又一個開心精彩的Short Week Weekend

24 Aug
聽日短週, 呵呵 ^0^ 夜晚出左去接公公收工! 在巴士上打電話比Jo相約明天gathering 先知道佢已有滋潤, 唉…真係有啲嬲嬲地, 真係唔夠老友呀!

25 Aug
早 ~ 短週啦! Yeah! 同公公去當當食早餐, 之後送佢去巴士站番工.今日約左海哲姨姨去街街同收BB生日禮物, 所以番屋企同卓琳梳洗後一個人帶佢出街街 (因為今日豆豉我媽咪要陪大姨婆睇醫生) 好耐之前試過兩次失敗經驗, 自己一個帶卓琳豬出去 (其實好短途吧!). 但…一次西環之旅狂喊收場即刻打道回府! 另一次金鐘之旅仲勁, 狂喊加埋嘔! 嚇到我打的歸家! 自始之後都怕怕啦! 雖然之後都試過一兩次短途旅程又無事, 但今次長途賽喎, 都真係有啲壓力咖!
長途賽開始 : 一個人拖下又抱下同B豬去搭車車, 去到CWB先去食個lunch先, 見到海哲姨姨時因為未 warm up 頭耷耷, 之後BB的表現都唔錯. 起碼肯叫, 肯笑肯拖就已經好好了. 之後公公break time 再相約一齊去玩遊戲, 哈哈! 真係好開心呀! 因為 win 左好多公仔, 糖糖同筆筆, 公公仲中左隻國寶比BB潻! 跟住四圍行左一陣公公又要番工啦! 我們一行三人繼續旅程, 但BB已經倦了要求抱抱. 上左手數分鐘已經瞓着左啦! 但我真係力不從心, 行多一陣已頂唔住啦, 最後只好搵個地方坐低飲下野當high 個tea.
晚 ~ 再相約豆豉, 大蛇, 雲吞 & 非洲去打邊爐. 大餐過後去左接公公收工, 再回家食宵夜. 食乜? 咪就係公公的最愛打邊爐again! 無錯, 又再打多次邊爐! -_- 一晚兩次, 勁嘛? 臨瞓前仲online book 飛明早睇戲 ($40 only其實我地已經想睇好幾個星期咖啦, 今日聽完海哲姨姨講套”變型金鋼”好好睇就更加想hee…)

26 Aug
Morning ~因為遲左小小起身, 再加上又去當當食早餐, 又miss左一駕車, 所以遲左小小入場. 入到影院已漆黑一片, 行到自己個位發現有人坐左, 咁我地以為自己未瞓醒行錯左啦, 咁咪行番出去囉! 但出到去再double check無入錯影院喎, 叫D staff 再帶我地入去, 原來係有兩個傻人入錯影院坐錯我地個位! 勁攪笑, 以為以上情節係電影先會出現, 真係估佢唔到! 講番套戲呀! 真係唔錯的, 當中有幾個笑位都幾攪笑!
Afternoon ~ 睇完戲番左公公屋企har左陣, BBs+豆豉+姐姐嚟埋一齊睇亞蘇 (因為有軒軒路過喎, 真攪笑) 五點鐘再同公公去釣魚, 哈哈! 各位知唔知我的稱號為 ”雞泡王” 今次成績係釣左四五條雞泡魚加一條泥鯭, 而公公就… …一條石九公咋! Yeah! 今次又係我win, 所以今晚公公請食飯!
Night ~ 同埋公公媽媽去左屋企附近的印度餐廳食咖哩, 都幾特別幾好味不過就細碟左啲, 埋單三位共$248. 都ok啦!

呢個weekend都過得好精彩吧! At least 無飯味 hee…

懶人的週記

其實日日都有打blog咖! 不過... 懶 所以... hee... @_@

19 Aug (Sun)

與徐小姐的約會 終於相約左好耐好耐無見的Rachel姐姐出嚟聚聚, 首先我係度代表BBs多謝你份禮物! 要你破費又要你幫手照顧BB們真係唔好意思了! 希望無悶親你啦!

