影后篇

23 May (Fri)
今日去接公公收工, 知道佢想食 pizza 特登買左個 surprise pizza去佢公司. 不過公公只可以食到一件, 唔係好夠喉潻!

24 May (Sat) 荃灣遊
番左半日工之後又去左公公公司等埋佢收工, 之後去左荃灣行街街. 真係大鄉厘出城一路行一路問人邊度係邊, 點去... ... -_- 今日行程係行左各大小商場, 去左各大冒險, 之後去左食韓燒, 食飽行左一陣買左對CROSS就番屋企啦! 番去之前仲買左兩個龜苓膏同公公一人拍一個, 好熱氣呀!!

25 May (Sun) 長州遊
講左成個星期啦, 終於可以起行啦! 一早同公公 & Paul 婆去左街市食個早餐之後, 回娘家接埋一家大細就開始今日的長州之旅! 買左啲野食上船食, 去到首先就圍行吓, 買吓野食之後去左沙灘同BB們玩沙. 起初兩隻豬都有啲驚, 不過卓琳豬的表現好啲, 好快就肯係沙上面行. 玩到差唔多六點鐘, 一齊去食海鮮啦! 不過卓琳豬因為瞓左覺覺豬miss左呢餐, 我地食飽再行多一陣又買野上船食就回家了! 開心的一天!

26 May (Mon)
一早唔願起身, 仲同公公講緊好唔好賴皮時收到個SMS. 呀妹同事唔舒服請假, 唯有硬住頭皮番工啦! 今日又有新人番工, 其實差唔多個個星期都有新人番工咖啦! 唉... 真係係攞你命三千! 不過今日都算無驚無險好快過左!

27 May (Tue) Sales Coordinator
都唔知Head Head 攪乜鬼, 不停接左啲Sales 工作嚟比我地做. 之前就係入單, 今次仲要幫啲Sales影啲板. 係唔難, 不過真係需要啲時間去做! 影后嚟啦!

28 May (Wed) 影后
繼續同呀妹同事分工合作去做影后, 不過眼見茵姐被重重的 Sales 單包圍, 所以成朝幫佢去影印清左佢. 朝早做完影印后, 晏晝繼續做影相后! 今日公公請左假休息, 接左我收工之後去左CWB食我的最愛 sushi, 食飽又無乜野買所以行左一陣就番屋企啦! 今晚終於同公公 "的" 起心肝攪埋啲project相, 大家應該好快可以有相攞!

29 May (Thu) Shooting Day
繼續影, 不停影, 密密影, 無停手...

30 May (Fri)
呀妹同事說:[終於望到故鄉啦!] 因為我地終於影到七七八八啦, 食埋個晏快手快腳應該可以今日內完工啦! 終於都做完影后, 不過唔知Head Head仲會唔會接啲sales job 嚟做呢? 洗唔洗提吓佢其實我地係Personnel & Admin. Dept. 呢? 不過... 又或者佢都係為世所迫無得選擇吧! 算啦! 煮到埋嚟就硬食啦! 你估我地可以 said No 嗎?

希望個個都身體健康!

21 May (Wed) 平淡補償日

公公接收工, 之後去左書店幫Paul婆搵資料, 再行左一陣就要番去食飯啦! 落車時順便去探一探豆豉我媽咪屈左公公買條短褲仔比我! 之後就番屋企食飯, 食飽睇左一陣間電視就瞓着左. 今晚哥哥朋友上嚟睇波, 半夜比佢地嘈醒左好彩好快可以瞓得番.

22 May (Thu)

悶死左係公司... 放工後原本要頂豆豉我媽咪, 因為佢要陪大姨婆去醫院探表姐, 但後來取消左. 不過都等埋豆豉我媽咪收工先一齊番去食飯.

23 May (Fri)

星期五, 我等左你好多日啦! 今日終於比我等到你啦!

上午收到豆豉我媽咪電話, 細細個唔舒服睇左私家醫生! 不過建議去醫院check吓, oh! 希望細細個無事, 身體健康啦! worry...

灰爆豬頭

16 May (Fri)
收到公公個壞消息心情即時跌落谷底. -_-
深夜, 真係頂唔順. 唯有向你失控開火... 你死硬啦!>_< x^#y$%^&*

17 May (Sat) 豬頭
從未如此豬頭, 真係唔想出街勁樣衰! 唯有帶帽帶眼鏡去同公公近近地食個珠記早餐! 真係又貴又唔低食, 真係貪佢近吧!之後去左買吹波波比卓琳豬後, 拿拿臨返屋企閉關online.
卓琳豬今日同大蛇&姐姐去BBQ+沙灘玩水. 而我就留係屋企同細細個相依為命, 一齊同 Jo online玩game. 再等公公送上炒麵+愛心刺身, 之後仲煮埋通粉比細細個一齊食. 烏龜婆婆打嚟求救要去接佢收工, 唯有抱埋細個去啦! 之後食飯, 同細個玩, 同佢沖涼, 氹佢瞓覺... 又收埋豆豉我媽咪來電求救要幫手, 唯有又落去幫手. 不過原來表姐唔舒服等緊豆豉我媽咪陪佢去醫院, 我又有時間咪同佢上去醫院先囉! 嘩! 真係第一次去醫院急症室咁快可以見到醫生, 可能表姐的情況都算嚴重. 不過經醫生見意下佢仍然拒絕入院! 唯有食藥再睇下情況點先再算! 難為了大姨婆擔心嘈左表姐兩句跟住佢地又喊而我...只好做和事路勸佢地停止呢場小風波啦! 真係家家有本難念的經!
then 同公公去左可可度宵夜!

