一個飲宴 N次炒飯

25 Apr (Fri)

放左工好唔開心, 一個人去左細街市行下順便買左套一家大細T-shirt氹下豆豉我媽咪開心. 番到屋企見到兩隻豬開心番晒, 佢地實在太可愛了. 卓琳豬今晚仲要求我幫佢洗白白豬! 嘩, 真係好耐無啦! 卓琳豬真係大個左好多重左好多啦, 相比細細個就真係易如反掌! 之後自己一個人冷靜完就瞓先.

問題: 一碗豉油撈麵是否足夠冰釋前嫌?

答案: 差不多了!

26 Apr (Sat)

放左工一個人去左灣仔周圍行吓, 之後番左去搵豆豉度等埋着晒成副老西的老公怪獸去左食街市食野. 衣著同四周環境真係格格不入, 成隻怪獸咁! 食完拿拿臨臨走人番屋企做懶豬. 真係大懶豬, 一瞓就瞓到六點幾七點先願起身, 之後去搵豆豉再一齊回家har左陣, 先再出去join公公去參加個鬧左N咁多次交的飲宴. 8:50pm到達, 都未算遲呀, 新人仲企係門口等緊進場. 之後仲有註冊儀式, 啲人已開始枯燥. 總之整晚都好嘈, 啲氣氛又唔太好, 又有人飲醉又亂. 算啦, 參與過就算了! 飲完落到樓下哥哥又同老公,表哥,表嫂,攪左一大輪先番屋企! 我同表嫂都極之無奈 -_-

27 Apr (Sun)

瞓到成點先起身, 之後又話取消左今晚為亞姨慶祝的farewell seafood dinner. (比人坤左潻!) 之後同公公整下屋企, 加左塊層板, 攪呢攪囉攪到成兩點半先食出去早午餐! 之後回娘家har har 再同老公去超市入下貨(薯片+杯麵)就返家打我最討厭的邊爐! 食飽之後大家都想食榴槤, 之後去左超市買. 不過好可惜唔熟未食得. 唯有等多日先啦! 多謝CHPF為我們係台灣選購的手信, we lovin it!

又一week

18 Apr (Fri)

收左工係CWB join 左Jo之後就去左Sogo樓下間café食飯, 都幾好味! 好開心同你食左一頓豐富晚餐+收到份我的最愛貓貓禮物! ^_^之後周圍行左一陣就各自各走, 我去左接公公收工!

19 Apr (Sat) Short Week

哈哈, 又到weekend啦! 真開心, 一早同公公去快活食早餐.

晏晝公公又番嚟一齊去high tea食他的最愛牛肉通粉. 卓琳同大蛇係屋企做覺覺豬所以我同姐姐帶細細個一齊出去join公公做落湯雞. 因為實在太大雨啦, 去到大家都濕晒啦!

整日都落住雨, 不過都無改我地原先plan好的聚會. 等埋豆豉我媽咪放工就一家大細出發去CWB join CHPF & 靚表嫂一家去打邊爐慶祝! 今次聚會目的係補祝靚表嫂同埋我的生日再加埋預祝CH生日. 一次過慶祝三個人生日. ^0^ 好開心公公可以趕得切出席! 食飽之後我同公公坐左PF手車回家, 有驚無險.

20 Apr (Sun)

一早約左娘家去新酒樓飲茶, 之後番屋企洗吓衫做吓懶蟲. 瞓到成四點幾先出發同公公去CWB行吓玩吓. 之後join埋Paul 婆同Rita姨去食放題again, 食到好飽好飽之後再同公公行左一陣買左相簿&層板就回家了.

