Birthday to 何B & 豆豉

18 Jan (Fri) Back Home

尋日媽媽好辛苦地照左膽管啦! 醫生話無乜問題, 今日可以出院啦! 多謝各位咁有心!

19 Jan (Sat)

卓琳豬呢幾日肚痾, 今早豆豉我媽咪叫我收工後帶隻豬仔去睇醫生. 所以收工後去左麥當當買外賣番屋企食, 食完之後就同卓琳豬出發去睇醫生. 坐車途中keep住同卓琳豬講野唔比佢瞓覺.

黑面: 卓琳你睇吓個海有咩野?

卓琳: 有船, 大船, 有BB船呀! (BB船即size比較細的船)

黑面: 卓琳你睇有好多樹呀! 樹上一塊塊嗰啲係乜呀?

卓琳: 唔... 樹葉

咁啱途中有個鬼婆帶住兩個鬼仔上車坐左係我地前面

黑面: 卓琳你識唔識佢地咖?

卓琳: (搖頭)

黑面: 佢地係英文人嚟咖, 你同佢地講英文呀!

卓琳: (沈默…)

卓琳: Are you ok?

黑面: (Surprise 加O晒咀)

真係估唔到卓琳豬知道咩叫做英文. 雖然平日我成日同卓琳唱 “Are you ready, are u ready, are u ready hey!”, 間中都會同佢講 “Are you ok”“Good Morning”“Good Night”“飲milk milk”等, 但真係估唔到隻豬仔知道咩叫做英文! 卓琳豬好勁呀!

去到香港仔join埋公公食個麵之後就同豬仔睇醫生, 睇完醫生公公又夠鍾番工啦! 所以唔夠時間去玩遊戲 wowo… 番到屋企, 就開始同卓琳豬博殺食藥藥, 今次因為有新手公公一齊餵食藥藥, 所以失敗收場. 天一半地一半, 不過都應該食到一啲的! 希望豬仔快啲好番啦!

20 Jan (Sun)

早 ~ 之前幾日同公公講過想睇 "27宜嫁" 呢套戲, 尋晚臨瞓前終於"的"起心肝online 訂左今日早場! 11:30am $30 勁低! 一早同公公去左食個早餐後就出發去睇戲. 套戲真係幾好睇呀, 又夠攪笑!

午 ~ 之後番左屋企接埋豆豉一家出左去CWB行下食sushi, 順便買禮物比明天生日的豆豉我媽咪.

晚 ~ 約左CHPF, 立立父 & 靚表嫂一家去打邊邊. 順便慶祝埋何B表姐生日. Happy Birthday!!

21 Jan (Mon) 豆豉我媽咪's Birthday

Super Monday mood! 唔願番工 -> 番工等食晏 -> 食晏慢慢嘆 -> 公司佈置新年 -> 等收工

好野, 終於等到收工啦! 今晚慶祝豆豉生日所以食pizza, 收工去左meet一meet 公公之後去左meet 一meet 豆豉再番左去屋企附近買生日蛋糕->回家online order Pizza. Happy Birthday!! Pizza + Cake ^0^ 食飽飽後同卓琳豬&豆豉我媽咪去冒險幫公公換禮物比沁姐入伙. 同豆豉一齊勁辛苦抬番去. 咁就一day啦!

Weekend, 你知道我在等你嗎? U_U

倒數階段

日日睇電視奧運倒數中... ...

今日一月十六號啦! 我們的Project都進入倒數階段啦!
登登登櫈!仲有兩個月吧! 不過仲未識緊張, 遲多一排一定會!希望各位兄弟姊妹多多支持及幫忙! 謝謝!

Bless u ~ Mother

7 Jan (Mon)

Wallem 聚會放工後約左班舊同事出嚟食飯, 大家好幾年無見啦! 不過樣貌就無乜改變, 大家食吓飯, 講吓舊事, 講吓近況, 講吓財經等等… 食完飯大家就各散東西啦! 公公今晚去左個老細飯局, 之後就相約左公公係CWB一齊番屋企.

8 Jan (Tue)

Office ~ 今日先星期二吧, 有排捱…-_-

Home ~ 今晚豆豉同大蛇大炒飯, 真係比佢地嚇死左.

9 Jan (Wed)

今晚食飽飯帶埋兩隻豬, 相約埋豆豉我媽咪去影相相.

