萬聖節 >0<

超波波...
今早B媽去照超波波呀! 仲於知道係咩啦!! 應該係豬女呀! 哈哈, B豬下年就有個伴同佢玩! 或者應該咁講, 出年佢就無咁得寵, 遲D就有人同佢爭玩具玩啦! ^0^

最熱的萬聖節...
新聞講今年的十月係咁多年以來最熱的十月份, 我只係記得上年萬聖節我已穿上長袖衫出街, 今年仍然係夏季的打扮吧! 雖然今年同公公買左萬聖節帽興o下節, 不過今年無乜計劃出街街呀! 年紀大機器壞啦! hee... .. . 都係留番係屋企陪B豬啦!

大姨媽的大姨媽生日

哈哈! 今日係我幸福大姨媽的大姨媽(即B豬的大姨婆)擺生日酒的大日子!! 生日快樂!! Yeah!!
今日同公公去左旺角行街街買衫衫, 玩遊戲, 買禮物比大姨媽! 今日都總算幾開心無炒飯! 行街又買到衫, 玩遊戲又可以贏到獎品, 又買到禮物比姨媽, 又食左餐豐富的晚餐, 開開心心...最緊要聽日仲係假期呀嘛! 哈哈 ^0^

Happy Friday ... .. .

今日的心經已回覆了好多, 可能因為今日係星期五的關係, 更有可能係因為有你們的關心同埋支持!! 多謝你們!! 我會好好享受呢個weekend. 因為跟住就要迎接忙碌的十一月頭. Monthly report, monthly ordering, 公司裝修, 調位…
現在期待緊十一月中的假期, 我會請一個星期假同公公&佢o的同事去泰國旅行! 今次係我地第一次正式去旅行呀! (好耐之前去過澳門同大陸) 雖然唔係兩個人一齊去, 不過我相信我地一行四人一定玩得好開心的! Yeah!!

Happy Birthday to Jo

Happy Birthday to you, Happy Birthday to you, Happy Birthday to Jo Jo, Happy Birthday to you!

e今日生日啦, 大個囡啦! 祝你心想事成, 越o黎越靚, 越o黎越正, 學業進步, 身體健康, 開開心心e

繼續...

繼續鬧情緒... 今日停工.

不用擔心我, 等我自己一個諗o下野就得啦! Thanks! -_-

23/10/06 (一) "唧"都笑唔出! -_-

唔知做乜鬼, 又鬧情緒...個人真係鬼好down"唧"都笑唔出! -_- 因數有好多, 不過最主要的可能係工作壓力無得去舒緩. 今個星期四飛機就走了, 所以尋日公公請左半日假約左佢食飯. 原本我都可以準時走, 因為要等我老細份郵件, 所以要遲左. 最尾仲要等到6:30pm都未到. 唯有報告比Head Head, 之後叫我唔洗等就走啦! 而公公同飛機就係我公司附近的酒Bar飲住野等. Then再去CWB食日本野, 其實都好小咁正經咁同飛機食飯. 都幾愉快嫁, 一路食一路傾計, 好多謝飛機的意見, 安慰的說話, 說出佢的觀點, 分享佢的經歷經驗及相處之道, Thanks! 食飽飽, 就一行三人番屋企玩BB, 之後佢兩個再去飲過, 後生可畏!!

Sunday BBQ Family Gathering

時間 : 12:00noon 去霸爐
地點 : 香港仔水塘 （不過我兩個傻表哥行錯路）
人物 : 親戚朋友
天氣：普照陽光, 好熱

好開心可以攪得成呢次活動, 多謝各界親戚朋友熱烈的支持! Thanks!
好開心呀! 因為媽媽好番晒可以參加呢次活動, 好多謝大家好合作預備好晒所分配的工作同食物!
其實我好多朋友, 同事都同我講過佢地同D親戚的關係唔係咁好, 所以我覺得自己好幸福可以有個咁好的Family. ^0^

Sat Gathering

Sat 元氣之約會, 為左要續會員咭的關係, 所以今日約左B豬, B媽, Jo 同埋公公去食晏. Yeah! 後尾原來 "長期糧尾"同埋鄭聰聰都出埋o黎潻! 可能佢地都知今日"觀音開庫" (即B媽請食飯), 所以一齊出埋o黎吧! 真開心! 最開心係公公可以買到鞋呀! 佢真係好難買鞋嫁! 怡家仲要每對都只係二百幾蚊吧! 所以好大口氣咁一之過買左四對鞋! 哈哈! 跟住 "長期糧尾"同鄭聰聰仲o黎我地屋企食公仔麵晚餐, 順便預備埋明天BBQ的野食!

遲到

一醒左, 發現已經 9:10am!! 點算好呀! 驚魂未定, 第一時間打電話番公司...

驚魂未定的我 : Sorry 呀! 我唔知醒, o岩o岩先起身...
Head Head : Ha... ... -_-
驚魂未定的我 : 我怡家番o黎啦!
Head Head : 咁你 fung fung 聲番o黎啦!

