多謝妳們 感激妳們

大日子終於係大家的頂力支持下完成左. 衷心想同你地講多謝!

不過當我知道原來係我開開心心地渡過大日子當中, 原來發生左一啲唔開心不愉快事, 令到你們聽左一啲難聽的說話, 受左委屈+不禮貌的對代... 我真係真係真係十萬個對唔住大家. 我知道大家為左我之前抽左好多時間預備左好多野, 出錢又出力, 大日子當天又無覺好瞓又要落力去幫我, 又要搬搬抬抬攪到大家都好辛苦, 但最終都...

其實當天係台上面真係好想多謝你們, 可惜當日我真係好緊張發台溫講唔到我想講的野現在想同你們講番... "真係好開心終於可以同我愛的人結婚, 我地可以係埋一齊要多謝一個人~我的好妹好呀佩, 如果唔係佢我地未必會再次相遇係埋一齊. 今日可以順利完成要多謝一班好姊妹落力幫忙, 多謝你地為我預備左咁多, 今日又做左我的亞四+妹仔, 辛苦晒你地, 真係無以為報!真係真係好感激大家!"

尋日我終於係最尾見到你喊時失手喊埋一份. 今日的我知道你們受盡委屈而我又唔知可以做乜去補救, 我亦只有十分內疚地喊到都成個豬頭咁! 我真係唔知可以點做, 請大家接受我們的道歉!! 我真係唔想攪到大家唔開心! SORRY!!

明天...

仲有一日吧! 明天...

白熱化階段

進入白熱化階段啦! All in progress...

9 Mar (Sun)
公公留係屋企油漆油, 而我就同各姊妹們去左 final fitting 加開大會. 大家左試右試, 左改右改, 攪到成十一點幾先走! 多謝大家的頂力支持, 十萬分感激!

10 Mar (Mon)
聽日新床到, 要搬走晒床下底啲野... ... 大 project

11 Mar (Tue) 安床
今日好日安床, 所以公公請左半日假去安排...
放工後番去又再搬過... ... 大 project again

12 Mar (Wed)
今日同公公請左半日假, 去左佢公司攪個 sitting plan + schedule --> 攞信用咭禮品 (LESPORTSAC bag) --> Bank --> 洗衫 --> back home have dinner --> 公公今晚同哥哥出去飲野, 而我忙住收拾+打掃+打blog

明天仲要去整指甲, 攞衫, 攞碟...
後天仲要去酒樓confirm...

仲有咩未攪呢?

聚會進行中...

3 Mar (Mon) ELM 聚會

因為唔想迫地鐵的關係, 放左工選擇左坐巴士過旺角聚會. 去到都七點幾啦, 直接去左 "百人一朱"啦! 七點半等齊人開餐! 四個人食左三百幾蚊好飽好味好低! 推介!! ^_^ 每次聚會都係傾吓大家的近況, 想吓當年, 再講吓下次聚會應該係下一個未結婚的人派帖吧或者係大家的喪禮吧! (講吓笑啫! 真係大吉利是, 哈哈!) 好開心各位都話會比面出席, 大家到時早啲到啦!

4 Mar (Tue) 加油呀! 聚會之旅尾聲啦...

上午收到Fanny call, 話今日一齊出嚟食lunch 派帖 (因為上次佢缺席左七公主聚會). 所以同佢去左無乜人的Delifrance 食lunch.

中午收到一個現任公司的舊同事電話, 佢叫我邀請佢出席我的大日子晚宴! Oh! 驚喜萬分, 好開心! 多謝比面!

放左工搵一搵公公high左個tea後, 再搭船過TST去出席Moiselle 同事之派帖聚會@海港城麻布茶坊. 間餐廳個view 好靚, 食物ok! 不過個個waiter 都幾seven 又無乜禮貌, 麻麻地! 今餐Ivy 請我地, 多謝晒! 因為佢嚟唔到飲我嗰餐, 所以佢另外再送多一份禮物比我! 多謝!

5 Mar (Wed)

今日先星期三炸, 係公司經已悶死左!

