擔心... .. .

細B出世後因皮膚見黃,經已係醫院出出入入數次了, 最擔心的當然係B媽啦! 星期六早上因再次見黃又要入院了! -_- 星期日早上再己由B媽接了回家, 但番到回到家沖涼時發現她腋下發炎, 所以再送她到醫院. 難為了B媽… … …
24 Feb 細B又要入院了, 無人睇卓琳豬. 所以請左半個鐘頭假, 提早放工接卓琳. 海哲原本來探細B, 現只可以見到卓琳豬吧. 之後我們三個去左三上食午飯, (今次係我第二次去嫁啦!) 食物水準都唔錯, 但佢地的service都仲係無乜改善, 個個都係好似係"經理"咁! 我指的是"經"過而不"理"o個隻經理呀! 跟住呀海同我就係屋企無無聊聊上下網直到食飯, 飯後娛樂當然係打雀局啦! 呀海係我地呢個鱷魚潭交左唔小學費了!! 晚上公公的公司食開年飯, 飯後玩賭局玩到天光. 我地好黑仔呀, 輸左三百幾蚊呀!
25 Feb 午~~B爸B媽同細B去了醫院, 所以同公公帶BB去了玩遊戲. (因為B媽話唔想卓琳唔開心) BB好利害呀, 比個第一個coins佢玩彩虹時一擊即中”爆炸獎”! 哈哈, 可以換到Hello Kitty碟碟&匙匙! 晚~~同公公帶同兩份禮物, 參加哥哥髮廊的春茗晚宴. 開始的時候有點悶, 仲要每個人交入場費一百大元! 但到交換禮物環節時氣氛就好唔同啦! 大家玩到好開心, 最後到抽獎啦! (原來係將入場費來抽獎) 只得四個獎, 好好彩呀! 公公抽到第二獎呀! Yeah!!
26 Feb 細B由B爸&B媽陪同出院啦! So great!!
===========================================
狂語錄...
我說: 你隻拖鞋就好啦!
你問: 點解呀?
我說: 陪你經歷左咁多野?
你 : -_-
我說: 上次你釣魚時跌左隻拖鞋落海,你幾緊張釣番佢上黎呀! 上次去旅行你又帶埋佢去玩. 今次出trip你又帶埋佢去... 唔制呀!
你說: 痴線嫁! 你連我隻拖鞋都妒忌?
我 : ..::: >0< :::...

分手 < 被愛 = 歷久常新 ( what formula it is? )

初四 下午B媽覆診時順便帶埋細B去, 醫生見到BB面黃需要留院觀察及照燈, B媽因而唔開心又擔心. 好彩仲有卓琳豬吧!
初五 o係九個鐘頭之內, 我收到兩對情侶分手的消息. 其實我唔想見到咁樣, 大家真係無挽留的機會嗎? 我唔想有人唔開心, 唔想有人後悔, 不過我知我控制唔到, 呢D始於係兩個人的事. 兩個人可以相遇其實真係唔容易, 而且我覺得處於 ”被愛” 或 ”佢愛你多於你愛他” 的位置係一件好幸福的事. 我唔係叫你們強迫去挽留, 我只係站在旁, 用旁觀者的立場同你講: [ 知足可常樂 ].

如果需要聆聽者或傾訴者可隨時找我們咸濕姊妹花or 可愛BB姊妹花, 任君選擇. 我們的大門隨時為你們而開, 或可致電匯應phone熱線與咸濕 or 可愛BB姊妹花傾訴! (收費: 同市價一樣每六秒六毫)

=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=
唔知係幾時開始, 我竟然開始鍾意電話中口甜舌滑的您多過真實的您. 可能因為咁樣, 提醒了我們容忍可能已接近限度, 希望你唔會變本加厲. 我唔想還完基本步, 只靠電話來維繫呢段情!! 或者咁樣先可以歷久常新吧? 十分無奈 -_-

\`\`\`\`\`\`\`\`\`\`\`\`\`\`\`\`\`\`\`\`\`\`\`\`\`\`\`\`\`\`\`\`\`\`\`\`\`\`\`\`\`\`\`\`\`\`\`\

Question: communication error + no method slove

Answer: give up?