21 Apr (Mon)

星期一... ... 一星期裡過得最慢~~~長~~~的一天

22 Apr (Tue) 攞相記

啲相終於有得攞啦! 公公知道我自己一個人去攞的話一定又再一次失落, 所以今日下午請左假陪我一齊去. (甜在心頭, 多謝您!) 啲相總括嚟講都幾好, 不過硬係覺得自己化左妝 (仲要係超濃妝嗰種) 好唔順眼好怪相! 遲吓約晒大家出嚟一齊慢慢欣賞.之後同公公去左TST行左一陣, 攞埋張換領生日禮取劵去PH屋企領取禮物. 多謝CHPF&靚表嫂一家 !

23 Apr (Wed)

~ CHPF 去台灣玩呀! 真開心, 等我同公公又plan吓去邊度honeymoon先!

~ 細細個今日發高燒唔退, 豆豉我媽咪唯有同佢上去醫院睇醫生啦! 好彩唔洗留院 (如果唔係大家都辛苦), 番到屋企食左藥之後終於退燒啦! 希望細細個身體健康, 快高長大, 活潑可愛, 聰明伶俐啦!

~ 每月一痛又嚟啦! 真係痛到想死...

24 Apr (Thu)

第二次飯局, 感覺良好!

25 Apr (Fri)

呢個世界無公平可言, 所以炒飯係難免的啦! 喺... 算啦 -_- 好灰...

送走傻瓜...

15 Apr (Tue)

今日送走傻瓜姐姐啦! 今日佢煮過晚飯, 同BB沖涼, 洗埋衫終於要出發去agent 交收啦!等埋豆豉我媽咪同PF一齊打的出發. 去到終於見到個新姐姐, 攪好啲手續可以走. 不過由於傻瓜姐姐已經唔蠢, 佢唔想留係agent office 過夜. 所以最終都跟埋我地回家瞓多一晚, 哈哈! 之後非洲可儀請食飯歡送傻瓜, 大家隨便坐! 好飽好好味, 多謝晒!回到家見兩隻豬仔都肯跟新姐姐, 都無咁擔心! Thank God!

16 Apr (Wed) 一個月

傻瓜今早走左啦, 自己照顧自己啦! 新姐姐正式上任, 希望佢會比心機做好呢份工啦!話咁快就過左一個月啦! 真係光陰似箭日月如梭…

今日head head 終於公佈左個壞消息啦! 其實大家一早收晒風咖啦! 不過今日由佢把口親自確定吧, 仲要同我地講要幫sales dept. 做埋野workload 多左, 真係"加辛"啦! 所以公司遲職潮一早已開始左,大大話話今年年頭至今日都已經有成廿個人走啦! 個百分比係20% 都唔細呢! 公司開始唔係好掂啦!

今日公公請左半日假, 約左公公爸爸出嚟食晚飯. 仲未夠鐘食飯去左上環行下, 竟然咁啱比我地撞威威喎! 原本佢今日同呀Jo去辦手續… 之後晚餐去酒樓食飯, so far 氣氛唔錯呀!

17 Apr (Thu)

難以置信, 尋日head head 先講完話要幫sales dept. 做野. 今日竟然收到sales dept. manager 的E貓話唔洗幫手喎! 乜一時一樣咖, 不過咁樣仲好! 哈哈!

18 Apr (Fri)

終於星期五啦! 望左好幾日終於等到啦! 今晚約左Jo出嚟食飯, 唔知佢帶我去邊度食呢?

傻瓜姐姐

精彩weekend

12 Apr (Sat)

放左工一個人去灣仔行吓順便買左幾件衫比公公, 真係希望你鍾意! Lunch + Tea Time @ 三上. 今晚相約左Rachel 姐姐去識朋友仔 (順便同我慶祝埋 <- 不過呢個唔係主要目的, 真係咁啱咁順便吧!) 所以晚餐邀請左佢嚟食巴閉飯, 之後等埋豆豉我媽咪一齊出發. 大家都玩得好開心又唱飲好鬼high, 不過最攪笑係M仔小姐開花灑 (真係可其壯觀), 仲比兩隻小鬼玩佢串佢. 好彩壯觀時刻大家都避得切! 一玩玩到成四點幾先走, 盡慶! 多謝亞宇, 你真有我心! 大家小左見面, 但每年一定收到你的生日禮物, 多謝!

