2007 Last Blog

25 Dec (Tue) X'mas Day

原本今日下晝諗住同帶兩隻去搵公公, 不過因為懶再加上去左Wendy's試衫. 所以最終係公公番左嚟搵我同卓琳high tea. 咁啱high tea 時見到靚舅母一家, 所以最終卓跟左佢地去街. 而我同公公就可以去晒相.

晚飯後同左豆豉我媽咪同卓妍豬去接公公, 之後番屋企交換左大細B再出發去公公屋企同哥哥&哥哥GF&哥哥GF’friend一齊打邊爐. 玩到成三點幾先瞓呢!

26 Dec (Wed) Boxing Day

公公今日可以放下半晝, 所以帶左兩仔豬去搵公公食sushi. 卓琳豬已開如認得路啦, 去到Pacific Place時已知上面係香港公園啦, 所以帶左佢去玩水同吹波波.之後帶佢地番屋企, 再同公公二人世界去左旺角行街街, 夜晚食亞叔車仔麵. 今日公公有收穫呀, 買左幾件冬天衫 Yeah!!

27-28 Dec Head Head on Leave

今日開始Head Head 放假至明年在初, 仲諗住可以好free 啦! 不過一如以往一樣當佢放假時一定多突發事件發生, 加上又要招呼兩位老細+老太太所以一定比起平日忙. 不過總算有驚無險地渡過.

29 Dec (Sat) 遮打花園遊

一早同公公去食過早餐, 之後番屋企小睡左片刻連午飯都無食到.之後BB一日遊的時間啦! 係佢地仲未洗番學時帶佢地去多啲街街啦... 之前因為攪Project搵番啲舊相, 見到自己細細個時成日去遮打花園. 忽然好想帶BB去吓, 順便可以懷勉一下. 首先去左皇后像廣場, 見仲有聖誕佈置就影下相啦! 之後再去遮打花園, 好靚好乾淨人又唔多, 又再影相先. 不過就係呢個時候卓琳豬唔小心跌倒呀, 擦傷左右眼+額頭. 嚇死我, 之後唯有買左杯雪榚先肯完全收聲. 心痛死我呀! 再去匯豐銀行影獅子, 之後番屋企啦. 兩隻豬仔又倦到係車瞓左啦!

今日大蛇爸爸生日, 等埋公公收工一齊去食打冷. 估唔到今次烏龜都參與吧! 真開心 ^0^

30 Dec (Sun) Painting

終於"的"起心肝決定今日一早起身油油, 不過一早比楷楷個助手嘈醒要公公趕份menu 比佢. 所以同公公&Paul婆去左大快活食過早餐後就的士來的士去陪公公番工. 之後就趕番屋企開始油油了. 由中午一點多攪攪攪,搬出搬入. 一攪攪到夜晚十一二點, 真係估唔到一間房仔可以放到咁多野!

31 Dec (Mon) 大除夕

係Head Head 放假之前己問過今日除夕夜有無得放早, 佢好肯定答我 "無". 攪到我勁失望.不過今早老細係房行左出嚟叫我出個email比全世界話可以收四點, 哈哈! 好開心呀! 總好過無!

New Job Duty

20 Dec (Thu) New Job Duty
今日要接手Head Head新安排的工作, 好大壓力呀! 事關佢係一個極完美主意者, 每件事都要合符佢的心意真係唔係咁容易… 真係好大壓力呀!

21 Dec (Fri)
in office ~ 繼續係好大工作壓力的環境下默默低頭工作, 攪到有啲頭痛.
at home ~ 兩隻豬仔都唔係好舒服要食藥藥. 將啲藥放左落卓妍BB啲milk milk 度, 所以都叫做食晒啦! 至於卓琳豬… 真係大project 囉!

22 Dec (Sat) 冬至
am ~ working in office
pm ~ 收左工就即係趕番去魚腩伯伯屋企接番兩隻豬仔, 因為烏龜婆婆去左開工呀! 之後非洲可儀上左嚟再帶佢去左哥哥到電髮, 而我同埋兩隻豬仔&傻瓜去左公園玩吹波波. Then join 埋嫦娥公公&我的最愛公公去飲下午茶.
night ~ 今晚做節, 一家人一齊食飯… 不過公公要番工而缺席. 今晚同左公公公司同事一齊出去食飯做節, 好多人呀! 食得好開心, 玩得好開心, 之後仲去埋唱K潻, 攪到成四點幾先留屋企. 真係盡興而回吧!