農曆新年

21 Feb 大年初四 新年快樂! 祝各位身體健康, 龍馬精神, 萬事如意, 心想事成! 話咁快就過完個農曆新年啦! 假期完了, 又要收拾心情番工啦! -_- 呢個新年都過得好開心.
年廿九 公公放半晝假, 放左工後同我去探B媽, 之後公公又臨時再番工, 而我就同惡死姨婆一家慶祝火儀的舊曆生日.
年三十 起身後就同公公上左醫院接細B同B媽出院一齊番屋企過年 ^0^ 之後公公番屋企大掃除, 而我就留係屋企照顧貪婪一家. 晚飯在家一起食團年飯. 深夜去年宵買左棵桃花, 因為太大棵的關係, 差D連的士都上唔到呀! 真係一額汗 -_-:::
大年初一 一早細B要上醫院覆診, 我就同公公&卓琳B去食大快活食早餐, 之後帶左BB去公公家午睡同逗利是. 訓醒就帶佢番屋企而我就同公公出去逗利事, 在家晚飯娛與麻雀耍樂! 今晚卓琳B豬無得同媽媽訓, 睡前摟左一陣之後就訓到 "琳琳豬" 足足訓左十二個鐘呢! 大懶豬!
年初二 同公公, 公公媽媽, 公公姐姐同卓琳B豬一齊去左飲茶, 咁岩見到蘇炳炳伉儷! 當然要同地拜年逗佢地第一年派的利是啦! 哈哈! 之後公公就番工而我就係屋企無聊一番. 夜晚去左接公公收工, 係佢公司玩麻雀興新年, 真開心! 因為我地贏錢錢呀! ^_^
年初三 訓醒已經中午啦! 幫細B沖涼後同B媽&公公去三上食野, 估唔到咁晏都要等位, 好彩只係等左一陣吧! 都幾好食但service就麻麻啦! 之後就拋棄B媽同左公公去太古城野比細B. （當然唔小得卓琳豬o個份啦!） 因為細B出世後卓琳BB有D唔開心有D妒忌咁. 早左成個月有個新成員大人都未必適應到啦, 可況係個歲幾的人仔呢? 記住啦！！　以後大家買禮物都要買兩份先好呀！　開心的時間過得特別快，就係咁新年假期就完結左啦... 繼續努力咁望天打掛... 等四月份清明同復活節假啦！
===============================
你說：新的一年我對你有個願望．
我問：咩呀？*_*
你答：希望你可以煮野比我食
我想：下～～～　~_~ (無言已對… >_< 中左我死穴…我真係唔鍾意煮野食)
你說：一個公仔麵已經好足夠．
我想：＞０＜（鬆一口氣, 今年你一定願望成真！ 多謝你的體諒同降低你的要求！）

Welcome 細B

真嫁! 細B出世啦, 好細粒好得意, 喊聲又大! 早左成個月呀, 有好多野都未準備得切! 新衫, 新奶樽等等... .. . 不過唔緊要啦, 因為有個強大家族, 有個好幫得手的惡死姨婆, 每次我地屋企有麻煩佢一定係最幫手的一個. 多謝你~惡死姨婆 同埋佢個怕鬼又怕黑的囡囡. Thanks! 無言感激... 而且仲有大姨婆呢! 佢揍BB你可以好放心, 經驗十足. 多謝你們的支持!! I Love u all!!

今晚公公有心事但又唔同我講, 點算好呢? 或者我真係比左好多壓力佢吧!

細B提早出閘?

