十二月

30 Nov (Sun)
同左豆豉我媽咪同PF一齊去左旺角行街玩遊戲! 卓琳豬好勁呀! 拋彩色中左大獎呀!! 史迪仔公仔歸左 PH所有! 之後 join 埋嫦娥同烏龜去食Pizza, Family Day 真開心! ^_^

1 Dec (Mon)
星期一的心情又點會好得去邊呀, 鬧情緒~~
啲人成日出email 攪風攪雨, 真係唔夠佢地玩! 今次真係搵着我嚟攪!

2 Dec (Tue)
心情繼續差 >_<
今晚去Calvin 的飲宴, 公公接左我收工之後一齊搭船去TST. 行左一陣食左個麵之後就 join 埋玲玲家姐一齊上去. 係酒店擺, 聽講八千幾蚊一圍, 個場地都唔錯! 四四方方, 佈置簡單得嚟又幾靚! 不過招呼就真係麻麻. 聽講因為化妝問題所以遲左成45分鐘先開席, 好彩之前食左碗麵如果唔係已經餓暈左啦! 仲要等埋註冊~~~ 食物都算不過不失啦! 希望他們幸福快樂!

3 Dec (Wed)
繼續捱~~

4 Dec (Thu)
啲麻煩email 工作暫時停左, 心情都自然好左啲!
下晝同事們話我知有人係斜對面的稅務大樓跳樓, 消防員係地面開左吹氣墊! 望過去真係有人坐左係天台呀! 攪左好幾個鐘之後, 聽講佢最終無跳! 太好了!
今晚公公約左呀宇出去, 上左陣網早啲瞓吧!

5 Dec (Fri)
出左門口打比熙熙父問佢係唔係巴士站睇吓有無得打尖啦! 點知佢同我講佢公司裁員呀! Too bad! 希望佢快啲可以搵番份好工啦! Bless him~~