18 May (Sun)
因為公公要番工又唔想瞓到太晏, 所以一早起約埋豆豉我媽咪同卓琳豬去左三上食野, 之後接埋細細個同姐姐去左冒險玩左一陣公公就番工啦!我地之後去左葵芳的葵涌廣場行街, CHPF 同大蛇都join埋一齊行. 之後去左 "潮樓" 食飯! 不錯的潮州菜!

19 May (Mon) 意料之外
仲以為今日有手信收, 仲以為可以做番自己野, 仲以為可以唔洗再頂茵姐, 可以唔洗再受埋無謂臭八婆氣, 點知... 今日又有新人番工, 茵姐又要請多一日假! Oh no! 繼續硬住頭皮去做啦! 加油加油!!

20 May (Tue)
茵姐終於番嚟啦! 買左塊貓貓鏡比我, 多謝晒! 終於可以返回自己崗位啦! 鬆一口氣!今日又有人走, 走埋呢個暫時都未收到其他通知啦, 希望停一停啦! 出出入入不要永無休止! 累~~
今日老公接收工, 仲有外賣驚喜! 可以帶番去同豆豉我媽咪一齊品嚐好好味的紅豆布丁烤奶茶同手卷, 好好味! 多謝妳!!

21 May (Wed) 補償日
期待着收工一刻的來臨...

Backup茵姐~ing

14 May (Wed)
因為又要作篇通告, 攪到成六點先收工. 今日有人愚孝唔好打攪佢啦!貪婪一家回香港仔, 食飽飯同公公炒埋個飯各散東西, 佢有佢去食屎, 我有我瞓死左! 今日傻瓜姐姐番左嚟買左野送比BB! Thanks!

15 May (Thu) 孤身作戰
今日一個人孤身作戰! "茵姐同事" 仲放緊大假去左日本! "呀妹同事" 有要事請左日事假, 得番我一個人, 好可憐呀! 一個人對住黑面神, 好彩今日佢心情唔錯!
好surprise好開心今日見 "茵姐同事", 佢真係去到日本都online 喎! 可惜我啱啱行開左, 不過佢係msn留言比我, 仲話係日本迪迪尼買左手信比我潻, 期待着...
今日真係好忙好充實, 又有新同事番工, 一個人要做三個人的工作! 好大壓力, 不過總算有驚無險! 因為今日超忙所以時間好似過得快好多, 希望聽日 "呀妹同事" 可以番工. 我頂唔到幾耐吧!
我早幾日攞左陪電腦比 "Tom仔同事" 幫我整, 今日佢幫我整好啦! 太好了, 辛苦公公幫我抬嚟抬去啦! Thanks!! "Tom仔同事"!! ^_^
冷戰中... 不過為左陪電腦, 我護送左我陪電腦去佢公司先!
今日傻瓜姐姐番左嚟食飯, 好熱鬧!!

16 May (Fri)
終於星期五啦! 捱埋今日下星期 "茵姐同事" 就番嚟啦! 太好了!
繼續憎死講大話的大話精!! 黑人憎!! 賤格!!

五月中

10 May (Sat)

今日收左工因為要照顧BB, 所以番左去揾豆豉我媽咪先再等公公番嚟陪我地食野! 不過太肚餓啦, 所以去左七仔叮左啲野食食住先. 之後等埋公公去食市政食野, 食完野帶埋細細個去公公屋企洗衫午睡, 姐姐就去接烏龜婆婆收工. 不過可能環境太陌生啦, 每次一放下睡著了的細細個在床上都會大喊! 唯有辛苦公公無得瞓同埋掛晒成機衫啦! 低錫!

夜晚同豆豉我媽咪&細細個去送母親節花花比各位好媽媽! 有魚腩伯伯, 靚姨婆, 大姨婆, 靚舅母, 惡死姨婆同CHPF.

11 May (Sun) 母親節

母親節快樂! 可惜今日公公要番工, 原本諗住一齊食個早餐先, 不過又唔知醒... 所以最終公公番工, 而我就自己一個... 出門前Paul 婆剛起身, 所以將一早預比好的禮物親手送埋比佢先! 之後一個人買左個飯盒番娘家食, 等豆豉我媽咪同兩隻豬飲完茶一齊開禮物! 我代BB做左張母親節咭, 一封大利是再加上一大堆打孔機紙碎! 精彩啦! 三大兩細盡情地將紙碎滿天飛, 你整惑我,我整惑你! 大家由頭落腳, 衫內衫外周身紙碎, 樂而忘返! 最後, 哈哈! 更係由姐姐收拾呢個殘局啦! 唔該晒!

