第一次姊妹聚會

今日晏左小小起身, 好彩趕到班車, 又撞到表弟可以打尖有位坐.

'亞妹同事' 終於都病完可以番工啦! 不過我就越嚟越無心機番工啦, 一來公司士氣唔好吧! 今日有一個同事走左, 另外明天又有兩個人走, 今日再收到料下個月又有兩個人走! 何來有士氣呀! 另外當然係因為要攪自己大日子的野, 好煩好忙又唔係太順利, 攪到個人好鬼down好鬼無mood.

不過今日都好開心呀! 因為終於等到第一次姊妹聚會啦!

地點: 加連威老道一間上樓兼有三隻狗的Cafe

人物: CH, PF, 海哲, 豬豬 & 豆豉我媽咪

今次雖然唔齊人, 不過幾隻小鬼有傾有講都好開心, 希望大家錫住我地唔好玩咁盡啦!

其實我都好似係第一次去cafe吧! 環境算不錯啦! (最可惜有我怕怕的狗狗吧!) 食物飲品都ok, 價錢都算公道. 最後我地傾到成點先走潻! 多謝晒大家的幫忙&意見(即係嗰啲鬼主意)! 又要大家出錢又出力, 真係十萬個多謝同感激! 多謝大家比面! Thanks! 小女無以為報, 唯有下次見面時一人一個香吻啦! 哈哈!

... zzzZZZ 又係時候瞓覺覺豬啦, 明天約班舊同學仔出嚟派帖! 加油!! 再一次多謝各位支持! Thanks!

病病地

25 Feb (Mon)
亞妹同事病左, 食物中毒! 希望佢快啲好番啦!
今日開始派帖比同事, 真係好鬼尷尬唔知點咁! ~_~
原本諗住放左工去做Facial, 不過下午開始覺得有啲唔舒服就身骨痛, 放左工先去登記睇醫生. 等左好耐最尾食飽飯後排到成九點幾十點先輪到我睇!

26 Feb (Tue) Half day sick leave
都係好唔舒服, 請左早上半日病假休息. 打比亞妹同事先知佢入左醫院, 所以晏晝我一定要番工啦!
放工後去左Head Head 屋企參觀佢新居, 真係好清潔好整齊呀. 我地仲係佢屋企開埋party先走, 比起我預期的開心!

Oh my blog 之月刊!

Oh my god! My blog 由最初每日update 變成每星期update, 都今時今日差不多變成月刊每個月先update! 其實我每日都有打blog, 不過真係無時間update 上嚟吧. 唔信? 就比大家睇吓我上幾星期做過啲咩啦! 回想起…

11 Feb (Mon) 初五啟市
放完悠長假期的假期啦! 今日要番工啦, 一早只有千萬個不願意唔願起身! 不過因為同事C & 同事R放假, 所以一定要番工! 頂硬上啦! 今日lunch 一齊出去酒樓食開年飯, 多人到好似唔洗錢咁! 可能今日都幾多野做的關係, 時間都總算過得好快.好景不常, 又同公公再一次因為個“黑人憎離婚食屎痾飯PK賤格害人精”而炒飯! 真係值得咩?　佢個賤人有咩資格去教人呀!　只係識食屎, 攪到個女成隻豬咁肥, 好心啦! 自己食屎食飽佢啦!　又無朋友, 仲要人當佢係大老闆好老豆咁拜呀, 食屎啦! … 攪到赤口都未到就要鬧人. 賤格!算啦! 唔想炒都炒左啦, 算啦! 不過當時我真係好唔開心好慶! xyz%$^*(%#+

12 Feb (Tue)
in office ~ 同事C & 同事R繼續放假, 繼續努力工作.多謝你早番左小小嚟氹我! (雖然係小小嗰十五分鐘, 不過都已經好足夠了) 希望你唔會再比啲無謂人傷害我地啦!

13 Feb (Wed)
兩位同事終於都放完假啦, 可以鬆一口氣了! 不過holiday mood 仍然纏繞住我, 好眼瞓呀!放工後去左買野預備份情人節禮物! 番到屋企食飽飯要去公公屋企餵兩隻小狗, 因為Paul婆成朝出左街, 小狗無水飲無野食. 之後就趕去七姨婆家攞野再急步歸家預備禮物, 好成功呀! Yeah!!

