Hi, 大家好!

Wah! 各位好 ^_^ 好耐無update 我個薄落啦! 點解? 哈哈 ^0^ 第一, 因為懶啦! 第二, 上星期無乜特別開心事發生! 唔開心的事有好多但又唔想多提. 其實最主要原因係上個星期我將平時打blog 的時間 (即係食緊/食完我的lunch 之後) 用o黎做左其他野, 例如預備聖誕節禮物, 寫下聖誕咭, 包下禮物等等…

21 Dec night … 約左Fanny, 雪蓮, Jo, 豬媽 & B豬去CWB食飯, 一個好愉快的聚會, 大家交換禮物慶祝聖誕 ^_^ 晚飯後行街仲比我地見到嘉亨戀的女主角李小姐同埋Twins 的嬌嬌, 亞嬌真係好靚呀!

22 Dec 冬至 … 即係開始入冬天氣會凍, 但今日我就穿左短袖衫. 因為今日公司, 唔係! 應該係全幢大廈都會無冷氣呀!　好彩大家都有準備, 公司預備左風扇大家又自備短袖衫等. 最好就係今日做冬放四點放工! 哈哈… 跟住, 真係唔想多講! 因為又炒飯, 好討厭, 好厭倦呀!

23 Dec 平安夜前夕… 因為Jo有免費入場卷, 所以放工後同左佢去左會展兩個展覽, 好多人好多野睇, 不過唔係好多野岩睇. 無乜買野, 只係食左杯雪糕, 買左支調味料吧!

24 Dec 平安夜 … 公公番晏! Yeah! 夜晚Jo同埋我屋企一齊出去食飯, 之後買左D野番屋企預備明天開P, 跟住約埋E哦姨去左中環行o下影o下相, 好多人打晒蛇餅, 最終個幾兩個鍾先入到去歡樂小鎮, 入到去同聖誕老人影相又再排過, -_- 好彩同聖誕老人影完相之後仲可以搵到位個位倒數聖誕.

25 Dec 聖誕節 … 公公番晏again ! Yeah again ! 訓醒後同公公去左尼斯食晏, 咁岩見到何B同E哦姨! 何B媽仲請我地食晏潻呀! 多謝! ^_^ 跟住就番屋企預備今晚的party 啦! 家庭聚會P, 有婆婆姨媽姨丈爸爸媽媽表哥表姐表妹BB妹妹… 好多人好開心. Party 完左之後仲同公公D同事食宵夜潻呀! So enjoy so full!26 Dec 同婆婆, 爸媽, B豬, 豬媽 & 公公去飲茶後, 去左維園行工展會. 天氣好好, 不過真係好多人好迫, 都無乜點買野, 只係買係左o的小食, 然後送埋佢地番屋企之後再同公公去行o下創業玩o下遊戲. 跟住去同埋娥姐一齊去權發打邊爐, 都幾正幾低食. ~_~ 就係咁樣, 我的聖誕節假期就咁完結左啦!

唔洗O咀啦!

承接上文, 尋日放工前抱住無乜希望的心態走啦! 走之前問佢聽日個會係幾點, 仲有無其他野交底比我. 點知佢同我講因為好多野做, 聽朝要番工. ^_^ 哈哈! 聽完之後不知幾開心呀! 終於放下心頭大石啦! Thanks God!不過今朝都有段小插曲, 差D比佢嚇親, 因為今朝當我行緊番公司時佢打比我, 我幾驚佢又話唔番呀! 佢同我講話塞緊車所以會遲到, 叫我同佢take住minutes先! -_- o下! 唔係呀, 個天咁玩我? 好好彩, 正當預備開會前佢終於番到o黎, 太好啦! 總算有驚無險!
幸福大姨媽薄落溫馨提示: 呢個星期天氣開始凍啦! 大家記住?多件衫唔好冷親呀! 健健康康迎接聖誕節! Merry Christmas! Kiss …

O咀事件

今早Head Head 同我講聽日幫佢 take minutes! ( 因為聽日佢放假）我第一個反應係即時O咀 -O-　下? 唔係呀? 我唔識嫁喎! 我又無學過! 除左係我第一份工試過 take departmental meeting minutes 外 (o個陣時都唔係好正式咁去做) 都未試過啦! 今次仲要係同老細 take 喎! 壓力大好多, 點算呀? 有無人有錄音機呀? ~_~ 唯有聽幾多寫幾多啦! 十分無奈! 或者...現在我只可以盼望佢可以另覓人選啦! 不過我知呢個可能性都好低嫁啦!

