三人行

12 Feb (Thu)
放工返屋企食飽飯後就出發! 打算帶兩隻豬仔去接豆豉我媽咪收工, 由出發至去到目的地我都無同兩隻豬仔講去邊比啲驚喜佢地. 好似, 真係好似第一次一個人帶住兩隻豬仔出街去咁遠! 不過其實兩隻豬仔都買我怕, 所以我都控制得住. 係全個車程都好聽話, 當去到豆豉媽咪舖頭外, 當兩隻豬仔見到豆豉媽咪時, 當豆豉媽咪見到兩隻豬仔時... 佢地都不知幾開心! 仲好似幾日不見咁, 尤其係卓琳豬, 呢幾日佢口邊就成日講住好掛住媽咪, 成日就話要打比媽咪. 真係服左佢! 不過有個咁樣的女都幾窩心的!!