Film : 生日快樂

25 Jan 星期四啦! 真係過得不容易呀! 呢兩日隻眼唔知做乜成日眼眉所以尋晚咩電視都無睇就訓左, 但今日情況都無乜改善 -_-
26 Jan 今日番晏, 起身同公公去尼斯食晏後, 再去廁所店格下價. 之後就送公公去巴士站, 好彩跑去先趕得切班車! 之後我就番屋企online 同 har下, 跟住就番工啦! 今日都算好彩, 凌晨十二點就收工啦! 有D肚餓但可能公司太焗的關係, 番到屋企好想嘔 >0< 頂住頂住咁, 勁辛苦! 最終解決方法就更係拿拿臨訓覺啦!
27 Jan 雖然醒下訓下都訓到中午十二點幾, 但都好似有D唔舒服. 不過由於今日又要番晏, 所以買個飯盒食完之後又番工啦! 由點幾頂到近六點, 都算快嫁啦! 仲可以趕到番屋企食飯飯, 不過始終都有點頂住頂住的感覺 too bad! >0<
28 Jan 今日約左老爸老媽去飲茶, 飲茶後的節目當然係番工啦! 不過今日開心好多, 因為今日係最後一日整冷氣啦! 下個星期唔洗再番啦! Thank God! 今日仲有公公陪我番工潻, 而且D師傅五點鐘就整好晒啦! 哈哈! ^0^ 之後我地就去左CWB買飛睇戲 (生日快樂)、食飯同玩遊戲, 之後再join 埋行完街街的B豬一家三口番屋企. So happy!
29 Jan 又要番工啦! 真無癮! 我個病又係今日復發啦!

B媽 & 何B HAPPY BIRTHDAY!!

22 Jan (Mon) 星期一情緒低落症又發作, 勁無奈! 而且公公今日仲放假休息潻. 佢又叫我一齊放喎! 我都好想, 但我又唔想咁急請假所以最終都抓起身番工.

講番上個星期五啦! 慘囉! 雖然番晏, 但由於早起身的關係而最終整冷氣整到凌晨一點幾先收工. 攪到勁眼訓 ~o~ zzZZ… 第二日仲要番正常時間, 真係好難頂! 攪到係老細面前pk撞親隻腳, 真係好鬼瘀皮. 最終一收工食埋野就番屋企訓, 哈哈! 跟住夜晚為慶祝B媽牛一大日子, 夜晚十一點幾同埋B豬, B婆婆 (佢終於肯離開張床, 認真比面) 再約埋公公同亞B老豆一齊食宵夜, 真開心.

21 Jan (Sun) B媽牛一大日子 Happy Birthday to u, Happy Birthday to u, Happy Birthday to B媽, Happy Birthday to u! 好開心呀! 因為約好左去嘉年華呀! 一行十三人有大又有細, 場面強壯觀吧! 仲好開心認識到Cherry & 寶林 (多謝他們的史迪仔!) 大家都玩得好開心, 最估唔到的係B豬竟然比B媽玩多左樣機動遊戲喎! 就係火車仔啦! 之後大家一齊坐摩天輪仲影埋張好靚的大合照潻! 真係樂而忘返! ^_^ 玩完之後就去左十五樓同何B同B媽開生日party潻, 開心的時間又過得特別快...

嘉年華的約會

18 Jan 星期四啦! 聽日朝早唔洗番工, 因為又要整冷氣又要番晏! 所以覺得今日好似星期五咁樣, 特別開心D! 我份人就係咁嫁啦! 多愁善感, 好悲觀! 而且又感染左”星期一情緒低落症”, 好慘嫁! ~_~ 今次整冷氣又唔知整幾耐呢? 希望唔會太晏啦! 因為星期六要正常番工 (雖然平時係屋企都好夜先訓) :-p

因為B媽生日, 所以我地約左係星期日中午去玩嘉年華玩順便當去慶祝啦! ^_^

終於唔係一次過打blog啦! Yeah!

”還完靚靚拳”... 勁呀!

11 Jan 今日公司裝修拆牆, 預備明天整冷氣
12 Jan 公司整冷氣今日番夜, 所以可以同公公食早餐! 之後就同B豬B媽去搵大姨婆同何B??食野! 之後去左大姨婆屋企har下, 再約左公公陪佢打針之後食埋吉野家就番工啦! 原本預計要留守到十二點鐘, 好彩D師傅好快手十點半就收工啦!
13 Jan 今日又要番晏, 起身後同左婆婆去飲茶 (其實好耐無啦!) 估唔到公司整冷氣要番晏先有咁的機會. 之後去銀行攪下盤數, 再番屋企har下又要再番工啦! 臨番工前再約公公去大家樂食定個tea 先. 但又再一次估唔到D師傅七點幾又收工啦! 仲話聽日應該好快完成潻! So great!
14 Jan 訓醒都成十二點幾, 之後就去左尼斯食晏! 怕遲到所以搭的士番工. 番到去D師傅做到七七八八, 真係好快手! 六點幾就完成晒啦! 之後仲可以趕番屋企食飯潻!
15 Jan 尋晚掛住睇碟唔願訓, 今日勁唔願番工! 今日師傅整番塊牆, D柜又整番好啦! 真係好快好Pro, 經師傅的 ”還完靚靚拳” 所有野已經打回完形, 唔講都唔知裝修過! 唔知做乜今日又勁鬧情緒, 簡直就係失控, 完全失控, help!
16 Jan 失控後遺症…頭痛加眼腫… 今日仲約左D舊同事食飯潻! 每次約人出街總係有D唔舒服, 希望食左止痛藥會好D啦! -_-
17 Jan 好彩尋日食左止痛藥好D啦! 個聚會食得都幾開心, 只不過大家好耐無見多了一點陌生吧! 時間過左咁耐, 大家離開左o個間M字頭的爛鬼時裝上市公司後仍然只有一個”恨”字! 毫無半點眷戀, 只覺得早走早?遲走訓唔?! 之前o個間爛鬼上市公司乜野benefit都無, 公司又細又無系統, 又多唔做野又扮晒野的王親國戚, 只 hard sell自己係虔誠基督徒, 新年唔派利是! 男的又要靠女人又小家, 個女人塊面又水腫又包, 又要人地成日讚靚先開心... ... too bad!! 不過日久見人心, 佢咁本留唔到人, 一個一個的離開! 從聚會中得知好多舊人的離去, 佢地終於增加 benifit 啦! 長短週+雙糧+bouns! 哈哈! 佢地竟然係手指隙流錢出黎!! 一定心痛死... 唔提由自可, 一提起就成把火呀! 講完!!
今次我又一次過打blog 啦! 哈哈! ^0^