跟住公公都差唔多番工, 所以就一齊搭的士啦. 但我每次遲到都好黑仔嫁! 一定好難搭到的士, 尋日一樣唔例外, 最終行左三個地方, 等左五至十分鐘先搵到的士搭. 終於10:03am 先番到公司. 好彩Head Head 冇黑面咋! 可能係我誠實話左個事實(唔知醒)比佢聽吧! >_< 因為我真係唔想講大話, 如果唔係我自己會唔開心嫁! 今日總算有驚無險咁渡過…
放工後第一次online order Pizza Hut, 好方便好快就 order 左, 而且仲好快送貨潻! ^_^

19 Oct night ... ... Relax~

尋日放工後, 其實心情已經平復左好多了. 原本與 Jo有個約會, 但因為同B媽, Aunt Fat Fat 出去搵飛機, 所以呢個約會無疾而終左... 抱歉 ... sorry ...
跟住我地就再一次因為飛機拋棄B豬出左去K了! 就係咁唱下叫下飲下, 個人好似 relax 左好多...
每次同飛機出街, 指定動作... "睇船期表". 上次張船期表比公公燒左, 今次真係要好好保管啦! 不過睇左都無乜用, 因為每次講話搭o個班船, 我就會預計佢搭遲多兩班就一定無錯! 我相信尋晚一定唔例外, 因為K完之後佢同阿宇仲走左去泡... 後生仔真係好精力...

no mood 星期四

都係咁啦! 呢個星期D心情認真麻麻! 鬧情緒吧! 唯有其待 weekend 的來臨...

辦公室的政治

就係呢D辦公室的政治攪到我今日係公司的心情勁down. 你又玩下野, 佢又玩下野, 你比D說話我聽, 佢又比D說話我聽... -_- 咪就係玩死我囉! 其實只係好濕碎的事! 不過大家可以放心, 因為我知放工後我就會無事嫁啦! 番工一條蟲, 放工一條龍!! Yeah!! 奸爸爹! 我相信明天會更好! 好多謝茵姐耐心的聆聽&支持!

激死

今朝一早就比Reception條八婆 (唔好怪我粗魯, 因為唔係咁樣叫佢我會舒服) 激死, 算啦! 唔開心的事唔講啦! 只係想話比睇緊我個blog的你知, 我真係好憎呢條友吧! 真係想見佢一次打佢一次!!

16 Oct Tired…

今日勁累, 可能係因為尋晚四點先睡到的關係. 其實唔係好眼'目訓', 但總係成日頭暈暈 -_- o0O0oO 好不容易終於捱到五點半收工. 之後仲去搵公公, 但真係有D頂唔順, 總於都係要打的番屋企. 食完飯, 同B豬沖埋涼玩左一陣, 就同B豬一齊做懶'目訓'豬了! 這就是我懶洋洋的一天啦!

十月十五日之遊記…

早… 1:30pm 其實都唔早啦! 同公公食過早+午餐後, 他就出發去拜山了…
午… 而我午睡後就同B媽行街街, 買禮物 …
晚… 因為上次公公幫表哥強搬琴, 所以有餐食… ^-^
宵… 與飛機的聚會… 由於時間尚早, 所以去了CWB玩遊戲, 今次成績日驕人! 公公贏了紫色彩虹大獎! Yeah~~ 贏左一個大Qoo公仔! 呢個公仔將會轉送給鐘意Qoo Qoo的B媽! 除此之外, 我地仲贏左唔小禮物仔, 黑白豬拖鞋, 文具仔, 鎖匙扣仔, 珍寶珠… 我地將一小部分的送給阿宇&宇嫂潻. 臨走仲落雨增興, 唔緊要! 在雨中跑步幾浪漫呀! 跟住係Bram II飲野飲到兩點幾先走 …
今天都幾多 fun 呀!

迪迪尼之旅

晨早起床清新開朗... 迪迪尼之旅星期六一早就出發啦! 出門口時天陰陰, 好彩去到時天晴! 出發之前都預計會大出血, 最後係好忍手之下都買左幾百蚊野! 香港迪迪尼真係好細, 而且D工作員好小笑容, 印象分麻麻!! 因為唔係好多人的關係, 基本上玩所有遊戲都唔洗點排隊. 除左史迪仔要等30分鐘之外! 不過真係好攪笑, 3D影院"正"! 中午花車精彩! Winnie the pooh 玩左兩次, 太空戰士仲玩左三次潻! 哈哈 ^0^ 而遊戲方面都OK啦! 但傍晚Halloween花車太小了, 得一輛吧! 由於太倦了, 所以 shopping 完後冇睇煙花 (因為煙花要到九點先開始) 就走了...

開心的黑色星期五

今日黑色星期五, 由今朝至到現在 (touch wood) 一切都順利 無什麼黑色事件發生! Thanks God! 今天心情靚靚,面上掛住一絲笑容. 原因1: 好辛苦咁終於捱到星期五啦! 原因2: 手頭上的工作終於清左D啦! 原因3: 明天可以去迪迪尼...