之後就係娛慶節目~麻雀時間啦! 我同豆豉+大蛇+嫦娥大戰! 嫦娥真係旺到爆, 差不多鋪鋪食, 一家嬴三家! 之後整裝待發一家大大細細去香港仔食飯慶祝母親節, 飯後仲去左冒險行下先番屋企. 番屋企前仲去左買生果比公公, 番到屋企將啲生果包到靚一靚再去接公公收工送比佢! 跟住同埋公公&鋒叔叔去左食宵夜~打冷 yumi

12 May (Mon) 佛誕@遺失事件

今日終於知醒可以係公公番工前一齊食早餐啦! 不過咁啱撞到沁姐同成哥...下晝帶左兩隻豬仔join公公食sushi同去噴水池公園玩! 卓琳豬越玩越顛, 今次姐姐入去同佢玩, 攪到姐姐條褲都濕晒! 好彩早有準備, 玩完同卓琳豬由內到外都換晒衫. 難為姐姐要 "up" 住番屋企.番到去打點好兩仔豬仔, 我就同公公出去旺角行街街之後去左打邊爐. 今日無咩收穫, 只係買左幾筒糖糖同兩對小童筷子比BB吧!

不過... ...番到屋企發現公公唔見左隻介子呀! 太遲啦! 今日去過咁多地方都唔知係邊度唔見, 算啦! 只要大家無事就當破財消災, 只要大家開開心心便可以了!

13 May (Tue) 茵姐同事放假

今日茵姐同事放假, 佢飛左日本吃喝玩樂呀! 妒忌死人啦! 可憐我又要backup佢做佢啲野. 唔緊要, 因為佢話會幫Marie手信比我咖! 期待着...可能太大壓力的關係, 今日隻左眼不停眼眉跳! 好彩總算無問題, 可以準時收工! 只可惜今晚同公公炒飯... :(


14 May (Wed)

直至現在 (中午時分) 都可以順利渡過! 太好了! 其實都無乜望, 但願時間可以快啲過可以快啲收工就可以了! -_-仲有兩日, 加油!!

回憶ing

28 Apr (Mon)

公公生日週Happy Birthday! 今晚同公公一家又再去食放題! Yeah Yeah!!

回憶下上上星期個happy weekend先...

1 May (Thu) 勞動節
哈哈, 放假啦! 同公公plan 好今日帶BB出去噴水池公園 (即香港公園) 玩, 十分難得烏龜婆婆肯一齊去! 今日真係勞動節啦! 我地以烏龜步速行去搭巴士, 去到join埋公公一齊玩水水. 今次我有備而來, 帶埋衫帶埋去換! 玩完時無錯, 卓琳豬已是一隻落湯雞啦! 之後去左大家樂high tea就返屋企啦! 簡單的行程, 不過對烏龜婆婆嚟講真係... 辛苦晒啦!

2 May (Fri) 奧運聖火傳遞
今日head head 放半日去左睇聖火, 又再一次天真以為可以好free啦! 點知仲忙過平時, 不過咁樣時間快過好多!

3 May (Sat)
夜晚約左公公一大班同事食宵夜, 慶祝幾個人生日! 有公公, Part-time Connie, 呀熙同埋鋒鋒! 仲當係同夢夢farewell潻! 真係一舉五得! 我同初級組的夢夢+衡衡, Penny & Pauline一齊打牌, win左百幾蚊! Yeah!

4 May (Sun)
豆豉我媽咪今日番part-time, 今日同公公瞓醒洗埋啲衫先去食晏. 之後就要番屋企照顧卓妍BB, 哈哈! 其實都係同佢一齊瞓覺覺豬吧! 瞓醒一齊去食飯, 食飽去靚舅母到接埋卓琳豬一齊出發去九龍灣接豆豉我媽咪收工! 之後行程係KFC 炸雞 -> 去玩遊戲 -> 御家 壽司 -> 飽住瞓覺

5-8 May (Mon-Thu) 心情欠佳中
Too bad!唔知做咩樹, 呢幾日心情極差! 因為公司太多麻煩野攪? 因為 '茵姐同事' 下星期放假? 因為Head Head 不公平的對待? 太多因素啦! 攪到 '茵姐同事' 都問我點解有啲黑面!

9 May (Fri)
可能係星期五的關係, 心情始終都開心啲! 今日約左茵姐&呀傻同事出去食飯, 食飽仲去左買杯美味飲品 “紅豆布丁烤奶茶”! 真係幾好味咖喎! 推介!!今日約左Jo食飯+睇相+幫公公收禮物! 多謝公公提供美味的一餐! 好好味呀! 多謝!

公公生日週

今晚同公公一家去食放題! ^_^