14 Feb (Thu) 最後一個單身情人節
am ~ 普普通通的番工, 雖然今日無慶祝節目, 不過一心諗住可以準時走啦! 5:30pm熄左部電腦, 忽然Head Head 走左過嚟叫我明天10:00am前交個Report比佢, oh no! 個report 係要做番上兩年啲record, 聽日嗰一個鐘點嘔比佢呀? 最終都係開番部機死死地氣OT去做. 好彩"亞妹同事" 約左人未夠鐘幫下手.番到屋企過左一個普通簡單的情人節, 送左份親手整甜到漏的朱古力比公公.

15 Feb (Fri) Happy Birthday to 卓妍BB
細細個今日生日呀! Happy Birthday! 祝願你身體健康, 快高長大, 活活潑潑!一早番到嚟趕埋個report比Head Head, 趕好後請左兩個鐘去body check, 等左個幾鐘, 見醫生就只見左十分鐘. -_- 答案係六個月後再去多一次.
今日準時放工, 之後公公陪左我去東海堂買左個可愛豆豆蛋糕比細細個, 個豆豆蛋糕真係好可愛好似卓妍豬咖, so cute!

16 Feb (Sat) Last Month
進入最後一個月啦! 開始有小小緊張, 最擔心的莫過於係人數方面.嚟緊仲要攪過大禮, 頭髮, 塊面, 手指甲, 衫, 裙, 酒店, 遮, 鞋, 褂, 車…心情進入不穩定狀態時好時壞難已控制. 放工後去左見姑娘問攞藥啲野, 點知等左成個幾兩個鐘又係徒勞無功而回. 心情即時跌落谷底, 越心急越唔得, 好彩有公公趕嚟陪我. 多謝晒!

17 Feb (Sun)
今早同公公上左街市食早午餐, 之後去左參觀兩間酒店. 第一間上網時已見過, 所以係預期之內, 去到第二間可能我地一心都唔會揀呢間, 不過入到去 … 話! 真係有啲意外驚喜好surprise! 不過面積比起第一間小左一半, 價錢又貴多小小… 都係諗多日先啦!之後去左公公的公司print 野, 開頭print得唔係好順利. 不過之後熟習左好好多了.跟住再約埋豆豉我媽咪, 卓琳豬, 豬契媽, 豬契爺&細佬去左太子買野. 再去左九龍城食泰國野, 好味!

18 Feb (Mon) No Monday Mood
今日竟然無乜Monday mood 喎! 奇怪!放工後去左見談醫生, 好野! 終於成功攞藥! Yeah! 超開心! 烏龜婆婆仲打尖同我一齊入去睇. 現在成屋都係病人, 烏龜婆婆同兩隻豬仔, 豆豉我媽咪又開始喉嚨痛, 小心小心. 希望大家快啲好番, 個個都身體健康!!

19 Feb (Tue)
Head Head 上左廠Freedom!! 不過次次佢唔係公司我都會比平日忙, 無所謂啦! 忙的時候時間會過得快啲.放左工後去左惡死姨婆屋企為卓妍BB開Birthday Party, 好多野食呀! 我代卓妍豬多謝各位咁賞面光臨, 多謝你們的禮物!

20 Feb (Wed)
前幾send左啲Email比人約食假同派炸彈, 回覆比起我預期的差不多. 因為時間緊迫的關係, 今日開始打電話confirm 下先, 成日就係咁不停打不停重覆講同一段說話. 越嚟越覺得時間唔夠用… worry… …放工後去左做facial… 烏龜婆婆仲帶埋兩隻豬仔嚟表我潻, 真係難能可貴!

21 Feb (Thu) 過大禮
今日下午請左半日, 之後同左公公去銀行攪野. 攪完野公公就番屋企預備, 而我因要回避的關係, 所以落左去頂豆豉我媽咪. 聽聞大家都係無乜經驗之下尷尷尬尬地完成左呢個儀式啦! 多謝各位親朋戚友的幫忙! 跟住我地改變計劃去左Wendy's 攪裝修之後去左好財擺兩圍, 不過公公要係屋企食飯唔出席...