行程表車仔麵 -> Bus -> Taxi -> 太古城 -> 吉之島 -> high tea -> Taxi -> 小肥牛 -> Taxi -> home -> 炒飯 (唔開心+勁無奈 again & again & again) -> sleep

20 Aug (Mon)

放公後同左公公去醫院探公公的婆婆, 婆婆見到我地去探佢都幾開心! 不過之後婆婆一時感觸喊呀! 攪到我都想喊埋一份. Then, 公公陪我番屋企食飯又要趕番工啦!

21 Aug (Tue)

早 ~ 苦悶

午 ~ 超級苦悶 + 頭痛

晚 ~ 公公又夜番啦! 啲生意真係好成咁?

22 Aug (Wed)

早 ~ 苦悶 again

午 ~ 超級苦悶again

好在晏晝公公打比我, 話今日下晝可以放半日假! Yeah! 即刻精神左啲! 好唔容易捱埋嗰半日. 公公做完物理治療接我收工, 真開心! 可惜公公因為隻腳仔痛, 再加上”士啤”電話又壞埋, 仲要連SIM咭入面所有電話號碼都無埋! Too bad! 大家肚仔餓, 第一時間去左個early dinner 先再去shopping.

目標1: Nokia Mobile 行左幾間電器店, 左諗諗右諗諗最終拍板係豐擇澤買左兩部同款同色的手提 heee…

目標2: 紀念日禮物 草草行過幾間舖頭, 不過唔啱無乜心水. 唔緊要啦, 反正仲有時間 ^_^

之後趕番屋企整部新電話 ^0^

23 Aug (Thu)

早 ~ 繼續苦悶

午 ~ 繼續超級苦悶... 真係好辛苦呀! 悶死人啦!下午收到豆豉電話, 說大姨婆唔舒服正趕緊去送佢去醫院! 好彩了解過後情況唔算太嚴重, 不過差啲嚇壞了惡死姨婆啦!

晚 ~ 公公又夜番啦! 真係好忙嗎?

24 Aug (Fri)

Happy Friday! 聽日短週! Yeah! 計劃相約海哲姨姨去行街 shopping! 佢話要 update 下 shopping sense 喎! 第一次聽人咁講咋! 勁攪笑! 咁以後我就用呢個借口可以成人出去街街啦! Ha ha ha... ^0^

影相記

17 Aug
放工後去左搵公公, 不過佢煩緊公司野唔係好開心呀! 所以相約好今晚去接佢收工. ^_^番到屋企食飽飯又係同卓琳玩樂的時間啦! 佢差唔多日日都會問我”囡囡”(即NDS入面養緊嗰隻狗仔) 係邊, 今日帶左番嚟比佢玩. 跟住又玩電腦, 又玩搶粥仔食 (其實呢個係激脹法引佢快啲食野吧!) 之後豬媽想去超市 (佢真係好鍾意去咖, 一入去可以成個鐘先走嗰隻) 咁就帶埋卓琳豬一齊行啦!
落到街同卓琳豬講…
黑面: 不如去影相呀? 好唔好呀?
瀨尿: 唔好!
黑面: 我地都好耐無去影啦! 你兩歲之後都未影過, 不如去影相呀? 好唔好呀?
瀨尿: 唔好!
豆豉: 算啦!
黑面失望地行到影相舖門口, 見到好多用BB相整成的得意啤牌, 月曆, 相架etc…
黑面: 嘩! 好得意喎!
豆豉: 係喎! 好得意喎!
黑面: 不如入去影相呀? 好唔好呀?
瀨尿: 好呀!
真係估唔到大家講兩句佢就肯去影啦! 可能佢今日心情唔錯吧!入到去影相, 同以往一樣要warm up一下, 不停引佢做出不同表情, 笑笑呀! 花花呢? V呀! 好緊張係點做咖? Give me five 呀! 其實唔係次次都咁成功咖! 之前我地都有過一次失敗紀錄. 入到去坐係度對住部相機大喊點都唔肯影呢! 今次真好彩!影完相, 行完超市番屋企途中撞見CHPF. 見你地好似無咩事就好了! Finally, 自己一個出去接公公收工. 又因為某某生日, 佢地買左啲野食係公司一齊食又玩下麻雀, 最終玩到成點鐘先走…

18 Aug
放左公又去左公公的公司等佢收工一齊去整牙! 公公心情不知幾緊張呀! 因為佢好耐好耐無洗牙, 再加上有牙蛀左可能要拔, 見到佢個驚驚樣都幾搵笑! 好彩最後大家都唔洗拔呀! (佢終於鬆 了口氣了) 之後係TST行下又high tea又行街街. 但大家都無咩收穫呀! 只買到禮物仔比豬媽only! Then... MTR -> CWB -> dinner -> Sogo -> van -> home -> play with BBs -> blog ... tired -0-...zzzZZZ

其待着明天一家大細與徐小姐的約會!