人多車多的星期六

星期六放工同左B豬&B豬媽去左CWB行街街買聖誕禮物, 平時已經多人的CWB係聖誕前的weekend 就更多人! 真係people mountain people sea! 不過到最後我都係得個睇字無買野, 而B豬媽就收穫唔錯, 買左D玩具、禮物比小朋友. 因為真係幾低買! 夜晚, (唔係, 應該凌晨時份先o岩) 同公公又炒飯! too bad!

好彩, 只係小事, 訓醒就無事了! 跟住同公公又去CWB買禮物! 係糖街落車，話！比起尋日, 今日仲勁多人, 香港人 (可能因為好多人去工展會)、菲傭、印傭、泰傭塞滿整條街, 好恐怖! (如果唔係因為夜晚要係天后食飯的話, 我諗都唔會選擇CWB again! -_-)　跟住夜晚就按好 schedule同 Aunt 一齊去天后打邊爐! 因為佢食過話好正喎! o個度有舖位有大排檔位, 我地就坐左係舖入面, 仲比我地係舖入面見到蓋明輝食緊野! 成兩圍咁多人潻呀! 可能係幫佢慶祝尋日歡樂滿東華的表演吧! 臨走前仲係門口的大排檔見到呀叔林尚義潻呀! 不過見到佢我覺得好落寞, 佢一個人坐, 桌上只有一支大啤, 面前只有一部電視 ... 好寂寞, 孤獨...

多愁善感

自從放完個假期之後, 成個人都無乜心機! 我諗我呢個病 (假期後群症) 越黎越嚴重啦… 唔知有無得救呢?

(星期三) 真係好唔開心, 或者應該講無乜野可以令我開心先岩. 頂唔順, 終於頂唔順啦! 一個消極、悲觀、多愁善感的人… 喊 … 雖然呢個唔係解決問題的最好方法, 但總算可以減輕一點壓力, 但係呢個解決方法的壞處是第二日隻眼會腫左… 好腫 @~@ too bad!

好辛苦終於捱到星期五啦! Weekend 將會來臨! Thank God! 真係好不容易呀! 其實我係知足的, 我知有人差過我, 辛苦過我, 唔開心過我. 或者唔洗同人比, 只要比起以前的我都好好啦! 可能得到時唔會珍惜, 等到無的時候先黎後悔. 人就係咁嫁啦! 真係無奈…無可奈何… 救命呀! 不過唔洗太擔心我, 呢個 blog 可以比我分享、抒發我的不快. 如果大家有時間, 有意見可以留 comment 比我支持我. 多謝! -3-

番工放工

呢幾日都係番工放工, 無乜特別, 好悶...
期待緊聖誕節的來臨, 可以行下街, 影下相, 睇下D燈飾, 去下嘉年華, 玩下遊戲...

爭取..行街..休息..

爭取.. 星期五晚成功爭取到公公放半日假陪我. 最終決定旺角之行呢個行程十分愉快, 又玩遊戲又買衫, 仲買左對boot 潻呀! ^0^

行街.. 星期六約左呀Jo食飯飯、行街街、買聖誕禮物. Yeah! 宵夜時份就出左去同公公D同事慶祝衡衡生日. Happy Birthday! ^_^

休息.. 星期日訓到黃朝八晏先起身, 跟住無無聊聊 ... -0-... ... 再同公公買送煮飯 ... 星期日總係過得特別快... ~_~

無無聊聊又一day

呢幾日無打blog, 因為 (好好彩) 無乜特別事發生, 所以無乜topic講! 日日起身唔願番工就一定嫁啦, 跟住買早餐追巴士! 番到公司一路做野一路等食晏, 食完晏又一路做野一路等收工... 無無聊聊又過一day兩day三day... 星期一就開始等等等, 等星期六、日的來臨... 終於望到啦! 聽日星期六啦! Yeah!