13 Apr (Sun)

同老公瞓到日上三竿先起身, 之後食左亞姨整的雲吞麵就開始換季project! 攪到一半又想食野, 唯有今晚再繼續啦! 之後去左食公公最愛牛肉通 (可惜通粉賣晒, 食米粉啦!) 之後去左買餸回娘家煮飯. 食飽飽就整裝待發同埋貪婪一家出去join埋傻瓜姐姐去打羽毛球. 好耐無打啦, 打左一陣出一身汗好健康吧! hee… 之後去左食翁記再行路番屋企. 番到去仲未可以休息, 仲要攪埋換季project沖埋涼先有得瞓. 一路整一路睇電視 "旺角黑夜", 一睇又想追(因為之前未睇過) 加上又唔眼瞓(可能因為今日瞓到日上三竿先起身的關係吧), 終於等到做完成三點幾先願瞓. ...zzzZZZ

14 Apr (Mon)

唔夠瞓後遺症 ~ 頭痛 + 想嘔. 好辛苦先捱完個上晝拿拿臨食左個晏仔瞓覺. 好彩瞓醒之後好左啲. 好唔容易先捱埋下半晝. 星期一真難捱...

15 Apr (Tue) 傻瓜Last Day

今日係傻瓜姐姐的last day呀! 大家相處左兩年, 共度左好多日子... 由開始媽媽入院出院, 睇住卓琳豬大, 睇住卓妍豬出世, 大家一齊玩一齊食一齊去行街, 去海洋公園, 番新會旅行... 真係有啲唔捨得. 不過之後佢都會留係香港做野, 大家仲可以有見面的機會. 但願新的一個姐姐比佢更好, 聽烏龜婆婆話又錫兩隻豬仔啦! 希望兩隻豬仔可以好快適應到啦! (真係有啲擔心...)

hAppy birthdAy

10 Apr (Thu) hAppy birthdAy to me

今日生日大晒! 之前已經相約左兩位好同事lunch 去老公度食野慶祝. 之前同公公講定大家食咩叫咩所以去到唔洗等! 之後好多好多surprise!

第一個surprise: 之前同老公講我想坐window side 佢又話唔得. 去到知道佢預留左張檯比我地! 超開心 ^_^

第二個surprise: 多謝各位Thomas, Angel, Dream & Penny 好熱情欣勤招待! 加上Ono San 送上一束花花! 超開心 ^0^

第三個surprise: 食飽飽後, 都估到老公有估惑. 成班人推住個蛋糕出嚟又拍手又唱生日歌!　好開心, 不過成間餐廳啲人望住晒, 勁尷尬! ~_~

第四個surprise: 唱完歌切完蛋糕之際, 原來蛋糕下面有份大禮物! 嘩! 真係好surprise呀! “咕肚池”手袋! 多謝老公! 愛死你!! (晒命中...) 下晝請左半日假, 所以送左兩位好同事走之後, 等埋公公打的番Wendy’s 再去QM覆診. 之後再去Wendy’s買左件衫再回家稍息一陣就同公公出去食二人世界晚餐 ~ 日本放題 (多謝CHPF 上次之好介紹, 我帶左公公去左松屋呀!) 可惜我因為肚仔唔舒服的關係, 唔係食左好多. 不過老公已幫我食埋又飲埋我嗰份, 抵番晒! 之後就去左無印買相簿又去左買件衫仔後回家同烏龜婆婆切蛋糕慶祝我地兩個生日! 多謝Daddy, Mami 同魚腩伯伯的利是!

11 Apr (Fri) 觀音開庫

今日烏龜婆婆新曆牛一, 大家惜逢觀音開庫一齊去食宵夜!