23 Dec (Sun) Sister Dress
am ~ 同Paul 婆&公公飲完茶後
pm ~約埋Jo Jo, Rachel, 豬豬, 豆豉我媽咪 & 細姨媽 去揀衫試衫買衫, 原本諗住可以係亞豬度勁試衫, 不過今日太多客人啦! 所以未能盡興, 仲唔記得幫媽媽影衫潻! 希望下次大家都得閒可以一齊去啦!
night ~ 同海哲食吉野家, 之後去左TST影相相. 好大風, 好開心!!

24 Dec (Mon) 平安夜
勁多同事放假 Jealous!! 今日先知可以提早收四點, 總好過無啦!
Down… 係食晏前收到個壞消息, 公司會由年廿六至年初四放假, 不過每人都要扣起四日大假! 有無攪錯呀! 打劫呀! 怨聲出現於公司每個角落, 不過無人敢同老細講出聲. 唔通真係要默默接受? 唔公平呀, 公司打劫!! =_=

Book 時間

14 Dec (Fri)

可能係星期五的關係, 心情終於可以平復啦!

15 Dec (Sat)

am ~ 今早要同烏龜婆婆去醫院做測試, 所以一早同公公&烏龜食過早餐後就各自出發. 真係估唔到今次測試會咁快唔洗15分鐘就走得!

pm ~ 相約左公公帶埋兩個BB去公園玩吹波波. 卓基幼稚園今日開放日, 所以頂左豆豉我媽咪一陣等佢帶卓琳豬番學, 隻豬仔有得去學校玩不知幾開心!

night ~ 豆豉一家要返去田灣開party, 所以又要幫豆豉我媽咪頂舖.

16 Dec (Sun)

am to pm ~ 同公公&Paul 婆去飲茶, 而豆豉我媽咪帶左卓琳豬去join靚舅母. 之後同公公接埋卓妍妹妹一齊join埋豆豉我媽咪行大古城.

night ~ 公公要去飲宴, 剩下我們三個join埋大蛇一齊行吉之島. Dinner 買左牛扒番屋企食

17 Dec (Mon) Book 時間

仲早過番工起身, 一早梳洗完後就同公公出發去金鐘攪Project. 過程順利, 時間都係我們預期之內. 之後去左灣仔飲早茶再攪Project, then 去左加洲紅換領禮品. 我地仲順便係嗰度唱埋個Lunch K潻! 唱到四點鐘再由灣仔掃落去CWB買禮物, 之後番左屋企再去修理埋公公副眼鏡再搭車去上環食吉野家again. 今日真係多姿多采!

18 Dec (Tue)

in office ~ 一早番到公司先嚟送晒先前買的禮物比各同事, 等大家都開心下先呀嘛! 因為放完假的關係, 所以今日都幾忙. 時間都過得特別快, 太好了.

at home ~ 晚飯過後超頭痛又咳死左, 再加上炒飯, 喺~~ 真係瞓得快好世界

19 Dec (Wed)

am ~ 一早起身見仲有啲頭痛, 好有衝動想請病假. 但天使打贏了魔鬼,所以最終都係番左工.或者今日無請假真係無錯的, 今日被老太召左入房收一年一度禮物. 好開心呀, 估唔到有得收! 早幾日我老媽子先剛剛提起唔知今年有無呢 ^0^今日同Head Head做埋個一年一度Appraisal, 都係咁啦! 無咩特別, 順便正式同佢講埋我個大Project囉!

Ocean Park

9 Dec (Sun) Ocean Park
因為嫦娥公公想去海洋公園行下, 所以plan左今日一家大細加埋大姨婆一齊去行下玩下.
一早起身飲茶, 之後就出發啦! 因為有大又有細, 所以沒有玩激烈的機動遊戲只係到處參觀參觀吧! 不過一家人在一起真開心!

