換季

28 Nov (Fri)
原本的大閘蟹宴, 因為豆豉我媽咪話買唔到的關係, 所以改左為食羊腩煲打邊爐! 收左工趕返屋企食飽飯後, 同豆豉我媽咪趕去街市同超市買材料預備. 等埋公公收工後出發去公公屋企食, 可惜卓琳豬已被周公急call瞓左, 所以只有卓妍豬+豆豉&大蛇參加! 之後仲有玲玲家姐同Paul婆的加入, 大家今晚又要抱住個肚瞓啦! ^_^~~月巴~~

29 Nov (Sat)
原本同公公一齊食早餐的, 但因為有人請假佢要趕返工而取消左. 我再瞓多陣梳洗完就陪左烏龜婆婆同 "啲打姐姐"去哥哥度剪頭髮, 之後等放半日假的公公返嚟係三點幾同埋豆豉+卓琳豬食我的三合一的早午下午茶餐. 原本諗住同公公去釣魚, 不過又想將啲衫換季所以最終取消左釣魚, 改為返屋企換季順便執吓間房, 攪一攪又幾個鐘啦! 真係大 project嚟咖! 係屋企食飽返後, 去左沁姐屋企探吓 Twins BB, 好細粒可愛呢! 跟住同公公去左食糖水之後回家收拾埋間房的小小殘局, 之後就自由活動... online 打 blog ... ^_^