15 Feb 下午接到媽媽的電話, 說妹妹肚子痛可能要穌了! 妹妹的老公和惡死姨婆陪她去了醫院. 實在早了一點兒, 難道細B真係想提早D出世逗利是? 只可惜Head Head 放了假, 我又唔可以請假陪她. 攪到我心急如焚… 甚麼辦? ::: >_< ::: 唯有放工後第一時間去醫院啦!

花花情人節

其實係2月13日的晚上, 大家已經交換左禮物所以真係無諗到會再收到甚麼驚喜. 尋日 (情人節) 係公公要求之下 (因為我好眼訓已經唔係好願出街嫁啦!) 我去左接佢收工. 點知原來佢真係買左花送比我, 哈哈! 真係好驚喜呀!
" 公公: 多謝你! 真係好驚喜! 不過... 下次真係唔好浪費呢D錢啦! 因為將D錢放落我銀包我會更驚喜、更開心! "
(好彩無送去我公司, 我最怕係公司收花比人指指點點閒言閒語, 放工後又要抱住D花迫巴士 :-p )
好開心過左個好驚喜好開心的情人節! 不過最瘀的係公公被困後樓梯, 好 "火羅" 皮!! >0<

完成了... annual dinner

12 Feb 2006年度annual dinner 終於完成左啦! 實在太好啦! 終於可以鬆一口氣… ~0~ 其實比起我預期中, 亦比上年無咁辛苦! Thank God!今次頭八位同table prize都抽唔到呀! 不過抽到某經理的利是啦! 哈哈! 再加埋個九獎一千大元! 到算唔錯啦! 全數已存入貪婪B豬媽大豬細豬基金! -_- 我已經一無所有啦... woow woo... (講下笑, 無所謂啦, 我地都無計的)
13 Feb 好忙, 好激氣, 面上沒有一絲笑容. 某同事笑我偏晒咀 sorry! 我真係笑唔出 >_< 我唔想的 sorry呀!

AL Dinner

10 Feb 成個星期忙住整annual dinner D野, 今日終於到啦! 最開心當然因為有獎抽啦! 不過最慘的是今晚要做妹仔同歡樂小姐... .. . 無計啦! -_- 希望抽到頭八位再抽到table prize加埋經理們的利是啦! 哈哈! 不過如果真係咁唔好彩的話, 其實每個同事都可以得到九獎一千大元嘰! 呢間公司都算濶佬吧, 不過大家唔好妒忌呀! ^_^ 等我好消息啦!

無mood無心機

5 Feb 今日有新人番工, 咁岩又係我最唔鐘意的星期一黎! 都估到好忙, 但今日的工作量好似超出左我的預算, 估唔到連早餐都無時間食, 好慘! 晏晝就只係食左個米粉, 今日仲要OT潻! -_- 成日就好黑仔咁, 放工後又勁頭痛又勁想嘔, 攪到一番到屋企食藥上床訓覺…

不過算啦! 上個weekend都過得幾開心! 星期六放左工去左搵公公, 因為佢下晝放假整牙! 等佢整牙等左好耐咁, 攪到我都釣晒魚啦! 最終整完牙番左屋訓, 公公去左醫院探佢婆婆! 晚餐係 order Pizza, 之後仲同公公去左旺角行街買新衫過年! 今次公公買到新衫啦, 不過我就睇唔岩, 好彩上個禮拜同呀Jo行街時買左件靚靚pink pink 衫咋! 哈哈! 星期日預祝Pinky 生日, 同公公 ,BB ,B媽, 何B一家, Cherry&寶林去左灣仔唱K, 之後去左CWB食晚飯先番屋企, 真開心!

6 Feb 仲有四日就annual dinner, 好忙咁預備野. 不過唔知點解極度無mood, 可能知道annual dinner 又只係做妹仔, 歡樂小姐吧! 如果可以選擇, 我真係唔想出席, 但睇住份工、睇住D抽獎禮物份上, 唯有頂硬上啦! -_- 無奈 too bad!!!

二月啦!

二月啦! 忙碌的時候又開始啦! 每個月都係咁啦! ~_~
唯有...加油加油!