10 Dec (Mon) 
今日兩個同事放假, 攪到自己超忙. 一時忙死, 一時得閒到死. 今日仲要比某同事串, 激到我頂唔順…最終真係忍唔住…勁樣衰

11 Dec (Tue) 公公 X'mas Gift
放左工有公公接收工再送我去搭車, surprise 收到你送的兩份禮物. 今個聖誕真係暖, 我會成日掛住佢咖啦! Thanks!
之後去左Wendy’s頂左豆豉我媽咪一陣, 等佢可以試下好耐無試過一家人食飯的滋味.一間舖一個人 so free ~~~

12 Dec (Wed) 打邊爐
Night Time ~ 約左CHPF, 豆豉一家去左惡死姨婆屋企打邊邊, 公公仲收早左可以一齊食呢! 好熱鬧, 好開心

13 Dec (Thu) 鬧情緒
今日自己鬧情緒, 好down 好灰 唔想講野…

上星期回憶錄

好開心連續放四日假, 過得都好充實.

1 Dec (Sat) 香港公園之旅
早 ~ 同公公食早餐後, 去左join埋兩豬, 豆豉我媽咪, 婆婆, 伯伯&大姨婆一齊去飲茶.
午 ~ 執齊行理帶埋兩隻豬&傻瓜去金鐘, 因為相約左公公一齊去香港公園, 出發前去麥當當食個tea先. 香港公園都同BB去過好幾次, 不過今次無得玩水水 (因為天氣凍怕冷親) 而今次係第一次同BB去觀鳥園. 卓琳豬都不知幾興奮, 回程途中已倦到睡著了!
晚 ~ 發覺開始有D唔舒服流鼻鼻, 同卓琳豬瞓係床上玩NDS. 佢見我抹鼻鼻時, 我好surprise 佢同我講 “姨媽媽你唔開心呀?” 吓? 乜你咁細個人仔都識講呢啲野咖, 咁鬼老積!

2 Dec (Sun) 煮飯仔
早+午 ~ 起身同公公食左個2合1早午餐, 就去左街市預備今晚的晚餐啦!
午 ~ 陪公公參加四方城, 好彩有驚無險最終贏小小收場!
晚 ~ 晚飯過後, 同豆豉我媽咪&公公帶埋兩隻豬去左CWB行街街

3 Dec (Mon) 登記
晨早 ~ 可能太緊張的關係, 尋晚瞓得唔係咁好而且仲發夢潻. 係呢度真係要再一次好多謝大家為我們要一早起身, 有勞各位!
早 ~ 忙完登記, 又要趕住去body check. 時間實在太緊迫再加上又塞車, 最終要係上環棄車(巴士) 改搭MTR去灣仔. 全程跑跑跑好彩趕到吧! 之後同公公去左茶樓飲茶, 勁攪笑! 飲飽食醉後就同公公去攪Project 啲野, 過程順利!
午 ~ 攪好晒同左公公去CWB 行街, 午餐變左同公公去和民high tea. 食飽後越嚟越唔舒服, 可能一早體力透支的關係吧! 最終同公公去灣仔買完餸就回家了.
一番到去就瞓, 公公就去預備晚餐. 之後等埋哥哥, 哥哥朋友, 豆豉我媽咪&卓琳豬就開餐啦!

4 Dec (Tue)
早+午 ~ 起身同公公又去食左個2合1早午餐!
午 ~ 因為婆婆要番工, 所以今個下午要照顧兩隻豬仔! 同公公&傻瓜帶左兩仔豬去左公園玩左一陣, 再join埋大姨婆去左high tea. 之後就回家午睡.
晚 ~ 同公公去左Mongkok行下街食下飯就番屋企覺豬

5 & 6 Dec (Wed-Thu) Busy in office
放完假番到嚟勁忙, 所以時間都過得特別快.

7 Dec (Fri) Sick
其實今個星期初已開始有啲唔舒服, 終於忍唔住啦! 所以早走左兩個鐘去睇醫生.

8 Dec (Sat) 豆豉我媽咪sick too
放公後自己一個去左灣仔行街街, 之後去接公公. 今日豆豉我媽咪今日唔舒服呀, 所以同公公一齊去落去舖頭幫手.

待續...