再回味

尋日真係好唔開心, 最終都忍唔住係放工前打比我老死呀海同佢申下. 申完真係舒服左好多! Thanks! ^_^
得知佢個泰國之旅玩得唔係咁開心, 真係估唔到一心諗住去旅行玩下relax下會攪到咁不快! 不過唔緊要啦! 如果有機會下次一齊再去過玩個痛快!
咁我真係好好彩啦! 因為我個cheap cheap團除左團體餐差D之外, 導遊, 領隊, 司機, 團友, 行程等都算唔錯喎!
... 自費的泰式古法按摩雖然環境唔係好靚, 但手勢真係唔錯,真係幾正!
... 街邊的金邊河粉只需25Baht, 雖然係炎炎的陽光下一路滴汗一路品嚐, 但真令人回味無窮!
... 出發前個個都叫我食芒果糯米飯, 如果鍾意食甜野的人一定覺得好正! 我就覺得一齊share o黎食無咁'漏'
... 我係香港都唔會飲椰皇椰青的. 因為唔好味! 但係泰國都無買過水飲, 日日就係咁買椰皇椰青飲!一日飲幾次! 正!! 真係好甜好好味! 好彩無變"肥田"咋!
... 珊瑚島真係好正, 水清沙幼! 最可惜無帶相機! (不過唔緊要啦, 因為呀海幫我補影番, 哈哈...^0^)
Thailand... ... I'll be back!

今日鬧情緒

我的情緒我的心情係極度容易受人影響的. 可能係一句說話, 可能係一件雞毛蒜皮的事, 可能係一個電話, 可能係一個message, 可能係一個電視情節, 可能係我自己睇唔開… 無奈

我知我係一個消極的人, 每個星期六雖然要番工, 但係我總會比星期日開心一點. 因為我知道明天仲係假期, 但到左星期日下午, 我內心總會有一點失落. 每當我有咁的感覺我都會盡量安慰自己唔好諗咁多, 但真係唔係次次都可以控制到. too bad!!

. . . . . . 今日我想靜下 . . . . . .

過得很快的 weekend

星期六…
總算有D成績, 清咁手頭上的工作人都變得輕鬆一點.放工後約左B豬B媽同埋公公去食我的最愛…元氣壽司 (其實係為左續多張會員咭比貪婪的豬家族吧!哈哈! ^0^) 食完後跟住回家睡一睡, 食晚飯, 再睡多一睡 …zzZZ 之後當然係成個人醒晒, 再開電腦 upload D相, 終於成三點幾先訓 ~_~
星期日…
訓醒後同公公去食車仔麵做早&午餐, 跟住番屋企搵埋貪婪家族一齊去太古城行街街、玩遊戲、食飯飯. 回家前買左個蛋糕番屋企同 Yuli 慶祝生日. 就係咁樣, 呢個weekend就咁完左了... -_-

回味?

呢個旅程係好順利的情況下完結左啦! 真係好開心難忘, 每分每秒都回味緊...
番左工兩日啦! 不過手頭上的工作仍然未清晒. 其實已經係無停手咁做, 但係都好似做唔到咩成績出黎. 雖然今日係星期五, 但係因為患左"假期後群症"所以都係無乜心機 -_- 慘...
放完假番黎, 知道公司 block左 MSN & hotmail, 變得更加 down... 簡直就係火上加油, 雪中送屎一樣, 天呀!!

我番黎啦!

各位, 我放完假番黎啦!
開心的時間過得特別快, 呢個旅程好開心, 玩得好痛快食得好過癮! 食左街邊有地道特色的河粉, 芒果糯米飯, 飲過椰皇椰青, 玩過降落傘, 睇過人妖show, 買左對鞋, 銀包...
雖然番左黎休息左兩日先番工, 其實係訓左兩日先岩! 但都係收拾唔到心情, 番到公司鬼咁忙, 唯有埋頭苦幹去做啦! 鬼叫你窮呀頂硬上!! 再儲錢再去多一次!! Thailand, I will be back!!