22 Feb (Fri) 好慶的 Friday!
今日同同事出去飲茶farewell 兩個將會走的同事, 最唔想的離職潮又開始啦?
晏晝confirm酒店booking, 發現酒店方面出錯, 比我丙死佢地! 經過一輪電話火併大戰, 最終以大約50%discount作為補償! 不過真係激死左啦! 下星期仲要親自去多一次免出錯. -_-
今晚再去公公的公司print 野, 順便買左宵夜去同大家一齊食! ^_^

23 Feb (Sat) Short Week
按照原定schedule 已左烏龜婆婆去今早去銀行攪野. 晏晝帶左卓琳豬 join 埋公公去酒樓傾野. 過程順利, 卓琳豬的表現都好好, 好乖無摟計, 低錫! 之後三人行去左食我最愛sushi, 公公confirm可以放半日假! Yeah! 今晚可以一齊出去同嫦娥公公慶祝生日. Happy Birthday to 嫦娥公公, 祝你身體健康, 身壯力健,!

24 Feb (Sun) 大檬嫦娥公公
一早收到嫦娥公公電話, 佢唔見左條鎖匙! 唯有嘈醒公公幫手去換鎖, 攪左一輪去街市食埋個早餐終於攪到成點鐘先按原本個schedule 攞公仔同去亞豬到傾野. 今日出現過的人物: 豆豉我媽咪, 大蛇爸爸, 兩隻豬仔, 傻瓜姐姐, 海哲伴娘, Wilson叔叔, 群姨姨, 細佬 & 契媽媽!過程順利, 我地又可以盡情地試衫 hee… 今次仲比我揀到其他合心水的裙潻, yeah!之後去左攞公仔, 真係好靚我好鍾意呀! 再按原定計劃去左參加公公的公公大壽晚宴, 大家食得好開心. 祝公公個公公身體健康, 福如東海, 壽比南山, 長命百歲!
後記: 整左成朝換晒成屋的鎖大檬嫦娥公公竟然搵番條鎖匙, 不過太遲啦... 嫦娥公公壞嚟越大檬啦!

My Chinese New Year

2 Feb (Sat) 年廿六 之 年假開始了
九日長假期開始啦! 要好好enjoy 先得啦!
am ~ 終於可以懶懶閒瞓到好晏啦!
pm ~ 等公公番嚟帶埋卓琳豬去high tea
night ~ 公公可以早收小小, 去左超市買野煮野食

3 Feb (Sun) 年廿七 之 攞西裝
同公公首先出發去左旺角行吓街買吓衫過年, 好野! 公公買到見價值$49大元的新外套! 低!!
之後去左玩遊戲, 係旺角食埋個晚飯先出發去佐敦攞衫. 比我地見到有公公size的Nike 波鞋, 即刻買比佢! 太好了! 公公有新鞋新衫過年, yeah!! 之後去final fit+攞埋件西裝, 好型仔呀!!

4 Feb (Mon) 年廿八-立春 之 Body Check
同公公去左做body check, 大至上一切正常, 醫生只叫我食多啲野, 食多啲肉食多啲蛋白質的食物! 我會好好努力增肥咖啦!
之後去左哥哥度同公公一齊剪頭髮, 再趕番屋企食巴閉飯!

5 Feb (Tue) 年廿九
一早烏龜婆婆下令要帶細細個去睇醫生, 因為佢咳左成晚喎! 所以約左豆豉我媽咪一齊去, 因為又凍又落雨, 最終都係係屋企附近睇, 之後去左三上食晏, 食完晏豆豉我媽咪又要趕番工啦!
帶左兩隻豬同傻瓜去左公公屋企打掃! 因為兩隻豬仔好快就瞓左晏覺的關係, 所以整個過程都好順利, 公公仲番嚟幫手潻!
夜晚去左接公公收工仲同埋Dream & Hei 去左維園行花市! 比起預期中無咁迫人, 今年同往年一樣都買左棵桃花, 不過比起往年貴左小小啦! 好靚咖!