10 Jan (Thu)

今日公司終於出左個長短週schedule啦! 可能公司真係好唔掂, 攪到越嚟越cheap乜都算死草. 今年的短週如果撞正係紅日假期, 將唔會順延! 洗唔咁呀, 真係算過晒計過晒先肯出呢個email! 越做越cheap, 真係攪到公司無晒士氣!! 喺…仲有兩日先放假, 支持住呀!

11 Jan (Fri)

終於星期五啦! 太好了! 假期… … 我等左你好耐啦!

12 Jan (Sat)

太好了, 終於星期六啦! 公公今日番晏可以瞓晏小小, 之後趕得切去左尼斯食埋個早餐! 送埋公公上車後去左幫公公買件衫比Ono San 做生日禮物. 番到屋企歡送埋要去番工的烏龜同豆豉後, 就同BB佢地係屋企Har到三點鐘, 去左海旁踏單車. 之後join埋公公去左街市high tea!

13 Jan (Sun) Sister's Dress

今日約左豬豬&CHPF再睇裙裙同埋整車頭公仔, 傻瓜姐姐放假所以同公公&豆豉我媽咪帶埋兩個BB一齊去. 今次裙裙&公仔終於揀好晒落埋訂啦, 安落晒! 多謝各位支持同合作! Thanks a lot! 攪到七點幾八點, 送左細細個番屋企之後去左好彩打邊爐+小炒飯所以好飽呀! 唔好再炒飯啦, 我真係好怕你地炒飯! 都唔知幫邊個好!

14 Jan (Mon)

星期一一早起身勁唔願番工, 不過沖完個涼之後醒晒, 最終拖住隻腳番左公司.不過番公司, 去左pantry沖左杯熱水食左個包之後一直未離開個位. 直到10:15am, 個心忽然間又跳得好快好大力. 其實近排個心都多左唔舒服, 之後唯有請假早走, 叫左公公陪我去左睇急症. 由於去到時已經無事, 所以我知真係好難check到係咩事, 唯有keep 住覆診啦! 做完心電圖, 照埋X-Ray, 抽埋血, 攞埋藥, 約埋期都攪到成點先走得. 之後同左公公去食個花園 (真係意想不到今日呢個時間可以同公公一食齊lunch), 之後仲去埋買好貴的黃金, 好貴好肉痛呀!

15 Jan (Tue) Casual Leave

今日媽媽爸爸都要覆診叫左傻瓜去陪佢地, 而我請多日假睇住細細個. 之後收到媽媽來電要留院觀察, 夜晚一個人去左探佢. 醫生安排左媽媽照膽管, 她知道之後好唔開心呀, 因為申條喉落去真係好辛苦咖, 媽媽同我講真係辛苦過死… 好膽心佢呀, 仲要得多兩日先做. “等待” 真係好辛苦咖! -_-

16 Jan (Wed)

番到公司勁忙, 不過唔敢比太大壓力自己因為又怕個心支持唔住又會亂跳. 期待住放工去安慰好唔開心好膽心的媽媽了. 媽媽, 加油呀!

2008 First Blog

1 Jan (Tue) Welcome 2008
尋晚因為公公工作的關係, 所以終於只係留係佢公司倒數. 不過一樣可以睇到TST同國金方煙花又唔洗迫, 都不錯呀! Welcome 2008 但願人人身體健康, 開開心心!!!

2-5 Jan 萬事起頭難
Too bad, 新一年開始就有啲唔開心事 (不過唔想多講啦! -_-) ...點算好呢? 唔緊要, 有問題就要講出嚟, 一切都可以解決. 加油!!

6 Jan (Sun) 雨過天晴家長日
哈哈! 太好了, 終於雨過天晴!尋晚同公公決定今日去花園据扒做午餐, 不過一早起身因為大家都肚餓的關係, 去左食車仔麵先! 之後番屋企接左卓琳豬, 因為豆豉我媽咪去左哥哥度整負離子, 所以我順便地氹左卓琳豬去修修佢啲頭髮. 大個女啦, 無喊呀! 不過最終坐係我大脾上怕醜地低着頭,扁着咀地完成左! Yeah叻叻!! 之後我地就出發去CWB 玩遊戲, 跟住將原本的Lunch 變做High Tea, 真係好好味呀! 之後坐車車去灣仔做正經事, 又攪project 野! Project 進行到都總算五五六六啦! All in progress!! 經過修頓球場時, 卓琳豬硬係唔願走要睇人打籃球, 攪笑. 之後番左屋企等待今晚家長日晚宴, 過程順利, 同預期中差不多啦! 跟住就同公公一齊番屋企開Project會議, 之後覺覺豬啦!