NDS ~ Zoo Keeper

言而無信

咁信心應從可來?

停工 (=.=)

25 Jun 下午約 2:50 閃... 閃閃... 閃閃閃左幾下之後停左電, 最慘係無冷氣呀! 所有上網, 電話系統通通都停頓晒. 之後唯有等... 等等... 再等等 最後由大廈通知直至晚上都唔可能恢復電力供應. 哈哈... 真係打工仔人生一大樂事, 無電真係乜都做唔到. 最後老細金口一開, 可以提早收工. 不過佢下呢個決定時都已經係4:30啦! 同事們紛紛離開, 但係我呢個吃力不討好的職位又點可以話走就走呀! 雖然無Reception 咁慘! (佢要等到正常放工時間5:30先可以收工) 但等o下攪o下最後都係5:15先走得. ~_~ 算啦, 總好過無.

26 Jun 我太高估左呢坐大廈啦! 今早番到黎竟然仲未恢復電力... 成朝就呢度 har 下o個度 har下. 終於係11:15一忙切回復正常, 大家又歸位做野啦!

nEW lOOK

新 look示人!　大家的意見好壞參半！　唔緊要啦，最主要都係想換一換形象同方便紮辮不留痕吧！

識 . . . sick

16 Jun 放工後一個人去左銅鑼灣行, 買禮物比爸爸, 順便等埋公公去High Tea. 跟住番左去公公公司睇佢做甜品. 之後就留定個肚去食表哥表嫂Farewell 自助餐. 需然唔係成日會見到表哥表嫂, 但總會有點不捨得吧!
17 Jun 訓到黃朝八晏, 之後同公公去買車仔麵, 麥當當番屋企同B豬一家慢慢擦. 跟住無乜地方想去, 所以 … 又訓過 ^0^ 充實吧! 晚上一家人一齊去扒皇同老爸慶祝父親節.
18 Jun 尋晚o係極大工作壓力下訓得唔好! -_-…zzzZZZ (因為今日兩個部門同事一齊放假, 加上又有新人番工) 攪到一早六點幾就醒左訓唔番. 不過好好彩今日總算有驚無險準時收工. 但係又唔知攪乜鬼, 收工後越o黎越唔舒服, 又肚痛又想嘔! Too bad! 放假先黎唔舒服…
19 Jun 因為唔係好舒服, 所以訓晏左. 之後煮左小小野食就同公公&B媽入長州行下沙灘, 食海鮮. 因為要回家照顧卓琳豬的關係, 所以趕搭七點船番屋企啦!
20 Jun 朝早都無事嫁, 但下午開始又頭痛又肚痛又勁想嘔! 頂唔順終於崖三點幾走左去睇醫生. 夜晚去左 ”好彩” 今次係親戚們同表哥表嫂Farewell. miss u..... .... ... .. .
21 Jun 仲係有D唔舒服, 只好頂硬上... ~_~

So Sze Wong

公公間餐廳上電視呀! 可惜佢遲番屋企睇唔到正場, 唯有係第二朝睇重播啦!

Happy Birthday to Fanny!!

16 Jun 07 (Sat)

Happy Birthday to you, Happy Birthday to you,

Happy Birthday to Fanny, Happy Birthday to you!!

祝你生日快樂, 心想事成, 身體健康, 開開心心!! ^0^

驚恐症

老媽叫我今朝番工前去醫務所同老爸掛號睇醫生. 之後醫生判斷老爸患有驚恐症 ... .. .
我老爸大男人, 又固執, 又越黎越自我, 可能又怕我地擔心啦! 有咩事都收收埋埋, 成日又緊緊張張, 可以講無事忙, 但食餐飯都急過人... anyway希望佢食左藥後會好D啦! Bless him!

兩年了...

時間過得好快, 不經不覺已經係呢間公司做左兩年啦! 希望以後一切都順順利利, 再無咁多面色睇啦! 因為真係好難頂嫁! >_<

aLL tHE bEST !! ^_^

出事啦

係公司今日繼續忙, 早上十一時許剛番到自己坐位時收到公公的電話, 說老爸係屋企暈左! 再聽番留言, 原來妹妹打過比我可惜我剛走開了! 幸好, 公公已經坐的士回我家中代我照顧他們. (公公! 我真的很愛你, 很感謝你!) 之後帶了老爸去醫院檢查, 真是令人擔心. 現在老爸和妹妹仍在醫院... I just worry in the office... (因為Head Head請左假! 對唔住呀..... .... ... .. .)