出發啦!

咁多位”薄落”fans早晨呀! 我期待已久的 {曼谷、Siam Paragon 購物中心、暹邏海洋全界(超級水族館) 全日架空列車 BTS、香薰SPA按摩5天超值團} 終於到啦! Yeah! 我出發啦! 等我番o黎派手信啦! 掛住我就留 comment 比我啦! See u all later!!

大日子

大日子到啦!! 聽日我就去Sa Wa Dee Ca啦! 真係等到頸都長埋! 等左好耐終於可以 send 呢個email 出去…

Dear all,

Please be informed that I will be on leave from 16 to 22 Nov 06. If you need any assistance, please contact (^_^) / (*_*).

Thank you for your kind attention.

Best Regards,

幸福大姨媽
Remarks: (^_^) = backup 我的好同事; (*_*) = 我的 Head Head

我會用盡我的能力, 用盡我的資金, 用盡我的時間去玩個痛快, 買個痛快! 至於手信呢一方面… 一定唔小得啦! 到時見到得意o既野一定買比你地的! ^_^ 放心啦! 如果掛住我就留comment 比我啦! 明天一早五點起身出發去機場呀! 我諗今晚我一定好似小學生去旅行一樣訓唔到…唯有上機先訓啦! ^0^ …zzZZ

忙碌...開心

今日真係好忙碌, 要用盡我的能力去清晒手頭上的工作, 訂定公司所有資源, 預備定所有東西比 backup 我的同事, 廢事我放假時公司有事發生麻煩到 Head Head啦!
假期將至, 真係好開心呀! 但我要盡量去忍藏我興奮的心情去做埋D野先得! ^0^

兩日半

仲有兩日半咋! 今朝已順順利利咁渡過左, 希望下畫都係咁啦! 呢幾日要盡量清晒手頭上的工作先! 咁樣先可以安心去旅行! Yeah!!

Fishing

今日同公公去左海旁釣魚, 初頭釣左好耐都無收穫. 真係有點失望, 跟住竟然比我地釣到魚同埋蟹! 真開心 ^_^ 成績係三隻蟹五條魚 (其中三條仲係雞泡魚潻!!)

之後就約左海哲出CWB打邊爐食大閘蟹玩旅遊戲贏獎品... 咁又一day 啦!

加油... 仲有三日咋!!

廿個人、十分倦

4條1 BBQ終於完滿結束! 廿個人一齊玩好精彩, 不停食...檸檬茶,熱狗,碗仔翅,雪糕,可樂,魚, 鱔蛋... 又踏單車又行山又BBQ又講笑又猜謎語... 都比我預期中開心. 但我隻腳... 比我預期中倦了一點痛了一點. 總結係: "十分倦"

4條1 BBQ

今朝 Head Head 同條八婆閉門會議左約10-15分鐘, 之後條八婆仲笑住口出o黎! 如果叫佢拍電視劇, 尋晚佢一定得硬最佳女主角獎啦! 咁好戲! 點都好, 總之講左好過無講! ^_^

今日晏晝會同公司D同事去長州BBQ, 希望開開心心高高興興啦! ^0^ Have a nice weekend!

Thanks! Head Head

放工前 Head Head 同我講聽朝坐一陣reception先, 因為佢會同條八婆講D野先喎! 我諗應該係講o個單野吧! 其實佢可以叫其他人頂住佢個位先, 不過我諗佢想比我知道佢有幫我做D野吧! 可能因為今日我真係好激動咁投訴佢, 越講越大聲, 手舞足蹈, 又可能今日我不自覺地收埋左D笑容. 最初我真係諗住佢聽完我投訴佢就算, 不了了知. 但而家佢真係有做番D野啦! 雖然講左未必有用, 佢未必會改, 可能仲會變本加厲, 但起碼我個心都涼番D! ^_^ 就睇下聽日佢同佢講成點先啦! 我估條八婆比佢話玩之後一定黑面對住我, but fine! I don't mind! 若知後事如何, 請繼續留意我個blog!