T8 卓琳豬生日 Party

10 Aug
早 ~ 和同事們又議論紛紛講颱風, 真係估佢唔到會吹番轉頭.
午 ~ 12:45 收到媽媽的電話, 現在掛T3. 食完個晏二話不說, T8就嚟啦! 拿拿臨收工走人, 可惜好唔好彩比人捉住左, 攪到成三點先走得. 之後去接埋公公番屋企換衫, 再去田灣參加卓琳豬的生日Party. 因為打緊風無車, 唯有的士來的士去啦!

11 Aug
早 ~ 同公公食左早餐後回家har下 -> 同兩隻豬沖涼 -> online -> 卓琳豬仲同好耐無見的海哲姨姨上網傾計潻! 到換衫出去party 時, 卓琳豬竟然唔肯着之前Honey 舅母買比佢開生日會嗰條靚靚裙仔呀! 不過好彩幾經辛苦終於都半推半就着左.
午 ~ 去左奴叔叔開卓琳豬兩歲生日Party. 遊戲同上年差不多, 不過大家玩得都好開心, 卓琳豬仲收左好多禮物呀! 真開心! 我係度代卓琳豬多謝各位! 多謝你們參加我的生日party, 多謝你們的禮物! 多謝!
晚 ~ 一家人同埋CHPF出去食晚飯, 之後帶埋壽星女去左唱K. 不過有啲唔係好開心的事發生 (唔想再多講), 將睡著了的卓琳豬都嚇醒大哭了! 我都差啲被嚇傻了. 希望你地真係無事啦! 擔心但又唔知點開口…

12 Aug
午 ~ 同公公, 卓琳豬 & 豬媽去食午飯! 卓琳豬同往日一樣, 並無被尋晚的事嚇襯!　佢真係見慣大場面啦!　之後去左屋企附近夾公仔 Yeah! 公公夾到一個呀! 跟住一齊上街市買餸. 我地買左兩隻大蟹蟹食, 番到屋企仲同卓琳豬將隻未煮熟的蟹蟹玩呢! 她真係可愛無比!

之後就辛辛苦苦的捱過了好幾天… 13 Aug…14 Aug…15 Aug…

16 Aug
早 ~ 我照樣呆呆板板的番工, 而公公今日放假所以仲係屋企瞓緊
晚 ~ 放工後番左屋企飲湯湯同換衫再出席公公媽媽生日晚餐, 一家人去食韓國燒烤. 但公公臨時被人急call要番工幫手, 所以陪佢番左公司一陣之後先 join birthday dinner!

17 Aug
同自己講 ”頂住呀! 星期五啦!” 開心 weekend 嚟緊啦! 仲 plan定明天同公公一齊去整牙, 行街食飯, 後日約左Rachel姐姐見卓琳豬, 仲順便收禮物... happy weekend 快啲嚟啦!

Happy Birthday 卓琳豬!

颱風可時再來?

隨住時間的流逝, 心情一日一日的回復. Thank God!

6 Aug ~ 晚

約左行完BB展的豆豉我媽咪, 懶尿卓琳同埋大蛇爸爸去左CWB食晚飯. 飯後去左接貓尾丈丈收工.

7 Aug

早+午 ~ 呢幾日係公司做嗰個Compare List 做到頭都大埋, 無心機! >_<

晚 ~ 約左B豬一家去公公屋企食宵夜 ~ 打邊爐. 可能懶尿卓琳豬個肚仔有啲唔舒服啦! 佢竟然肚痾, 仲係貓尾丈丈張床到爆片潻呀! 攪到丈丈張床都有啲黃金呀! ~_~ 今鋪仲可以幫懶尿卓琳改多個名叫懶屎卓琳啦!