Head Head 放兩日假, 基本上她放假我都要 backup 佢D工作. 今次亦不例外, 呢兩日老細不停吩咐我做野. 久遺了秘書的Job Duty好幾年啦! 幫老細安排車, 安排接載, 安排午餐, 安排會議, 零零碎碎的工作 ... 今天令我重拾了一點舊回憶...

瘀事

8 Jun “某朋友”發生件瘀事, 事原係佢叫我放左工後陪佢去配眼鏡比D意見, 咁晚飯後就同佢去左眼鏡88啦! 試左好幾副都唔係選邊款好, 之後個Sales比左副差不多款式但送埋太陽鏡片比“某朋友”試! 都唔錯呀, 最後“某朋友”就拍板買呢副啦! 之後大家就勁無聊咁咪叫個Sales比D名牌太陽眼鏡比我地試下囉! 跟住瘀事就發生啦! 我試帶完幾副, 之後pass就比“某朋友”再試帶啦! 之後我地當然運吉比番個Sales 放回原位啦! 但呢一刻個 Sales 停左, 之後好尷尬同“某朋友”講 : [小姐,個價錢牌係你隻耳仔度呀!] “某朋友”仍然蒙然不知, 後來才醒覺個價錢牌係佢耳仔同頭髮之間, 之後只有傻笑啦! 超勁瘀!! ^0^
9 Jun 醫院叫去睇報告同接爸爸出院, 由於公司太忙 (就係今日就有五個人唔做啦!) 所以請唔到假去醫院, 唯有由B媽同B爸代勞. 好好彩, 醫生話老爸無事喎! 不過遲啲要再check下有無變化! 好彩!! Thank God!!
今日都好豐富…
早餐 : 蛋沙律三文治 + 維他奶
午餐 : 元氣sushi + 綠茶 + 朱古力
晚餐 : Pizza Hut + 可樂
宵夜 : 合味道杯麵 + 檸檬茶
10 Jun 個個weekend都落狗屎, 有無攪錯呀! 又再一次人字拖隊殺出九龍灣再去旺角攞野, 原本諗住去新商場行下但由於時間關係取消左呢個行程, 唯有下次再去過啦!
今日又好豐富…
早+午餐 : 車仔麵 + 凍央
High Tea : 吉野家牛肉飯 + 可樂
晚餐 : 和民 + 熱茶
宵夜 : 餅乾數片 + 檸檬茶
11 Jun 一早番到公司好多驚訝事發生, 首先見到棵Marie植物終於有起色啦! 成長左好多好開心呀! ^0^第二樣就係今日自己部門有三個同事放呀! 好彩最後攪錯左, 只有兩個吧! 如果唔係就做死我啦! 一早就比人嚇死左 ~_~ 今日Head Head 放假又有新人番工, 都未安頓好之後老細又叫我做乜做物. 我魂魄都未番齊, 最後唯有認衰女問多佢一次囉! 不過老細份人對我都無乜野, 無所謂啦! :-p 公司大換血, 好多人走呀! 今日又一個啦! 今日好忙 D時間都過得特別快… ^0^

好耐無打好長的blog 啦! 怡家打中文打得快左, 識得打好多字啦! 真開心!

七公主的聚會

兩個字 "開心"! 真係好耐無咁齊人去聚會啦! 大家個樣都無乜變, 之不過... Jo瘦左d, Fanny ... 肥左吧! 大家好開心, 食 pizza, 影相, 交換電話, 大家有傾有講有笑好嘈! 真係好難得的聚會!

六月

3 Jun 與海哲的約會. 哈哈! 收手信的時間!! 同埋公公&Ｂ媽去收手信, 真係開心! 亞海真係好有我地心咖, 買左好多Marie野比我! 文具啦, 膠袋, 紙扇, 小食, T-shirt … 公公同Ｂ媽都有份咖! 多謝晒! 鍚晒你... 不過食番多D野啦! 你就黎得番個頭咋! 咁瘦!!

我老爸早幾日去左醫院 refer 的私家醫生到做埋個電腦掃描, 都仲係未 check 到個肺有咩事. 今天佢又要再次入院, 預備明天要做個抽組織測試. 要用支約7cm長的針, 拮入個肺到抽組織! 多麼的恐怖! 如果一次唔成功, 仲可能有第二次呢! -_- ~~ 心都寒埋~~







但願他 . . . 平安無事 (雖然可能性極低) . . . 願主祝福老爸