6 Feb (Wed) 年三十晚 之 團年
am ~ 公公番工, 我同豆豉買左個午餐飯盒一齊食, 不過時間的關係佢攞番工食, 我就係屋企食…
pm ~ 係屋企同兩老兩隻豬har har har
night ~ 一家人齊晒人十一個人一齊食齊齊整整團年飯! 飯後帶左卓琳豬去公公屋企同小狗東東&Yoyo玩之後join埋豆豉一家一齊去左CWB行吓迫吓+玩遊戲至凌晨先番家迎接新一年

7 Feb (Thu) 戊子年大年初一 之 Last time 以 single 身份逗利是
起身食過午飯後着新衫化行個妝去同烏龜婆婆同嫦娥公公拜年, 恭祝兩位老人家身體健康!
之後就同公公去左公公的公公同婆婆屋企拜年逗利是, 再去我婆婆同媽咪家拜年約埋今晚娛興節目~打麻雀. 食飽飯就即刻開始今晚娛興節目, 公公+媽咪+烏龜+小金舅母 戰局烏龜一個人慘敗三百大元! 不過大家一家人無乜所謂啦! 咁就過左一個開心愉快的大年初一啦!
今日總行程 公公家 -> 我家 -> 公公婆婆家 -> 我婆婆家 -> 我家 -> 公公家
今日總成績都總算逗左唔小利是啦! ^0^ 明天繼續努力! 加油加油!!

8 Feb (Fri) 年初二
公公今日要番工呀, 食過午飯後番屋企同豆豉一家食過麥當當外賣之後公公就番工啦! 跟住帶埋兩隻豬仔出發去大姨婆同七姨婆屋企拜年, 之後番屋企食飯飯. 食飽飯後豆豉一家出左去睇煙花, 而我同細細個就留係屋企陪兩老睇煙花. 之後再出去接公公收工, 跟住一齊番屋企玩完煮飯仔就瞓覺覺豬啦!

9 Feb (Sat) 年初三 之 打邊邊派對
同公公瞓到成點鐘先願起身, 之後去左食個燒味飯後去左金鐘攞野. 再去買埋禮物出發去田灣大蛇屋企打邊邊慶祝非洲可儀生日! Happy Birthday!
預備左好多野食又蠔又牛肉又菜又魚, 靚舅母佢地又買埋雪場蟹, 豬肉, 羊肉, 丸丸, 腸仔, 蛋糕…真係好多野食呀! 大家都食得好飽, 玩得好開心, 希望壽星女妳鍾意隻Pink Pink大豬豬同車厘子鏈鏈啦! 希望你們快快樂樂, 開開心心!

10 Feb (Sun) 年初四 之 長假期最後一天
前兩日已經同公公online 訂定飛睇 “魔法奇緣”早場, set 好個鬧鐘起身, 今次真係好唔願起身, 一來又凍二來假期慣左瞓到好晏, 不過又唔想浪費左張飛又唔想瞓到黃朝八晏浪費最後一日新年假期, 所以最終硬住頭皮起身梳洗出發去食早餐再去睇戲. 講吓套戲先, 都唔錯咖! 不過就短左啲啦, 都幾好笑個結局仲係我意料不到潻! 原本諗住睇完戲之後去東涌行下, 不過係睇緊戲途中收到嫦娥急call話屋企個電視壞左. 但經公公檢查後正實certified 左, 無得救. 之後公公借出家中小電視包安裝仲順便整埋啲電制攪到成三點幾四點先出發去東涌行街. 上車前去左食個燒味飯先! 東薈城真係全部都係outlet, 比我地見到有公公size又平又靚的Adidas 波鞋, 所以破傳統習俗我地最終都… 唔好話比啲老人家知呀! 晚餐決定番嚟食三上!
無啦!!! 番到嚟online打下機打下blog又係時候覺豬啦! 開心的時間過得特別快, 明天又要早起番工啦! 唯有期待下次的假期來臨啦!