尋日公公問我點解要寫blog喎! 因為我覺得用呢個途徑同朋友分享我生活的點滴好得意. 而且我的優點係善忘, 過一排或幾日D事就會係我腦海delete嫁啦! 咁寫blog 可以幫我自己記住我的事… 我好希望每日都可以寫一個blog (但我知我未必可以咁做), but I will try my best to do so! hee...

與飛機的團聚會

飛機仔...
11 Oct 的晚上, 估唔到佢同靜兒食完飯後會上左我屋企探BB同B媽. 呢次係佢第二次見BB啦!上次BB仲細可以比佢抱, 但今次BB大個左啦! 點都唔肯比佢抱 (都係意料中的事吧!) 跟住我地唯有拋下BB, 一行四人去左公公的公司飲野等佢收工! 時間仲咁早, 飛機佢又點會放過你呀! 跟住去左CWB新星食野, 傾計, 想他們的當年.
講起他們了不起的當年, 就像電影”古惑仔”一樣…有幾威, 一個打五十個, 怎樣被人出買, 利用… 雖然呢D當年事跡我?過數十次, 但每次聽都令人津津樂道. 因為我自己唔會有咁樣的經歷, 可以分享佢地o個D都唔錯呀! 真係開心又攪笑 ^0^

炒飯

我都幾鐘意食炒飯! 但係唔知點解, 亦忘記係幾時開始, 我地叫 "鬧交" 做 "炒飯"! 由呢日起我討厭 "炒飯" 呢個名詞!! -_-
"炒飯", 幾乎每一天都會出發生係我地身上, 如果"炒飯"可以增進我倆感情的話, 我諗無人會比我地的感情更深!

Jeffrey Suen

Welcome Back! 歡迎飛機仔 <--( 公公的好兄弟) 返港!

放假... 完畢了

放假...
每個星期日或每次放假都想睡晏D, 但如果黃朝八晏先起身又好似冇左成日假期咁樣! 真無奈 -_-
今日同公公一齊去剪頭髮+highlight! 費用: $150 (算係開心價吧!!) 總比我預期中的貴了一點兒! 不過真係剪得唔錯 (多謝哥哥師傅) 夜晚去左CWB玩遊戲贏左唔小禮物仔, yeah!! 跟住 :-( ... 假期... 完畢了

中秋節

尋日中秋節, 係第二年同BB一齊過啦! 同上年一樣, 都係去公園行行咁渡過. 不過好開心, 因為媽媽今年精神好多, 唔洗"的"住佢行咁辛苦! BB又開始識行, 雖然公公要番工陪唔到我, 但有新成員海哲 & Yuli 的參與! ^_^ 今年我地一家人仲可以霸到個正位潻! 後尾仲有微微姨, 秋哥哥, 熙熙父, 雙雙姐姐加入潻! (^00^)

虛驚一場... thank god!

"作小產" (不是我, 是我的好妹妹), 真可怕! 唔開心的事已過去所以唔講咁多啦! 總之好彩大步跨過虛驚一場真好彩! ! 好多謝各界好友親戚們的慰問及支持! 特別鳴謝惡死姨婆,幸福洋洋洋蔥豬農場 & 聰蔥 … 好開心可以食一頂豐富晚餐, 又可以想當年, 真開心! 幸福洋洋洋蔥豬農場, 你睇睇!! 有相為証, 你有露點!! III 仲有呀, 原來你細個時個樣已經好串, 目露兇光, 勁攪笑 ^0^

忙碌的一天

我諗今日每一個番工的打工仔都會好似我咁唔願起身番工! 一係就抱住holiday mood去做野, 期待中秋節的來臨! 每個月的月頭, 一定忙到死! 不過咁樣時間會過得快D! <-- 自我安慰方法... ... -_- ~~無奈~~
唔知做乜成個晏畫頭暈暈咁, 好辛苦呀! 救命呀 -0- ..... .... ... .. .

開心的十月二日

今日放假明明可以遲點先起床, 但為左換張免費戲飛, 十點鐘就起身了! (對我來說已經好早了! -_-) 出門口時卓琳豬點都要跟住我地, 她哭了... 但我們殘忍地捨她而去! 之後, 當然係我預期中的 FULL左! (只有天真的公公認為今天沒有咁多人去看戲吧!) A計劃失敗, 改為BB計劃. 都係唔忍心, 番去搵卓琳豬 ^0^ 再去冒險! BB中噹噹, 在彩虹又創佳績! 哈哈! 真開心..... ... .
時間:9:20 地點: IFC2號影院 目的:"寶貝計劃" 影評: "正!!" 有動作, 有BB, 好攪笑, 最緊要係免費呀嘛! ... .. . 開心的十月二日

好悶的國慶日

今朝睇左套電影 "小企鵝大長征" 比起預期中有點悶. 有點失望 ... -_-
期望明天套 "寶貝計劃" 好笑啦! 因為我想笑下! ^0^