大Project 終極完結篇

大project 終於係各位出錢又出力辛辛苦苦努力幫忙之下完成左啦! 多謝各位比左一個好美好好開心的回憶比我! 好耐無update個blog, 等我回憶下先…

17 Mar (Mon)
今日當然係瞓到黃朝八明晏啦! 之後就只有一樣工作… 數錢…不停拆拆拆, 數數數…攪到銀行關門都未攪掂…

18 Mar (Tue) 小小honeymoon
一早去左銀行攪野先, 之後趕車搭船去Macau. 好彩趕到! 去到澳門酒店check in 之後真係頂唔住, 小睡左一陣先出發去玩. 晚餐去左食星際buffet, 好正呀!

19 Mar (Wed) 不速之客
今日加多左個不速之客一齊, 唔緊要啦! 最緊要我地兩個開心係埋一齊! 不過咁啱親戚到攪到好肚痛好無mood. (係呢度要多謝jo先, 如果嗰日係房度唔係你叮囑我食埋嗰次, 可能親戚尋日就嚟左攪到兩日旅程都好無mood啦! hee…)

20 Mar (Thu) 負離子
終於攪掂晒個大 Project, 終於可以將公仔麵變意粉啦! 去左CHPF 嗰間, 真係唔錯又唔貴 (可能係因為話左係你地介紹嚟的關係啦!) 真係正! 超滿意! 值得推介之選!! 多謝晒你地~CHPH!!

21-24 Mar 新會之旅
成家人一齊上玩, 其實主要都係飲飲食食順便請親戚們食飯慶祝我嫁得出. 哈哈! 整個旅程好順利, BB們無病無痛! 只係得傻瓜姐姐一個係第二三日水土不服嘔吧! 今日旅程收穫最多嗰個係豆豉我媽咪係又買唔係又買, 去到最尾嗰日啲子彈都用盡晒啦! 勁!! 每日都不停食不停食, 姑姐整嗰啲四杯雞又好味, 晚晚又宵夜. 整個旅程都好完滿好滿足!

25-26 Mar
假期後工作一羅羅, 番到公司默默做 -_-

27 Mar (Thu)
收左工約埋Jo去左比手信呀豬, 之後去左TST 卸甲再去食千兩. 今日感到無限的失落感, 連手上的靚靚指甲都捨我而去了. 好似所有美好的回憶已切切底底地完結了. 眼淚不禁連串地灑下…原來今日係烏龜婆婆舊曆牛一, 但因為買唔切蛋糕的關係… 好彩有老公可以臨急為我地預備左一個. 之後仲趕得到番屋企同烏龜婆婆唱生日歌潻!

28 Mar (Fri)
終於將放假積下來的工作清晒啦! 今日有老公接收工, 一切回覆正常?

29 Mar (Sat)
放左工去左晒Macau & 新會之旅啲相 (大project啲相要遲吓先有呀!), 之後同左老公食三上再番家午睡 -> 老公番工 -> 返娘家食飯 -> 等老公收工回家

30 Mar (Sun) 我的最愛
係好耐之前… (唔…都好似係結婚前啦) 老公知我想睇 ”我的最愛”, 佢見仲未落畫所以買左早場票. 一個影院, 一場戲, 得六個人… 大家靜心欣賞… 正! 之後陪左老公睇醫生再回家午睡, 晚餐回娘家食飯同埋睇下細細個 (尋晚細細個發燒呀! 不過今日睇左醫生好啲啦!) 飽飽後同左豆豉我媽咪同卓琳豬去左CWB玩遊戲同行街街買零食.

31 Mar (Mon)
今日'亞妹'同事放假, 臨收工前一個鐘先收到新的medical card, 自己一個人趕頭趕命拚命係一個鐘內派晒佢. 整埋啲手尾攪到成六點幾先走人. 放工回娘家, 今日公公早收左小小, 可以join埋呀哥家姐一齊係家打邊爐吹吓水.

四月份blog努力中, 請大家耐心等待...