新一年再一次恭祝各人 身體健康, 心想事成, 萬事勝意, 學業進步, 生意興隆, 一本萬利, 財源廣進, 出入平安, 事事順景, 龍馬精神, 快高長大, 波運亨通, 開開心心, 工作順利, 開工大吉!! All the best!!

遲來的Blog

因為太忙又懶, 所以又再一次遲來了的 oh my blog! ^_^

22-24 Jan
唔開心的野唔想多提, 總之呢幾日同公公炒飯係, 不過好彩最後我地都可以無事. 希望我地大家可以作出最大體諒, 最大的忍耐. 但願炒飯可以遠離我們.

25 Jan (Fri)
終於Happy Friday 啦! 不過今晚公司洗地毯要同"亞妹同事"留係度看守. 一開始大家都好雀躍係度諗今晚的晚餐食乜, 不過最終都等到每層樓都清洗完先食 (即八點幾九點先開餐, 勁肚餓!) 坐番係自己個位食, 我地大家仲好開心好開懷地傾計! 真係好開心, 不過當我知道左個消息之後… 真係有啲失落. 期待着好消息的來臨.
之後去左搵公公等佢收工, 再去食個甜甜蜜蜜二人世界打冷宵夜. 不過由於食飽左無耐, 再加上今日勁搬搬抬抬攪到勁倦無乜胃口, sorry呀! 之後趕番屋企覺覺豬…zzz ZZZ

26 Jan (Sat) Bored Short Week
一早起身同公公去左大快活食早餐, 之後就番左屋企同兩隻豬har係屋企, 之後靚舅母接左大B去街, 而我就帶埋細細個陪婆婆去剪頭髮.
夜晚去左接公公收工, 之後同埋佢啲同事一行七人去左食韓國燒烤… 都唔錯呀!

27 Jan (Sun) 魚腩伯伯Birthday Dinner
每年一度魚腩伯伯大壽, 成個家族一齊去左好彩食飯. 一年一度的大團聚!

28 Jan (Mon) Annual Dinner
公司一年一度晚宴, 大約五點多一行四人先出發去左酒店預備! 今年一切化繁為簡所以好快開場好快收場! 成晚都總算好順利, 我地個部門九個人之中七個人都抽到獎! 而我? 總算好好彩抽到成晚最後一個獎先抽到我, 真係一額汗! 獎品係由我老老闆送出的金錢吊咀一個! Hee…

29 Jan (Tue)
雖然尋晚 Annual Dinner 唔係攪到好夜, 不過今朝個人好倦無乜心機. 所以成朝都係度Har 吓Har 吓… -_- 好彩食完晏之後心情好番好多, 又開始忙着派獎. 所以時間都好似過得特別快, 好快可以收工啦!

30 Jan (Wed)
收到電話啲相可以提早去攞啦, 所以公公特登抽左啲時間等埋我收工一齊去攞.
5:30pm ~ 帶住開心又興奮的心情一齊出發, 不過…喺… 有啲野出錯左呀, 忽然間心情跌至谷底. 知道係自己出錯更加無話可說…算啦, 我會諗辦法解決佢.
8:00pm ~ 之後就係抱住呢個心情同公公去左吉野家食飯
8:30pm ~ 食飽後就同公公分道揚鑣, 佢番工 我番家
天下着密密麻麻的毛毛雨, 一個人攞住沈重的戰利品歸家, 剛巧碰上梁國雄(長毛)坐在我旁,伴了我這個沈重的車程…

31 Jan (Thu) Head Head on leave
心情都未平恢復過來, 仲諗住今日Head Head 放假又可以har吓啦! 又再一次証明佢放假我一定忙過平時的定律! -_-

1 Feb (Fri)因為比公司打劫的關係, 所以今日係放CNY假期前的最後一個工作天, 只見各位同事拼命地趕工作. 今日Head Head 請食團年飯, 食飽飯har多陣就收工啦! Yeah!

另外, 我正在趕緊之後幾日的blog, 在此預祝各位新年快樂, 心想事成, 事事如意! ^0^