奸人當導

今日Head Head番左o黎啦! 我都已經同佢講左我尋日的不快啦, 我就企係佢個位講, 仲越講越大聲! 佢耐心聆聽, 但並無提出解決方法! 其實呢個係如我所料的結果啦! 佢都唔可以做到D乜野, 條八婆有免死金牌係手... 算啦! 比我講左出o黎我條氣都順左D. 算吧啦! 奸人當導, 無計... -_- 超級無奈 ~~我呢D小薯仔又點夠D老屎忽玩呀! too bad!

Free & Angry

Free .. .. .. 因為Head Head上左廠, 細老細又出左trip … 好free呀! 但唔可以太鬆懈, 因為仲有大老細係係度, 而且公司裹佈滿線人同線眼! 小心為妙!!

Angry.. .. .. 今朝又比條八婆 reception激親! 真係想嘔血! 我知道投訴佢都係無用, 因為佢係呢間公司的老屎忽Head Head都攪佢唔掂, 但無論如何我聽日一定會同Head Head講o下投訴o下先得! 我唔會比佢得請!! >_<

尋晚好開心, 因為七喜要close的關係, 所以約左B媽、B老豆同公公去食告別宵夜, 佢D羊腩鍋真係好正嫁! 好耐無試過四個人一齊出去食宵夜啦! so enjoy so happy!

又係時間倒數了, 今日係2006年11月9日, 時間下午1點26分, 氣溫27oC, 相對濕度百分之… … 仲有七日就Sa Wa Dee Car啦! 加油!!!

炒大獲飯

炒大獲飯 = 大獲炒飯
尋日又一大獲炒飯, 大炒 + 大鬧 + 大哭 = 十分無奈! 不過今次係我唔o岩所以無話可說. 但願可得到原諒. -_-
公司的工作經已回恢, 要搬的已搬好, 同事已放假完畢不用再backup啦! 一切好像已回恢平靜, 但願可以順順利利渡過, 可以比我安心咁去放假玩下relax下!

進入倒數階段... 10, 9, 8, 7, 6, 5, 4, 3, 2...

我已盡量去安慰自己, 用盡努力去令自己開心D, 將沈悶的星期一過得快D, 但有時D野真係唔可以咁容易控制, 十分無奈, 十分激氣... 算吧啦, 申o下就無事嫁啦!
諗番星期六同B豬B媽公公去食壽司, 終於儲夠印可以續會員啦! 辛苦晒! :P 跟住星期日又同B豬B媽公公去左吉之島買Marie床單, 哈哈...
令自己開心D, 令自己開心D, 話咁快就進入倒數階段啦... 10, 9, 8, 7, 6, 5, 4, 3, 2... 希望可以玩個開開心心... Yeah

乏味

月頭工作忙碌是不可改變的事實, 但工作忙碌之餘實在太乏味... 好厭悶
同事安慰我... "份份工都係咁啦....已經化晒啦!" 我明! 我都只係想 "申"o下吧! "申"左會開心D! 起碼有人知道我的感受 U_U
尋日同Head Head 講開, 佢話下星期有個好高大 (約兩米高) 又幾靚仔的男仔番工. 個男仔見工時D女同事見到佢已經 ... .... 我諗到佢番工時D女同事一定蟻"嬲"蜜糖. hee...

四位師奶的派對

尋日有華姐, 敏敏, Aunt Fat Fat & 童童o黎左我屋企食飯! 加埋Ｂ豬, Ｂ媽 & Ｂ婆婆一共有四位師奶加三位小朋友, 好多人呀! 攪到好似係度開P咁! 不過真係好開心! 等Ｂ豬習慣同其他小朋友相處ｏ下都好！