歌啦!)
-> 放多日假去左釣魚 (四條魚仔收穫不錯吧! 總好過...有人食蛋! ^0^)
-> 之後病到死下死下又痾又嘔 (好辛苦呀!)
-> 番工半日工頂唔順又請假 (一開電腦,成百幾個email... -_-)
-> 因太忙再番工, 又頂唔順再請半日假 (D野多到都唔知做咩先好)
-> 個病好好多, 但公司D野積埋仲多, 慘! (唯有星期六都OT啦!)

次次weekend或假期後我都會有好嚴重的假期後群症, 可能今次假期後超勁忙再加上病. 所以抑壓到呢個後群症的出現. 都唔知呢D叫好彩定係唔好彩 -_-

<感恩桃報> 有個同事, 知我病送左塊白花膠比我. 咁貴重都唔好意思收! 佢同我講話我過時過節成日送野 (復活蛋, 情人節朱古力, 萬聖節糖... 平價野吧! ) 比佢喎! 但 ... 係... 真係唔好意思下都收左. 多謝晒!

生日週

哈哈! 生日週大晒! Yeah!!