8 Aug (T1 颱風訊號)

早+午 ~ 終於比我攪掂左個 Compare List 啦! 改左一兩次head head 終於都收貨啦! 真係可喜可賀啦!

午 ~ 同事們議論紛紛...如果明天掛八號颱風就好了...

晚 ~ B豬一家去左非洲可儀屋企整曲奇士餅, 但出去無耐就收到佢電話講話佢地炒緊飯... ... over over! 你地無咩事呀嘛?

9 Aug (T3 颱風訊號)

早 ~ 起身第一時間開電視睇. 吓? 掛三號咋? wowooo... 因為遲左小小起身, 所以唯有趕頭趕命去梳洗番工. 之後去左下一個巴士站搭車, 好彩見到熙熙父. 佢排係好前, 我又可以打尖啦!

午 ~ 三號都落埋啦! 無望啦! ..::::(>_<):::::..

八月

2 Aug (Thu)

公公唔舒服放假係屋企休息, 之後知道非洲可儀考牌成功約左一齊食晚飯! 收工後同左公公去左玩一陣遊戲, 然後買埋個成功考牌蛋糕去食飯賀一賀!

3 Aug (Fri) ~失控記~

下晝時還是好好的, 真的好可怕! 為何每到晚上總是會變成這樣…真是把我嚇怕了, 這樣的失控完全令我不知所措, 對唔住! 或許真是不應該叫幫手, 但總算沒有做到最錯. At least 忍住沒有打三條九.

4 Aug (Sat)

冷靜過後一切好像回復正常, 不過我好肯定我心中又多了一條刺…

5 Aug (Sun)

一早起身瞓唔番, 可能大家都緊張唔知醒啦! 因為好耐試過咁早 (中午十二點)去睇戲了, 所以一早起身相約爸媽一齊去飲茶, 之後就拍住拖去偷情勝地數碼港睇 “五星級之鼠”. 哈哈, 真係咁啱比我地見到睇完早場的惡死姨婆同姨公潻!套戲好好睇幾好笑, D動畫好靚好正! 過後去左香港仔食晏再番屋企har左一陣就去父仔的Birthday Dinner. Party上, 大家玩得好開心又唱飲. 之後我的失禮真係不想多提啦! 攪到大家都好掃興… 真係不過意不去… 今天我們剛剛先解決了問題, 今晚自己又好似攪出另一個問題… 一波未平一波又起… 天呀!!

6 Aug (Mon)

(心中刺 + Monday mood + 天暗暗 + 灰沉沉) x 一波未平一波又起 = 心情差到極點

9:00am 窗外下着雨, 公司內一片寧靜, 一片哀怨的感覺...

今天眼張不開, 不願抬起頭來, 不想同任何人有眼神接觸, 不想說話, 只想低下頭來默默幹... 可惜事與願為 down.... ... .. .

我家的人物介紹

嫦娥公公

烏龜婆婆

豆豉我媽咪

大蛇爸爸

瀨尿卓琳

摟計卓姸

黑面姨媽

貓尾丈丈

非洲可儀

雲吞Cherry

魚腩伯伯

就快兩歲的可愛卓琳豬

就嚟兩歲的卓琳豬唔摟計時真係好可愛的! 唔知係幾時開始佢鍾意玩電話, 又唔知邊個教按電話制攪到佢識得按 one touch 按鈕可以成日打比我.
瀨尿: 喂喂! 邊個嚟咖?
黑面: 你叫咩名呀?
瀨尿: 卓琳呀!
黑面: 叫聲我先啦!
瀨尿: 姨媽媽! 丈丈呢?
黑面: 成日只係掛住丈丈, 丈丈番緊工呀!
瀨尿: 緊工呀!
黑面: 烏龜係唔係度呀?
瀨尿: 係度
黑面: 豆豉…
瀨尿: 豆豉我媽咪
豆豉: 卓琳你同邊個講野呀? 你又自己打左電話比姨媽媽呀!
黑面: -_- (勁無奈)

本人現有意將個 one touch按鈕更改其他電話號碼, 如有興趣想卓琳豬無時無刻都可以打比你, 請向本人作出申請! ^0^