真係太好啦, 終於完成晒啲聚會啦! 真係成個星期都無番過屋企食飯啦! 聽豆豉我媽咪講嫦娥公公因為知道我今晚番屋企食飯仲特登買左隻雞潻! 真係感覺到世上只有爸媽好! (其實平時都成日食雞咖啦, 都唔可以話特登! 可能係咁啱吧!)

6 Mar (Thu) 蛇鼠一鍋

因為真係實在係超級極之悶的關係, 終於忍唔住係 office hour 靜雞雞玩MSN傾吓計. 仲叫埋呀妹同事一齊玩, 蛇鼠一鍋!! 哈哈

待嫁係無心工作咖啦! <-- 藉口 :p

派帖聚會派帖聚會...

一個接一個的派帖聚會...

27 Feb (Wed)

今日約左幾個舊同事出嚟派帖, 不過估唔到佢地約埋其他人嚟順便開埋雀局, 所以等齊人食埋飯派埋帖我地就走人啦! 其中 '麥同事' 同 '糖同事' 因為嚟唔到飲所以送左份禮物比我啦! 多謝晒! 真係好合用, 我又可以慳番唔洗買 Thanks!

28 Feb (Thu) 姊妹聚會

今日舉行第一次姊妹聚會, 不過一早Rachel 告知請病假所以缺席. 好彩其他人按schedule 出現. 放工後約左PF係紅磡等, 之後join 埋Jo & CH. CHPF試左裙裙啦, 不錯幾好睇!! 之後去左間café等埋豆豉我媽咪一齊開會. 大家傾得好開心, 多謝大家抽出寶貴的時候幫手, 多謝大家比的意見, 十萬個感激!

29 Feb (Fri)

終於又等到星期五啦, 太好了!今日打埋電話再約另一班舊同事下個星期一聚會加派帖, 呢批同事係我第一份工的舊同事, 大家真係好耐無見啦! (上一次聚會好似已經係年幾兩年了) 期待着…

今日放工後約左班舊同學好朋友出嚟食飯同派帖, 可惜Fanny要OT嚟唔到... 今次七公主缺一潻! 不過我地幾個食得好開心有講有笑, ^0^ 一個開心的聚會!

1 Mar (Sat)

話咁快就三月啦! 時間真係過得特別快!

番左半日工, 之後去左公公的公司join埋一齊之後, 再一次去左酒店參觀 re-confirm! 以防酒店再一次出錯! 應該做的都做晒啦, 希望當日順順利利啦!之後同公公番去接埋卓琳豬出去, 公公番工, 我同豬仔join埋姊妹Rachel 同細姨媽去試裙. 不過由於契媽媽公司有客, 所以我地去左食個晚飯先. 不過激死, 叫左兩碟餸三大一細一齊食, 不過其中一碟食飽都未嚟. 最終我地幾個人兩碗飯一碟餸, 再將遲嚟的打包個餸加個飯比豆豉我媽咪食. ~_~食飽後 (其實都唔算食飽, 食左六七成吧!) 我們再趕去契媽媽公司試裙, 今次烏龜婆婆非常比面帶埋細細個同傻瓜join埋豆豉我媽咪一齊嚟! 之後大家就各自試, 續個續個改, 攪到成九點幾打的歸家. 期待着大家下次齊人一齊試衫衫!

2 Mar (Sun)

終於等到一日可以瞓晏啲啦! 原本諗住同公公一早一齊去做facial, 不過起身時已經十二點幾, 梳洗後都成點鐘先出到門口, 所以最終取消左去做facial , 出去食左個飯後就去左哥哥度染髮. 豆豉我媽咪之後又落埋嚟染, 一攪又攪到四點鐘. 之後帶埋卓琳豬一行四人去左旺角行街買領太比兄弟, 買披肩比姊妹, 買硬殼果巴巴比烏龜婆婆, 豆豉我媽咪買鞋, 買左小頭飾比兩個BB… 收穫都幾豐富!

3 Mar (Mon)

今日約左第一份工的舊同事食飯, 期待着...