凍

6 Jan 天氣真係好凍, 唔願起身. 不過唔緊要啦! 都係番半日吧! 放工後約左公公, B豬 & B媽去中環Three Sixty, o個度有好得意的BB手推購物車. So cute! 行完之後就一齊番屋企午睡, 訓醒公公就番工, 而B豬 & B媽就番左田灣屋企family day. 我就由呢個時候個肚仔開始唔舒服啦! 原本諗住同公公D同事出去K都取消左啦! 最後尾, 公公同佢地食完宵夜後再買左野食比我食, 好好味!
7 Jan B媽同B爸炒飯, 起身後就同左公公去左田灣搵佢地. 之後去左香港仔玩遊戲. 玩完之後見佢地無乜事都好D. ~_~ 夜晚同公公一齊整糯米茲.
8 Jan 番工放工, 超悶.
9 Jan 唔願番工, 只想放工, 超級勁悶.
10 Jan 朝早公公要早起身同佢老細上大陸買野, 所以一早一齊食早餐. 好唔好彩, 一早起身?所瀑水喉, 好彩公公係度咋! 如果唔係都唔知點算好!　BB唔舒服勁摟計! 應該係肚仔痛吧! B豬媽同大姨婆帶左佢去睇醫生. >_< 夜晚BB食完藥又嘔... 希望佢快D好番啦!

2007 日記

1 Jan 公公放假陪我呀! 公公為我預備熱騰騰的左稻庭烏冬, 好好味呀! 原本計劃係去TST行下, 睇下燈飾影下相. 但因為心軟, 最終都係番左屋企食飯. 咁係呢個下午我地就帶左B豬去創業玩遊戲 & high tea! ^_^ 就係咁又放完我們的假期了.
2 Jan 月頭好忙, 都係番工放工! 跟住就同公公炒飯 >_< 唔想講啦!
3 Jan 仲係月頭仲係好忙, 都係番工同放工! 跟住都係同公公炒飯 >_< 都係唔想講啦! 今日B豬媽比B豬整襯隻眼呀. 等左好耐先睇到醫生.
4 Jan B豬媽再去睇眼科醫生, 醫生話眼角膜傷左 >_< too bad! 公公請左半日假, 接我收工後就去左CWB行街食飯. 由於時間早的關係, 所以無乜人環境好清靜. 我地就係呢個氣份之下傾計食飯, 冰釋前嫌. 之後就愉快地去行街街, 買衫衫. 係出口店, 我買左件 $29 的背心外套, 公公買左件$39的衫, 超低! 最緊要係岩佢 size 呀嘛! 之後我就係其他boutique 再入貨, 買左件衫同絛短褲仔. 哈哈! 開心的時間過得特別快, 之後就買宵夜番屋企比佢地食就完左一day了. So fast but happy! ^_^
5 Jan 星期五, 人總係開心D輕鬆D! 不經不覺地過左半日啦! 希望快D收工啦! 期待星期六、日的來臨. hee...

2007年

新的一年又開始了! 新年快樂! 但係我就由2006年病到2007年, 不過都係小病感冒吧! 講番上年 27 Dec 我同公公的中學同學結婚所以放工後一齊去飲, 一對新人都係我地的同學, 不過真係好耐無見啦! o個晚見番好多同校同學, 但由於大多數人都無同過一班, 所以都好陌生. 其實今次係我同公公以個人身份去參加婚宴, 但真係令到我們好失望. (但願呢對新人唔會睇我個blog啦! :-p ) 成晚悶場不在話下, 招呼唔好, 沒有驚喜, 沒有小禮物, 安排影相又差, 成晚只有一個”眾裡尋他”遊戲 但唔洗一分鐘就玩完. 成晚做得最好的就可能係對新人的video吧! 總評分: 30分 (? 因為D食物都算ok! -_- ) 就係由呢晚開始病左啦! 但因為Head Head 放假, 所以唯有頂硬上.
28 Dec 病得好辛苦, 但因為約左Ball Ball, Eva, Jo同埋亞純, 又唔想失約. 所以最終再一次頂硬上出去聚舊. 呢個約會好開心地完結左.
29 Dec 連reception 條八婆都放埋假, 想請病假都難, 繼續頂. 頂到5:30即走去睇醫生. 需然已準時食藥但起色唔大… too bad!
30 Dec Head Head 終於番工啦! 所以打番去公司請左日病假, 訓到成一點先起身. 跟住無無聊聊又一day.
31 Dec 公公要番工, 同佢食完早餐後我跟左佢番公司一陣, 無無聊聊後又番左屋企online, 跟住無無聊聊又一day.