超低能...勁攪笑

多謝大家的支持同關心, 我老爸今早出左院啦! 不過要再去檢查同睇報告先知咩事. Anyway, Thanks!!

咁開心, 等我比張超低能勁攪笑的相比大家睇. 等大家可以笑下同估下相中人是誰... 哈哈...

老爸...

23 May 老爸入了醫院檢查… 呢個星期就忙住去探他
28 May 抽左d組織去化驗, 雖然爸話佢睇得好開, 但係 … 我真係好擔心佢 … 希望快啲有報告啦!
28 May lunch time ... 咁o岩同同事傾開計講開老爸, 眼淺的我忍唔住喊左出黎 -_- (不過好多謝呢位同事, 因為佢同我講佢會為我去祈禱. 其實我真係好感動!) 可能近排好多事都不如意啦... 老爸啦... 又同公公日日一大鑊炒飯... 面左左... 又擔心B媽, 佢好吃力去照顧整個家...

但願 ... 懂得去珍惜 ...

My 部落第 100 貼!!

十分.愛

19 May星期六… 整日就天黑黑又落雨, 成日放假先黎落雨 -_-不過難得公公可以放孖day假, 真開心! 一早公公陪媽媽去剪髮後接我收工去鋸扒行街街同睇戲. 真係好開心嫁, 因為我地好耐無睇戲啦! 仲要睇我好想睇左好耐的 ”十分.愛” 好彩仲未落畫咋! 估唔到呢出戲都有個喊位喎, 正! 但個結局總係有啲唔完美… 之後我地就去左石塘咀玩遊戲, 哈哈! 好好彩呀, 我中左個彩虹呀! 可以換到隻跳跳虎比卓琳豬潻! ^0^ 之後就番左公公屋企食飯, 飯後再買個surprise 糖水番屋企食潻!
20 May 星期天 … 好啦喎, 成朝就天黑黑仲落雨. 放假落雨真係好鬼down! 不過落雨都要出去行一行嫁啦! 仲要一家大細一行六人, 個個穿住對人字拖去旺角! 勁呢! 問你服唔服!! 影貼紙相, 玩遊戲, 行街, 之後再約埋可儀, Cherry 同立立父去灣仔打邊. 多謝Cherry 豐富的一餐
21 May 假期前夕公司超級悶, 晚飯後B媽知道大姨婆唔舒服所以陪左佢睇醫生. 送左佢番屋企之後我地一行五人去左公公的公司食野, 多謝晒! 鰻魚鵝肝好好味呀!

深宵Party

尋晚收到公公個電話知道攪party, 唯有臨時臨急同B豬&B媽去超市買野預備啦! (不過BB一家無參加呢次party呀!) Party 大約十一點鐘開始, 當然我只會參與頭頭o個part, 食完野之後就梗係第一時間去搵周公子啦. 等公公同佢地慢慢玩...


... ... 後記: 公公, 多謝你咁就我! Thanks!

講不出聲... 正!!!

講不出聲

主唱: 關菊英 作曲: 鄧智偉 填詞: 張美賢

誰人無得到一切的渴求 誰人無攻於心計的理由 平凡人生 天真過後要怎麼走

如何從委曲中再相信人 誰無狂想 不可告人 難忘時光 必須散席 留下我

快樂時 抱著時那是至死不渝朋友 決裂時 你為何以為再拖一會 還有時候

即使多風光都要清醒 有幾多掌聲也是孤清

你只可聽到我大笑 聲哭泣 也未放聲

講不出聲 講不出聲 任由自己 半夜驚醒 我只不過偶爾受了驚 於是 才遺忘本性

誰人能甘心一世一個人如何才得資格可愛人誠惶誠恐 只得我是 明白我

禮物

Thanks! 多謝你份禮物!

補祝BD Party

12 May tea time 靚表嫂一家, P & C, 卓琳豬同豬媽一齊去Pokka Cafe為公公補祝生日. 真係多謝你地咁有心! Thanks!

Job Duty

大家好! 好耐無我的消息啦, 唔洗擔心我無事. 只係太忙同太懶的關係… 所以先無打部落吧!

My job duty … 由五月開始, 係另一個部門調左個女仔嚟做我大部份的濕碎工作, 而我就會再接手做我 Head Head 啲工作… 不過我真係唔知點解, 有千萬個不願意呀! 個心已經唔開心左好多日啦! 可能自己諗野消極, 又驚自己做唔嚟, 好灰呀… 總之就係好擔心啦!
5 May night 去接公公收工, 但因為要預備明天佢同事係公司攪的wedding party, 所以成十一點幾先走. 之後就同鋒鋒, 亞賢, 亞春, 春太再約埋亞宇去左旺角食韓燒… 都幾好味呀! 之後公公的哥哥成晚就追魂call 咁不停吹公公番屋企. 原來佢地買左個蛋糕比公公. 可惜番到去已見到大部份的人都貓左… 最攪笑就係佢醉左九成表弟, 飲醉酒亂講野… 哈哈 ^0^
6 May morning 公公十點幾就番左公司預備今日個wedding party, 十一點幾自己裝身後就去join呢個party真係布啲悶, 因為公公要招呼客人. 而大部份時間我只係餓住個肚呆呆企企, 行嚟行去. 今次係我第一次係註冊處以外見新人行婚禮, 感覺都唔錯. 起碼唔洗啲親朋戚友迫係註冊處個超細禮堂到. 行完禮之後, 終於都開餐的時候啦! 預備左好多食物, 好好味呀! 由其係Ono San整的日本美食呀! 客人食完美食後開始離開餐廳. 今日公公生日, 公公有位客人朋友送左個文華酒店八百幾蚊個蛋糕比佢呀!*_* 之後切蛋糕, 唱生日歌, 娛樂時間. 而一班女仔又係時候換衫裝身啦. 大家各自各精彩. 等到五點半, 一行十數人搭車去酒店了! 之後前前後後同公公炒過幾次飯, 真無癮! 最尾仲不歡而散啦… 唔好再提啦!!
7 May 終於遵守我的承諾, 為公公預備左佢碗麵啦! 仲有鰻魚, 太陽蛋同埋丸丸再加小小蔥花潻...
五月第二週… 忙住教個女仔做野, 忙住月頭個report, 不過下個月會由佢接手啦! 就係因為咁, 我大部份的工作都比晒佢做啦! 跟住個個同事都問我 “乜你唔做啦咩?” 其實連我自己都覺得今日係我last day 咁! 已教晒佢, 新工作又未接手… 可能公司想炒我吧! -_- 不過從同事口中得知, 有幾個同事將會遲職呀! 雖然唔可以講得話好friend, 但好似都有啲可惜. 跟住我的工作就係忙住安排面試, 登廣告…

公公 ~ 生日週

預祝你生日快樂! 生日週大晒!

大家識做啦！$_$